i آه من قلب (ن) غدا حبه جنوني i

[غالية وتتغلى]

رد: i آه من قلب (ن) غدا حبه جنوني i

"" يوم الجمعـه سـاعه 10 ""

ام حمـدان و بو حمـدان كانو يترقون فالصـاله اللي تحت و عبدالرحمن كان ناش و يصيـح ومحد سمعـه و صوته شال الطابقه الثاني و حمـدان سمع صوته و مارام يرقد نش و سـار صوبه و شافه متيبس من الصيـاح ,,
حمـدان خاف : بسم الله عليك شوفييك ؟؟
عبدالرحمن يصيح من الخـاطر : واوا
حمـدان : حبيبي وين الواوا ؟
عبدالرحمن : رااسي يأورني
حمـدان : فديتك عنه فيني و لا فيـك ,,
وعقب حمـدان تم لاوي عليه وشله و وداه غرفته .. و سـار اتسبـح بسرعه وعقب سار صوبه و رقـدو مع بعض وحمـدان كان لاوي عليه ,, والمكيف فويه حمـدان ,,

مريوم و عليـوه نشـو ,, جان يسيرون يوعـون سـاروه و عقب نزلو تحت يسلمون ع اللي موجود ,,

مريوم : قبل شويه كنت اسمع صوت حمـانوه يصيح
عليـا : حتى انا سمعته لكن مادري تحسبته حلـم ,, يوم نشينا قمت اشوفه بس ماحصلته موجود تحسبته عندكم !!
ام حمـدان : واعليه ع ولدي لايـكون طلع !!
وجـان تركض فـوق و بو حمـدان وراها ,, ويوم وصلـو غرفته ماحصلوه
بو حمـدان شهق : وينه !!
ام حمـدان الدموع فعينهـا : ماعرف !!
بو حمـدان : يمكـن عند حمـدان ,,
وعقب سارو صوب غرفة حمـدان وشافوه راقد ويا حمـدان جان يرتـاااح قلبهم و نزلو تحت يقولون حق البـاجين وعقب نزل محمد وراح ياكله شي وعقب يلسـو يسولفون ,,
محمد : آآخ يا ألبي
سـاره بدلع : شو به ألبك
محمد : متعذب من ناس باردين
الكـل : ههههههههه
محمد : ابـا اعرس اففففففففففف
بو حمـدان : اكوه الدرب
محمد : تستهبـل ولا تسعبـط ولا شوه ؟
الكـل :ههههههههههه
بو حمـدان : هـرم !! ,, يلا قووم سير اتسبح من الحيـن لاتعذبنـا
محمد : بعدهـا السـاعه
سـاره : ساعه 11
محمد قفـط : لا لا بعده
مريوم : ههه حليله قفـط
محمد : جب لا افلعـج بالتكيـه
مريوم : تروم انته بس
محمد : جب جب .. وحمدانوه وعووه
ام حمـدان : كله حمـدان ,, ياربيـه غيـور
الكـل : هههههههههه
محمد : ههههه عيل بسير انا برب
مريوم وعليـا و سـاره : تييت

سـاره : فطـوم بلاها مانشـت احديها تنش من وكـت
مريوم : اسكتـي امس الجنيـه تامه لين 6
سـاره : قفـعه !!
عليـا : هههه راده الحبيبه مع ريلـها سـاعه 4
سـاره : ياحظـهم ,,
مريوم : آآآه ابا اعرس
ام حمـدان : هههههههه
بو حمـدان : ماعليه برمس ابـوج يدورلج ع حد ياخذج
مريوم بصوت خفيف : ابـا عزوز
ام حمـدان زختهـا : نعـم منوه تبغيـن
مريوم عدلت عمرهـا : هاا لا ماااحد مااااحد
الكـل : ههههههههههه
بو حمـدان : عيل انا بسير اتسبـح ,,
يوم سـار بو حمـدان مريوم يلست عدال ام حمـدان و عليـوه من صـوب ثاني ,, يعني ام حمـدان امبيـن مريوم و عليـا
وسـاره يالسه مجابلتنها ع الطاوله الصغيـره ,,
ام حمـدان : بسم الله ,, شوفيكم !!
مريوم : أأأ خالوووه بسـالج ,, وهيه تلعب فـاديها
ام حمـدان : اسـالي
مريوم : أأأ تحيديــن ربع حمـدان و حمود
ام حمـدان : هممممممم عبدالعزيز و عمـر ؟
عليـا : هييه هييه هم
ام حمـدان : بلااهم .. و تغمزلهم
مريوم : أأ هاا لا مـااشي ,, عندهم خوات ؟
ام حمـدان : لا بس هم اثنين
عليـا : هممم من اي جبيـله ؟
ام حمـدان : هممم الـ******
مريوم : اهـااااه
ام حمـدان تطالع مريوم بنص عين : هاا ,, ليش تسـألين لايكـون
مريوم فاجه عيـنها : هاا لا ماشي ,, شووووورايج تعزمينهـم
عليـا : هييه اعزميـهم ويا امهم و ابوهم
ام حمـدان : همم ابوهم متوفي
عليـا + مريوم : أأأ الله يرحمه
ام حمـدان : ,, صدق انكن ماتستحـون لايكون حاطين عينكم عليهم ,, ( تبا تقهرهم ) استريـحو تراهم خاطبيـن
البنـات الثـلاث انصـدمو من الخـاطر ,, خـاصه مريوم و عليـا
مريوم بغصه : صدق ؟
ام حمـدان : هيه
مريوم هدت ايد ام حمـدان و جان تلوي ع التكيـه و تشـوف الدريـشه ( برع ) وسرحت
ام حمـدان : ماما مريومه شوفيج ؟
مريوم شويه و بتصيـح : هاا لا ماشي ,, انا بسير فوق بتسبـح تعالي عليـوه ,, وعقب يوم سـارو عليوه و مريوم فوق تمت تضحك ام حمـدان
سـاره : بـلاااج؟
ام حمـدان : حليلهم متعذبـات ,, اسولف وياهم لاخاطبيـن ولا شي
سـاره : حراام عليييج والله ,, ويا هالويه
ام حمـدان : فذمتـج ماتقوليلهم ابا اشوف شو ردت فعلـهم
سـاره : هههه انزين ,, بسير اوعـي حمـدان
ام حمـدان : انزين ,,

ام حمـدان تمت تشـوف التيلفزيـون و سـاره سارت فوق صوب غرفة حمـدان .. كانت سوسي توهـا طالعه من غرفة حمـدان شافت حمـانوه نـاش
سـاره : وي فديت هالويـه محـلااه
عبدالرحمـن امبـوز
سـاره : شوفيك ليش جيه محمـر ,, اتيستـه و حسبته حـار : وي فديته فيه حمـا,, سووسي بسرعه وديه تحت عند مدام قوليها فيه حمـا
سوسي : Okay Miss
نزلت سوسي مع عبدالرحمن و و دته عند امه وقالتها انه فيه حمـا ,,
ام حمـدان خذت حمانوه : وي فديتك بسم الله عليك ,, سوسي سيري ييبي البـوكس مال ادويت عبدالرحمن .. و سويله حليب
سوسي : Okay mam
وعقب سـارت سوسي و يابت البوكس اللي فيه ادويت حمـانوه ويابتله حليـب ,, وعقب ام حمـدان حطت الدوا فالحليب و خلت حمانوه فحظنـها و هوه يشرب حليـب ,,

 

[غالية وتتغلى]

رد: i آه من قلب (ن) غدا حبه جنوني i

اما فوق عند سـاره ,, تمت توعي حمـدان بس هب طايع ينش خافت عليه ,,
سـاره صرخت : حمـدااااااااااااان
حمـدان خاف : ها ها بلاج ؟
سـاره : قوم نش حشى
حمـدان : انزين ,,
سـاره : بلاك ؟
حمـدان : ماشي راسي يعورني
سـاره : انزين يلا بسرعه عشـان بيسيـرون ,, الحين ساعه 11 ونص
حمـدان : ان شاء الله ,,

وعقب طلع و دخل الحمـام ,, و سـاره كانت يالسه فالصـاله اللي فوق ,, تشوف التيلفزيـون ,, ودقايق ايوون محمد و حمـدان ,,

محمد : وينه حمـدان ؟
سـاره : الحيـن بيي
بو حمـدان : فديتج تعالي دخنيني ..
سـاره : ان شاء الله ,, جان تاخذ المدخن من الخدامه
يوم خلص جان يي محمد .. و بو حمـدان نزل تحت
محمد : احـم
سـاره : صـحه ع قلبي
محمد : جب لا اشوتج بالمدخن
سـاره : ادري ما اهون عليك
محمد : الله يغربـلج
سـاره فاجه عيونها : يغربل ويهـك انجلع من ويهي !!!
محمد : هههههههههههههه

