ركبت السياره ويا نواري ويلسنا ندور هالمعاني ما حصلناها .. رحنا صوب المسيد شفنا عمال سألهم الدريول وين التنين ما عرفوا شيء
عقب وقف تكسي سأله وين التنين ،، اشر لنا ع ابن بطوطه الجناح الصيني ردينا من اول ويديد ندور بعد بليا فايده
وقفنا تكسي ثاني ورطن وياه الدريول ،، .. وقفنا تاكسي ثالث وكانت الصدمة .!!!
خبرنا ان هاا مركز ابن بطوطه وفي مركز ثاني مفتوح الحين بعد توه يديد اسمه المركز الصيني – سوق التنين- هب هاا .!!!
ووصف لنا مكانه
من عرفنا مكانه اتصلنا بمعاني بس ما كانت ترد دزينا لها مسج " اييه الغبيه اشعنه ما تردين ،، فديتج يالثور أخوج الذكي منزلنج في مركز ثاني اسمه سوق التنين ونحن في مركز اسمه ابن بطوطه واثنينتهم ايداد ،، فديتج دقايق وبنكون عندج دخلي داخل من نوصل بنتصل بج "
من وصلها المسج اتصلت اتصيح
معاني اتصييح : قلت لج مركز التنين ما صدقتيني ،، نواري انا خاايفه من متى هنا والبطاريه بتفضي يلا
نواري : خخخخخ انزين ما عليه اصبري شوي – اطالعني - بنروح صوب بن سوقات خاطرنا بالتركش مالهم ،،عقب بنمر صوبج اوكي - طالعتني وغمزت إلها *.^
معاني : لااااااا بموت
نواري: خخخخخخخ عاادي موتي ، روحي داخل يوم بنخلص بنتصل بج
معاني وخلاص صوتها يبين ان اعصابها تعبت وبدت اتصييح : .. والله العظيم تراا اتصل الحين بأبوي اخبره عنكن
نواري :ههههههههه خوفتيني انزين اتصلي به والله ييهزبج ويهزب أخوج وبيحرم علييج اطيحين دبي ودية ثانية هههههههه
معاني : حرام عليج جان ما ييتوني الحين والله اخذ لي تكسي
نواري: الله يحفظج
معاني : مالت علييج .. اقول امي اتصلت بي وقلت لها اني وياكن ونحن الحين بالشارجة رادات
نواري : بعينج بالشارجه وجان تاخرنا ،، جان قلتين لها بعدنا بدبي ما ظهرنا
وسكرت عنها قبل لا تفضي بطاريتها ونحن نمشي استغربنا المكان والجو
ونواري الحبيبه اونها ادلي الدريول مكان المركز – مركز التنين-
رهف : مجيد انت وين رايح اول مره انيي هالدرب
مجيد : شوف ابله رهف هداا صديق ماال انته يروح مركز منااا
رهف: شو مركزه عاقينه هناا بعد ، منو بييهم يوم عاقين مركزهم هنا
نواري: انتي اسكتي لاه يلسي شوفي المناظر
رهف: أي مناظر الا صحراا
تدرون ان التكسي الي وقفناه طلع اذكى عنا ،، وين دلنا دلنا مكان بعيد ،، مشينا ومشينا لين آخر شيء شفنا ؟!!!!!!!!!!!!!!
رهف: مجيد انت وين ماخذناا !!!!!!!
مجيد : ما يدري نفرات يقول منا ؟!!!!!
نواري الي كانت تاكل جلكسي : هااااااااا شو ماااااااا تدري اناااا اشوف هناااك حرس يأشرون
رهف : مجيد غربلاتك هذيلا حرس !! وين غبرت بنا انت!!
مجيد : صبر ابله رهف انا يشوف شو هدااا ؟!!!
نزل مجيد صوب الحرس وسألهم كانوا سبع ( 7 ) حراس واقفين صوب الحدود ع البوابه شوي ويرد لنا مجيد
مجيد : ابله هداا يقول مناا حدود انت وين يرووح ؟!
رهف؟!!!: وغربلك الله يا مجيد ووين ماخذنا .. شو حدوده !!
