• رؤيتنا : أن تكون برزتنا قلما حرا صادقا مبدعا
    رسالتنا : أن تكون برزتنا مثالا لمصداقية وموضوعية الكلمة وممثلة خير تمثيل للاسم الذي تحمله وتسعى دائما للم شتات القبيله المترامية الأطراف وحسب الامكانيات والسبل المتاحة لدينا مستعينين بما نملك من أقلام قادره على التغيير والابداع
  • مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

يدتيه من الحريم لوليات (راعية جميرا) بنوتة دبي

بنوتة دبي

๑ . . عضو بقراطيسة . . ๑
إنضم
8 يناير 2003
المشاركات
17
مستوى التفاعل
0
العمر
48
الإقامة
دبي
الموقع الالكتروني
www.almorhfah.com
بخبركم عن سوالف يدوه الله يعطيها العمر

يدتيه من الحريم لوليات (راعية جميرا) بنوتة دبي وسوالفها كلها مال لول

وعندها فلسفة عجيبه في تفسير الأمور

والحين بجلب وياكم موسوعة يدوه الفلسفيه:((بنوتة دبي))

1) الحريم و مرض السكر
تقول الوالده الحريم ما ياهن السكري و الضغط إلا من قل الحركه و اليلسه و الهيازه و البشاكير

2) أمراض الدم
أول العرب فيهم قمل يشرب الدم الخايس ومن إتنظفت العرب عفدت إبهم هالأعواق إلي ما ريناها في
عربنا لوليين(شفتو فايدة القمل).

3)الجن و المس
لول الدنيا فضا و الفرجان متباعده و كل فريج فيه كمن خيمه ينعدن عالصبوع, والجن سكون في الخلا
لكن من يانا الخير زادو الأوادم و زادت البيوت وعدو على بقع الجن, عاد الجن ما حصلو بقعه يسكنونها
قامو و سكنو في الأوادم

4)رغوة الحمام
دخلت ختيه الصغيره الله يعزكم الحمام و ترست البانيو ماي و رغوه, يوم دخلت يدوه الحمام و شافت الرغوه قالت يالله بالستر بلاه مايكم وارم

5)البر و الموتر
يوم سرت فيا يدوه العزبه غرز الموتر و الهندي ما عرف شو يسوي نزلت أطالع السالفه, جان أقول ليدوه إنزلي شوفي الموتر , لقيتها يالسه في السيت الجدامي و تدز التابلون بريولها قلتلها شو تسوين؟ قالت: أدز الموتر حق يظهر

6) الفتاين و الهزاب
تقول يدوه لا تفتنون على الأوادم و إتهزبونهم لأن رب العالمين قال: الفتنه أشد من القتل.



و هاي سوالف يدوه و فلسفتها
ملاحظه: عقب ما تقرون الموضوع إدعوا ليدتيه بطولت العمر فديت روحها

و السموحه

بنوتة دبي
 
[ALIGN=CENTER]فدييييييييييت يدوتج أنا ....



يا الله انك تعطيها الصحه و طوووولة العمر و اتخليها لبنوتة دبي .....شو راااايج:D


فديتها ذكرتني بيدوووتي الله يرحمهااااا....|5|



سواالف العياااييز ما تنمل .....|1|



تسلمين عزيزتي بنوتة دبي على هالسوالف الزقرتيه...:D









بنت الفريج|4|[/ALIGN]
 
الله يطول فعمرها...الصراحه سوالفج وسوالف يدتج وايد حلوه:D

مشكوره على السوالف الرائعه يا بنوتة دبي:)
 
الله يطول بعمر يدوتج كل العمر أن شاء الله


وكلامها كله حكم وصدق

وبعد ما سمعنا بأمراض القلب و الجلطه الله يبعدها عنها

للى استوت مثل الزكمه أيام أول أحسن بمليون مره :)



مشكوره أختي بنوتة دبي :)


تحياتى



سواح
 
سوالفج يدوتج عجيبه بعد00

:D:D



الله يخليها لج ويطول بعمرها امين00



سلمي عليها00



:p




باي
 
فديت عمرها والله ... :D

يا علها طولة العمر انشالله .. تجنن سوالفها .. عيبتني سالفة القمل وسالفة البر

زين شو الراي الحين أبا أرابعها أنا..

وسلمي عليها أمانه ترى .. و قوليلها قوطي براقع تسلم عليج وايد وايد وتقولج كلامج كله صحيح ..

يبيها يوم واحد واقري لها ردود الأعضاء أكيد بتستانس
 
كفين بموتت دبي كثري من سوالفها احسن مشاركه واحسن شي رائته انتظر مشاركات يدتي بلسانج
 
ان شا اللة ياقوطي براقع ان شا الله بتشارك دوام وياكم
 
[ALIGN=CENTER]

مشكور بنوتة دبي على الموضوع.... سوالف يدتج وناسة:)


اتذكر مرة ربيعتي من زمان طرشتلي نفس الموضوع!!:confused:



المهم مشكورة على المشاركة[/ALIGN]
 
رد : يدتيه من الحريم لوليات (راعية جميرا) بنوتة دبي

احلى موضوع في البرزه هذا
وايد ضحكت
بس كلام يدوتج فيه منطق
 
عودة
أعلى