راحت روحي من محجر عيوني ..بقلم معاني

[معاني]

رد : راحت روحي من محجر عيوني ..بقلم معاني

((7))

بعد ما عهود نزلت من سيارة سعاد..وسعاد وصلت البيت ..جافت ناصر يترياها عند بيتهم..فـ ركبت معاه..

سعاد امسويه عمرها زعلانه..شغل ناصر السيارة من غير ما يرمسها..سعاد اطالع الشارع تبا اتعرف وين بياخذها ناصر هالمره..

سعاد"تطنز": عادي خذني البحر تعودت ع هالمكان.
ناصر: ادريبج تطنزين..و الله لو قلتيلي خذني برج العرب باخذج..

سعاد"تضحك" فديتك ادري انك ما اتقصر..صدقني عمر المكان ما يهمني كل الي يهمني انت..وبس..

وقف ناصر سيارته..ع جنب الشارع..طالعته سعاد يشيل كيس من السيت الي وراها..

سعاد: شو هـا..
ناصر: افتحي الجيس..

سعاد تفتح الجيس و اطالع ناصر..شهقت يوم جافت طقم ذهب بين ايدها..
ناصـر: شو رايج..

سعاد" تستهبل" حق حرمتك..
ناصر"مضايج" يعني لازم اتنكدين علينا..جم مره قلتلج لا تطريها يوم نكون ويا بعض.."تتغير نبرة صوته" هذا لج حبي..

سعاد"اونها عندها ذوق" لا لا حبيبي ما اقدر اخذه..
ناصر: الظاهر ياه دوري اني ازعل..
كانت سعاد بترمس ناصر قاطعها..
ناصر: هذا لج و اذا ما خذتيه صج بزعل منج و بقطعج..

سعاد: اتروم تقاطعني..

ناصر"متعذب": و الله ما اروووووووم..

**
و في يوم الامسية ..يلست عهود في الصف الاول و كانت متنقبه..اطالع مايد ..و كانت تتغايض يوم اتجوف البنات يمصخونها..و يصارخون و يعلقون عليه..

و الاكثر كان يسوي في خاطرها يوم اجوف مايد امنزل راسه .. و يضحك من تعليقاتهن..

بس بادخلها ..انسانه طايره من الفرحه..يوم اجوفه يدور عليهـا من كل الموجودين..اكيد ما بعرفها..لانها متنقبه..

بعد ما خلصت الامسية....حاولت عهود تجرب من مايد بس زحمة البنات ..خلتها ابعيده عنه..رن موبايلها..

مايد: وينج انتي ليش ما ييتي..؟؟
عهود"تضحك" انا هني حبي..انت وينك عشان اييك..

مايد: انا فـ السياره تعالي لي..
سارت عهود.. وركبت سيارته..
مايد"يطالعها" هـا يعني هاي انتي ليش متنقبه..
عهود"اتشيل النقاب" اخاف حد من بنات فريجنا يجوفني راكبه معاك.."تتطنز" طالع ورا ما شا الله عيونهن بتطيح..

مايد"يضحك" :-انتي الي اتهمينــــــي من بين كل المخاليق

عهود"مستحيه" مب عارفه شو اترد فسكتت
عهود: وايد بنات يحبونك و ها الشي مخوفني ..

مايد: من شو يخوفج..
عهود"متعلقه عيونها في ويهه" اباك لي ابروحي مايد..

مايد كان بيرد عليها بس سكت ولاحظت عهود هالشي عليـه..

عهود"مصره": شو كنت بتقول..
مايد:- بالاول خليني اعزمج ع شي تشربينه و بعدين بنرمس..

عهود: عمري اذن المغرب ما اروم اتأخر ع البيت يلاا ارمس الحينه..

مايد: شو ..بس شويه اقعد معاج ما يسدني..
عهود"مب متوقعه جرئتها" ليش ما اتخطبـني شو تتريــــاا

مايد"يطالعها متفاجا" زين فتحتي السالفه ابروحج..
عهود"قلبها يدق بقوه" شو قصدك..

مايد: حبيبي انا ما اروم ارتبط فيـج هالشي مستحيل..
عهود وكانها انشلت من مكانها..
مايد: حبي صدقيني كل انسـان يحب يرتبط بالانسانه الي اختارهـا..بس ساعات الظروف اتكـون اقوى و اقوى..

عهود"ترمس بالغصب": ليش شو المانـع..؟؟

مايد:- انتي ما اتعرفين و من حقج اتعرفين..اني مريض بالقلـــــب و الاطباء قالوا مستحيل اتزوج..

نزلت دموع عهود ع خدهـا حست حرقه في قلبها عمرها ما حست فيها بحياتها..

مايد" منفعل" انا ما اقولج جي عشان اتصيحيـن بس اباج تعرفين الواقع و ما تبنين احـلام..

عهود"تهمس" عشان جي قلت القرار لج..
مايد: ما اباج تتعلقين فيني اكثـــــر..

عهود: ما ابا انا احبك و مستحيل اهدك لو شو صار..انا ما صدقت يا مايد اني صرت جريبه منك..

مايد: جي بظلمج عهود انتي ما اتعرفين شو اتقولين..
عهود"تمسك ايده" لا اتهدنـي كيف اعيش حياتي من دونك..انا ولا شي من دونك..

مايد"يحس يرمس من كل قلبه" فديتج عهود ما توقعتج هلكثر تحبيني..
عهود: الي بينــــــا مب شويه صح..

مايد"مرتاح" صح حبي..

**
مرت الايــــــام وزادت علاقة عهود بـ مايد..وخاصه بعد ما عرفت انه مريض بس كان عندها امل انها ترتبط فيه بيوم من الايام..

و بنفس الوقت كثر ما كان ناصر متعلق بـ سعاد كثر ما صار يهمل زوجته علياا الي دوم اتحـاول تكسب رضاه بس ناصر لا عايبنه العيب ولا الصوم بالرجب...

و من صوب سلطان..كانت يتمادى في تدخله في حياة عهود..و غير انه جمـال ما جافته الا كذا مره..و دوم يسوي لها حركات ..يخلي عهود اتعصب عليه..

و في يوم..كانت عهود تتريـا الدريول متاخر عليهـاا... و سعاد بها اليوم كانت غايبه..ولاحظت عهود ان سعاد وايد تتغيب عن الجامعه..

فكرت عهود الجامعه قفلت ابوابها و الدنيـا مطر..
طالعت ساعاتها جافتها اربع العصر..اتصلت بالدريول..
تساله ليش تاخر فقلها..ان السياره مختربه...ضاربته لانه ما اتصل يخبرها من قبل..

اتصلت بـ ناصر اخوها جافت موبايله مشغول ..حتى سعاد موبايلها مشغول.. و علياا ما اترد..فكرت تتصـل بـسللطان..

بس وقفت جدامها سياره ردت لـ ورا حست قلبها طاح في بطنها من الخوف..بس تطمنت يوم جافت جمال يعني شخص اتعرفه..

جماال: اركبــــــــي..
عهود: لاا اهلي بيوون الحين..

جمال: وين دريولكم...؟؟
عهود"مستغربه ما يسوي لها حركات" سيارته مختربه..
جمال: افــــــــاا..

حاولت عهود تتصـل بـ ناصر بعد مشغول..
حرك جمال السياره
جمال"يلوح ابيده" يلاا عيل انا رايـح حسبت بترقدين هني ع الشارع..

عهود:- لحظه لحظه "مستحيه" وصلنـي الظاهر محد فاضي لي..

جمال"يحرك حواجبه" من عيـوني..
عهود: اذا بتقعد اتسوي هاي الحركات السخيفه ما بركب.

جمال:- عيل بلااا بـــــااي..وتحرك
عهود:- خلاص خـلاص...

فتحت باب السياره الي ورااا و يلست..كانت خايفه..فتحت اللسته ع رقم سلطاان احتيااط اذا صار لها شي..