حمـدان طلع من غرفته ,, و سـار صوب سـاره و البـاجين ,,
حمـدان : مرحبـا
سـاره + محمد : مرحبتيـن
حمـدان وهوه يفصم عمره : هااا شو تسوون ,,
سـاره : ههههههههه ادخن الغـااالي ,, هاا أأ قصدي ولد عمييـه
محمد : آآخ
حمـدان : ههههههههه ,, يلا بسـك تعالي دخنيني
سـاره : اشتغل عنك !!! خل حرمتـك تدخنـك
حمـدان : فديتها وينها ؟
سـاره : راقده
حمـدان : حليلهـا ,, يلا سـاااروه
سـاره : انزين ,,

ويوم خلصـو نزلو حمـدان و محمد صوب بو حمـدان و بعدين سارو يصلون ,, و سـارت ساره عند البنـات يوم دخلت عليهم اتشوفهم يالسين ع النت و امبوزات
سـاره : شوفيكن ؟
مريوم + عليـا من دون نفس : مـاشي
سـاره : انزين خلاص قالتلكم امايه انهم خاطبيـن غصب عصب
مريوم : جاااااااااااااااااااااب ,, ابا اشوفه دخيلج
سـاره : انا شلي !!
عليـا : سيري رممممممسي امج
سـاره : هههه انزين ,,

وعقـب طلعت و شـافت فطـوم طالعه من غرفتها ,,
سـاره : هاا العروس ,, صباح الخيـر توه الناس كملي رقادج
فطـوم وهيه تثاوب : صبـاح النور ,, ههه لا لا بسني ,, عيل وين مريوم و عليوه ؟
سـاره : ههههههههه اسكتي عنهم العاشقـات
فطـوم : ليـش ؟
سـاره قالتلها سـالفة عزوز و عمـر
فطـوم : ههههههههههههههههههههههههه ,, واعليه
سـاره : والحين بسير عند امايه بقولها
فطـوم : هههه بسير عندهم ,,
سـاره : انزين
وسـارت سـاره تحت ,, و فطـوم سـارت عند البنـات ..
فـ الصـاله

سـاره : امااايه
ام حمـدان : هلا فديتج
سـاره : اتصـلي حق ام عزوز و عموور
ام حمـدان : هههه لييش
سـاره : هاا لا ماشي بس اعزميهم عندنا .. و ام مريوم خليها تي بيتنـا هيه وعميـه
ام حمـدان غمزلتهـا : هههه انزين ,,

وجـان تتصـل ع رفيـعه ,, ( ام عبدالعزيز و عمـر )

ام حمـدان : السلام عليكم
رفيـعه : وعليـكم السـلام !!
ام حمـدان : شحـالج الغـاليه ؟
رفيـعه : بخيـر ربي يعـافيـج ,, شيخه ؟
ام حمـدان : هيه نعـم شيخه
رفيـعه : حي الله بالشيـوخ ,, شحالج الغـلا ,, ولهنـا عليج والله
ام حمـدان : يسرج الحـال الغـاليه ,, والله نحنـا بعد ,, شخبـارج شو مسويه ؟
رفيـعه : والله مـاشي الحـال فديتـج
ام حمـدان : شحـال عبدالعزيز و عمـر ,, ان شاء الله بخير
رفيـعه : كلهم بخيـر ,, ومن صوبكم ,, هييه مبـروك عليكم ملجة حمـداان
ام حمـدان : الله يبـارك فيـج الغـلا ,, وعقبـال مانشوف عيـالج معرسين و تارسين البيت عيـال
رفيـعه : ههههه آمين
ام حمـدان : فديتج اليوم مشغوله ؟
رفيـعه : لا الغـلا
ام حمـدان : عيـل اقربي عندنـا ,, انتي و عيـالج
رفيـعه : خلاص فديتج ومايصيـر خاطرج الا طيـب ,, عقب الصـلاه بنيـكم ,,
ام حمـدان : خـلاص عيل فديتج ,, بخليج عيـل انا ,,
رفيـعه : الله ويـاج ,,
ام حمـدان : فداعة الله ,,
رفيـعه : الرب الحافظ ,, مع السـلامه ,,

سـاره وهيه مستانسه : هااا شو قالت !!
ام حمـدان : سيري خبري مريوم و عليـوه يتكشخـون هههه
سـاره : صدق بييوون ,, ونطت من الفـرحه ,, بسير صوبهم ,,
ام حمـدان : وانا بتصل لـ ام مريوم

وبسـرعه ركضت سارت صوب مريوم و عليـا دشت بسرعه كلهم زاغو اولتهم فطـوم ,,
فطـوم : وااايه طيحتي قلبببببببيه الله ياخذج بلاج جنه ثور يركض وراج !!
سـاره : خالوه رفيعه بتي عندنـا
مريوم + عليـا + فطـوم : منـوه خالتـج رفيعه ؟
سـاره تغمزل لـ مريوم و عليـا : ام عزوز و عمـوور
مريوم + عليـا : احلـــفي !!!! و ينطون صوبها
سـاره : خيبه خيبه جتلتوني ,, والله بتي يلا بوسو ايدي
مريوم دزتها : مالت عليج ,, يلا كلكم بــرررع خلونا نتكشــخ برع
سـاره وفطوم يشوفون بعض ,,
فطـوم : نعـم !!
عليـا تاشر ع البـاب وتصـرخ : ouuuuuuuuuut
فطـوم : مالت عليكم يا الحميــر ,, و تاخذ سـاروه و يطلعون بـرع ,,

عليـا : هههههههههه ,, بيدعـون علينـا
مريوم : ههههه ,, اتسبحتي ؟
عليـا : هيه وحالج نسيتي
مريوم : اووه صح انزين ,, شو بتلبسيـن ؟
عليـا : هممممممم ,, انطقم ؟
مريوم : هيه هييه
عليـا : انزين ,,

سـارو هم الثنين صوب الكبـت الكبيــر ,, وتمو يدورون شي حلـو و يديد ,,
مريوم : اييه هاي حلوووه مووت متى خذناها ؟
عليـا : ههههه غبيه يوم سرنـا ناخذ هديه حق فطـوم ..
مريوم : انزين قومي خلينا نلبــس ..

سـارو سشـورو شعرهم ,, وصلـو ,, و لبسـو .. تنـوره بيبي بـلو ,, و قميـص اصفـر واااايد كيـووت طالع عليهم ,, البسو اكسسوار ,, ورفعو شعرهم بـ توكه هالورد ,, اسود ,, و رسمو عيونهم و حطو قلـوز ,, و تعطرو و اتدخنـو وكان اشكالهم وايد وايد كيـوت ,, جان يطلعـون و يسيرون غرفة فطـوم ,,

دق دق دق

فطـوم : منـووووه ؟
مريوم : انااااا مريووووم
فطـوم سارت تفج البـاب : نعـــم شو تبغين ,, قبل شويه طاردتنـا انتي و اختـج
مريوم : ههههه فديتج والله ,, كنا نسـولف ,,
عليـا : احـم ,, شو رايج فينـا ,,
فطـوم : والله تخبلـون ,, لاتخلوني اغطي عليكم
مريوم : جــــب ,,
عليـا : انزين خلينـا اندش
فطـوم : اتفضـلو حبـايبي ,,

جان يدخلـون و تسـكر عليـا البـاب ,,
مريوم : شفتي حمـدااان
فطـوم : همممم لاء
عليـا : ليش متضاربيـن
فطـوم فلعتها بالتكيه : لا .. الله يغربلج فال الله ولا فالج
مريوم + عليـا : ههههههههه
عليـا : انزين شو بتلبسيـن ؟
فطـوم : هالتنـوره السودا ,, و هالقميـص الابيض ,,
مريوم : والله وااااايد حلـووو القميييييص خبـااااااااال
فطـوم : احـم حمـدان يايبلي ياه ,, الهديه
عليـا : هييييه ,, حليله الحبيب
فطـوم : جب مالج خص فيه ..
جـان تاخذ ثيـابها و تسير الحمـام لبست بسرعه و جان تطلع ,, ويلست ع الكرسي " تتكـشخ " جان تي مريوم و تلعب فشعرها
فطـوم : بتسوون خيـر لو تلفونه ,,
عليـا : ما طلبتي والله ,,
لفـو شعرها بـ توكه سودا " ورد " و حطولها فرشـات هالصغـار جـدام ع قذلتهـا ,, و فطـوم ترسـم عيـونها و تحطلـها روج عنـاابي ,, طااالعه خبـاااال ,, و لون الروج وايد حلـو طالع عليـها ,, و لبست اكسسوار ,, وعقب دقايق يت سـاروه و هيه كاشخه لابسه .. تنوره سـودا ,, و قميص وردي حلو طالع عليهـا ,,
سـاره : ايـيييه ترا خالو رفيعـه تحت ويا خالـوه نوره
مريوم : واللله يييت ام عزوز و عمـوور
عليـا : و عمور و عزووز يوو ؟؟
سـاره : هييه انا شفت حمـدان ,, سـأل عن فطـوم
فطـوم وهيه متفاجأه : يا ألبي والله ,, ابا اشووفه وينه هوه !!
سـاره : انتي غبيه انتي غبيه !! عند ربعه الحين ,, و ابويه و عميـه علي بعد هنـاكي
فطـوم : اهـااااااه ,, انزين نحنا شو نسوي اهنيه دام انه نحنا مخلصـات قومو ننزل
مريوم : هـاا لا لا اخاف
سـاره : من شوووووه !!
فطـوم : يلا يلا عن المنكـر ,, طوفو جدامي ,,
عليـا : انزين بس بشـرط انتي تكونين اول وحده اتدشيـن الميل
فطـوم : اووهووه ,, انزين انزين ,,

