رد : #خوله وناصر قصه حب حقيقه ((في دبي))#
------في المستشفى-------
هنادي وهي تحضن خولة حييييييل: لا يالدلوعة..... شغلتي بالنا عليج
خولة وهي مدمعة: يالدفشة عورتيني...... مو الدلع ماخذتنه منج
هنادي هدت خولة: احم احم اعرف اني ام الدلع والزين كله
خولة: لا تصدقين عمرج يالقوطي تراها مجاملة
وتمو يلعوزون بعض ويسولفون .... لين ما طلعت اللي بخاطرها اسما:حسبي يالله عليك يا نصور جان انك عورت قلب خولة
خولة : لا يا اسما لا تدعين على الريال....... حارب اتصل باسما وقال لها انه يباها وظهرت اسما من الحجرة
انتهزت هنادي الفرصة ويلست حذال خولة: خوالي فديتج.... بلاج شو اللي صار فيج ليش رافضتنه؟؟؟
خولة وعيونها دمعت: لا تييبين لي طاري المنافق
هنادي حاولت تهدي خولة..... لكنها:المشكلة مب فيني المشكلة بصورتي اللي عنده والله لو حارب عرف بيجتلني
هنادي: انزين ابا اعرف انتي على شو زعلانة... عسب افهم
لوت خولة على هنادي وخبرتها السالفة........ هنادي وقف شعر راسها وتمت تقول: مستحييييييييييل...والله والله انه ناصر ريال شهم وما عنده ها السوالف اساليني عنه... صدقيني حمود دومه يمدح فيه وباخلاقه
خولة: يعني تبيني اصدق اذني واجذب عيني
هنادي: خولة حبيبتي صدقيني انا ربيعتج واحب الخير لج... صدقيني ناصر مو مال ها السوالف وهو حاشر حمود بسؤاله الدايم عنج
بعدين تعالي انتي من وين لقيتيها الصورة؟؟
خولة وهدت شوي: حارب ياب لي اياها... من وين من عند منوما اعرف.... بس اللي كان بالصورة هو ناصر ال0000وتصيح
تظهر هنادي من الحجرة وعلى طول تتصل بمحمد وتساله ..... ومحمد يحلف لها انه ناصر نيته صافية وهو صدق يحبها وما عنده ها السوالف
ويسكر عن هنادي
في الليل .... يتصل بناصر
ناصر وهو مهموم: اهلين حمود... هاه بشر ؟؟
محمد: ناصر انا اعرفك من سنين ... من يوم ما كنا صغار كبرنا ويا بعض يعني كل واحد فينا يعرف الثاني
ناصر وتزيد دقات قلبه: اللهم اجعله خير , هيه صدقت بكل كلمة قلت ها.... بس جنه بخاطرك شي وتبا تقوله؟
محمد: والله اعرفك انا ومتاكد منك بس بخبرك شي واباك تحكم ولا تاخذ بخاطرك عليي
ناصر:حمود قول اللي عندك انت اكثر من اخ بالنسبة لي
محمد خبراه عن الصورة ولو انه يعرف البنت اللي في الصورة
انهار ناصر: أي بنت ؟؟!! عن شو ترمس انت؟
محمد حاول انه يهديه...... وخبره بالسالفة وانه ليش رفضته خولة..... تم ناصر بحالة ما يعرف شو يسو شو البلاوي الللي تحذف عليه من كل صوب
ليش كل ما واحد نيته صافية لازم يتعذب قبل لا يعرس.....
محمد:ناصر انا مصدقك والله العظيم اني مصدقك بس يا ترا منو ها النذل اللي سوا جي
ناصر : والله لو اعرف منو هو بدوسه بسيارتي....... المهم حمود اسمح لي تراني بتصل بخولة لا زم ابين لها اني مب هو اللي بالصورة
محمد: بس خولة .... ناصر: خولة بلاها ياحمود... انت تعرف شي عنها وانا ما اعرفه؟!
محمد: بتوكل على الله وبقولك..... وخبره انه خولة بالمستشفى من اللي شافته
ناصر على طوووول سكر عنه..... وشل صورتها وتم يطالعها ويفكر.... كيف بيعرف عن احوالها...فكرفكر...كتب لها رسالة ووبين فيها انها ظالمتنه
وهاييل الانذال قاصين عليهم...وسار المستشفى.... بس لحظة هو ما يعرف باي مستشفى هي..... لكن قلبه دله ...سار.... وسال عنها
لكنهم ما خلوه لان الوقت كان متاخر ... حاول حاول وياهم ما خلوه لان حارب كان ملزم عليهم انهم ما يخلون حد يدخل عليها... عقب ما حلفته خولة عسب يرد البيت.....قال لهم انزين انتو تعالو وياي انا بس بشوفها مجرد نظرة.....لكنهم ما خلوه ... فعطاهم الرسالة وقال لهم عطوها وقولو لها من ناصر
الصبح .... خولة نشت... ويتها الممرضة وقاست ضغطها.... وعطتها الرسالة وخبرتها انها من ناصر... خولة بغت تشق الرسالة.... لولا فضولها
فتحت الرسالة وقرتها..... وتمت تصييييح......وتلومت انها ظلمته ..بس شو الدليل انه صادق ...لالالالا خولة عالقة ما تعرف شو الصح ومنو الصح؟
--------
ناصر ما هدا له بال .... دقت البشكارة باب حجرته...: بابا ناصر رفيك مال انت داخل مجلس.... ناصر مستغرب منو ياي بها الوقت...قام لبس بيجامته مع انه ماله خلق يشوف أي حد.... ودخل الميلس...: ظاعن!!! هذا انت؟