جمال: شو دريولج انا عشان تيلسين وراا..
عهود: تندل بيتـنا..
جمال:- اكيــــــــــــــــد..

شغل المسجـل و طول الدرب ساكتيـن ...اتروعت عهود يوم رمس جمال..
جمال: سلطان بجتلني لو عرف اني وصلج..

عهود: ما يخصه فينـي..
جمال :- يعني ما اتحبيـه..

عهود: لاا انا ما احب حد..."في خاطرها الا مايد فديته"..

جمال: عيل اتصدقين اني احبج و افكر اني اخطبج..

عهود"ترفع راسها معصبه" انت صج وقـح..
جمال: لا اتخليني انزلج من السياره..

عهود"معانده" نزلنـي شو بتذلنـي ع ها السكراب الي راكبتنه...

جمال" سيارتــــــــي سكـراب..عيل اتحملي الحين..
وضغطت ع البترول و سرع بالسياره..
عهود"تصرخ خايفه" لا تسرع اميييييييييييييه

جمال"يضحك" و عهود شويه و بتصيح من الخوف..حست انها بتموت خلاص وهي تسمع بريكات سيارة جمال..

فتحت عيونها يوم جافت عمرها واقفه عند باب بيتها..

جمال"يضحك" يلاا انزلــــــــي..
عهود"بعد ما نزلت من السياره" انت الميــــــــون "وصكت باب السياره بقوه.."

جمال"يصرخ" كسرتـــــــــي الباب..
و قبل لا تدخل البيت ..التفت لصوت هرن سيارة جمال

يودت عمرها يوم جافته يرفع خشمهه باصابعه..كانت بتنقع من الضحك..بس طنشته وصكت باب الحوي ..

ارتبكت يوم جافت ناصر جريب الباب..
ناصر:- ليش متاخره للحين.؟؟
عهود:الدريول سيارته مختربه دقيت لك مشغول..

ناصر: عيل منو يابج...؟؟

عهود"متردده اتخبره ولا"
ناصر:- منو يابــــــــج...؟؟
عهود: ربيع سلطان..
ناصر:- شو انتي تركبين ويا أي حد..
عهود: يزاه الله الف خير يو م وصلني البيت..

ناصر يجدم منها و يضربها عقت عهود كتبها في الارض.. كانت اتحاول ادافع عن نفسهاا..ناصر يالس يضربها بظهرها..

ركضوا علياا و ام ناصر ع صراخ عهود..بعد ما وقفت ام ناصر بالوسط.. و عليا مسكت ذراع ناصر..
ناصر:- من باجر ماشي جامعه و الله لاحش ريـولج اذا طلعتي برع البيت.. وها ويهي..

عهود"تصيح" ما يخصك فينـي انا مب اصغر عيالك..
يرجع ناصر يضربها.. و عليا و ام ناصر يحاولون يبعدون ناصر عن عهود..

اخرتها ناصر..دز عليا بعيد عنه..
ناصر: مليت من عيشه ها البيت كل مشـاكل..
ام ناصر"تصيح" اذكر الله يمه شفيك..

ناصر يطلع من البيت مضايج.. و عهود بحضن امها اتصيح..
عليا كانت تبا اتعرف السالفه ..مب فاهمه ليش ناصر يمد ايده ع اخته..

**
دشت عهود حجرتها اتصيح..اتصلت بـ مايد..مايد اتروع يوم سمع صوت عهود اتصيح و تشكي له بس مب قادر يقبض أي شي..

عهود:- مايد تعال اخطبنـي انا ما اروم اتحمل تسلط ناصر علي..

مايد"متألم" و الله حاس فيج حياتـي بس ما ارووووووم ما اباج تندمين..
عهود"تصرخ عليه" ما بندم انت ما تفهم انا احبك و اباك انت.."وتصكر التلفون بويهه.."

مايد: سامحيني عهود ما اقدر اساعدج .."يحاول يتصل بعهود بس ما اترد عليه..

**
ناصر ماسك ايد سعاد و يتمشون في حديقة صقر..حست سعاد ان ناصر شي مضايجنه..بس مب راضي يقول..

سعاد: قلبي حاس فيك..
ناصر: اول مره اضرب عهود جي..

سعاد"مستغربه" ليش.........؟؟
ناصر: راكبه مع واحد موصلنها البيت..

سعاد"ع بالها مايد" ليش وين الدريول..

ناصر: الحيوانه اونه الدريول سيارته مختربه.. و تلفوني كله مشغول فجافها ربيع سلطان خال علياا ووصلها البيت..

سعاد"في قلبها عيل لو دريت انها اجابل الشاعر شو بتسوي"

سعاد"تلعب باصابعها" حبيبي انت ما ترضى ع اختك..
ناصر:- اكيــــــــد ما برضى..

سعاد: حتى اهلي ما يرضون علي..
صدمته كلمات سعاد.
ناصر"محرج" شو ع بالج العب عليج..

سعاد: شفيك عصبت انا ما قصدي جي..

ناصر: عيل شو تقصدين..
سعاد: انت الحين معصب و انا ما اروم ارمسك..بس حبيبي امانه اتراضي عهود..حرام تراها ربيعتيه و ما ارضى عليها..

ناصر"يبتسم" قلبـج كبـير و ها الي عايبني فيج..

سعاد مستحيه و بنفس الوقت مبتسمه له..
**

وقت المغرب رن موبايل عهود..فقامت من الرقاد و اتحس جسمها متكسـر..

عهود"صوت ناعس" الــــــــــوو..
سلطان: ليش ها الحقير يمد ايده عليج و الله اكسرها له..

بطلت عهود عيونها مستغربه من صاحب الصوت بعدين عرفت انه سلطان..

سلطان:- ليش مد ايده عليج..
عهود: "تطنز"مسرع الاخبار توصل لك..

سلطان:- انتي شرات عليا ما ارضى عليهاا..

عهود"معصبه" عليا مالها حق اتقولك كل شي عنـي اوكىىىىى و انت مب ولي امري عشان تعصب و حالتك حاله .. اتمنى انك ما ادق مره ثانيه ترا لاعت جبدي منك.."وصكرت التلفون بوييه"

شويه وصل مسج من سلطان" دواج يوم كسرج عيل يا ليته قص لسانج بعد"

فرت عهود الموبايل...و سارت تتغسل..


طلعت من حجرتها ادور علياا..جافتها يالسه مع امها في المطبخ..

عهود: عليـــــــاا

عليا: صح نوم..
عهود: لو سمحتي هذي آخر مره ترمسين عني و توصلين اخباري لخالج..ترا بخبر عليج ناصر..

ام ناصر: شو صاير لج..
بس عهود طلعت من المطبخ و ما سمعت شو اتقولها امها..


فكرت عهود تتصـل لمـايد تعتذر منه..بس فضلت انها اطرش له ايميل...و بها الوقت دشت عليا حجرتها..عهود مسويه عمرها مب منتبه لوجود عليـاا

عليا: ادريبج مضايجه مني و زعلانه..بس انتي فاهمه السالفه غلط..

عهود: هذي مب اول مره..اوكى..

عليا: ما بلومج انج مضايجه من الي صار لج اليوم..بس ما ابا علاقتي فيج جي تستوي..

عهود: انتي الي متغيره حتى اخوي ناصر قام يطنشج..

يلست عليا ع الشبريه منزله راسهاا..حست عهود انها جرحتها...فقامت من مكانها و يلست حذال عليا

عهود"متندمه" انا اسفه تدرين بي مضايجه و ها خالج زاد الطين بله..

عليا"شويه بتصيح" عهود انتي من صجج اجوفيني اني السبب في تغير ناصر علي..

عهود: لا يشهد ربي قلت هالكلام عشان اضايج بج شرات ما ضايجتي بي..

