آخر المتوقع : في بلادنا مرقص و خمور

[uk baby]

رد : آخر المتوقع : في بلادنا مرقص و خمور

لا يوجد تعليق

أخوكم المعلم

 

[بنت مسندم]

رد : آخر المتوقع : في بلادنا مرقص و خمور

السلام عليكم ورحمه الله وبركاته

اتصدق يا باحث ان في قلبي لوعه وحسرة من الي صار لمسندم وخصوصا خصب غيروا معالم خصب وما سووا اي اعتبار لأهلها بنوا لنا المينا وخربوا مدخل خصب وقلنا ما علية الحكومه تبغي مصلحتنا نزلوا قرارات بأن يغلقون المكرفون يوم يصلون وقلنا ما عليه قاعدين تحت حكم ناس غير سنيين ونتحمل الي ينا منهم اما انهم أيون ويترسون البلاد فنادق فيها خمور وفجور ومرقص عاد ها الحد لا يطاق وما ينسكت عليه بس شو نسوي لو نصيح من اليوم لباجر الصبح محد راح سيمعنا .اتصدق عاد انهم يبون يبنون لنا فنادق في المناطق البحرية مثل شيصة وخور شم وغيرها وكم مرة يوا لنا يقولون نبى نبني فندق هنيه والاهل مو راضيين لان ها المناطق مثل ما انت عارف ان كلهم اهلية فلو بنوا لنا فندق محد راح يسير هناك وراح تصير منطقتنا مهجورة ومن قريب يوا ونفس الشي قلنا لهم هاي اراضينا وما راح نعطيها لكم والمحافظ بعد قالهم ان اهل ها المنطقة مو راضيين يعطوكم الارض. اتصدق مخططين حق كل شي واحنا ما ندري .يدي يقول انهم مسويين خريطة وراسميها وخالصين على ارضنا وباقي التنفيذ وحنا معارضين وهم مصرين انهم يبنون لنا الفندق ويقولون شو راح نشغل شبابكم في الفندق انقولهم شو تشفلونهم فراشين ولا طباخين ولا سقايين خمور .يبون ينشرون لنا الفساد بأي طريقة .انا اتوقع ان مسندم بعد كم سنه راح تصير ارض كلها فساد والعيشة صعبه فيها (الله يستر ويحفظنا من شرهم) .
يا حسرتي بس شو نسوي ما باليد حيلة محد راح يسمعنا ولا حد يحس فينا كل همهم الفلوس وبس ما همهم دين ولا شعب ولا غيرة .لو بنوا لنا فندق في منطقتي ما ادري شو راح يصير فينا وفي شبابنا.الظاهر انهم راح ينفذون خططهم سواء رضينا او ما رضينا .

خل الي في القلب في القلب يا باحث

 

[أسد الجزيرة]

رد : آخر المتوقع : في بلادنا مرقص و خمور

بنت مسندم ... معلومة فقط كلامج فيه مغالطات .... والفنادق عليها اقبال من اهل المنطقة ... والدليل امتلاء الحانات والمراقص بابناء مسندم ... تعصب بدون فايدة مو منه فايدة

 

[بنت راس الغول]

رد : آخر المتوقع : في بلادنا مرقص و خمور

انا البارحه بس سمعت عن هالمرقص وانصدمت انه خصب صار فيها هالشي .....؟؟؟

لا حول ولا قوة الا بالله العلي العظيم ..

اسسسسسسسستغفرك اللهم واتوب اليك..

شو هالناس وشو هالدنيا.....؟؟

ترانا صرنا ابآخر الزمان والدنيا امخلصه... والله يعينا ويثبتنا على دينا ليوم الحساب....

