• رؤيتنا : أن تكون برزتنا قلما حرا صادقا مبدعا
    رسالتنا : أن تكون برزتنا مثالا لمصداقية وموضوعية الكلمة وممثلة خير تمثيل للاسم الذي تحمله وتسعى دائما للم شتات القبيله المترامية الأطراف وحسب الامكانيات والسبل المتاحة لدينا مستعينين بما نملك من أقلام قادره على التغيير والابداع

بقايا قلب ...مهشم :(

عاشقة جميرا

:: شخصية هامة ::
إنضم
8 يناير 2003
المشاركات
2,529
مستوى التفاعل
11
الإقامة
دار العشق
هذي قصه حقيقه ..حدثه لاحدى طالبات جامعه زايد (بوظبي)...كتبتها صاحبتها بعد ما احتارت مع هذا الزمن ..

قصة حب
اسمي (............) عمري 19 سنه وهاي القصة
كانت بدايتها يوم كان عمري 18 سنه أنا بنت من الإمارات العربية المتحدة من مدينة الفجيرة .

عندي من الاخوة 2 ومن الأخوات 1 يعني إحنا 4 إخوان . أبوي وأمي مطلقين من إحنا صغار من أول ما انولدت بالتحديد أبوي خذ اخوي وأختي .. وأمي خذتني أنا وخذت اخوي جاسم وما شفنا بعض أبدا لأني كنت صغيره وااااااااااااااااااااايد .(هذي القصة والله والله والله حقيقية).

أمي رجعت عند أهلها في الشارقة وأبوي ظل في الفجيرة
بعدها انتقل ليعيش في أبوظبي .....
وأنا سرت ادرس في أبوظبي في جامعة زايد ..
ما درست في جامعة زايد اللي في دبي لأن بغيت أغير جو .. وسكنت عند خالتي في أبوظبي وأمي ما كان عندها مانع لأنها كانت شوي فري .

بعد ما دخلت الجامعة لقيت وحده اسمها مشابه لاسمي الاسم الأب واسم الجد واسم العايله أنا انصعقت !! (يعني هي أختي!!) ب
س أنا ما قلتلها لأنها ما عرفت ولا لاحظت .

وكانت اكبر مني بسنه وحده ومرت ثلاثة شهور وأنا ما خبريتها إن هي أختي .. وكل مره أشوفها يالسه بروحها في الكافتيريا وكل مره أطوف من جدامها وابتسم لها تميت على هذي الحالة أسبوعين كل ما أطوف من جدامها ابتسم لها . بس يوم من الأيام وأنا طايفه من جدامها ابتسم لها زقرتني !

هي : لو سمحتي
أنا : نعم خير (وأنا مبتسمة)
هي: ممكن اسألج أنتي ليش دوم تبتسمي لي؟
أنا: لا والله ما في شي .. بس أنا من النوع اللي وايد ابتسم و وايد أجامل.
هي: هي هي هي هي ..جان تبين قعدي
أنا: لا عادي والله .. أنا مستعيله شوي علي امتحان وما ذاكرت
هي: قعدي أنا بدرسج
أنا: لا لا ما أبا اعطلج ويايه
هي لا والله عااااااااااااااااااااادي بسييييييييييييييييي لالالالالالالالاه
أنا: اوكيك

تمينا نتكلم .. وتعرفت عليها وتعرفت علي بس أنا غيرت اسمي ..
غيرت اسم العايله واسم يدي وأبوي يعني هي ما عرفتني.
عقب تمت امبينا اتصالات شوي شوي ......
وفي يوم من الأيام كنا واقفين عند باب الجامعة نتريا السواقين
فمرت سياره مخفي كاااااامل استيشن رقم ابوظبي احمر ...
لون الاستيشن اسود .....فأنا صديت الصوب الثاني على أساس إني ما اجابلهم بس هي ..تمت تطالعني عقب سارت اتجاه السيارة انفتحت الدريشه بس أنا ما رمت أشوف منو داخل السيارة ,
تمت ترمس شوي عقب اطالعتني و ابتسمت .. بعدين ردت..!
أنا تميت امبطله حلجي . قلت منو هاييل جان اتقولي والله هذا ولد عمي ياي يمر علي يردني البيت فأنا قلتله بيلس اتريا ربيعتي لين ما تروح ..
عقب جان اتقولي أنا مب صايعه (وهي مبتسمة) أنا صديقتها .