عليا: بس انا ما قلت سلطان شي.. بعد ما طلع اخوج للحين اتصل به ما يرد علي..فكلمت سلطان يجوفه لانه امج اتحاتيه..و عموه "ام ناصر" هي الي حكت له كل شي..

عهود"سكتت شويه" انا اسـفه بس صج طفر بي و انا مب ناقصتنه..

عليا"تبتسم" ما عليج انا برمسه..بس جاوبيني انا بشو قصرت مع اخوج.

عهود: ناصر متغير وايد و الله يعينج عليه..انتي ابد مب مقصره معاه..و الله عليوووه ما كنت اقصد..

شويه و انفتح باب حجرة عهـوود..
عليا: ناصر عمري انت ابخير..
ناصر: اكيد اتحشون فيني و تتامرون علي..

عهود"اونها زعلانه"
عليا: لا حبي مفتقدينك حتى عموه اتحاتيك..

دش ناصر الحجره .. و باس راس عهود و اعتذر منها..وفهمها انه خوفه و حبه لها خلاه يفقد اعصابه..

و عشان يأكد لهم انه صج غلطان.. عزمهم باجر ع العشىى في مطعم القيصر..

طالعت عهود عليا بنـظرات..تقصدها ان ناصر يمكن رجع شرات قبل...

**


و في الجامعه ..عهود و سعاد يتمشون..
عهود: ما اتلاحظين كثرت غياباتج ..

سعاد: امم افكر ما اكمل..

عهود: ليش بتندمين ..الحمدلله ما عندج حد متسلط شرات نصور اخوي ماخذه راحتج و قراراتج ع كيفج..البارحه ضربني ضرب ..بس ياه و اعتذر مني.

سعاد"اونها ما تعرف السالفه":- مب من حقه يمد ايده عليج..

عهود: يلااا اليوم بتعشى في المطعم ع حسابه..

سعاد: اذا بروحكم بيي معاكم..شو رايج..
عهود: "تضحك" انتي اتعشى مع خطيبج ههههههه لا مب ابروحنا انا و علياا و امايه.

سعاد"تضايجت ليش يعزم حرمته..و بعد من غير ما يقولها ما عليه يا نصور
عليه ان ما اخليك اتييب لي طقم غيره يا ناصر.."

عهود: ونـــــــــاسه من زمان ما تعشينا برع..

سعاد في خاطرها اتريي ان ما اخرب وناستج يا عهود..

عهود: يلااا سعاد شفيج سرحانه بتبدأ المحاضره..
سعاد: يلاااا ..

**

نزلوا عهود و امها و عليا و ناصـر من السياره سايرين المطعم..مسكت عليا ايييييد ناصر..ابتسم لها..
و عند باب المطعم..

ناصر: هلا هلا سند
سند: يا مرحبـــــا و الله و بالخشوووووووم..

سند: ها شعندك..
ناصر: و الله يايب الاهل..انغير جـوو..

سند: انا بعد اتريا ربيعي للحيـــــــن ما وصل..

حست عهود ان سند يطالعها ارتبكت يوم جافته هالشخص الي فتح الباب بالمجمع الثقافي يوم كانوا يبون يجوفون مايد الشحي..

اكيد تذكرهــــــا..طلع ربيع ناصر..خافت عهود اكيد تذكرهـا..

لاحظت عليا ان سند يطالع عهود..فييرتها و دشوا داخل المطعم.. ولحقتهم ام ناصر..

يلسوا ع الطاوله..يتريون ناصر..بعد ما ياهم ناصر..طلبوا العشىى..ناصر وصله مسج..فتح الموبايل..جاف سعاد امطرشه له.."حبيبي دق لي اباك ضروري مسويه لك مفاجاه.."

ارتبك ناصر مب وقته يتصل الحينه..عليا اتساسر عهود..
عليا: بصوت واطي":- جوفي الريال الي من ساعه يالس يرمس مع ناصر ..يالس يطالعج ع هذيج الطاوله..

التفتت عهود مكان اشرت عليا..انصدمت عهود يوم جافت مايد يالس مع ربيعه سند سمعت اسمه من ناصر..

شهقت عهود يوم جافها فصدت الصوب الثاني..
ناصر: بلاج جنج جفتي يني..

عهود: لا ماشي بس هذاك مب جنه شاعر..
ناصر: انتي اشعليج بالناس خلج ابروحج..

قام ناصر بسير الحمام شويه..
عهود: عليا عليا..جوفي الي يالس مع ربيع ناصر ها مايد الشحي"اتذكرت انها زعلانه منه"..

عليا: قولي و الله شكله حلو بعد..

عهود: عيل شو تحسبين بس بس لا اطالعينه عن يلاحظ..

ام ناصر: تسنعوا ولا بخبر عليكم ناصر..

ركب ناصر سيارته..و اتصل لـ سعـاد..
سعاد"تستهبل" ويــــــــــنك عندي لك مفاجاه..
ناصر: حبي مشغول الحينه..برمسج بعدين..

سعاد"تسوي روحها محبطه" كنت ابا اجوفك..في شو مشغول..

ناصر: طالع ويا الاهل عازمنهم ع العشااا
سعاد"مضايجه" نعععععم و ليش ما قلت لي..

ناصر: تراني يالس اقولج الحين..

سعاد:- تو الناس كنت مسويه لك مفاجاه بس انت ما تستاهـل تطلع و تستانس ويا حرمتك و انا اترياك هني..

ناصر:- لحظه حبي ..
سعاد: يلاااااا باي..

صكرت سعاد التلفون..ناصر مضايج و متاففففففف..نزل من السياره و دش المطعم طلبوا العشاا ..بس الكل لاحظ ان ناصر تغير..كله سرحان..و بعد شكله مهموم..عليا حاولت اطلعه من الي هو فيه..مع انها ما تدري شو بلاه..و احيانا كان يجاوب معاها..

من جهه ثانيه مايد و سند يتعشوا ع الطاوله الجريبه من قوم عهود..

مايد: عايبتنك صـح...؟

سند"مستغرب": منووووووو..؟
مايد: اسيرة الهم..

سند:"يبتسم" حتى لو كانت عايبتني شو الفايده جوفها ما شلت عيونها منك ..
مايد: احس بالذنب من ناحيتها..

سند"ياكل شويه" انزين اخطبهــــــــاا
مايد: قلتلك ما اروم ارتبط فيها خـلاص ...شو رايك تخطبهاا

سند: ترمس جد..؟
مايد: مب انت تبا تخطب خلاص ..و انا ادري انها عايبتنك و داشه خاطرك..

سند: تباني ارتبط بوحده اتحب غيري ولا بعد ربيعي..
مايد: تدري ان هـا كله طيش و الاهم انها ما راح اتكون لي حتى و لو هي عرفت ابروحها بتودرنـي..

سند: شو مصلحتك اذا خطبتها..

مايد"قلبه يتقطع": ولاشي ..بتكون حرمة ربيعي..و ما بيكون بينا أي شي..

سند:كم عمرها هي..
مايدد: امممم اظن بداية العشرينات

سند: توها صغيرونه..

مايد: شو قلت..
سند: ما اروم انت لو ما اتحبها لكن هي ميته فيك جوفها كيف اطالعك..

مايد: ما ابا اجوفهاا ابا ابعدها عن حياتي ابا تنساني..انا غلطان لاني جربتها مني..

سند: شو اترمسها بالتلفون و تجابلون بعد...؟؟
مايد"مجذب" لالاااااا ما بينا غير الايميلات..انا اقولك ترا هالبنيه مب من نصيبي اذا عايبتنك اخطبها..

سند"يفكر" ما ادرري اخاف اكون السبب اني فرقت بينكم..

مايد: لاحوووول تراني اقولك مستحيل ارتبط فيها..و انت اتعرف ها الشي..

سند: و الله ما ادري..


