معلومات تهم كل بيت

[مزيونة دبـي]

رد: معلومات تهم كل بيت

تسلم اخوي ع المعلومات

وربي يعطيك العافية

 

[شوق المحب]

رد: معلومات تهم كل بيت

الصراحه معلومات قيمه


مشكور وإذا عندك زود خبرنا



اختك شوق المحب

 

[الرمس]

رد: معلومات تهم كل بيت

أشكر مرورج أختي وتواصلج

 

[ظبية_الإمارات]

رد: معلومات تهم كل بيت

مشكور أخوي على ها المعلومات الطيبة يبالنا حق البعوض تراني ماترقعت من صلالة كله قرص ولدغ أسير صوب الماي محد قالي هههههههه :h_gamzah: ​

 

[الرمس]

رد: معلومات تهم كل بيت

المره اليايه شلي أوياج نعناع بينفعج

شكرا على هذا المرور أختي

 

[عاشق البراري]

رد: معلومات تهم كل بيت

أونه حور تقول ما عندهم نمل في رأس الخيمة النمل مكود عندكم..
تعرفين ليش لأنه اللنشات الايرانية تدخل عندكم وهي يايبه وياها العومه من إيران خخخخخخخخخخ



مشكور يا الرمس على المعلومات المفيدة ..

كثررررر منها ..

 

[الرمس]

رد: معلومات تهم كل بيت

شكرا على مرورك الجميل أخويه عاشق البراري وشاكر تواصلك

 

[بنت الدكتور]

رد: معلومات تهم كل بيت

المره اليايه شلي أوياج نعناع بينفعج

شكرا على هذا المرور أختي

الرمس... ليش نعناع؟؟؟؟؟ كيف ينفعنا هناك؟؟؟؟

..
..
انا كل ما اسير هناك اشل عدة انواع من الكريمات والبخاخات ضد الحشرات.... الله وكيلك حاطتنهن بشنطه وادور فيهن من مكان للثاني... بس ما نفعني شي بالمره:h_waa: ....
.
.
واثر القرص مال السنه اللي طافت مازال موجود..الله يخسه ما خاز:h_waa: ..
.
.
فيدني الله يرحم ويغفر لك ولوالديك ....

 

[الرمس]

رد: معلومات تهم كل بيت

من جيييه أيقولج يا بنت الدكتور

لإبعاد البعوض خاصة في الليل : ضع بضع أوراق نعناع طازج قريباً من الوسادة وفي أنحاء الغرفة !

 

[بنت الدكتور]

رد: معلومات تهم كل بيت

الله يهديك يالرمس... انت شكلك تبا اضحك الناس على اختك بنت الدكتور.....
.
.
انا باذن الله ناويه اسير صلاله....بس شو تباني اشيل النعناع بايدي وادور فيه مثل المهفه......!!!!!!!! خخخخخخ
.
والله اني بستوي نكته للي يسوى واللي ما يسوى ..... وبيصوروني وبيطرشوني وسايط وهم فصلاله.....
.
وبعدين يا اخوي هالحشرة اللي هناك لايعول فيها كريمات ولا شي.... هذي لو اييب لها سلاح اسرائيلي واهددها ...بعدها بتقرصني وبتقاوم بشراسه....... عيل في حشرة بالعالم اسمها ((البق)) سبحان الله................