بعد أسبوعين اتعلقنا في بعض وايد وايد .. وعزمتني على عرس عمتها ..
أنا سألت أمي إذا اقدر أسير العرس فقالت لي اوكي ..
(بس محد كان يعرف إن إحنا خوات )
فمرت علي وسرنا بيتهم أول .

عقب قالت بنسير الفندق واحنا نازلين عند الفندق إلا أشوف نفس السيارة اللي شفتها عند الجامعة طنشت ودخلنا جان يطلعون 2 شباب جدامنا أنا ما قدرت أميز أي واحد فيهم اخوي إلا يوم سألتها لما رجعنا وقالت لي
اللي لابس كاب هو ولد عمي ولا متعصم هو اخوي وما شفتهم من بعدها .

بعد ثلاث أسابيع من العرس سرت بيتهم مره ثانيه
وهناك شفت اخوي حمد و وولد عمي حمدان .
سلمت عليهم من بعيد بس ما كنت ادري انهم كانو موجودين في البيت .
وما بيظهرون .!

كان عندي بروجكت وهي قالت بتساعدني قعدنا في حجرتها وتمينا نسولف ..عن ولد عمها وأخوها وأبوها ..
أنا من السوالف اللي سمعتها عن ولد عمي حمدان ...حبيته !!...
بس ما قلت لها .. وتميت اكثر الزيارات اللي بينا وفي يوم من الأيام
قالت لي إن ولد عمها بدا يحبني فرحت واااااااااااااااايد وقلت لها
إني أنا بعد بديت احبه .

في يوم كان الدريول ياي ياخذني من بيتهم سوى حادث
وكان الوقت متأخر فطلبت منهم إن يوصلوني البيت فهي قالت
حق ولد عمها إن يوصلني وركبت ويانا السيارة ..
في السيارة تم يطالعني من المنظرة وأنا ويهي متكسر وقاااااااااااااااااااااااااااااااااااااااااااااااا

فط

فطه وهي كانت تعرف وتطالعه وتبتسم وفي نص الدرب
وقفت عند بيت وقلت أنا شوي وبرد وسكرت الباب وتمينا أنا وهو في السيارة بروحنا تمينا ساكتين فتره وفجأة جان يقول : شو أخبار الدراسة ؟
أنا سكت وويهي محمر وعقب وقلت الحمد الله امشين .

حمدان: زين زين سمعت إنها وايد صعبه والبنات يشتكون وايد منها ؟

أنا : والله .. لكل مجتهد نصيب (صح) بس إحنا نجتهد ونكرف وما نحصل شي .

حمدان : هههههههههه حليلكم والله .

مرت لحظة صمت

حمدان: هاااااااا شو بعد ؟
أنا : والله ولا شي .
حمدان : احبج
أنا : !!!!!!!!!!!!!!!!!!!! تميت صاخه وقاااااااااااااااااافطه والله ما اعرف كيف اشرح موقفي !!!!
أنا بعد كنت احبه .. بس ما قدرت أقول انبلع لساني .