 

[أسد الجزيرة]

رد : آخر المتوقع : في بلادنا مرقص و خمور

ترا التطور ها الايام بها السوالف ... الله المستعان

 

[بنت الأكابر]

رد : آخر المتوقع : في بلادنا مرقص و خمور

السلام عليكم ورحمة الله وبركاته​

بعدكم والله ما شفتوا شي الفنادق الفاحشه والمراقص تنتشر بسرعه فضيعه وباسم السياحه والضروره


اللهم لا تعاقبنا بما فعل السفهاء منا

الله يبعدنا وأهلنا عن الحرام



تحياتي










أختكم في الله



















بنت الأكابر​

 

[سري للغاية]

رد: آخر المتوقع : في بلادنا مرقص و خمور

السلام عليكم ورحمة الله وبركاته

أنا سمعت عن موضوع المرقص بالمنتدى لانه ما كان عندي خبر
وبعدين اتاكدت أنه فعلا يوجد مرقص

اللي أعرفه ما أقدر أقوله كله << السموحة اخواني
بس انا عندي اخبار تسر الاعضاء
أن الشيخ والرشداء والاعيان اتقدموا للمسؤولين طبعا الشيخ هو اللي رمس مع المسؤولين
بشأن المرقص وانهم يرفضوا وجود هالمرقص
والاخبار بالدرب وان شاء الله يلغوا هالمرقص اللعين<< أن شاء الله أهلنا ما راح يسكتوا وبتشوفون
هاذيل الشحوح وان شاء الله ما يصير إلا الخير ومشكور أخوي باحث على طرح الموضوع
طبعا كلنا ما نرضا بهالمرقص ببلادنا لانه راح يودي إلى أشياء الله أعلم بيها

والله كريم

 

[uk baby]

رد: آخر المتوقع : في بلادنا مرقص و خمور

الله .. يستر .. ممكن في دبا حتى يفتحوا مرقص ..

اللهم عافنا .. وعفوا عنا

 

[أسير القلوب]

رد: آخر المتوقع : في بلادنا مرقص و خمور

جزاااااااااك الله الف خير على طرحك للموضوع

































أسير القلوب

 

[غــــلاي شحــــوح]

رد: آخر المتوقع : في بلادنا مرقص و خمور

السلام علـــــــــــــــيكم و رحمه الله و بركاته

أنا بصراااحه لا اعرف خصب و لا غيرها بس هالشيء اللي يصير غلط ف_غلط والأدهى و الأمر إنه حرااااام لا و ف_بلاد عربيه مسلمه و بعدين يعني لما صار هالشيء فبلادكم رمستوا يعني اللي صار قبل عايبكم و عادي لأنه مب في خصب ترى الغيرة هاااي المفروض تطلع مب لما صار هالشيء فخصب ترى قبل خصب صاااار فأماكن ثانيه فبلادنا لا و بعد ياخوفي ينتقل هالشيء فدبا و مب بعــــــــــيدة أبدا" لا و بعد بيصـــــير في المنطقه اللي ما بين البديه و شرم سبته هالمشرووووع اللي بالأساس محد من أهل المنطقه يبيه بس للأسف الفلوس غرت الناس و خلتهم يتخلوا عن دينهم و هاي هي النهايه صرنا عبدة الدرااااهم مثل ما قال الرسول صلى الله عليه و سلم و حدد بعد إنه بيكون في نهايه هالزمان و إحنا ما بقى شيء من عمرنا قبل لا ياخذنا الموت في حياتنا بياخذنا موووت الآخرة ياريت الناس اللي يسووون هالسوالف يخلو بلادنا اتم على خـــــــــير لآخر يوم في هالدنيا بس للأسف و إن شاء الله يلغون هالمراقص من خصب و غيرها ع_قوله سري للغايه إن الشيخ تحرك و سار و ابدى أولى المعارضات لي هالشيء و إن شاء الله يصــــير خــــير بس انتوا خلو إيمانك بالهه قوي و لا يغركم ياشباب و بنات هالأشياء صج إن نحنا نرمس و نقول و نعارض بس بنفس الوقت النفس أمارة بالسؤ فأنتوا لا تنسوا ذكر الله فكل أوقاتكم ترى كل ما زاد التواصل ما بين العبد و ربه ف_رب العالمين بيحفظ عبده وين ما يكون
و أنا بصرااااحه ما بيدي غير الدعاء

و السموحه منكم

مع تحــــياتي :
غــــلاي شحــــوح