خذت فطـوم موبايلهـا و حطته فجيبهـا وعقب نزلـو الربـاعي المرح ,, وجـان يوصلـون عند باب الميلس شافوه فجوج يعني اذا خطفو من عداله اللي داخل بيشوفونهم ,, فطـوم متردده تدش ولا لا ,,
سـاره بصوت خفيف : يلا دشي
فطـوم : اوووش ,, جب انزين بدش

 

[جرح]

رد: i آه من قلب (ن) غدا حبه جنوني i

يلا عاد غاليه
يا حبج ع التغلي وبعدين ؟؟؟؟؟؟

 

[شوق المحب]

رد: i آه من قلب (ن) غدا حبه جنوني i

صدقج




تسلمين الغلية




نتريا الباجي








شواقي

 

[غالية وتتغلى]

رد: i آه من قلب (ن) غدا حبه جنوني i



فطـوم ادش و هيه قافطه : احـم ,, السـلام عليـكم
البنـات الـ 3 : السـلام عليكم ,,

ام حمـدان + ام مريـم : وعليـكم السـلام ,,
رفيـعه : وعليـكم السـلام ,, يـا هـلا والله
فطـوم تتقرب من رفيـعه : شحـالج خـالوه ربج ربخيـر ؟
رفيـعه : بخيـر ربي يعافيـج ,, اشحالج انتي ,, ان شاء الله بخيـر ..
فطـوم : يسرج الحـال ,, وتسيـر صوب ام مريوم و تسلم عليـها و جان تيلس و عقب سلمو البنـات البـاجين ع رفيعه و ام مريم و يلسو عدال فطـوم ,, فطـوم فالنص و مريوم ع اليمين و عليوه ع اليسـاره و سـاره الصـوب الثـاني فالكرسي بروحها ,,
رفيـعه : انتي فاطمه صح ؟
فطـوم : هيه فديتج
رفيعـه : مبروك الغـلا ,,
فطـوم : الله يبـارك فيـج فديـتج
رفيـعه : سـاره شحالج الغـاليه شو مسويه ؟
سـاره : بخيـر ربي يعـافيج ,, خـالو ,, هايل مريوم و عليـا ,, عيـال خالوه نـوره
رفيـعه : هيه ماشالله عليهم ,, شحـالكم عنيه افـداكم
مريوم + عليـا : يسرج الحـال خـالوه ..
ام حمـدان : بسيـر اقولهم يحظرون الغـدا ,, تعالي نوره ويايه
ام مريـم : من عيـونيه ,,

مريوم فـ خاطرهـا : احسن ظهـرتو خلوني اخذ راحتي شويه بتخبل : همم انزين خـالوه بعـد شحالج شخبـارج شو مسويه ؟
فطـوم : بل بل شوي شوي عليـها !!
رفيـعه : ههههه ,, لا افا عليكـم خذو راحتـكم , , بخيـر ربي يعافيـج ..
جان تي ام حمـدان تاخذ موبايلهـا نسته ,, و يوم دشت جان تسمع عليـا تسـال رفيـعه سـؤال ..
عليـا : خـالوه بسـألج سـؤال ؟
رفيعـه : آمري فديـتج
عليـا : مايامر عليـج عـدو ,, عيـالج متى بيملـجون ؟
سـاره قفطــــت من الخـااااطر و جان تصد ويها الصوب الثـاني و بصوت واطي : الله يغربلـج فشلتيـنا
ام حمـدان : هههههههههههههههههههههههههههههههههه
مريوم + عليـا : بـلااج !
ام حمـدان : اييه انتو فضحتـونا ,, انتو عـاد صدقـتو السـالفه !!
رفيـعه : اي سـالفه ,, شو مستوي
ام حمـدان : هههه لا ماشي فديـتج .. يسولفون ويـاج
مريوم جان تسير صوب ام حمـدان و ترمسها بصوت واطي : احلفي انتي بس كنتي تقصين علينا
ام حمـدان بدلع : هاهاي ,,, هيه كيفي ,, جان تروح عنهم بسـرعه
مريوم شهقـت : طاااااااعو انتو ,, عليـوه صرنـا مال مقصـه ,, سـارووه كننتي تعرفين شو السـالفه صـح
سـاره : هههههههههههه
فطـوم : حتى انا !!
رفيـعه : شوبـلاكم ,, قولولي شو مستوي جني الاطرش فـ الزفه ,,
فطـوم : لا محشـوووومه خـالوه ,, جان تسيـر صوبها ,, مافي شي
ام مريـم : يـلا الغـدا جاهـز ,,

جـان تقوم رفيـعه تغسـل ايدها بس سـاره تريتها تخوز سارت صوب عليـا وضربتها ضرب : ايه انتي شو قلتي حيوانه لسـانج يباله قص
عليـا : انتي جب مسودة الويـه ,, جيه زين خليتيني اقفـط جداااامهـا ,, مالت عليــج جلـبه
من صوب ثـاني ,, ام حمـدان : يلا يـا بنـااات تعـالو
فطـوم : ها يايين يايين ,, غربلاتكن طوفو يلا ,,

صـوب ميـلس الريـايـل ,,

كـانو حطيـين الاكـل قبل الحريـم ,, فـ كانو مخلصيـن ,, و الشبـاب فـ صوب يسولفون ,, و بو حمـدان و بو مريـم فـ صوب يسولفون ,, اما عند الشبـاب ,,

عزوز : أأ اخبـركم ,, شحـاااااااااااالهم ؟
حمـدان : منوه ؟
عزوز : أأ هايل هايل
محمد : ارمس عدل الله يخليك
عزوز : ربـع اختـك
محمد : بلاااااهم بعد ؟
عمـر : شحالهم
حمـدان : هههههه الحمدالله بخـير
محمـد يطلعهم بنص عين ,, ضحكو عليه

و بعديـن تمـو يسولفون ,, صوب البنـات ,, كانو مخلصيـن اول شي ,, غسلـو ايدهم .. وسـارو يلبسون شيله سودا كانو بيظهرون برع ,, يلعبـون فـ المريحـانه ,, ( بعدهم فـ الروضه لول ) .. فكـرة مريوم هاي ,, يوم طلعـو و صولو ,, مريوم و عليـوه كانو يالسين و سـاره تدز عليوه وفطـوم اتدز مريوم ,, اول شي شوي شوي و عقب فطـوم نط عرج النذاله فيها و حركتها بالقو .. و صوتهم طار الدنيـا ,, صـوب ميلـس الريـايل ,,

حمـدان : تعـالو نسيـر برع الجـو حلو ,,
عزوز + عمـر + محمد : يلا عيـل ,,

من فجـو الباب و طلعو و سمـعو الصريـخ زاغو ,,
حمـدان : بسم الله شو مستوي ,,

من صـوب ثـاني
مريوم تصـارخ : فطـوووووم يا الدبـــــه بس
البنـات : هههههههههههههههه

صوب الاولاد
حمـدان شهق : بلاها حرمتـييييه !!
وكضت صوب الصـوت و محمد و عزوز وعمـور و راهم ,, من شاو انه فطـوم تدز مريوم ومن جيه تصـارخ تمو ناقعين من الضحك ,, مره وحده البنـات سيده صـدو صوبهم ,, افتشلـو ,, فطـوم سيده هدت مريوم و خطفت عدال الحـوض عشان تسيـر وره جان تشوف جيس في بلاليـن خذته و سـارت ورا البيـت ,, و سـاره نفس الشي ,, و اما عليـا دحت بريـك و ركيض صوبهم وباجي مريوم عاد ماتحب هالمواقف ,, جان تي و تنـط زين ما اندبغت ع ويها و سيده صوب فطـوم تمت تضربها ضـرب ,,