مجيد : هداا يقول يمكن حدود عمان
رهف : حدود عمان ؟!! وغربلني الله .. رد ريوس الله يغربلني يوم ييت وياكم
نواري : وابويه جان امي وابوي دروا بالي صار لنا اليوم يا حرام يحلفون لي ما اطب دبي وديه ثانية وياكن
رهف : جان زين حشاا يايين نغير جو ونشرا حرقتن اعصابنا الله يحرق اعصابكن .. الحين هذيك يمكن تتريانا قلنا لها ثلث ساعه ونحن كملنا ساعه ونص
نواري: هااي روحها ماصخة ليش ما تتصل بخالها ،، يلا مجيد رد ابوي
مجيد : اسمع ابله انا يقول هداا غلط هداا اخو يخلي اهوو بروحه بعدين سير ،، هدا مافي زين هداا الحين روح مكان تاني ،، الحين ساعة تومان ونص مافي زين هداا روحه ،، احين دنيا مافي زين ما في امان متل اول
نواري : شو نسوي بها يا مجيد تدري بها راسها يابس – اترمسني : اتصلي بها شو فيها
رهف : لو قالت لي وينكن شو اقول لها
نواري : قولي لها ربع ساعة وبنكون عندج
نرد لمعاني الي كانت متكيفه داخل المركز لين ما وصلها اتصال مني وحليلها حسبالها بقول لها يلا ظهري، بس اتعلت لها اونه نواري ردتنا ابن بطوطه تبي تتشرى لها كمن غرض
رهف: اقول معاني اتصلي باخوج ، ولا اقولج خل يتصل بالدريول يدليه مكان المركز
معاني: شوووووووو ما تعرفون مكان المركز ؟!! انتو وين بالضبط
رهف : بلاااااج نحن بشارع الامارات يايينج
معاني : عيل ليش تبغين اخوي يدليكن المكان؟!
رهف : اففف شو بلاج عسب الدريول ما يضيع
معاني: والله بيذبحني لو درى اني للحين ما شفتكن واني ضايعه
رهف : لا تقولين له ضايعه قولي له أي شيء اخرطي له ، وخليه يتصل بمجيد ، ولا اقولج عطيني رقمه بخلي مجيد يكلمه
بعد شو اقتنعت واتصلت باخوها وقالت له اونها ويانا والحين بنروح ،وخل يتصل بالدريول يدليه بس اخوها شك كيف يدلي الدريول وهو موصلنا نحن ،، عقب يوم حست انه هب مصدقنها قالت له ان نحن كنا في مركز اسمه ابن بطوطه وهي في مركز التنين ،، عصب اخوها وشل الدنيا فوق راسه وما خلى سبه ما سبها بها ، لانها هي قالت له يحدرها بالمركز الصيني وهو يعرف مركز ابن بطوطه وهي ما خبرته ينزلها هناك
وقال لها هو بيي ياخذها بس هي خاافت منه اكيد بيضربها يسويها ،، قالت له انا نحن جريبات منها وخل يتصل بالدريول يدليه
واتصل اخوها بالدريول وهو معصب ومجيد بولسانين يرد له
مجيد : انت سوي مشكله هداا بنت اخو مال انته واااجد عصبي انا قول وين انت هو سكر تلفون ويه ابله نواري
نواري بصوت خفيف : وغربلك الله يا مجيد لا تقول اسمي
مجيد سمعها ورد بصوت عالي : انزين ابله نواري ما في قول
رهف : ههههههه هاا ثور ما يفهم
مجيد : اسمع ابله رهف انتي ما في قول ثور هداا حرام انتي لسان وااجد كبير انا كل انسان سوا سوا
رهف : خيييبه هب اذن عليك انت يلاا اسأله وين الدرب
المهم أخو معاني دل الدريول الطريج ، ومجيد ما قصر خبره انا وصلنا صوب الحرس ع الحدود وخبروه ان هاي حدود عمان ،، وهذاك عصب له وهزبه ..
وحليله اخوها من خبرته السالفه رد لها ،، كان بالخط رايح بو ظبي عسب باجر له دوام ومن درى بالسالفه رد مسرع صوب دبي بيروح لهاا المركز
في هالوقت نواري قالت بتتصل لمعاني عسب تخبرها انا عرفنا الطريج بس المشكله الحين ان يوم اتصلت بها نواري طلع موبايلها مغلق جربت من موبايلي بعد عطاني مغلق !!!
فضت بطاريتهاا والحين شو الحل ؟!!!!