• رؤيتنا : أن تكون برزتنا قلما حرا صادقا مبدعا
    رسالتنا : أن تكون برزتنا مثالا لمصداقية وموضوعية الكلمة وممثلة خير تمثيل للاسم الذي تحمله وتسعى دائما للم شتات القبيله المترامية الأطراف وحسب الامكانيات والسبل المتاحة لدينا مستعينين بما نملك من أقلام قادره على التغيير والابداع

تكفون اقروها :(

العجمي

๑ . . عضو بقراطيسة . . ๑
إنضم
22 ديسمبر 2002
المشاركات
28
مستوى التفاعل
0
العمر
51
الإقامة
الكويت
هذه القصيدة لشاعر كبير في السن وجد عقوق الوالد من أولاده الثلاثة فتركوه وذهبوا معهم نسائهم ويدعى (جحيش السرحاني)

قال الذي يقرا بليا مكاتيب
ياللي تقرون العمى من عناكم

يا عيالي اللي تشرفون المراقيب
تريضوا لي واقصروا من خطاكم

خوذوا كلام الصدق ما به تكاذيب
مثل السند مضموم للي وراكم

ياعيال لا صرتوا ضيوف ومعازيب
ترى الكلام الزين ملحة قراكم

وتروا السبابه من كبار العذاريب
وهرج البلايس ما يطول لحاكم

المذهب الطيب فهو مذهب الطيب
والمذهب الخايب يبور نساكم

يا عيال ما سرحتكم باللواهيب
يا عيال ما عمر المعزب ولاكم

يا ما توليت القبايل تقل ذيب
من خوف لا ينقص عليكم عشاكم

وياماشريت السمن من عرض ما جيب
يفز قلبي يوم يبكي حداكــــــــــم

وياما قطعت من الفيافي العباعيب
ندور من صيد البراري غداكم

يا عيال دوكم لحيتي كلها شيب
هذا زمان قعودنا في ذراكم

قمت اتوكا فوق عوج المصاليب
قصرت خطانا يوم طالت خطاكم


عطوني القرضة عليكم مطاليب
عطوني القرضة جزى من جزاكم

لابد يوم ٍ عاوي ٍ دوني الذيب
بالقبر ما افرق طيبكم من رداكم

ما ني بفاضحكم بوسط الاجانيب
باعمالكم يدرون كل اقرباكم

لو كان تدرون الردى والمعاييب
صرتوا مع المخلوق مثل خوياكم

خوالكم بالطيب تروي المغاليب
ولو تتبعون الجد محدٍ شناكم

وش علمكم يا تاركين المواجيب
حسبي عليكم هالردى وين جاكم

يالله عسى اعماركم شمسها تغيب
يعتم قمركم ثم تظلم سماكم

يا علكم في حاميات اللواهيب
ياللي على الوالد خبيث ٍ لغاكم

شفت الجفا والحيف والغلب والريب
بضلوعكم لا بيض الله قراكم

اطلب عسى نساكم ما تحمل ولا تجيب
ولا احد ٍ من الوغدان يمشي وراكم

اخسوا خسيتوا يا كبار اللغابيب
اهبوا هبيتوا يقطع الله نماكم

اللهم لاتجعلنا من العاقين لوالديهم والله المستعان
 

سواح

๑ . . عضو ماسي . . ๑
إنضم
12 ديسمبر 2002
المشاركات
1,442
مستوى التفاعل
5
الإقامة
الامارات
كلمات وايد حلوه

تسلم يمنيك أخوى العجمي


تحياتى


سواح
 

العيون الحزينة

๑ . . عضو ماسي . . ๑
إنضم
12 ديسمبر 2002
المشاركات
1,049
مستوى التفاعل
2
العمر
39
الإقامة
In My sAdEyes
كلمااات تقطع القلب00




مشكوور اخووي العجمي على هالكلماات المعبره00

|101|




اللهم لاتجعلنا من العاقين لوالديهم 00
 

بيشوقة

مشرف منتدى الشعر والأدب
إنضم
12 ديسمبر 2002
المشاركات
56
مستوى التفاعل
0
العمر
41
الإقامة
دبي
اللهم ارحمنا
تسلم اخوي العجمي
 

الأمل القريب

๑ . . عضو نشيط . . ๑
إنضم
22 ديسمبر 2002
المشاركات
209
مستوى التفاعل
0
الإقامة
الامارات
[ALIGN=CENTER]

الصراحة اشوية بصيح... يعني هو رباكم هذا ذبنه!!

صدق ناس فاضية ما عندها ضمير[/ALIGN]


:eek::eek:
 

مخاوي الطيبيين

๑ . . عضو نشيط . . ๑
إنضم
12 ديسمبر 2002
المشاركات
348
مستوى التفاعل
0
الإقامة
بوظبي/الامارات العربية
لله انهم يستاهلون الذي دعي بهم عليهم.
شكرا النسيب
 

بنت الفريج

๑ . . عضو نشيط . . ๑
إنضم
12 ديسمبر 2002
المشاركات
272
مستوى التفاعل
1
الإقامة
+بوظبـــــــي+
حرااام ليش ايسون فيه جيه >>



يكسر الخاااطر ...






أشكرك أخوي العجمي





اختك بنت الفريج
 

قوطي براقع

:: شخصية هامة ::
إنضم
12 ديسمبر 2002
المشاركات
281
مستوى التفاعل
1
يا حليله جحيش

قلبي على وليدي وقلب وليدي من صخر
 

درع الجزيرة

๑ . . حبوب البرزة . . ๑
إنضم
8 نوفمبر 2005
المشاركات
103
مستوى التفاعل
0
رد : تكفون اقروها :(

المذهب الطيب فهو مذهب الطيب
والمذهب الخايب يبور نساكم




درع الجزيرة
 
أعلى