رد: أم الشات
السلام عليكم ورحمة الله وبركاته
شو معنى شات في نظرك؟
مكان يجتمع فيه نفووس من البشر المريضه والبعض عديم الحياء والبعض لهم أهداف شيطانيه
والشات بمعنى عام دردشه وكلام يجول بين شخصين
شو الفرق بين الشات والمنتدى؟
نوعاً ما .. في تشابه
لكن المنتدى يختلف بإنه فيه حدود وقوانين تلزم الأعضاء إحترام الآخرين وفيها إداره والمنتدى فيها أقسام نتناقش فيها لكن بعض الأعضاء ما يصيرون يتناقشون في المواضيع يصيرون يعلقون على فلان وللا فلانه ويراددون بعض ولا يخص الموضوع بشي لذا تشابه بالجات
شو بيكون شعورك لو نعتوا أسلوبك ووصفوه بأنه أسلوب شات؟
بظايج .. وبعدين ليش ينعتون أسلوبي بهالشي دام أنا جنبت نفسي إنه يوصفوني بهالكلام
متى تقدر تحكم على أسلوب شخص بأنه أسلوب أصحاب الشات؟
بشكل عام
إن وضع موضوع يتكلم عن شي
وإيي العضو (إلي إنطبق عليه أسلوب الجات)
يعلق على العضو
ويرجع العضو الثاني يرد عليه
ويرد فلان ويرد عليه مره ثانيه تاركين الموضوع وراهم
ويالسين يسولفون ويا بعض
هذا شو اختلف عن الجات ولا شي
والسموحه