فجأة حرك السيارة وطلع على الشارع الرئيسي !!!
أنا : وييييييييييين ساير ؟؟؟؟!!!!!؟؟!؟!؟
حمدان: بتعرفين بعدين حبيبتي
أنا : لو سمحت اتأدب وخلك ريال وعن هاي الرمسه !
حمدان: حرام عليج حبيبي والله احبج وااااااااااايد.. أنتي ليش اتعذبيني
أنا : ممكن توقف لو سمحت !! بنتريا بنت عمك (..........) !!!
حمدان: ههههههههههههههه
أنا : شووووووو فيك ؟؟؟؟؟ ليش تضحك ما في شي يضحك !!!! وقف الحين والله ترا بتصللها الحين !! وفي عمتي وفي أمي !
حمدان: ههههههههههههه ترا بنت عمي ما بترجع !! اوكي أنا وهي متفقين .. شو انسوي .
أنا !!!!! متفقيييييييين !!
حمدان: هي ..والله أنا آسف بس أنا احبج وبغيت ارمسج على انفراد.
أنا: والله ترا بتصل..(خذيت الموبايل على أساس بتصل اكتشفت إن موبايلي مافيه رصيد
حمدان:ها اشوفج ما اتصلتي ههههههههههههه
أنا: جب .. الله يخليك لا تسوي فيني جذيه الله يخليك !!
حمدان: زين زين لا تصيحين عاد.
أنا: بترد؟!!!
حمدان: هي ما يهون علي اشوفج تصيحين

بس أنا اكتشفت انه مارد البيت سار مكان فيه خناخيش .. ما ادري أي فريج وقف السيارة ..قفل البيبان ..!!! أنا تميت ساكته !!!!!!! ما رمت أقول شي بس كنت أصيح .

حمدان: والله ما بسوي فيج شي .. بس بغيت اقولج أنا آسف ..
و الله يخليج لا تقولين حق اهلج اللي استوى الله يخليج ..
((جان يعفد على السيد اللي ورا يبوسني على خدي !!
أنا ما عرفت شو اسوي يتني قشعريره ! تميت أصيح .. قلت إذا صفعته بيسوي شي ألعان احسلي اتم ساكته ,, عقب عطاني رقمه

وقالي: اتصليلي والله حبيتج من أول ماشفتج!!
وشغل السيارة و وصلني لين البيت .. واعتذر مره ثانيه !!....
بس طول الدرب تميت ساكته !!

في اليوم الثاني لما رجعت الجامعة قلت حق أختي كيف تودريني وتسيرين؟؟ كيف تسمحين حق عمرج انج تتفقين ويا ولد عمج علي؟؟
أختي تجاوب وهي تصيح )
والله انه مب متفقين ولا شي .ليش شو سوى فيج ؟؟؟؟؟!!!!
أنا : لا لا ماسوى شي والله .....بس وصلني لاتخافين .
أختي: والله إن سمعت انه سوابج شي والله لايلوم إلا نفسه ..أنا طلعت برع ماشفتكم مالقيت السيارة ما عرفت شو اسوي !! عقب قالي إن أنتي سلمتي علي وانج كنتي مستعيله لانج وايد متاخره وانج اتصلتيلي وأنا مارديت عليج .
أنا : لا ماسوى شي لاتخافين

عقب نسينا السالفه

وبعد ثلاث ايام رجعت البيت وماكان في حد ..
واعوذ بالله من الشيطان اللي خلاني امسك الموبايل
واتصل على رقم حمدان
رد حمدان : الووووووووووووو
أنا : تميت ساكته
حمدان : الوووووو حول ..
أنا : بصوت خافت الو
حمدان : منو ؟
أنا : ماعرفيتني ؟
حمدان: لا
أنا : خلاص اوكي احسن.
حمدان: لحظه لحظه .. عرفتج منو
أنا : ساكته
حمدان: اخبارج؟
انا : تمام .. اخبارك؟
حمدان: بعد تسالين اكيد اوكي .....عقب ماسمعت صوتج
أنا: ساكته من القفطه
حمدان: شو ياج سكتي؟
أنا: شو أقول ؟
حمدان: أي شي !! اوكي شو أخبار الجامعة ؟
تمينا اندق سوالف لمدة ربع ساعه عقب سكرت لان قوم خالوه وصلو .

تمينا على التلفون لمدة 5 شهور ..

مراااااااااااااااااات نتشاوف كل ما أسير بيت أختي (بنت عمه)
ومره طلعت وياه بدون مايدرون قوم خالوه يتحرون إني طالعه
ويا ربيعتي ماسوينا شي خطير وايد ... بس اعوذ بالله من الشيطان الرجيم .. صراحه سوينا .. اتباوسنا 3 مرات بس وندمانين على هذا الشي بشكل .!!