فطـوم بصوت عـالي : حمـداااااااااااااان يضربـووونيه
مريوم : ايه جب عن ياكلني والله مافينـا

صـول الثـاني ,,
حمـدان : سوبر مـاان قادم
الاولاد : هههههههههههه

يوم سـار صوبهم ماشافهم موجودين قال يمكن دخلو داخل البيـت المهم كانو محطيـن كراسي جـدام الدري ,, يلسـو و تمو يسولفون ,, اما عند البنـات وين كانو سـايرين فـوق البيـت ,, هاي فكـرة فطـوم ,, وكانو يراقبـون الاولاد من تحت
مريوم عينها ع عزوز ,,
مريوم : ياربيه ما اشوفه عـددددل
فطـوم : حـتى انا
سـاره : اكـوووه تلسـكووب مال ابويه شوفو منهـه ما اووول ,,
مريوم : يـا ألبي والله كيـوووووت
عليـا تشل التلسـكوب : خليني اشـوووف .. ياويل حـالي ..
فطـوم : اييه اييه بسكم بقولكم شي ,,
البنـا الـ3 : هاا شو ؟؟
فطـوم : شوفو هالبلالين بنترسمهم ماي وبنفرههم صوبهم
مريوم : خخخخخخخ ,, فشله
فطـوم : جب لااه يلا طوفو ,, مايدرون انه فـوق نحنـا
عليـا : خخخخ انزين يلا ,,

جـان يسيـرون صـوب الماي ,, و يترسون كمن بلونه ,, و هم ميتـات من الضـحـك .. و يوم خلصـو ,, بس ترسو 6 بلونات ,,
جان يقربونهم صوب الحـد ,, فطـوم وايجت اول شي شافتهم يضحـكون ومادري شو..
فطـوم : هههه اضحكـو شو وراكم الحين بتنقـهرون ,,
سـاره : ثجيله ؟؟
فطـوم وهيه مستعـده : هههه لا لا ماعليج ,,

صيــييييييييو طـااااااااخ

الشبـاب مره وحده قامو من كراسيهم
عمـر : ولعــنه !!
محمد : خيبه من وين يت هاي !!

كــــــــــــــت

 

[غالية وتتغلى]

رد: i آه من قلب (ن) غدا حبه جنوني i



البـاارت 26

صيــييييييييو طـااااااااخ

الشبـاب مره وحده قامو من كراسيهم
عمـر : ولعــنه !!
محمد : خيبه من وين يت هاي !!
عـزوز : الله يغربل من كان السبـب خست
حمـدان يشوف فـوق .. ولا جيه يت بلونه محتـرمه ع صـدره
عمـر : هههههههههههههه
عزوز : خخخخخخخ حليلك
ولا دقايق كل وحـده تحاول تفر البلـونه ع واحد .. طعبـا نجحـو لوول .. الـ 4 خـاسو ..
حمـدان اتنـرفز من الخـاطر بصـوت عـالي : منوووه هـا الحيـوان اللي يسوي جيه !!
فطـوم بصـوت عـالي .. وهيه مطلعه راسها : تعيـشو و تـاكلو غيـرها هههههه
حمـدان شهق : فطـوووم !!! الله يغربلـج ماعليه براويـج ,, طـوفو خلونا نغيـر ثيابنـا
عـمر + عـزوز : ونحـنا ؟؟
محمد : نحنا بنعطيـكم
حمـدان : ولا اقولكم تعـالو

فـوق ..
فطـوم : أميــــه ,, شو سوينـا
سـاره : مـاامي ,, كله منـج يا السبـاله تعـالي ننزل
عليـا : ايييه انا بنـزل اول شي و يوم بكـون فـ نص الدري تعالو انتو ..

قوم حمـدان تمو يتحرطمون و قبل لايبدلون ثيابهم .. البنات تحسبو انه الاودلا دخلو داخل .. وجان ينخشون الاولاد الصوب الثاني ويوم طلعو البنات .. كان صوتهم صوت عـالي ..
فطـوم توايج : أأ محـد تعالو بسرعـه
اذا بيسيرون البيت لازم يخطفون عدال الحوض و يوم خطفـو الاولاد بسرعه طلعـو و كان اول واحد حمـدان .. يا مجـابل فطـوم و خلاها ع طرف الحوض " هوه صح الحوض مسكـر .. بس هالزجـاج يرتفع ع فوق وهم كانو " .. و مسـك ايدها بالقـو و خلاها مايله .. و ظهرها يايه صوب الحوض .. ( حمـدان يخوفها انه بيفرها فالحوض ) .. و هيه تصارخ وحمـدان ماسكنهـا و شويه و بتطيـح ,,
حمـدان معصب : قد هالحركـه !!
فطـوم : والله كنا نسـوووولف
حمـدان معصب و يصـارخ فويهـا : ما تستحيــن وبعد جدام ربعـي ,, ليش لاعبين وياج يوم كـانو صغـار ,, >> ماسكنها بالقو وشويه و بتطيـح ..
فطـوم : حمـدان لا تتهـووور !!
مريوم : حمـداان هدها مايسوا عليهـا
حمـدان يصارخ : انـتي جـااااااااااااب !! .. و يشوف فطـوم ..
فطـوم بصـوت عـالي : خليه مريوم .. يتحسـباني بترجااه عشـان ما يدزي ,, تبا تدزني اكـووه الدرب
حمـدان : مافكرتي شو بيقولون ربعـي عنكم !! لو انا و حمـود ماعليه بس جدام ربعـي ليـش ,, فكرتي بس فـ وناستكم !!
سـاره : حمـدان بس عـاد !! انا اللي قالتهـا جيه !!
حمـدان معصب من الخـاطر : انتي انجعـمي ,, لاتجذبيـن ,,
فطـوم تشـوفه بنظرات تقهـر : ...............
حمـدان يّرهـا .. وخلا ويها جدام ويهه : اتسوين عمرج قويه اونه و ماتخـافين !!
فطـوم : قويه و غصبن عن الكـل انزين .. و جيه شو تتحراني من البنـات اللي يترجون واحد !! لا عيوني لو شو ما اترجـا حد حتى لو ريلي !! ..
حمـدان : مادري منوه اللي يترجـاني عشـان اطلع من المستشفـى ..
فطـوم : والله هاكي قبـل .. و يوم ترجيتك .. هاكي الشي لمصلحتي انا .. لو اقدر اظهر جان ماترجيتك ..
حمـدان : جب انزين .. لو سويتيها مره ثانيه بيكون آخر يوم فـ حيـاتج ,, و بالقـو عقاها فـ الحـووض ,, و روح و الاولاد ورااه ,, دخـلو البيت .. امـا البنـات هب مصدقين اللي استوا ..
مريوم : فطـوم حبيبتي والله ,,
عليـا وخت تحت : عطيني ايدج غناتيه
سـاره وهيه تسـاعد فطـوم عشان تقومها : اميـيه اول مره جيه يعصب !!
فطـوم : منـعـش ههههه .. خلوني انا بروحي بطـلع .. حيـوان والله براويه ..
الكـل فج عيونه : !!!
سـاره : وييي تحسبتج بتصيحين !!
فطـوم : يـنجـرح قــلب ولكـن ترتـفـع هــامــة والله إنـي أمـوت ولا اصيـح جدامـه .. و روحت ..
مريوم : ههههه عاشت القـويه ..

غرفة حمـدان
عزوز : انته ماتخاف فـ ربك !! حرمتك ماكملت اسبوع وياك تسويلها جيه
حمـدان : ماعليـه بتنسـى و بترد شرات قبل
عمـر : شكلهـا وايد خقاقه ,,
محمد : انجـبو انزين وايد خذيتو راحتكم .. بس حمـدان ,, والله !! ماهقيتها منـك .. عمـور تعال ويايه بعطيك كندوره ..
عمـر : ان شاء الله ,, و جان يسيـر ويا حمـوود

فـ الميـلس ..
دخـلو الـ 3 ماعادا فطـوم ,, ومحـد سـأل وعقب دقايق ..
رفيـعه : جيـه وين فطـامي ؟
سـاره : هـااا .. فـوق اظن .. وتسوي حركـات حق امها انه تبا ترمسهـا و جان تسيـر صوب الحمـام ( هب داخله لول ,, وين المغاسل ) و ثواني .. تيي ام حمـدان ..
ام حمـدان : شو السـالفه !!
سـاره : بقولج بس لاتعصبـين
ام حمـدان : سـارونه ,, انا اتفاهم و ماحب اعصب ..
سـاره : ادري حبيبتي .. انزين الله يسلـمج ( و قـالتها السـالفه )
ام حمـدان تشهق : وييييييييييه !!! حمـدان سوا جيـه !! صدق انه مايستحي ..
سـاره : جـدام عزوز و عمـر بعـد
ام حمـدان : وابويــه ,, ها تخبـل ولا شوه ..