**

و في سيارة ناصر و هم رادين البيت احتارت عهود ليش مايد مطنشها و ابد ما كان يجوفهـااا ..اكيد زعلان منها لانه صكرت التلفون بويهه

ابتسمت و قالت بتتصل به يوم بتوصل حجرتها..و اتكون بعيده عن كل المخاليق..​

 

[روووح]

رد : راحت روحي من محجر عيوني ..بقلم معاني

حلو هالجزء........بس وين الاسألة..عشااااااااان أجاوب عليها


المهم خل نعلق شوي عالاحداث اللي صارت

اول شي هالسعااااااااااااااد......طايحة من عيني بالمرة...وكارهتنها خير شر.....

وناااصر....ماعرف شقول عنه.....انسان متبطر...ويشوف كل الناس بعين طبعه.....يسوي الغلط وعباله كل الناس شراته

عليااااا....الله يعينها....والله ناصر ما يستاهلها....على كل هالفعايل اللي يسويها من وراها...اونه ساير يشتري لسعادوه طقم بعد

عساااااها ما تتهنى فيه

مممممممممممم....سلطان سوالف وتحفة بعد.....

وجمال وااااااااااااااااايد سخيف...وموقفه كان اسخف عنه

عهود.....بعدها مب رااااااكزة.....واحسها طايشة...عيل تركب ويا كل من هب ودب...وتكلم ستين الف واحد...المفروض هيه تحب واحد....يعني اقنور ديليت لأي حد ثاني...لو شو ماكان


عااااااد الحين دور البطل........اللي هو مايد الشحي
بصرااااااحة واااااااااااااااايد غمضني...وقطع فوااااااااادي

اصبرووووو بصيح شوي

اهيء اهيء اهيء اهيء اهيء اهيء اهيء
اهيء اهيء اهيء اهيء اهيء
اهيء اهيء اهيء
اهيء اهيء
اهيء

حالته ذكرتني في شخص قريب مني..اعرفه زين مازين...بس هالشخص بنت
هيه بعد مريضة....عندها القلب
بس سبحاااااان الله اي حد يعرفها يحبها وايد

يعني كل الناس تحبها

لأنها طيبة وقلبها نضيف

شفتوا كيف...صح تعبان لكنه نظيــــــــــــــــــــــــــــــــــــــف

المهم
كل ما تعرف ان حد تعلق فيها.....هيه تبتعد عنه

وايد ناس اتعلقوا فيها...بس هيه تبتعد عنهم....بس هم يفهمونها غلط...ويتحسبونها تلعب عليهم

فسالفة مايد الحين ذكرتني فيها


الله يعينه


وهالعهود الله يهديها بس


بس هالجزء ذكرني بقصيدة من زمان اعرفها

اصبروا بدورها يمكنك مسيفتنها عندي عالكمبيوتر



صبروا شوي

يسسسسسسسسسسسسسسسسسسسسسسسسسسسسس






لقيتها



سمعوا:


وصاتي لك من بعدي ........ تموت فيها علشاني

ابيها تعيش و تحيا بك ........ واظل بالذاكره مفقود

وصاتي لك تنسيها ........ ملامح وجهي و تنساني

وتعزفها قصيدة حب ........ على عكس اللي عزفته بعود

وصاتي لك تبعدها ........ عن اشعاري وقيفاني

تراها مغرمة بالحيل ........ ويشهد لي عدد الردود

وصاتي لك تسايرها ........ ترى فيها من احزاني

طلبتك لايضيق بالك ........ طلبتك والطلب مردود

وصاتي لك تناديها ........ حياتي..عمري..ازماني

انا عودتها دايم ........ ادلعها وانا موجود

وصاتي لك تعاملها ........ بطيبه قلب و احساني

تراها تذرف الدمعه ........ ودمعتها بليٌا حدود

وصاتي لك تحفظها ........ سور وآيات قرآني

وتخبرها عن الميت ........ رحل لايمكنه بيعود

وصاتي لك ترسمها ........ على قبري وأكفاني

ابيها لوحة تبقى ........ على طول الزمن محدود

وصاتي لك تمازحها ........ وتشوف الضحكة بأسناني

سعيتك ياضحك هالكون ........ طلبتك لاتصير جلمود

وصاتي لك تقهويها ........ من دلالي و فنجالي

تراها تعشق السمرا ........ ويكفيها دخون العود

وصاتي لك تركبها ........ على خيلي و على حصاني

وربي فارسة من قلب ........ شهادة ماهي لشهود

وصاتي لك تسفرها ........ بلاد الشام و لبناني

ترى يحلالها تقطف ورده ........ وردة من بلد الورود

وصاتي لك تراقصها ........ على الحان رحباني

ترى فيها عرق خالة ........ وفيها من جنون السود

وصاتي لك تحببها ........ فأبونورة بعد هاني

وتنسيها ندم غلطة ........ انا فيها ترى المقصود

وصاتي لك تكرهها ........ في تاريخي و عنواني

أبيها تلعن اللحظة ........ وتلعن كل فرح موعود

وصاتي لك تكلمها ........ عن المجني وعن الجاني

وتخليني انا الظالم ........ وانا من حرق الاخدود

وصاتي لك تشبهني ........ بدم أحمر قاني

وانا هالقاتل السفاح ........ مجرم من عصر نمرود

وصاتي لك تحلفها ........ تتوب تحبني ثاني

ترى يكفيها ماعانت ........ ويكفي حيلها مهدود

وصاتي لك تنسيها ........ وصية قالها لساني

أنا اخبرك رجل موقف ........ وانت قدها وقدود

صديقي مالقيت غيرك ........ يعرف وشلون تنساني

أمانه ضمها بقلبك ........ ترى خالد....رحل مايعود


شو راااااااااااااااايكم

شو رايج معاني حطي هالقصيدة ضمن القصة...بس اكتبي اخر شي مايد بدال خالد



وبس

روووح

 

[راعي الويلات]

رد : راحت روحي من محجر عيوني ..بقلم معاني

يعطيج العافيه معاني

ما بعلق.. ع القصه خليت التعليق حق رووووووح

 

[رماااايل]

رد : راحت روحي من محجر عيوني ..بقلم معاني

ياعيني عالقصـــــه العجيــــبــــة ..

حليلها عليا .. كســـرت خـــاطري ..

ناصر مشكلته مشـــكلــــة .. الله يهــــديه

الجزء وايد حلو ....

ننتظر التكملة الغلااااا...

وبالتوفيق لج.... ان شاااء اللة..


رمااااايل

 

[معاني]

رد : راحت روحي من محجر عيوني ..بقلم معاني

روووووووح

هههههههههههههههه

القصيده رهيبه و ماشيه مع القصه ...:Good:

مشكوره ع رددددج..و تعليقج الحلووووو

و الله يشافي كل مريض ان شاء الله ...

و بالنسبه للاسئله بلحظه كسل ما قدرت احط اسئله >>>>>>>>> فساد

مشكوره يا الغاليه ع مرورج الي اتحفنا ..

و تو الناس لا اتصيح ع مايد الشحــــــــــــي ...:050103nbh >>>>> بعدين بقولج ليش ..​

 

[معاني]

رد : راحت روحي من محجر عيوني ..بقلم معاني

راعي الويلات..

مشكـووور ..

و اتمنى اجوف تعليقك في الاجزاااااااااااااء القادمة ..​

 

[معاني]

رد : راحت روحي من محجر عيوني ..بقلم معاني

منوووه موجود ..

رمااااااااااايل ...

لي الفخر ان القصه عيبتج ..:dontwanna ...

هييييي هاااااااا يا عليا .. مفاجات الحياة كثيره كثيره ...

شكرا ع الرد و متابعتك ..:smile:​

 

[روووح]

رد : راحت روحي من محجر عيوني ..بقلم معاني

ياربي من هالحاااااااااالة






وانا يااااااااااااااااااااية طر شفت اسم معاني رادة عالقصة






قلت اكيد منزلة جزء يديد









يالله ابوي بسرعة لا تحيرينا







اتريا النهاية قبل رمضاااااااااااااااااااااااااااااااان






قبل رمضااااااااان فهمتي






خ
خ
خ







روووح

 

[معاني]

رد : راحت روحي من محجر عيوني ..بقلم معاني

رووووووووح..