بس كنت احبه مووووووووووووووت ادري إن هذا مب عذر !! ي
يسوى حياتي هذا الانسان !! ما اقدر استغنى عنه هذا حياتي
ودنيتي هذا كل شي في حياتي وما اقدر استغنى عنه حتى وأنا وياه اشتاقله .. كل يوم لازم اكلمه ..
قال انه بيخطبني وسواها اتقدم لي وخطبني ..
( أنا اكتب هذا الايميل بعد اسبوع من الخطبه
اليوم السبت تاريخ 27-4-2002 وهو خطبني تاريخ 20-4-2002 !)

في الخطبه استوى اللي ما توقعته وما اصدق

بس اللي عرفته إن خالي لما ساله عن اسمه بالكامل طلع اسمه مثل اسمي يعني هذا اخوي

أختي كذبت علي وقالت انه ولد عمها .
لييييييييييييييييش يا دنيا ليييييييييييييييييش؟

انا كنت اعاشر اخوي !!!!!!!!! أنا كنت اكلم اخوي على التلفون واقوله احبك مليون مره

اخوي يخطبني !!!!!!!!!!!!!!!!!!

ما اعرف الوم منوووووووووووووو!!!!!!
الووم اهلي على اساس انهم فرقونا!!
الووم أمي لأنها خلتني أسير !!
الووم أختي لأنها كذبت علي !!
الووم البطاقه المدفوع لان ما كان عندي رصيد!!
الووم نفسي !!
الوومه هو !!
شوووووووووو اسويييييييييييييي ؟؟؟؟؟!!!!!!

والله العظيم كل اللي اقولكم اياه صدق .. بس خلوني اكمل قصتي
بعد ماعرف أبوي إن ياي يخطب بنته لولده وأختي عرفت إن أنا اختها !! قررو قوم أمي و أبوي انهم يرجعون لبعض !! بعد شوووووووووووووو ؟؟!!!!!!!!!!!

نرجع نسكن في بيت واحد !! مستحيييييييييييييييييييييل !!!!!!
والله ياجماعه انتو مب حاسين فيني أنا أبا اموووووووووووووووووت !!!!

الله يخليكم قولولي شو اسوي !!

هو اللحين يكرهني لان ماقلت لاختي اسمي الصدقي وأنا سرت اكره أختي لأنها كذبت علي !!

وبعد يبونا نسكن ويا بعض عقب مادمر مستقبلي !!!

عقب ماطلعت من الجامعة !!

عقب ما كل حد عرف السالفه
الله يخليكم ساعدونيييي



ولكم الرأي الآن ....
منقول


تحياتي
عاشقة
 

العيون الحزينة

๑ . . عضو ماسي . . ๑
إنضم
12 ديسمبر 2002
المشاركات
1,049
مستوى التفاعل
2
العمر
39
الإقامة
In My sAdEyes
حرام والله00

:(




شو فوا شو هي نتايج الطلاق00


:mad:





الله يصبرها على مصيبتها00




جزاج الله خير على هالقصه00
 

عاشقة جميرا

:: شخصية هامة ::
إنضم
8 يناير 2003
المشاركات
2,529
مستوى التفاعل
11
الإقامة
دار العشق
العفو ...بس صدق هذي سلبيات الطلاق !
 

قوطي براقع

:: شخصية هامة ::
إنضم
12 ديسمبر 2002
المشاركات
281
مستوى التفاعل
1
يــا اللــــه

لازم واحد منهم يعرس قبل لا ترجع الأسرة لبعض !!

بيكون الوضع أهون .. المهم ما يعيشون في نفس البيت
 

بنت الفريج

๑ . . عضو نشيط . . ๑
إنضم
12 ديسمبر 2002
المشاركات
272
مستوى التفاعل
1
الإقامة
+بوظبـــــــي+
[ALIGN=CENTER]يحليلها ...


حراااااااام


مشكوووره عاشقة شحي على القصه...واصلتني من فتره عبر الايميل...و انصدمت يوم قريتها ...الذنب ذنب أبوها و أمهااا..