فـ الميلس الريـايل
بدلو ثيابهم محمد و عمو ,, وعقـب نزلـو تحت ,, و دخلـو الميلس و قالو السـالفه حق بو حمـدان و بو مريـم
بو حمـدان شهق : صدص انهم مايستحـون ,,
بو مريـم : و حتـى بناتي !!
حمـود : بـ اربعتـهن
بو حمـدان + بو مريـم " جدام عبدالعزيز و عمـر !!
حمـود : هيـه
بو حمـدان : شـوووووووه !!! و جـان يـروح و هوه مفـوول من الخـااطر .. و يصـارخ : شيــخه !! شييييييخه
ام حمـدان تفج البـاب و تسير صوبه : هاا شو فيـــك !!
بو حمـدان : ويــن فطـوووم !!
ام حمـدان : هـااا .. محـد ..
بو حمـدان بدون مايقول شي .. سيـده سـار فـوق وهوه معصب و لحقته ام حمـدان و فطـوم كانت توها طاعه من الحمام
بس لافه الفوده عليها ,, و يوم وصل بو حمـدان دق الباب بالقو
طااخ طااخ طااخ
فطـوم : اميــييه بسم الله منـووه ؟؟؟
بو حمـدان وهوه يصارخ : فجـي البـااااااب
فطـوم : انزين بلبس ثيابي ,, بس لابسه فـوده
بوحمـدان : اقولج فجي الـباب لا اكسـره الحيـن
فطـوم فجت الباب وهيه تتحرطم : شو بلااااااااك .. جييه حد يزعج !!
بو حمـدان : اوووص ولا كلـمه ,, مسودة الويه
فطـوم : انزين مايسوا عليك تعصب جيه !!
ام حمـدان : لاتهزبها هيه بس ,, حتى البنـااات
بو حمـدان : هيه ساس البـلا
ام حمـدان : انزين حبيبي هدي اعصـابك ..
بو حمـدان بنظرات نخـوف : البسي و تعالي بسـرعه !! .. وجان يروح و ينزل تحت .. و عقب دقايق عزوز نزل وسار الميلس
فطـوم تأشر عليـه : ها شفيـه !!
ام حمـدان : ماعليه فديتج ,, البـسي بسرعه و انزلي عن يعصب زيـاده .. وسـارت
فطـوم : ان شاء الله ,,
جـان يطلع حمـدان .. و خطف عدال غرفة فطـوم .. و كانت فطـوم ميوده البـاب ,, يعني ينعرف انها لابسه فوده بس
من شافها حمـدان بغـا يذوب .. تم يشوفها
حمـدان فخـاطره : يـاويل حـالي انـاااااا
فطـوم تشوفه من فوق لي تحت : عيـونك عن اتطيـح !! و سكـرت الباب بالقو ,,
حمـدان : بـل فـ الويه ,, وعقب نـزل ..

فطـوم : شوفي شموخي ترا غالي معي ذاتي قلبي شموخه يساوي الف من ذاته .. عاشو عاشو .. انزييين امممم .. سارت صوب الكبت فجته و تمت تشوف شو تلبس ..
فطـوم : شو ألبس هممممم .. هيه بلبس هالبنطلون الابيض و الجاكيت "القصير" الابيض .. و القميـص .. هممممممممم ,, تمت ادور و حصلتها قميص + تنوره ابيض و كله مخطط بـ بيبي بلـو .. و تنوره كلها فيها كسرات .. و عقب سـارت تجفف شعرها بالاستشوار .. و يوم خلصت تلبست .. وتجحلـت و حطت قـلوز .. و لفت شعرها بـ التوكه .. و تشوف عمرها ..
فطـوم : ياويل حالي انا ,, فديتج والله قـمر قمـر .. هههههههه خبله ,, انزين في شي ناقص ,, تمت تفكـر .. اويييه الاكسسوار
و عثي سـارت صوب طاولت الاكسسوار ,, و دورت خاتمها " الذهب الابيض " و عليه حجر فـ النص ازرق .. لبسته و دورتلها حزام ابيض .. و لبست ساعتها البيضـا ,, وايد حـلووه و سـارت صوب نعلها و الجواتي .. دورتلها بوت ابيض كعب ,, هالظعيف لول .. تدلغت و لبست البوت وخلت البنطلون داخل .. و لفت شيلتها و نزلت تحت .. بس قبل لاتنـزل سارت صوب اليهـال ..

فـ ميلس الحريـم ..
رفيعه : عيـل انا اترخص
ام حمـدان : ويــن ؟؟ يالسيـن ..
رفيعه : ماعليه الغـلا مره ثـانيه
سـاره : ارمس محمد عشـان يزقر عيـالج ؟
رفيعه : لا ماعليه عيـالي هب سايرين ويـايه .. هههه مطولين شكلهم .. الدريول برع ..
مريوم بصـوت واطي : احســن ..
ام حمـدان شافتها و ضحكت و مريوم احمـرت لول .. و عقب سلـمو ع بعض و روحت رفيـعه ..

صوب فطـوم ..
فطـوم : حبـااايبي .. وتفج ايدها
عبدالرحمن + رشود يتراكضـون : انـاااا اول
فطـوم : حبايبي والله ,, عطوني بوووثه
و هم الثنين عطوها فطـوم : فديتكم و الله جان تبوسهم .. شو اتثووفوون ؟؟
رشود : تموون و بومبـاااا
عبدالرحمن : وو ننلأب سياراات " تعلب سيارات "
فطـوم : فدييييتكم حبـايبي يلا سيرو كملـو انا بنزل تحت ..


فـ الصـاله ..
بو حمـدان كان يالس يهدي عمـره و طلعـو البنات ويا الحريـم من شافو تيبسو ..
سـاره : وااابوكم
مريوم تكفخ سـاروه : جب بسج
مريوم : الله يستـر

بو حمـدان معصب : سـااره سيري ازقري فطـوم بسـرعه عنبو تلبس ثوب الفرح هيه !! و عقب تعالو الميـلس ..
سـاره : هااا هيه انزين ان شاء الله .. ان شاء الله ,,
وسـارت صوب الدري توها بتركب جان تشوفها توها تنـزل : بسرعه يا العنـز معصب الشيبه
فطـوم بصوت عـالي : إإإففففف ماتخلون الواحد ياخذ راحته ( يوم قالت إففف .. ماقالت اووف ,, خلت اليـاء ع تحت لول اونها مال دلع ) ..
سـاره : اييه بسج والله بيصفـعج
فطـوم : هاا وينه ؟
سـاره : سار الميلس يبـانا !!
مريوم : الله يغربلنـا نحنا شو سوينا !!
فطـوم : جب يلا جب .. اونه شو سوينا ,, ماسوينا شي ,, تشوف عليـوه ,, سوينا شي لا ماسوينا خخخخ .. حجيـاات ادعولنـا
عليـا : ماااماا ... الله يغرب شورج ..
ام حمـدان + ام مريـم : ههههههه من منكركم الزايد .. احسن تستاهلون
فطـوم : جب والله اللي بيجذب بقص لسـانه ,, بستهبل عليهم ,, عـادي ..
مريوم : اييه يلا طوفو "وهيه ادزهم" عن ياكلنا بعـد ..
سـارو صوب باب الميلس
عليـا تبا تدز فطـوم : يلا طوفي
فطـوم : اووووص الله يغربلج شو اتدزين ,, سـاروه تعالي عدالي و مريوم الصوب الثاني و عليـوه سيري عدال مريوم .. يوم سوو جيه
فطـوم : بسم الله .. دق دق دق

 

[غالية وتتغلى]

رد: i آه من قلب (ن) غدا حبه جنوني i

تسلمووووووووووووون على المتابعة

جرح و شوق المحب

 

[جرح]

رد: i آه من قلب (ن) غدا حبه جنوني i

ياربي انا فضوليه
غاليه يلا عاد صج غاليه و تتغلى خخخخ ..​

 

[غالية وتتغلى]