ظاعن: اهلين خوي ناصر ..... ادري بك ما تبا تشوفني بس لوسمحت ابا خمس دقايق من وقتك
ناصر: تفضل ايلس
ظاعن:انا ياينك استسمح منك من كل اللي صار بينا من قبل واحين ... الحمد لله ربي هداني عقب فوات الاوان
ناصر: اللي فات ما ت يا ظاعن ونحن كلنا اخوان
ظاعن: تسلم على طيبة قلبك .... بس انا بخبرك بسالفة ادري بك بتغيظ بس صدقني ما بتشوف ويهي مرة ثانية بس انت قول انك مسامحني
ما علي اسمح لي انا برمس وبلا مقدمات السالفة وما فيها انه.... انت تحب بنت عمي خولة ....وهي تحبك صدقني ما بتلقى وحدة شرات خولة وهي ما بتلقى ريال شراتك...الله يجمع بينكم بكل خير.... واذا سرت احين عند حارب وطلبت خولة منه صدقني ما بيردك
ناصر وهو مغيظ: انت شو تقول لا يكون هاي لعبة يديدة منك
ظاعن وعيونه متروسة دموع:صدقني انه ربي هداني وخلا ص انا مب ظاعن اللي تعرفه انا واحد ثاني.... اوو.........وتنزل دموعه
انا ندمااان حيل ..ندمان...... ما اعرف وين اودي ويهي منك..ادري تتحراني اخورط عليك لكن احين بتتاكد من رمستي
وخبره انه هو وربعه ركبوصورته ويا وحدة.... وهو مسوي ها السالفة كلها لانه خولة رفضته يوم خطبها ورضت بعدوه اللي كان ناصر
ناصر وهو مب حاس بعمره يعفد عليه ويمسكه من جتفه بالقوووو: والله ..لو ما الحشمة لابوي انك في بيته ضيف جان سودت ويهك يا مسود الويه
ظاعن: والله لوتجتلني وتريحني من تانيب الضمير والندم اكون ممنون لك ....لكن انت بس قول انك مسامحني واوعدك انك ما تشوفني خير شر
ناصر: اسامحك ونت طيرت البنت من يدي
ظاعن: لالا البنت لك انت بس.... انا رمست حارب وقلت له عن كل شي وهو مستحي من اللي قاله لك وتم ظاعن يحاول انه يسامحه ...لين ما قال له ناصر: مسموح واللي صار صار بس هاه ... لا يكون تجرب صوبي لاني صدق ما برحمك
ظاعن حبه على راسه: يزاك الله خير ياخوي.... والله يسعدكم ويا بعض.... بس لاتنسوني من الدعاء واللي يسلمكم وبلغ سلامي للوالد وللربع ولحارب ودير بالك على عمرك وعلى خولة ... في امان الله
ناصرفي نفسه: لا اكيد جاسه شي ها الظاعن هذا
ناصر وهو ظاهر من المسيد....سار المستشفى يبا يتطمن على خولة..... لكنه لقاها مرخصينها قبل نص ساعة
وهو في الدرب يبا يتطمن عليها... وما يعرف يتصل بها ولا يسير لها البيت..... لا البيت عيب..... بتصل احسن
ويرن موبايل خولة... اول ما تشوف ((بو العيون العسلية)).... يفز قلبها... وعلى طووووول وبلا مقدمات
::يا مرحبــا يا نا عم الصوت والعود
ناصر: مراحب بج يا ام العيون الناعسة... بخدو على قولة حمود... كنت خايف عن تكونين شالة بقلبج عليي....
خولة: أحيى بصوتك يوم هاتفك ياني
ناصر: يعني راضية عليي... مب بخاطرج عليي
خولة وبدلع بنوتي: مهما جرى من ك وصار.... انا تراني في انتظاااااار .... صابر على ماهو جرى لي..... اطريك في ليل ونهار
ناصرراح فيها وقف السيارة خاف انه يدعم : يا ويلي انا على الدلع......اخ منكم انتو يالبنات...صدق ان كيدكن عظيم
خولة: هههه هههه
ناصر: فديت ضحكة الكناري.اوه...قصدي..يعني ضحكتج انتي.....المهم.. خولة فديتج ...بعيد الشر عنج..علني انا ولانتي
خولة وبدلع اكثر: لاااااا لاتقول جي.... فال الله ولا فالك
ناصر: حبي خايفة عليي؟!
خولة: لو ما اخاف عليك ؟على منو اخاف...كم من نصور عندنا غير يدي
ناصر:هههههههه صدق انج ربيعة هنادي......وفديت القلب وصاحبة القلب اللي تخاف عليي
خولوه سمعيني ...... احين بتصل بحارب وبتفق وياه.... وباجر باذن الله ماني داخل بيتكم الا والمطوع وياي
خولة: شوووووووووه بها السرعة
ناصر:ما يخصني فيج....المهم رتبي امورج حق باجر لانه
تقاطعه خولة: على شو بلحق انا؟ اجل شوي
ناصر : خلاص عندج لين عقب باجر واللي يقول لا بقطع لسانه
خولة وهي طايرة من الوناسة بس ما بينت له: برايك....واللي تباه سوه
ناصر: اكيد برايي والشور شوري .هههههه وشورج نتي بعد يا غناااااتي
وغصب تسكر خولة عن ناصر... وتتصل بهنادي وتقول لها خل تحجز لها الكوافير ة وتسير وياها مزايا عسب تاخذ لها فستان.....
تابعونـي ^_*
(`'•.¸(` '•. ¸ * ¸.•'´)¸.•'´)
«´¨`.¸.* غزوووووووووووووولة *. ¸.´¨`»
(¸. •'´(¸.•'´ * `'•.¸)`'•.¸ )