فداعة الله

بنت الفريج[/ALIGN]
 

شحشوح

عضو مميز
إنضم
16 ديسمبر 2002
المشاركات
30
مستوى التفاعل
0
اي كانت بيليف ماي اااااايز

اففففففففف

ابغض الحلال الى الله .. الطلاق ....

شكرا على القصة ..

:eek:
 

عاشقة جميرا

:: شخصية هامة ::
إنضم
8 يناير 2003
المشاركات
2,529
مستوى التفاعل
11
الإقامة
دار العشق
قوطي براقع !!!!!!!!! انتي ما فهمتي القصه !!
كيف يتزوجها؟؟ اصلا هو اخوها ..يعني ما يصير ..
بس حتى لو ما عاشوا مع بعض!! نفسيتهم كيف بتكون !!
الله يعينهم

وشكرا لكم :)
عاشقة
 

قاريءالكلمة

المدير العام لموقع وبرزة الشحوح
๑ . . الادارة العامة . . ๑
إنضم
12 ديسمبر 2002
المشاركات
2,500
مستوى التفاعل
54
قصه مؤثره ومعبره ومحزنه...كله بسبب الطلاق الذي فرق الاسره......لكن من السبب الرئيسي الزوج أم الزوجه;)

مشكوره عاشقه:)
 

قوطي براقع

:: شخصية هامة ::
إنضم
12 ديسمبر 2002
المشاركات
281
مستوى التفاعل
1
عاشقة شحي

عزيزتي أنا فاهمة القصة وقارتنها قبل بعد

وشكلج انتي اللي ما فهمتي اقتراحي :)

قبل لا الأسرة تتجمع مرة ثانية .. أنا أقول لو واحد منهم على الأقل يروح يعرس ... مثلا الأخ يسير يعرس علشان يبعد عن البيت شوي وينشغل بحياه ثانية ويبعد عن أخته اللي كان يحبها بدون ما يعرف ...
 

الأمل القريب

๑ . . عضو نشيط . . ๑
إنضم
22 ديسمبر 2002
المشاركات
209
مستوى التفاعل
0
الإقامة
الامارات
[ALIGN=CENTER]ياربي!!
لا حول ولا قوة الا بالله

الدنيا والله مالها امان!! الله يستر عليها مسكينة والله ذنب الاهل

مشكورة حبيبتي عاشقة الشحي اشوية الدمعة بتنزل من عيني!!:confused:[/ALIGN]
 

سواح

๑ . . عضو ماسي . . ๑
إنضم
12 ديسمبر 2002
المشاركات
1,442
مستوى التفاعل
5
الإقامة
الامارات
لاحول ولاقوه الابالله

شوها الدنيا أعوذ بالله


تسلمين أختي عاشقة شحي على القصه


تحياتى


سواح
 

عاشقة جميرا

:: شخصية هامة ::
إنضم
8 يناير 2003
المشاركات
2,529
مستوى التفاعل
11
الإقامة
دار العشق
:) سوري قوطي براقع ما فهمت قصدج!! سوري حياتي

قارئ الكلمه...والله الزوج و الزوجه غلطانين..هم افترقوا صح ..بس ما كان من حق كل واحد يفرق العيال ..على الاقل يلتقون علشان يعرفون بعض....

حياتي يا الامل القريب لا تصيحين حبي ..خلاص انا اتصلت حق راعي الدكان عبد الغفور ايب لج كرتون كلينكس..

سواح ..مرسي :)