مولش ابويهاااااااا :mf_rudolp


حسستيني جني خيااااااااط ..خلص قبل العيد تياب مفهوم رفيق ..:dontwanna

سوري سوري ع التاخير ..​

 

[معاني]

رد : راحت روحي من محجر عيوني ..بقلم معاني

(( 8 ))

عهود تتصل بـ مايد بس ما يد ما يرد عليهااا..طرشت له مسج.."الله يخليك رد عليه..محتاجه ارمسك.."

شويه و رن موبايلها..
عهود"تعاتبه" شو ها الحركــــــــات تتعمد اضايج بي صح..

مايد: مب انتي الي مصكره التلفون بويهي حق شو ارد عليج..

عهود: قلتلك اسفه و مليون اسفه كنت محرجه و المفروض تراعي هالشي..

مايد:"يضحك" شو استانستي بالمطعم..
عهود: لاا خربت علي..كنت مطنشني و هالشي مضايجنـي..ما عرفت آكل..

مايد"يبتسم" و اللـــــــــه..ليتني اكون جريب منج طول العمر..

عهود"تترجاه" شو المانع حبيبي انت الي مسوي حواجز .
مايد: شسوي يا الغاليه ما ابا اعذبج معاي..الوحده تبا ترتاح و انتي بتشلين هم و غم من وراي..

عهود"مضايجه" ترا و الله اذا ما غيرت رمستك بصكر التلفون بويهك و الحيـن بعد..

مايد يضحك .. وشويه تضحك معاه عهود..

**

بآخر الليل ..و في قهوة الشعبيه..كانوا يالسين الشباب يسولفون و يضحكون..و كل واحد رافع ريل ع الكرسي و الشيشه بحلجه..

سلطان سرحان يفكر بـ عهود..بعد ما هزبته البارحه..ما فكر يتصل بها..و قال في خاطره اذا هي عنيده انا اعند منها..

و تم يفكر هالانسانه وايد لعابه..لازم يأدبها و بعدين يتزوجهـا..
يلس حذاله جمال..
جمال: ها بو شباب بشو قاعد اتفكـر..

سلطان: ماشي امور شخصيه..وينك اليوم ما بينت..

جمال: ويا الاهــــــل..باركلي قررت اخطب..
سلطان"مستانس" توني افكر بها الشي..مبروك مبروك..و بالخشوووووووووم..

سلطان: الا ما قلت وحده من الاهل ولا شو..؟؟
جمال:- لا و الله شويه بعيد..بس من جفتها دشت خاطري و احس هاي هي الانسانه الي ينشرح القلب يوم العيون اطيح عليها..

سلطان"يضحك" هههههاااااي ههههههههه طاع طاع منو يرمس..يا بوي خلك من هالرمسه وش لك..بنت منوه عشان اخطب اختها يمكن اتكون شراتها بعد..

جمال:- ها اخت ناصر الي ماخذ بنت اختك..

سلطان من غير ما يرد عطاااااه بكس في خشمه.. طاح جمال في الارض.. ونزل عليه سلطان بضرب.. و بكسات..

وجمال يرافس يدافع عن عمره..قاموا الشباب الي في القهوه كلهم..مسكوا سلطان.. و منهم من مسك جمال..

سلطان"محرج": يا اللـــــــوتي شبر عند بيتهم بس بكسر خشمك مره ثانيه..

جمال: مب انت الي بتهددنــــــــي بنجوف ..

سلطان: بنجوووووف يا الهرم يعني ما تدري انها لـــــــي..
واحد من الشباب: ها الحرب بسبب حرمه استحوا يا خي انتوا ربع..

سلطان: جب انت عن رمسة الحريم هاي..

وهدوووه رباعته و طلع من القهوه معصب..ركب سيارته.. و يلس يدور و يحاوط ..ومشغل اغنيه..انا ما خنته تبلاني..

اتصل سلطان لـعهود..و عهود راقده تجلب ع الفراش..
سلطان يتحرطم اكيد راقده الهرمه..ردي ..

عهود"من غير ما اطالع الرقم" الــــــــووووو

سلطان:- من وين اتعرفين جمال...هـاااااا..؟
بطلت عهود عيونها مستغربه ها اكيد حلمان و داق الحين..

سلطان:- الووووووووووو ردي ترا و الله اييج البيت الحينه..

عهود"بكل برود": انت حلماان شي..
سلطان: ارمسج جد من وين اتعرفين جمال..
عهود: ما اعرفه..
سلطان: اتقصين علي..انتي ما خليتي حد ما عرفتيه كم مره جفتج بالمطار و فـ المنار شو بتنكرين..

عهود"حرجت" انت شو حـارنك شو تبا مني متصل لي بآخر الليل تضارب و تزاعق شو عندك..

سلطان:- جـب لا اطولين صوتج..

عهود: انتي الي جب يلاا باي برقد..
سلطان: انا بعدني ما قلت بصكر..

عهود: لا اله الا الله شو تبا الحين...؟؟

سلطان: شو بينج و بين جمال..
عهود: وراس امايه الغاليه.. و اخوي عبدالله الي في قبره..ما بينا شي ..مره وصلني البيت و لعن خيري ناصر..

سكت شويه سلطان جنه مب مصدق السالفه..
عهود: الـــــووو...شو رقدت..
سلطان:- فديــــــــتج و اللــــــــه..

عهود: استح ع ويهك اوكى..

وصكرت التلفون بويهه و بالمره غلقته..و رقدت..

**
بعد يومين..ناصر يحاول يراضي سعاد..
سعاد: توك اتفيجت بعد يومين
ناصر: كنت في الدوام و بعدين كل ما ادقلج ما اتردين..

سعاد: خلاص قررت انهي علاقتي فيك..
ناصر: مب ع كيفج مستحيـل ارضى بها الشي.
سعاد: انت ما اتحبني اكيد انا نزوه عابره في حياتك..

ناصر:- اروم اثبت لج العكس..
سعاد: كيييييييييف..

ناصر: بالاول اقبلي مني هالعطر..
سعاد"اونها عاد" لا ما ابا اونك..

ناصر: يلاا عـاد ما بينا شي
سعاد"تاخذ غرشه العطر" مشكور حــبي..يلااا قول كيف تثبت لي..؟؟

ناصر:- انا بخطبج...

سعاد"مب مصدقه" و اللـــــــــــــه.. و حرمتك..
ناصر:خلها اتولي ما منها فايده..بسني تعبت ابا عييييييال..

سعاد منزله راسها مستحيه..

**
بعد اسبوع..في بيت بو ناصر..الكل يالس يتغدى..دشت عهود يايه من الجامعه...
ناصر: عهووووووود..

عهود: نعم..

ام ناصر: شفيك تصارخ جي روعت البنيه..
ناصر"يضحك" لا لا ما انروم انروعها ولا انقولها شي خلاص..

عهود"يلست" شو السالفه..
عليا: اكيد ياينج خطيب..

ناصر: صلوا ع النبي انتوا..

_عليه الصلاة و السلام..
ناصر"يضحك" مب خطيب بس خطيبين..

غاص قلب عهود في اعماقها اكيد واحد منهم مايد امسوي لها مفاجاه..

ام ناصر: ما شا الله هذي بنيه الكل يتمناها..
عليا"اطالع عهود" شو مشاهير ولا ناس ع قد حالهم شراتنا..

ناصر"يضحك" مب مهم شو يطلعون بس عهود اتأشر لاي واحد منهم ..

عهود"مستحيه" و في خاطرها مايد اسميك حركات..

عليا:- منووووو....؟؟

ناصر"مستانس" البارحه واحد رمسني اسمه جمال..
بطلت عهود حلجها لا يكون ها الخديه هذي من بدايتها..

