السلام عليكم
بالبدايه كنت ابحث عن صور بالموقع ولفت انتباهي هذا الموضوع وسجلت بالمنتدى للرد
يمكن اني افيدكم لو بالشي البسيط
انا من دولة الكويت
سؤالكم عن وجود احد من قبيلة الشحوح الكريمه في دولة الكويت
قبل 3 سنين كان معاي واحد اسمه علي الشحي طبعن اصله كويتي وبصراحه كنت ماعرف عن قبيلتكم الطيبه اي شي وكان خوش ولد واخلاقه عاليه
وبعدها بفتره عرفت معلومات عن قبيلتكم انها تتواجد بين عمان والامارات وقبيله عربيه مثلها مثل باقي قبايل الخليج
طبعن لاتستغربون وجود عوائل منشتره بالخليج من قبايل مختلفه لان بالاول كان الوضع يختلف
كان الناس تبحث عن العمل وهناك من كان مطلوب بثأر واكيد انه يهجر بلاده ويعيش في بلاد اخرى
وايضا كنت اسمع من والدي رحمه الله ان اهل عمان بشكل عام لهم وجود في دولة الكويت بالماضي لتعاملهم مع تجار الكويت وبالاخص اهل البحر
وبالنيابه عن اهلي بالكويت نقول يشرفنا وجود عوائل من قبيلة الشحوح بالكويت او وجود اي عائله تنتمي للامارات او عمان حنا بالاخير اهل والكويت بلادهم الثانيه
وشكرا لكم