تحياتي
عاشقة
 

الحــ 77 ــر

๑ . . حبوب البرزة . . ๑
إنضم
9 يناير 2003
المشاركات
91
مستوى التفاعل
0
الإقامة
الامـــــ ابوظبي ـــارات
السلام عليكم ورحمة الله وبركاته
الله عليج يا عاشقه شحي وين اتيبين هاي السوالف ما ادري القصه مفجعه ومعبره ولها مغزى وعباره أأأه
والله يا عاشقه شحي العضه ليست بالقصه ولكن العضه بمن لا يتعض من يسمع ويقرا ولا ياخذ بخاطره عناء التكلفه. الطلاق يمكن يكون سبب رئيسي والمباشر ولكن ليس هو الخطأ الوحيد بل انه شرع من شرائع الله ولكن الخطا من التفرقه من الوالدين الاكبر والخطا من البنت التي لم تقم بمصارحه اختها بالموضوع ولكل مشكله حل ومثل ما اشارت الاخت قوطي براقع فحلها سليم ومنطقي ولكن لا يرتبط برجوع الوالدين بتعليقها حتى يتزوج احد الاخوه فتقارب الاسره مطلوب وبأسرع ما يكون
المهم يا عاشقه شحي مشكوره شو بقولج بعد دومج مشاغبه وتحبين هاي السوالف والحلو فيج مرحه بس وين اتيبين هاي السوالف الله اعلم
تحياتي
القدوي
x66x
 

الأمل القريب

๑ . . عضو نشيط . . ๑
إنضم
22 ديسمبر 2002
المشاركات
209
مستوى التفاعل
0
الإقامة
الامارات
[ALIGN=CENTER]

اذا السالفة فيها راعي الدكان خلاص ما بصيح ابغي اروح الدكان يا عاشقة الشحي


اقول شو سالفتك القدوي على عاشقة الشحي..... شكلك اشوية بتاكلها|4|[/ALIGN]
 

عاشقة جميرا

:: شخصية هامة ::
إنضم
8 يناير 2003
المشاركات
2,529
مستوى التفاعل
11
الإقامة
دار العشق
هلا يا القدوي ..والله كلامك صحيح ..
هو اول الموضوع عدم الصراحه ..وصلم الى هذا ..بس بعد التفكك الي كان بين الاسره ..وعدم قيام الاب و الام بواجبهم تجاه عيلهم ..احس انه غلط انهم ما يعرفون اخوانهم ببعض !!
اما عن الموضوع ..فانا يبته من الايميل ..يا قشطه ..

الامل الغريب..اشوفج مسحتي دموعج .فديت عيونج والله
بس القدوي ما بياكلني ولا شي ..ما يقدر لحمي مر...

تحياتي
عاشقة
 

عاشقة التراث

๑ . . شخصية هامه . . ๑
إنضم
10 سبتمبر 2004
المشاركات
21,826
مستوى التفاعل
2,583
العمر
43
الإقامة
الامــUAEـارات
رد : بقايا قلب ...مهشم :(

السلام عليكم ورحمة الله وبركاته

عاشقة جميرا
قصه عجيب تحمل معها معاناه.....الله يكون في العون
كل الخطأ ما الاهل لتفريقهم شمل الاخوان ...وسبب وقوعهم في الخطأ الكبير
ومشكوره على القصه الجمليه والحزينه

يرحم مواضيع اول

بنت التراث
 

شقراويه

๑ . . عضو فعال . . ๑
إنضم
11 سبتمبر 2005
المشاركات
496
مستوى التفاعل
2
العمر
36
الإقامة
العين
رد : بقايا قلب ...مهشم :(

هااااااااااااااااااااااااااااااااااااااااااااااااااااااي

مشكوووووووووووووووووووره أختي
 

أجمل احساس

๑ . . عضو ماسي . . ๑
إنضم
25 أكتوبر 2004
المشاركات
1,598
مستوى التفاعل
48
الإقامة
جميرا
رد: بقايا قلب ...مهشم :(

ماألوم الأم ولا ألوم الأبو .. الزواج قسمه ونصيب ... وكل شي مكتوب .. ووايدين اطلقو بس عيالهم ماسوو اللي هم سووه ... الغلط من البنيه ومن الولد ...فنفس الوقت ...
 

الرسوم الأولية

๑ . . عضو مؤسس . . ๑
إنضم
26 أكتوبر 2006
المشاركات
12,509
مستوى التفاعل
465
العمر
40
الإقامة
دبــــا التـاريـخيـــة
رد: بقايا قلب ...مهشم :(

الطلاق

هو السبب الثانوي

بعد انعدام التربية
 
أعلى