ام ناصر" و الثانـي..

ناصر: اليوم رمسنـــــي ...سند رفيجي الي جفتوا في المطعم..

عهود مصدومه كانت تتوقع مايد كانت تتريا اخوها ينطق بها الاسم..
عليا: ها منو بتختار الليدي ديانا..

عهود"جنها مخدره" ما ابا اعرس ولا واحد منهم..

وقامت من مكانها و راحت حجرتها..
ام ناصر: شفيها كانت مستانسه و الحين غيرت رايها..
ناصر: شوفوها حاولوا تقنعونها تراهم مستعيليـن..

علياا"سايره حجرة عهود" بجوفها انـــــــا..

عهود قافله عليها الباب اتصيح.. تتصل بـ مايد..بس الموبايل مغلق..

سمعت دقت الباب جافت عليا..
عهود: اذا يايه تقنعيني فاقولج ما ابا...

عليا: ليش شو سبب الرفض..
عهود"شويه بتصيح" ع بالي مايد الشحي..
عليا: لا اتصيرين عبيطه وين بخطبج هـا انتي وين و هو وين.

عهود"ترقد ع الشبريه تحضن المخده" انا ابــــــا مايد ما ابا اغيره.."تصيح..""

عليا: فكري زين و هذي حياتج ما تضمنين اذا حد غيرهم يتقدم لج..

عهود: قلتلكم ما ابا انا رافضــــــــه ها الزواج ابا اخلص جامعتي زيييييييين..

عليا: زين لا اتعصبين انا بكلم ناصر و بخبره انج ما تبين..خلاص هدي انتي.

بعد ما طلعت عليا من الحجره..يلست عهود تذكر كل مواقفها مع مايد يلست اتصيح..انا اباااااه..بس ابا الشحي..

رن موبايلها..جافت مايد..
عهود"تصيح" مايــــــــد..

مايد: شفيج عمري...؟؟
عهود:- تعال اخطبني الحين الحين..
مايد:- هدي عمري ..شو السالفه..
عهود: انا اباك ..تراني انخطبت ..و انا رافضه لاني اباك..
مايد"يتنهد" حبيبي قبل و رمسنا بها الموضوع..

عهود"تصرخ عليه" ما يخصنـــــــــي عساني اموت بس اخذك..
مايد: لا اتقولين جي تراني ازعل منج..

عهود:- عيل اخطبني..ابسرعه الله يخليك"وتصييييييح"L

مايد: ما اقدر اسف..
عهود: مايد انا اترجاك..
مايد: ما اقدر اسوي لج شي اذا خطبتج بدمرج صدقيني..
عهود: انت ما اتحس فيني..
وتصكر التلفون بويهه..

**
كانت عهود محتاره شو اتسوي..كانت رافضه فكرة الزواج من غير مايد..و ناصر و عليا من كل صوب يضغطون عليها..

عرفت عهود ان ناصر رفض جمال..و هو مصر ع سند..لانه جافه مناسب لها من كل النواحي.. ولانه يعرفه زين ما زين..

وصلت الاخبار لـ سلطان ان عهود انخطبت و عرف عن طريج علياا انها رافضه هالزواج..فكر سلطان يتقدم لها..بس جاف الوقت مب مناسب..

و هو جي مرتاح و مطمن لان عهود رافضه الخطوبه..يدري بها عنيده و بتم ع رايها.

نزل سلطان من سيارته..و سار صوب القهوه الشعبيه.. وجاف جمال يالس ويا ربعه..سلطان من جاف جمال يلس يضحك عليه بصووووووت عالي..و يشر له و يضحك..

طبعا الشباب مب عارفين شو السالفه..ع بالهم صار مينون..

جمال منحرج و معصب من سخافة سلطان..و سلطان ميت ضحك..
جمال: تحمل عن اتييك السكته بس..

سلطان:- ههههههههههههههههههااااااييييييي هههههههههااااااااي

واحد من الشباب: حمدلله و الشكر..
و الشباب يالسين يضحكون ع ضحكت سلطان من غير ما يعرفون شو سبب ضحكه..
سلطان:- راغوووووووووووه ..ويضحك ههههههههههاااي هههههههههههاااااااي

وقف جمال عشان يضرب سلطان..بس مسكوه الشباب.. فركب سيارته ..و سار بعيد..

يلس سلطان ع الكرسي:- و الله من زمان ما ضحكت جي..

واحد من الشباب: كنتوا ربع. سلطان وللحين ربع بسير اراضيه دام انه راغوه فقير "يضحك" ههههههههههههههههههههههههههههه


**
في الجامعه عهود يالسه ع الكرسي الي في الساحه و معاها سعاد..
سعاد: ليش مضايجه..؟؟
عهود: ما ادري شو اقولج.."تتنهد"

سعاد: الزواج مب غصب..
مريم: سعاد الحقـــــي الحقي..
سعاد: بسم الله شو فيج..

مريم: تعالي ابسرعه..المديره تباج اظن بيعطونج انذار او فصل بسبب غيابج..

سعاد"واقفه" امييييييييه
مريم: يلاا تعالي ابسرعه ادورج..

عهود: ايي معاج..
سعاد: لا تمي مع اغراضي ....ادعي لي..
عهود: ربي يعينج..

كانت عهود متحيره و مب فاهمه ..كيف سند ربيع مايد يخطبها هو يعرف عن علاقتها بـ مايد..

حاولت كذا مره تتصل بـ مايد تساله..بس جافت تقاطعه هاليومين.. يمكن يحس و ايي يخطبها..

رن موبايل سعاد..طالعته عهود ..جافت المتصل "روح روحي" ابتسمت و قالت ها اكيد خطيبهـا..

اتصل حوالي ثلاث مرات.. و عهود اتحوله صامت.. ياها فضول اتعرف كم رقمه..اكيد رقمه حلو ..لانه خقاق مغرق سعاد بالهدايااااا ..

حتى هالتلفون هديه منه..فتحت اللسته.. وضغطت ع عرض الرقم..

اتعلقت عيونها ع رقم اخوها ناصـر..مستحيييييييييل..ناصر ما يسويها..هااااااا عشان جي متغير ع عليا من مده..خطيب سعاد طلع ناصرررررررررررر

عصبت عهود لانها عرفت ان سعاد ربيعتها خانتها و خانت ثقتها فيها..قصت عليها.. اجوفها ما قامت تسال عن ناصر شرات قبل..

رجعت سعاد..
سعاد :- الحمدلله وقعتني انــــــذار..اتصدقين كنت متروعه اول مره بحياتي اخاف جي..

عهود"بكل برود" اصدقج اول مره اتخافين انتي بعد من ربج ما خفتي..

سعاد"اطالعها" شو قصدج..
كانت عهود كارهه اتحط عينها بعيون سعاد..حست انها خاينه و ما فيها خير..فبمجرد ما طالعتها سعاد..صفعتها ع خـــــدها لدرجه ان سعاد صرخت..

عهود"مطنشه البنات الي يطالعون" انا امنتج و اعتبرتج شرات اختي قمتي اتخونيني و اترابعين اخوي مع علمج انه معرس..و اتقولين خطيبج يا الخاينه..

سعاد"منحرجه مب عارفه شو اتقول.. شلت عهود كتبها و سارت عنها..اتصيح الحين شو اتقول حق علياااااا..

حليلها عليا ما تستاهل واحد شرات ناصر..رجعت عهود البيت..بسيارة الدريول و خلت سعاد واقفه عند باب الجامعه...خلها ادور لها حد ياخذها الخاينه..

دشت الصاله و كانت سرحانه ..كيف اتخبر عليا.. طبعا ما تقدر اتقول ناصر شي..

ام ناصر: تعالي اتغدي..