رد: i آه من قلب (ن) غدا حبه جنوني i

لمن قرأ القصة اقول له شكرا على المتابعة وشكرا على ردك الطيب


وشكرا لج يا جرح


بس موووول محد متفااااااااااعل ويانا مع انا المشاهدات وصلت ل600 وشي


يعني بستكثرون علينا الرد




وهاي التكملة





حمـدان بصوت عالي : ادخلــن
فطـوم ت فـج البـاب : احـم ..
لوول اشكالهن ماتنوصف .. الكـل منزل راسه الا فطـوم لوول الـ Boss .. مريوم و عليـوه قفطو يوم شافو عزوز و عمور بعد اهنيه .. جان يسيرون فـ النص مجابلين الكـل .. وعـااد فطـوم تبا تستهـبل
فطـوم : بونسـوار ..
بو حمـدان يستهبـل : بونسواريـن ,,
فطـوم : كومون سافا
الكـل صخ .. و بو حمـدان متنرفز و حمـدان ع اعصـابه ..
عزوز : تريبيان
بو حمـدان و هوه يـاشر ع فطـوم و عزوز : انتو اي اي ,, وين يالسين .. فـ فرنسـا وانا مادري
فطـوم : ياربيه عميـه ريلاكس شويه عيوني ... والله مايسوا عليـنا
بو حمـدان : وانتـوو ليش منزلين راسـكم .. ارفعـوووهم .. صارخ لول عاد البنات اتيبسـو جان يرفعون ..
فطـوم بجديـه : عميـه لو سحمت هم ماسوو شي ,, صح انهم فروو ويايه بس انا اكثــر شي .. لومنـي انا !!
بو حمـدان : ولج عيــن ترمسيـن بعـد !!
فطـوم : والله عميــه ماحيد انا ذبحنـا حد .. الا لعب
بو مريـم : تلعبـون جيه ماتستحـون
فطـوم تشوف حمـدان من طرف عينـها
بو حمـدان : يـلا بسـرعه اتاسفـو
فطـوم تتقرب من بو حمـدان و يلست عداله و باسته ع راسه : جو سوي ديزوليه je suie desole .. و سـارت عند بو مريوم و سوت نفس الشي و محمد بعد وحمـدان طـااف .. تغير ويهه 180 درجه.. سـارت صوب عزوز و عمـر : جو سوي ديزوليه je suie desole
عزوز وعمـر : ههه لا عـادي ..
حمـدااان انقهــر من الخـاااطر .. احسن تتأدب لوول .. و سـارو البنـات نفس الشي و كل حد سوا طاف حد حمـدان .. و مريوم و عليوه يوم يوو يتأسفون لـ عزوز و عمـر .. كانو حمـدان و محمد صوب بو حمـدان و بو مريـم مغطين .. و عزوز شويه و بييوقف و هوه يشوف مريوم .. و عمـور نفس الشي لـ عليـوه
مريوم + عليـا : آسفيـن
عزوز + عمـر : لا عـادي حيـاكم اي وقت
و شـرده صوب فطـوم و سـاره ,, و قبل لا يطلعـون ..
مريوم : ع فكـره امكم روحت
وطلعت بسـرعه

البنـات : ههههههههههههه
ام حمـدان : بلاكـن ..
مريوم : خخخ ماشي ..

و عقـب جان يـأذن و قـامو الشباب يصلـون .. و الحريـم نفس الشي .. و يوم خلصو البنـات جان يسرن غرفة سـاره

مريوم : شفتي حمـدان كيف كان يطالعج ؟
فطـوم : يولي ,, طـاااف .. قومو خلونا نطلع
سـاره : ويـن
فطـوم : هع دبـي
البنـات الـ 3 : نعـم !!
فطـوم : اشووووووه
سـاره : يعني ابا اعرف عقب اللي سوينـها بيطيعـون ؟؟
عليـا : الاولاااد بيعصـبووون
فطـوم قـمت و تصـارخ : انا شعليه من الاولاااد .. اسمعـو .. برمس خالوه ,, طاعت برمس عميـه ,, ما طاعو بسير المرينـا ,, بشل اللاب و بدش من هناكي النت و بندخل السينمـا ,, تبون تون حيـاكم ,, ماتبـون ,, كيفكن ,, و جان تـروح ,, و هيه نازله من الدري كانت تغني

حسبي على عشقن تمناك ياشوق .. عمري عذاب وفرحتي به ثواني
بعت الامل ياشوق خلاص ياشوق .. انسى وتناسى ود مايعود ثاني
مني نسيتك واتحداك ياشوق .. واوعدك مااا أذكرك لحظه واعاني
والحين روح بعيد لبعيد يا شوق .. يعلك سعيد وطول عمرك تهاني يا شوق

يوم وصلت الصـاله كانت واقفه جدام الكـل ,, و قوم حمـدان كانو فالميلس .. و بو حمـدان و ام حمـدان ,, و بو مريـم و ام مريـم ,, كانو فـ الصاله.. يوم كانت تشوفهم ,, تشوفهم بنظرات بريـئه اللي يشوفها يقول هاي ماتسوي اللي سوته قبل شويه
بو حمـدان : ها الشيـخه فطـيم ,, شو بغيتي ؟
فطـوم مشت و سـارت صوب ام حمـدان و تشوفها بنظرات بريئه : خـالوتي طلبـتج
ام حمـدان : تــم الغـلاا ..
بو حمـدان : شو تــم انتي الثـانيه شوفيها اول شي شو تبـااا !!
فطـوم : هيهيهيههي ,, انتي قلت تـم ,, يعني خلاص موافقه ,,
بو مريـم : اييه اييه ,, ع شو ناويه
فطـوم : بنـروووح DXB
بو حمـدان : شوووه !! و يا منـوه ان شاء الله !!
فطـوم تسير صوب عمـها : ابــويه ,, باباتي ,, داادي ,, الله يخليــــك
ام حمـدان : خلـهم يسيرون الغـالي ,, ويا الدريوليـه اليديده
بو حمـدان يشوف بو مريـم و يشوف فطـوم
فطـوم : Pleeeeeez
بو حمـدان بشوف بو مريـم : موافق ؟
بو مريـم : والله مـادري ,, خلاص خلهم يسيرون
فطـوم : ياويل حـاااالي ,, فديتكم يـاربيه ,, سارت باست كل واحد لوول جان تروح قبل ما تركب الدري
بو حمـدان : بس AL Body Guard ويـااكم
فطـوم دحت بريـك : افففف .. لازم يعنـي ,, همم هييه عشـان يعرفون انه نحنا خقاقات انزين ,, جان تسير صوبهم
فطـوم : طلبتـكم الله يخليـكم
الكـل : تـم
فطـوم : لاتخبـروون الاولااد والله بيخربون عليـنا
ام حمـدان : لاتحـاتين محد بيخـبر يلا سيري ..
فطـوم : wooooooooooow وتناقز لوول ,, وجان تسير فوق

بو حمـدان : ولا جنه معـرسه هههه
الكـل : هههههه
ام حمـدان : حليـلها

عند البنـات
دشت فطـوم بدفاشه من الخـاطر : بنسير بنسيـررر و تناقز و حالتها حاله
البنـات مره وحده : حلفــي
فطـوم : والله ,, يلا بسـرعه ماشي وقـت سيرو البسـو شراتي بسـرعه
من الفرحه الكـل سـار غرفته ,, و لبسـو نفس الشي ,, " البنطلون الابيض و الجاكيت "القصير" الابيض .. و القميـص
قميص + تنوره ابيض و كله مخطط بـ بيبي بلـو .. و تنوره كلها فيها كسرات " و لبـسو نفس البوت و الاكسسوار ,, كانو خبـاال
احلى شي يوم الواحد يطقم ويا ربعـه و يوم تلبسـو .. سـارو كلهم عند فطـوم ,,
مريوم : بتحطيتن شي فـ عيونج ..
فطـوم : ههه طبعـاً
عليـا : والله لو شافج حمـدان بيـاكلج !!
سـاره : يمدحون البـاب اللي ورا ,, يلا قولي شو بتسوين ؟
فطـوم : طبعـا برسم عيـوني و بحط شدو خفيف بيبي بلو و اسـود هب وايد يعني .. ومسكره و شدو البيش عند الحيـاي
مريوم : انزين سوي انتي عشـان حطيلنـا عقب ,,
فطـوم : خادمتـكم ,, ارسـمو عيونكم و عقب بحطلـكم الشـدو ..

و كل وحده جـدام منظره ,, الا وحده فـ الحمـام و الثانيه عند منظره الكبـت لوول اشكالهم الضحك ,, يوم خلصت فطـوم و تعدلت سـارت صوب البنـات
فطـوم : ها شراكم ؟
مريـوم : ياويل حـالي خبـاال الله يغربلج دوم تكسرينـا
سـاره : تف تف تف عن حد يحسدج
فطـوم : خيستينـا ,, تعالي سـاروه بسويلج اول شي ,,

وعقب قبضت سـاره و يوم خلصت يت مريوم و عقب عليـوه ,, الحين كلـهم نفس الشي بـ اللبس و الاكسسوار و البوت و المكيـاج .. كـانو كشخه الصراحه ..
مريـوم : اي شنطه ؟
فطـوم : الشنـطه البيضـا .. المـااركه
مريوم : بسير ايب مالي و بـالج عليـوه ..
سـاره : عيل انا بعد بسير اييب ..
فطـوم : ييبو نظارت Doir تدرجـات بيبي بلو
البنـات : انزيـن ..

