الزواج بغير مواطن!!

[بنت دبي]

أتكلم عن زواج المواطنات بغير المواطنين؟

هل تؤيدينه أم تعارضينه؟

هل له إيجابيات؟؟

أم أنه مليء بالسلبيات؟؟


لو كنتِ غير متزوجة حالياً .. هل طرأت لكِ فكرة الزواج بغير مواطن؟

لو أنكِ أمٌ لفتاة شابة .. هل توافقين على ارتباطها بغير مواطن؟

هل هو الرد الطبيعي والنتيجة الحتمية والحل الأمثل لإقبال المواطنين على الزواج بغير مواطنات؟؟


بنت دبي

 

[بنت الفريج]

السلام عليج عزيزتي بنت دبي




أشكرج على هالموضوع


بصراحه أنا أجد ان السلبيات منت الزواج بغير مواطن أكثر من الايجابيات لكن اذا كان من دول الخليج فما في مانع لان عاداتنا و تقاليدنا متشابهه لحد ما ....






و السموحه


بنت الفريج

 

[البيشك]

انا ايد بنت فريجتنا كلامها كله درر ما شاء الله عليج ,,,

الزواج من الاجنبيات فيها وايد سلبيات اكثر من الايجبات ,,,

مثلا وايد ازوجو من اجنبيات وفي حالات الانفصال البعض يرجع ديرته مع الاطفال واهنيه تظهر الخطوره بالموضوع واثار التربيه ,,

والسموحه ,,

مشكوره علي الموضوع القيم

البيشك

 

[بنت دبي]

بس شو رايكم بوحدة تتزوج بغير خليجي مصري مثلا

 

[بنت الفريج]

بصراحه ما أحبذ هالشي ...لأسباااب عديده تحول ما بين الانسجام بين الشخصين....
أنا شخصيا ما أقبل مب عشان انه مصري أو غيره بس لأن هناك اختلافات عديده بين الخليجيه و الوافد ....أهمها اختلاف العادات و التقاليد..



أشكرج بنت دبي ...

 

[بنت دبي]

تسلمين الغالية وهذا بالضبط اللي كنت بقوله

 

[العيون الحزينة]

السلام عليكم00



انا رايي من رايكم00 الزواج من اجنبيات له سلبيات اكثر من انه له ايجابيات00 لانه في اختلاف واايد بين الزوجين00من حيت العادات والتقاليد00واشيا وايده غيرها00

ولو اختلفوا بيوم00 فان العيال هم اللي بيدفعون ثمن هالزواج00 اللي بدايه كانت غلط00

وزواج الوحده من واحد مصري بعد مو شي00 لانهم مختلفين عنا بعاداتهم00





باي

 

[بنت دبي]

يسلمو

 

[قوطي براقع]

[ALIGN=CENTER]هذا اللي قاصر بعد .. أخذ واحد ما يعرف يقول فديتج !! |4|

الأسلام ما حرم الزواج من أجانب مسلمين لكن ظروف حياتنا تختلف عن معظم الدول العربية والأسلامية الأخرى .. اللهجة ..المظهر .. الأكل.. الأهتمامات والعادات والتاريخ في كل شي تقريبا .

يعني هب علشان الخوف من احتمال حدوث انفصال الزوجين هو السبب فقط .. لكن في أمور ثانية تأثر على نفسياتهم ونفسيات عيالهم وأهلهم والمجتمع اللي عايشين فيه أيضا.

مشكورة بنت دبي على الموضوع[/ALIGN]

 

[غاية]

مشاركة: الزواج بغير مواطن!!

السلام عليكم ورحمة الله وبركاته

مشكووووورة اختي بنت دبي على الموضوع والله يعطيج العافية ..

وأنا رأيي أن المرأة الي تتزوج بغير الخليجي .. يعني تتزوج وافد أنا ضد هذا الشيء هب لشيء يعني يمكن يكون الريال زوج وخايف الله بس الكلام هب في هذا الموضوع بالعكس ... السالفة اكثر من جذا .. يعني يوم يتزوج مواطنة يطالب بكل شيء يعني يبي الجواز وكل شيء يعني له حقوق شرات المواطن واكثر بعد ... بس الحكومة والحمد لله ما قصرت الحين الي تتزوج من غير المواطن ينسحب عنها الزواج ... الحمد لله ... وهذه لحكمة اكيد .. هب عبث...


غاية