عهود:- مالي نفس..
طالعت علياا فبتسمت لها علياا..كانت عهود بتصيح..يوم جافت ويه عليااا

دشت حجرتها..وقفلت عليها الباب... طلعت موبايلها تتصل بـ مايد بس جافت مسج..من سعاد" بتندمين يا ناكرة الجميل"

عهود خس الله ابليسج يا الخايسه..و اتصلت بـ مايد..
عهود:- مايد انا مضايجه و مب عارفه شسوي.."تصيح"
مايد: شفيج حبي...؟؟
عهود"تصييييح مب رايمه تسكت.." تمم مايد ساكت يتريا عهود لي ما تهدى و ترمس بروحهـا...

عهود:- ابا اجوفك مايد..

مايد: وين تبين انا حاضر..بس دخيلج ورفجة بو خليفه لا اتصيحين..

عهود: انت اليوم امناوب في المطار..وين بجوفك..
مايد: تعالي المطعم شفيهـا..

عهود:- خلاص بيي العصر..ابا ارقد احينه تعبانه و راسي داير..

مايد: اتحملي ع عمرج حياتــــــي..
عهود: ان شا الله حبي..

**
سعاد تركب سيارة ناصر..
سعاد"محرجه" جفت اختك شو سوت فينـي..خلتني واقفه عند باب الجامعه و سارت بالسياره ابروحها..

ناصر: ليش شو مستوي..؟؟
سعاد" تصيح و تراوي خدها لـ ناصر" جوف ضربتنـي حذال البنات فشلتني ما ترضاها علي..

ناصر"محرج" ليش شو سويتي فيها...؟؟
سعاد: نعم انت ادافع عن اختك .."تصيح" اسال البنات انهدت علي..كنت انصحها بس هي ما تسمع الكلام..

ناصر"مستغرب" تنصحيهـا

سعاد: اسمعني انا وايد سكت عن تصرفات اختك بس الحينه لازم اتعرف كل شي..

ناصر"معصب":- اوووووووه يلا انطقي انزين..

سعاد"تمسح دموعها":- ترا اختك متعلقه بشاعر مايد الشحي مال راس الخيمه..و اطرش له ايميلات و اترمسه بالتلفون و دوم اجابله في المطار مكان شغله..و اذا مب مصدقني كل اسبوع مثل هاليوم يكون مناوب و تخليني اوصلها.. و اليوم اكيد بجابله روح وجوفها..

ناصر: ليش واثقه انها بجوفه..
سعاد: لانها مضايجه .. وهي دوم اترمسه يوم اتكون مضايجه..

ناصر" يمسك ذراع سعاد" انت شو اتخربطيييييين..
سعاد: انا يوم نصحتها ضربتني..و ترا اداري عليهـااا عليا

تم ناصر ساكت طول الدرب معقوله عهود المتربيه ..جي اتسوي..ليش يا عهود ليش..و حتى عليا ما توقعها جي كل ها يصير و هو ما عنده خبر ..


وصلوا عند بيت سعاد
سعاد: انا اسفه حبي بس ما اتحمل خلاص..
ناصر: مشكوره غناتي يلااا باي..

و بالطريج فكر ناصر مستحيل كلام سعاد صج امبلى عيل ليش مب راضيه اتوافق ع خطبه سنـد..فكر يتريا و يجوفها العصر..


دش ناصر البيت..و سيده دش حجرته..
عليا: احطلك الغداا..
ناصر"محرج عليها" ما ابا شي من ايدج..

عليا: ليش انا بشو زعلتج..
ناصر:- جب ولا كلمه مفهووووووم اذا تبين اتمين صاحيه انطمي ولا ترمسين معاي..
عليا: ليش اتعاملني جي..وين ناصر الي يخاف ع زعلي..وينه الي يغار علي..
ناصر"يدزها" روحي لااه ما عندج سالفه..
يلست ع الكنبه..اتصيح من خشونه ناصر..

**
فتحت عهود عيونها ع رنة الموبايل..
عهود: الـــــووو..
مايد:- وينج اترياج ..وايد احاتيج..

عهود"تبتسم" رقدت وايد..يلااا دقايق بكون موجوده...

مايد: اوكى دقي لي يوم بتوصلني عند المطعم..

اتغسلت عهود و لبست عبايتها و شيلتها..طلعت من الصاله..حمدت ربها ان ناصر مب موجود..خبرت امها انها بتروح المكتبه مع الدريول..

ركبت السياره..اتصلت بمايد و قالته انها جريبه من المطار..

ناصر يلاحق عهود ..كان شاك بكلام سعاد بس الحين طلعت السالفه صج..عهود رايحه المطار له..ضرب ايده ع سكان السياره محرج..

نزلت عهود عند الباب الرئيسي للمطار..و قالت الدريول اييها بعد ساعه..

و قبل لا ادش المطار..سمعت صوت ناصر يزقرها..اتروعت عهود ووقفت ابمكانها خايفه..مطها من شيلتها..ويلس يسحبها لي سيارته..

حست عهود انها مخنوقه و يلست اتكح..يلست تتنفس بصعوبه..يوم هدها.. و صكر باب السياره..عرفت ان سعاد الحقيره قالته كل شي.

ركب السياره و هو محرج..
ناصر"يضربها" يا الحقيره ..و يلي ما تستحين ع ويهج...

حاولت عهود ادافع عن عمرها اتصيح و اتصرخ و كانت تحكي له انها عرفت كل شي بينه و بين سعاد بس ناصر ما كان يسمعها...شو اتقول..

اظلمت الدنيا بعيون عهود و طاحت غشيانه يوم يتها ضربه من ناصر عند اذنها..

فتحت عهود عيونها .. جافت خيال امها و علياا يصبون عليها الماي و يضربونها بطراقات خفيفه ع ويها عشان اتقوم..

انتبهت عهود بكل الي صار لها..جافت انها اتصيح..فطاحت بحضن امها اتصيح..بصوت عالي شرات اليهااااااااال..عليا و امها يحاولون يعرفون شو السالفه ..بس عهود تمت ساكته مب رايمه ترمس...

عطتها عليا ادول..فرقدت ..و تمت عليا يالسه معاها..فتحت عيونها ع الساعه عشر فليل..جافت امها راقده حذالها..قامت عشان تطرش ايميل لـ مايد..بس جافت الكمبيوتر مب موجود..

انتبهت ام ناصر ..لابنتها..
عهود"بصوت ضعيف": امايه وين الكمبيوتر..؟
ام ناصر:- اخوج شله ..تبين تاكلين شي..يمه..اسوي لج شوربه..

عهود"تصيح" ابا اموت بس...
ام ناصر"خذتها بنتها بحضنها..:- بسم الله عليج يمه؟؟

ورجعت رقدت عهود.....

**
عليا"تصيح" و الله انا ما ادري عن شي كل الي اعرفه انها اطرش له ايميلات بس ما ادري انهم ع اتصال جي..

ناصر"يصك ع اسنانه" جذابه انتي كنتي تتسترين عليها..مب بعيده معلمتنها هالسوالف ولا عهود ما تعرف هالخرابيط..

عليا:- ناصررر انت عارف شو يالس اتقـووووول..

ناصر"يلومها" بس العتب علي انا الي خليتكم ع راحتكم و انشغلت عنكم ما عليه عليووووه ما عليه يا بنت الاصول..

ويرها من ذراعها..وخذها حجرة عهود..قامت عهود و امها من الرقاد من صوت الباب..

ناصر"ييلس عليا ع الشبريه" عهود لصقت بامها خايفه..
ناصر: هذي سواياج..

عهود"بصووت واطي": عليا مالها خص ما تدري عن شي..
ناصر: هي تستروا ع بعض..

عهود: اصلا عليا ما تدري عن شي"قالت متعمده" سعاد هي الي كانت اتخطط لكل شي..

عليا: و الله انا مالي خص..صدقني ناصر..
جاف ناصر الصدق بعيون علياااااا ..
ام ناصر: شو السالفه تضاربون و انا ما اعرف شو مستوي..

