خاطرة...

[بحر الأمل]

السلام عليكم و الرحمه


لا يا حبيبي ** مـا عدت انت الغالي
لا يا حبيبي ** ما عدت القمر العالي
ما عاد لك في قلـبي وجود
ما عادت تبتسم لك الورود
دام هذا هواك *** دام هذي حياتي معاك *** خليت الهوى لك
و خليت لك الصــــــدود

نسيت يوم اني جـيتك و عني صديت
نسيت يوم أني رجيتك و عني تخليت
روح أنا اليوم ما أبيك
روح ربــــي يجازيك

بنساك و على النسيان *** صدقني انا قادر
الدنيا ما لها أمـــــــان *** الوفا صـار نادر
لا عـــدت بك أبالي
روح اتركني بحالي
أنا بنسى الجراح*** لا ترتجي السماح *** روح المسامح ربك
أنا شــلتك من بالي

نسيت يوم اني جـيتك و عني صديت
نسيت يوم أني رجيتك و عني تخليت
روح أنا اليوم ما أبيك
روح ربــــي يجازيك


شمس المحبة عن ســـــــماي غابت ** خلاص و لا إلها رجعه
كنت القلب و اليوم مكانتك فيه بانت ** للأسف ما تساوي ربعه
باب حبك ضاع مـــــــفتاحه
خسرت طيبة قلبي و أرباحه
يا همي اللي راح *** بخليك و القلب مرتاح *** بنسى حــــبك
و بــخلي قـــلبك بصــــياحه

نسيت يوم اني جـيتك و عني صديت
نسيت يوم أني رجيتك و عني تخليت
روح أنا اليوم ما أبيك
روح ربــــي يجازيك



تحياتي بحر الامل

 

[بحار]

السلام عليكم ورحمة الله وبركاته ..

عودتينا أختي على كتاباتج اللي تسرح بالخيال لبعيد ..

وانا حاب اكتب رد على خاطرتج .. إذا ما عندج مانع ..


هذا آخر كلامك ... تجرحني بملامك .. وترميني بسهامك
هذا آخر كلامك ؟؟؟

نسيت الايام يا غالي ..ونسيت كل الآمالي .. تبا تبعد ابعد وتركني لحالي ..

ما عاد للصبر محل في حالي .. انت تجرح وتغدر وتقول اني سالي ..

ولا تنسى من طبعك التعالي ..

بعيد أرحل .. وعني لا تسأل .. هذا القدر .. مكتوب نعيش بظلم البشر ..

يا قسوت قلبك .. تعاتبني على غدرك !! يا مكبر الحقد اللي بصدرك

واليوم ابعد .. و اليوم بغيري اسعد .. و اليوم ناري بتبرد .. وانت قلبك بجمد..

..

يلا مع السلامه ما عرفت اكمل بس مخي قفل ...


أخوج بحار

 

[بحر الشوق]

مثل ما عودتينا انتي و الأخ كتاره....الصراحه كلامكم راااااااائع حتى و أنا اقرا كله اذكر الهاشمي و مطلع الشمس ما أدري ليش؟؟؟؟؟!!!!

تحياتي

بحر الشوق

 

[الجني]

تفننتي بهذي الكلمات


كلماتج لها صدى في القلب المجروح
فكم من حبيب تجرع لوعة الحب
وذاب حبه في قلبه وصبر




شكراً على هذه الكلمات الرنانه

 

[بحر الأمل]

اخويه كتاره.........

بحر الامل دومها عاجزه عن الرد على كلماتك الرائعه و الطيبه......مشاعرك جدا انسانيه و حميله..........

اسمحلي ابدي اعجابي الكبير بكلماتك السحريه...ففعلا هي الدواء لقصايدي..ولو انك دوم تظلمني....بس يالله عادي..كل شي حلو منك...

تحياتي لك يا بحااااااااار

_________

بحر الشوق.....
دائما ارى حروفك لامعه في مشاركاتي..........
انتي ابتهاجي و فرحه للقلب الجريح........
شكرا لتواجدج...احترامي لج..

_________

الجني
انته الفن و الروعه و مرووك هؤو الاحساس نفسه.........

شكرا على تواجد الطيب و على هالكلمات و اللمسات السحريه بكلماتك الحنونه

تحياتي لك يا اخويه العووووووووود و الفنان




بــــــــــــــــــ الامل ـــــــــــحر

 

[صوت الحزن]

رد : خاطرة...

ما ابي انساه بعد اللي عانيت

حبه دواء القلب ولو عاديت

صدودة عن الوجة خجل يا ريت

بس عن القلب عناد اللي فديت

ما اقدر اتركة وأنا دام ميت

بالهوى لين ما عيت




صوت الحزن

 

[بحر الأمل]

رد : خاطرة...

جميل يا صوت الحزن أن أراك تبعثر أوراقي القديمة .. و التي فيها يتواجد ضعفي الأكيد ..

شكرا للمتابعه و للبحث عن ما قد حوى قلبي منذ القدم ..

ياااااه .. سنين مرت على تلك المشاعر .. كيف لي أن أتذكرها بمجرد كلمات ..

صوت الحزن .. أشكرك على المرور ..

أنت راائع ..و الأروع ردودك..

بحر الأمل

 

[سندريلا الشحوح]

رد : خاطرة...

اشكرك على المشاركه الرائعه

 

[فارس بلا جواد]

رد : خاطرة...






خلاص رحتي واخترتي الطريج

خلاص جفيتي ونسيتي إلي كان

تأكدي أن قلبي مثل ما كان كبير

راح يفتح للهجر الطريج

وراح يرفع راية الصد الكبير

ما عاد تنفعي معاذير

ولا تنفع سبايب المحبين

 

[د. الجوكر]

رد : خاطرة...

نسيت يوم اني جـيتك و عني صديت
نسيت يوم أني رجيتك و عني تخليت
روح أنا اليوم ما أبيك
روح ربــــي يجازيك


كلمات اكثر من رائعه تحياتي لج بحر الامل و يعطيج الف عافيه