رد: هل تعرضت لعملية نصب ؟!
عاد انا اذا باتكلم عن الشحاتين النصابين ماراح اخلص.......
قبل لا يصير لي هالموقف اللي بسببه طرحت الموضوع ....كان محد يدق جامة السياره الا اسمع قصته واعطيه المقسوم وقلبي يعطف عليه ودمعتي تنزل وكل المشاعر الجياشه تحضرني فذيج اللحظات
بس بعد هالموقف .....صرت من يدق علي حد الجامه مال السياره....انزلها .....اسمع القصه بالكامل .....واشوف التأثيرات على ملامح الوجه ...للاستمتاع فقط....ومن اتخلص او يخلص اقوله : الله يعطيك
صار مره موقف مت من الضحك بسببه .......ما واحيت ابركن سيارتي الا هالهندي اللي يدق الجامه
نزلتها .....وتم الحوار بالانجلش .....طبعا هندي متطور اللص
وامره ماشوف الا الدموع اربع اربع .....مسكين يصيح وانا اشوف عليه واضحك.....وبعد شوي طلع بطنه ......وامشبطنه من سموووت الوايرات وشي جيه مادري كيف اوصفه مثل العلبه طالعه منها وايرات على كبر بطنه ....ومتروسه ديو على ماعتقد لان لون السائل اللي داخلها اصفر .....خخخخخخخخخخخخخخخخخخخخخخخخخخخخخخخخ......خسك الله عاد اذا تبى اتمثل سوي شي يتقبله العقل ......وقام يقول انه مريض ويبى يسافر بلاده ...كنهه فبلاده بيحصل العلاج .....انزين .....الريال يصيح ودموع ووايرات فبطنه وحشره ......وانا اضحك
قلت له : ويت بليز
ومسكت تيلفوني ودقيت على الشرطه وقلت : بوليس ؟!
وماشوف الهندي الا طاير من جدامي
خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ
الملعون بعد اقل من ساعه شفته مافيه شي يتنطط بين المحلات ويشرب ديو ويتكلم فالموبايل ويضحك
صدق ان المهنده بارعين في التمثيل
نكتفي بهالقدر لاني تعبت
شيخة البنات