ناصر: امايه من باجر نظفي البيت..انا اتصلت لـ سند و قلته نحن موافقين ع الخطبه.."كانت عهود بتقاطعه بس ناصر سكتها" جــــــب ولا كلمه...

ماشي جامعه ولا كمبيوتر و موبايلج عندي لي ما تنخطبين..

عهود اتصيح و مب رايمه اتقول شي خايفه...و ناصر يطالع عليا..

ناصر"يهمس" حقج عليه عليااااا..

عليا منزله راسها و قالت في خاطرها الحمدلله..طلع ناصر من الحجره و لحقته علياا..
عهود"اترمس امها" مب ع كيفه يزوجنـي ..انا ما ابا سند..
ام ناصر: يا يمه اخوج يعرف مصلحتج اكثر مني و منج..

عرفت عهود ان سعاد جلبت حياتها فوق و تحت.. انحرمت من كل شي..بس سعاد بتم علاقاتها باخوها ناصر..

احتارت كيف اتخبر علياااا ولا اتخلي الايام تكشفهم..بس مايد كيف بتوصله..اتفدته في قلبها اكيد اليوم يترياهاااا ..لو يعرف شو صار فيها اكيد بغير رايه و بخطبها..

بس شو بيسوي يوم بعرف انها صارت خطيبة ســــــند..

**

مر على عهود اسبوعين..و كانها في عالم ثاني..ما طلعت من حجرتها..احيانا تاكل واحيانا نفسها مسدوده..كانت حياتها كل ع الفراش..تحلم و تذكر مايد..

انحرمت من كل شي..بسبب صدفه كشفتها و هي علاقة اخوها بسـعاد..

كانت اتحس بعذاب يوم اجوف علياا تتردد عليها و اتحاول اتخفف عنها..

كانت اتحاولها اتخبرها ان ريلها يسرح و يمرح مع سعاد بس ما كانت تقدر..خايفه من انها اتخرب علاقتها بـ ناصر..

ذاقت عذاب و نار الشوق بـ فراقها عن مايد..ليتها تتصل به..ليتها تقدر اتعرف شو شعوره الحينه..

ليتها و ليتها..كانت امنيات كثيره اتمر في خاطرهـا بس منو الي يحققها لها..

ما جافت ويه ناصر الا يوم الملجه..الصبح..ركبوا السياره .. واصرت ان علياا و اتروح معاهم..

اليوم بتتغير حياتها و بترتبط مع انســـــان جريب لاغلى من سكن قلبها..اليوم بتحاول تنسى مايد.. اليوم و اليوم اشياء كثيره بتتغير تحت ضغط و ظروف ابد ما ساندتهااا

و في نفس الطريج الي تسير فيه عهود ..للمحكمه.. سيارة سلطان وراهم..كان يفكر يدعمهم يسوي أي شي بس يمنع..زواج عهوود كل منه..هو تاخر و ترياا ..

كان يظن عهود اقوى من جي..بس للاسف ..ناصـر مستبد..حرمها منه..عض ع شفايفه الي تحت..

شو يسوي كيف يمنع ها الزواج...بس بالاخير اقتنع .."كل بياخذ بحياته نصيبه.."

غير الطريج و رجـع يدور ع جمال ربيعه عشان يضحك عليه شرات ما ضحك عليه من قبل..

مايد واقف عند باب المحكمه..نزلت دموع من عيونه يوم جاف عهود و اهلهااا نازلين من السياره..كان فـ خاطره يجوف ويهاا ..كيف ..؟؟

بس الغشايه كانت حاجز بينه و بينها..عهود..طلعت من حياته خلاص ارتبطت بانسـان كان صديقه و بتم ربيعه طول عمره..

حس ان قلبه تقطع.. و انين الايميلات و المكالمات و صوت عهود و ضحكاتها و زعلاها..صوت اسيره الهم..يزقره بكل مكان..

يلس يصيح..يوم تذكر كيف تترجاه انه يخطبهـا..حس بقهر لانه ما قدر يساعدها..و الحين هو متاكد انه السبب الي خلا ناصر يجبرها ع سند..

كان بامكانه يقنع سند و ينهي الخطوبه..بس هو ما يبا..لانه مستحيل يرتبط بـ اسيرة الهم..

شغل سيارته و حرك..بعد ما دشت عهود المحكمة..وسند هناك يترياها..

**
دش سلطان مكتب جمال و يلس مجابلنه..
جمال: حط القلم ع المكتب و اتكي" خير تبا اضارب..

سلطان"سرحان" لااااا بس ما ابا نتفارج ع سبت وحده لاهي من نصيبك ولا من نصيبي..

جمال: تزوجت..؟؟
سلطان"يبتسم" اليوم ملجتها..

تم جمال ساكت شويه ويلس يضحك بصوت عالي..ههههههههههاااااااااي هههههايييييي

سلطان "يطالعه" من حقك انقع لي ما تشبع..شر البليه ما يضحك..

جمال ميت ضحك...ع سلطان..شويه و ضحك سلطان معاه..هههههههههههههااااااي ههههههههههههههاااا
و يلسوا يضحكون و الموظفين متيمعين ع بالهم تخبلـواااااا

**
دشت عليااا حجرة عهود..
عليا: عهود ما يصير الي تسوينه..

عهود: شو سويت بعد ها من ثلاث اسابيع ما طلعت من حجرتي الا الاسبوع الي طاف يوم سرت المحكمة شو صار بعد..

عليا: بسم الله بلاج انهديتي عليه..

عهود"تصيح": انا تعبانه ما ابا اعرس..
عليا"تمسك ايدها" حبيبتي انتي تزوجتي وخلاص..و الريال مب مقصر معاج..كل يوم توصلج هدايا منه..

عهود"معانده": ما ابا هداياه

عليا: الحينه مالجه من اسبوع ليش ما اترمسينه بالتلفون ..ياب لج موبايل عشان تغلقينه و ادسينه .

عهود: شو اسوي..

عليا:- كلميه تراه ريلج و يمكن تطلعين من ها الحاله..و تنسين مايد..

عهود:- مايد فديته..

عليا"تضربها ع ايدها" عيب عليج انتي الحينه حرمة ريال..يلااا ترا سند بيي اليووووم ناصر طرشني اقولج..

عهود:- شو يسوي منوه عزمه..
عليا: لا تستهبلين ياي يجوف حرمته ما يحتاي عزيمه...يلاااا قومي فرفشي شويه.. ترا المغرب بيي يزورنا..

عهود: خلاص خلاص لا تحشريني يحليلج عليا انتي ما تدرين شو مستوي..

عليا: شوووووووو...؟
عهود:- ماشي اسولف..
عليا"واقفه" بطلي موبايلج الريال بدق لج باي وقت..

عهود: ان شا الله...

**
ناصر:- شو بتسافرين و انـــــــــــــاا..

سعاد: حبي بسافر بعد شهر تو الناس بيلس في قطر شهر و برجع..

ناصر: وين تو الناس لا لا ماشي سفر..مااروم استغنى عنج..

سعاد:امايه ما بتخليني اتم هني ابروحي..
ناصر:- خلي اهل امج اييوووون الامارات لازم انتوا اتروحون..

سعاد: انزين بعد شهر السفر و بكون ع اتصال معك دوووووم..

ناصر: ربي ما يحرمني منج..شو رايج اخطبج
سعاد" طايره من الوناسه" بعد ما ارجع من السفر.. حبي

ناصر :- متىىىىى بس متىىىىى

ما اروم اصبر..

سعاد ميته ضحك عليه..

**
كيف بتكون حياة عهود بعد زواجها من سند ..؟؟

شو موقف سلطان..؟؟

ظنكم شو الموقف الي بيصدم عهود في الجزء الياي و هل له علاقه بماضيها ..؟
**يتبع>>>>>>>>>​