و يوم يابو شنطهم و النظاره اللي نفس الشي ,, حطو فيها موبايلاتهم وابواكهم و الاغراض اللي يبـونهم ,, و عقب لبسو عبيهم سـاده و الشيله فيها شغل وايد
مريـم : يالله ريحت العبـااه حـلووه
سـاره : انا خليت البشكـاره تدخل الكبتات
فطـوم : حتـى انا .. يلا خلونا نسير بنـأخر ..

وبعدين فطـوم خذت لاب مالها و جان يطلعون واتصلـون تحت ع ام حمـدان من تيلفون البيت ..
ام حمـدان : مرحبـا السـاع ..
سـاره : هـلاااع .. اميــه ,, طرشولنـا فلـوس ,, بخلي البشكـاره تي ,, بس فـطوم عندها ..
ام حمـدان : ها اللي يهمكم .. ههههههههه .. انزين ,, بتصل انا حق الدريوليه ..
سـاره : اميـه اميـه .. سيـاره النيسـان الله يخليـج ..
ام حمـدان : ان شاء الله ..
سـاره : و AL Body Guard بالهـمر
ام حمـدان : هههه .. ياويلي ع الحقه ,, يلا اكيـه يت البشكاره .. وسكرت
بو حمـدان : اكيـد فلوس .. جان يطلع بوكه ويعطي 1000 .. و بو مريـم 2000 >> حق مريوم و عليـا ..
وعقب ام حمـدان اتصلت ع الدريوليـه انها تطلع سـياره النيسـان .. و اتصلت ع جسوم و وليد AL Body Guards يطلعون الهـمر و يمشون ورا قـوم فطـوم و وصتهم عـدل عليهم ..

يوم وصلت البشكاره فـوق ,, خذو البنـات الفلـوس و نزلو بسرعه و لا خطفـو ع الصـاله سيده سـارو ورا البيـت و عقب دخلـو النيسـان بسرعه عشـان محد يشوفهم .. و 5 دقـايق جان يسيرون ,, و الـ AL Body Guards وراهم ..

فـ الميلس ..

كـانو الشبـاب يلعـبون بـ XBoX .. و يوم خلصـو لعب ..
محمـد : خلونا نسير الصـاله الصراحه مليـت ..
عـزوز + عمـر : ونحنـا !!
حمـدان : عــادي مافيها شي .. انتو منـا و فيـنا .. يلا طـوفو ..
وعقب دشو الصـاله سلـمو وجان ايلسـون .. و البيـت كـان هـادي .. والشبـاب استغربـو ..
محمد : عيـل وين البنـااات ؟
ام حمـدان تبا ترقع السـالفه : طالعـات
حمـدان : و فطـوم وياهم ؟
ام حمـدان : هييه
حمـدان : و شحقه ماتقـول ؟
بو حمـدان : خلاص قالتلي انا !!
حمـدان انقهـر من حركة فطـوم : انزين وين سـارو ..
ام حمـدان : هـاا .. أأأ بوظبي مـول
حمـدان : اهـاااه .. بوظبي مـول .. والله زين زين ..
محمد : شو رايـكم نطلع .. بنسـير المرينـا
ام حمـدان فخـاطرها : احـسن ..
حمـدان : انزيـن ,,
محمـد : يلا شبـاب ..
حمـدان : عـادي ناخذ اليهـال ؟
بو حمـدان + بو مريـم : هيه عـادي
ام حمـدان : بس يـاويلك يا حمـدان ان سويت شرات هايج المـره
حمـدان : هههههههه .. لا ماعليج

وعقـب سـارو فوق .. غيرو ثيـابهم كانو متجسفيـن .. ولبسـو نفس الشي كنـدور بيضـا + عصـامه حمـرا .. و لبسـو اليهـال بعد نفس الشي .. كيـوووت طالعيـن ,, فديتهم والله ,, وعقب تعطـرو و حطو دهن عـود لول و عقب سـارو المرينـا مول

فـ الطريـج عند البنـات
مريوم : عاشو يـابس .. شاغل الخط خلي و شاغلني
عليـا : هههه عاشت فطـوم
سـاره : اييه اييه اسكـتو حمود ع الخـط لوول ..
فطـوم : تيــناا بندي المسجـل ..
سـاره : الـوو
محمد : الـوو
سـاره : هلا والله ..
فطـوم من صـوب بصوت عـالي تقلد حامد زيد :
انا ما العب على الحبلين وقت الطيش و سنينه
تبيني الحين يوم اني كبرت العب على الحبلين
ترى عند البدو بالذات عيب اللي تسوينه
حلاتك لا عشقتيني .. تعشقيني ليوم الدين ..
سـاره : فطـووم اسكتي خليني اسمع شو يقول
فطـوم : واااااااااااااااااااااااااااااااي
محمد : استخفت هـاي !! انزين انتو وين ؟
سـاره : هـاا .. سايرين ناخذ شي من بيت ربيعتي ,, حمـود اكيه ويايه ع الخط يلا بـاي >> و سكـرت " جذبت عليه لول "
عليـا : ههههههههه مال مقصـه
سـاره : ايييه مادري شو اقوله وين سايرين .. وييه في مسـج ..
" سـارونه حبيبي . . قلت حق حمـدان انكم فـ بوظبي مـول . . لاتدرون عليهم اذا اتصلـو .. و هم سايرين المريـنا "
فطـوم : زين انها طرشت مسـج ,, تيـنا شغـلي المسـجل ..

الصراحه .. الجو ربشه عند البنـاات اما عند الاولاد حمـدان مقـهور و يحـاتي .. و عقب دقايق وصلو الاولاد .. والمـول كان زحمه شويه .. تمـو يتحـوطون وشافو بنتين خطـفو جان يشوفون حمانوه و رشود ..
(****) 1 : يـا ألبي كيـووت .. تي صوبه و تلوي ع حمـانوه ..
(****) 2 : فديتك والله كتكووت .. و تي الصوب رشـود و تشله
حمـانو ه + رشـود مره وحده كـف محتـرم : حمـاااراااا !!!!! و يتـمون يتحـركون بس عشان ينزلون جان يهدونهم .. و كل واحد انخش عند الشبـاب .. لوول عاد الشباب ميتين من الضحك
حمـدان : فديــتك والله ,, طالع ع اخـووك خشمـك
ويتخـاشمـون ,, : ها رشـود زين سويت فيها ,, تعال خشـمك .. لوول و يتخاشـمون
(****) 1 : مـالت عليـه الوغـد
محمـد : كل(ن) يرا الناس بعين طبعه
الشبـاب : هههههههههههه
وجـان يروحون البنـات و هم مقهوريـن .. وعقب سـارو الشبـاب يلعـبون اليهـال .. و يوم خلصـو دشـو فلم يضحك حق كبـار و صغـار ..

 

[غالية وتتغلى]

رد: i آه من قلب (ن) غدا حبه جنوني i

صـوب مـول الامارات ,,
توهم واصليـن البنـات وكـانت السـاعه 6 ونص .. نـزلو البنـات وفطـوم خذت اللاب و عطته تينا .. و تيـنا " فلبينيـه " فري واايد ويا قـوم فطـوم استوت .. كانو يمشـون جييه .. تيـنا .. مريـوم .. فطـوم .. عليـا .. سـاره .. و AL Body Guards
كـانو اشـكل البنـات كشخه من الخـاطر مطقـمات بـ كل شي .. و لابسات نظاره .. من دشـو المـول شلوها و حطوها فـ الشنطه
و هم كل دقيقه يدشون محـل .. فطـوم طبعـا كل ما دشت محـل اتشوف شي عندها من الهديه لووول .. بس في اشيـا منزلينها New ..
تيـنا : fa6oom see this is very Nice
فطـوم : yaaaaaaaaaaa cute
جسـوم : ايه وين يالسه .. قصري حسـج
فطـوم : هيهيهي .. مريـوووم تعالي شوفي هالتيشيرت خبـال
مريوم : yaaaaaay .. حلـووو وايد ..
فطـوم : if you want it take it
تيـنا : hhhhh ,, okay thanx

وعقـب البنـات خـذو القميـص .. و كل دقيقه يدشـون محل و ياخذون اللي يبـونه و يطلعـون .. و يوم كانو يتحوطون
سـاره : جسـووووم .. سير شوف شو من الافـلام موجوده ؟؟
مريـوم : هيه و وليـد سير و دي الاغراض السيـاره
جـسوم : وانتـو ؟
فطـوم : ماعليـنا شر .. تيـنا ويانا ..
جسـوم : انزين بس تحـملو ع عمـاركم
فطـوم : ان شاء الله من عيـونا ..

وسـار جسـوم صوب السينـمـا .. و وليـد سـار يودي الاغراض .. و البنـات سـارو The Coffee Bean .. ويوم طلـبو
تيـنا اول مره تي هالكـوفي .. جان يعطـونهم شرات شي طـويل .. و يطلـع صوت و تيـنا ماتعرف شو ها ..
تيـنا : what this ?
سـاره : wait a moment and you will know what is that
وكـانو قوم فطـوم ميلسيـن عند الكراسي اللي ساير و الراد يشوفوهم ..
فطـوم كانت داشه النت و مريوم و سـاره عدالها و عليـا تسولف ويا تيـنا .. و هيه تسالها شو ها قوليلي و قوليلي و عليـوه هب طايعه .. جـان يدشون شلـة شبـاب الكوفي و هم يشوفوه البنـات .. و عقب دقايق جان يطلع صوت و تيـنا كانت تتعبث فـ الجهاز من طلع صوت تينـا صرخت صوت عـالي و فطـوم صرخت لانها قفـزت
الكـل : ههههههه
فطـوم : omg ههههههههههه الله يغربلج خوفتيني
سـاره : وايه وايه بطـنيييه , هههههههه
مريوم : خخخخخ الله يغربلج فطـوم اونج ماتعرفينه
فطـوم ميته من الضحك : هههههههه لالا انا قفزت من صرختـها
عليـا : هههههههه go go and bring it
تينـا : hhhhh okay ..

و عقب تـمو يشربون و في واحد مجـابل فطـوم و مريوم .. و هم ع اعصـابهم .. و دقايق ايي جسـوم بسرعه
جسـوم : فطيــم .. فلم رومـانسي ربيعيي يمدحه بسـرعه وايدين فيـه خذلتكم حقكم و حقنـا وعقب 5 دقايق بيبدا
البنـات مره وحده : اشـووه ..
فطـوم اتبهدلت : سيري سكـي اللااااب .. و تينا تساعد اللاب و تسكـره وعقب دقايق يا وليـد ,, ويمشون بسرعه صوب السينمـا و عقب خذو كولا + ناجوز البنـات و الـ AL Body Guards .. وكـان مكـانهم وايد زين فـ النص .. و AL Body Guards ع الينب بس هب عـدال البنـات جـدام اما فـ النص البنـات .. اول كرسيين فاضين و عقب تينا و عقب مريوم و عقب فطـوم و عليـا وبعدين سـاره ..
فطـوم : ياربيه ان شاء الله يكـون الفـلم حلـووو ..
مريوم : اييه متى عـاد يخلص
فطـوم : عـاد انا مالي خص .. بشوفه كله
سـاره : ههه انزين انزين يلا اسكـتي بدأ ..
فطـوم شافت موبايلها شافت 3 مس كـول من حمـدان و 2 من محمد و اكـبر طاف سوت لوول .. و عقب تمو يشوفون و فطـوم انمجت من الخـاطر و اللي وراها حشـره من الخـاطر
فطـوم بصوت واطي : هايل مابيسكتون !!
عليـا : انا وانتي مره وحده بنقول بسـكم عـاد !!
فطـوم : ههه انزين .. يلا 1 2 3
فطـوم + عليـا : بسـكم عـاد !!
فطـوم : بتسولفون اطلعو بـرررررررع !!
(****) : بسم الله انزين خلاص ..
النبـات ردو اندمجـو ياكلون و يشوفون .. و عقب يت لقـطه رومانسيه وايد .. و الاولاد مايقصـرون يصفرون و يصفقون و البنات يضحكون عليهم .. مر الوكت وبسـرعه و استوت سـاعه 11 ونص .. بـادي الفلـم 8 ونص .. و طلـعو 11 ونص .. وعقب سـارو يتعشـون و طبعـا الاولاد كل ما سوو حركـات AL Body Guards يهزبونهم لوول .. و عقب ما تعشو سـارو ياخذون من بـاسكن .. و عقب طلعـو هم واااايد مستانسـاات .. و دقايق بو حمـدان يتصل لـ جـاسم
جـاسم : هلا طال عمرك .. هاا هيه الحين طالعين من المـول ,, خلاص افا عليك لاتوصي حريص .. ان شاء الله ان شاء الله من عيوني فمان الله ..
جـاسم : يلا بسـرعه نـبا نرد بوظبي بسـرعه
البنـات : اوكيه خلاص ..

وعقـب ركبـو السيـاره و سـارو طريج بوظبي ..


في بوظبي .. بتحديـد الصـالف اللي فـوق .. " محمد + حمـدان .. بو حمـدان + ام حمـدان " و عبدالرحمن كان راقد ..
محمد : هب جنه البنـات مصخوها !!
بو حمـدان : اتصلت حق جـاسم توهم طالعيـن من مول ..
حمـدان : ابويه .. مره ثانيه مايطلعن فليل .. يوم بيطلعن يطلعن الصبـح او الظهر هب العصر ويردن فليل
بو حمـدان : خلاص ماعليه ..
حمـدان : هـاي بلاها كل ما اتصلبها ما ترد عليه !!
ام حمـدان : منـوه ؟
حمـدان : فطـوم !!
ام حمـدان :أأ يمكـن ما انتبهت ..
محمد : حتى انا يوم ادقلها ماترد ..
ام حمـدان : انزين يمـكن حاطين ع السـايلينت .. انا بسيـر ارقد .. تصبـحون ع خيـر ..
بو حمـدان : وين سـايره خذيني ويـااج .. فديـــت خشمج انـا ..
حمـدان : آآخ يا قلبي ابا اغـاازل حد
ام حمـدان : عندك فطـوم !!
حمـدان : فطـوم !! .. خليها ع الله
ام حمـدان : ماعليه .. تصبحون ع خير
محمد + حمـدان : وانته من اهله ..

وعقب مر الوكـت بسـرعه و استوت السـاعه 12 ونص .. و وصـلو البنـات و عقب سـارو داخل .. وخذو الاغراض من عند
AL Body Guards .. و عقب سـارو فـوق و جـان يشوفون قوم حمـدان لوول ماكانو يدرون ..
فطـوم تفج البـاب : اقولكم يوم نزلت من السيـاره ارتفعت تنورتي خخخخخ هاكي اليـوم هوا قوي .. الحمدالله ماحد كان جدامي غير مريوم و عليوه تذكرون !!
البنـات : ...........
فطـوم تشوفهم " هيه ماكانت تشوف الاولاد " : بلاااااكم !! .. جان تشوف الاولاد : oPs !!
البنـات : السـلام عليـكم .. و كل واحد سارت غرفها وهيه تركض وحليلهـا فطـوم كانت آخر وحده .. ركض حمـدان و يودها من ايدها و لفها صوبه
حمـدان : وين كنتو سـايرين .. وتعـالو شو هالي فويهج !!
فطـوم وهيه محطيه صبعها ع شفايفها : هـااا !!
حمـدان عصب : اقولج .. لايكـون انتي ناسيه انـج معرسه !!
فطـوم : لا هب معرسه !!
حمـدان : وعيل ها شو اللي فويهج
فطـوم : مايبنـان
حمـدان : اشوفج واحد ماخذه راحتـج !!
فطـوم : اقـووول .. سيـر ارقد .. تصبح ع خيـر .. و شرده صوب غرفتها و سكـت البـاب

حمـدان : سخيـفه !! حمـاره والله براويها ,,
محمد : خلهـا تولي ماتستحي ,, ماعليه بقول حق عميـه بـاجر ..
حمـدان : والله لا اسيـرلها !! بس عقب دقيقتين
محمد : برايك انا بسير ارقد تعبان .. تصبح ع خيـر
حمـدان : وانته من اهله ..

فـ غرفـة فطـوم ..
سيده فصخت العبـاه و الجوتي و الدلااغ و خلت الاجيـاس داخل الكتب .. و فصخت جاكيتها ( كان قميص اللي تحت كـت ) و الغبيه نست انه البـاب هب مقفـول .. و هيه تفصـخ القميص يوم فصخته دش حمـدان !!
فطـوم قفطت حطت القميص عليـها " مالبسـته " وحطت يدها لوول عشـان تستـر ع عمـرها ..
فطـوم : اييييييييييييييه ,, اطلع بــرع
حمـدان قفل البـاب : مابا اطلـع برمسج
فطـوم : انزين ماعليه بس بلبس القميص !!
حمـدان : انزين انا ريلـج
فطـوم : مـاااااااااابااا


كـــــــــــــــــــــــــــــــــــــــــــــت

ها شو تتوقعون يستوي فالبارت الياي؟؟