::::::::::اكتبــــــــــــــ بيت شعر ::::::::::::::

[الرحبي]

رد: ::::::::::اكتبــــــــــــــ بيت شعر ::::::::::::::

ياعين كفي عبرتك لاتهلين 000 لاينتشر دمعك همايل على ماش

اللي تبين وطول عمرك تمنين 000 وقلتي بلا شوفه انا مقدر اعتاش

خان العهد شوه أطباع المحبين000وظهر بعد دعواه بالصدق غشاش

مابيك من عقب المعزه تخضعين000 الا لرب الكون رزاق الادباش

خلاص كلش بان لا لا تقولين 000 يمكن كذب والادعايه من الواش

مادام خانك وش بعد منه ترجين 000من باعنا بالرخص بعناه ببلاش

 

[جلنار]

رد: ::::::::::اكتبــــــــــــــ بيت شعر ::::::::::::::

تعبت اقول لضيقتي سهـود ومهـود
اليا متـى هالعـذر بيكـون عـذري

البارحة يـوم اكثـر العالـم رقـود
عادت علي اللي تجي منين مـدري

الضيقة اللـي كـل ماراحـت تعـود
مكانهـا مابيـن قلبـي وصــدري

ناسٍ تنام مدهنة فـي دهـن عـود
وناسٍ تنام مدهنـة بزيـت مقـري

لاواهني اللـي حلالـة مـن الـذود
تسعين وضحى كل ماضاق يسـري

يسـج معهـا كـل ماهبـت النـود
يتبع مسيل السيل في القاع يجـري

ماهوب مثلي من اقرب الناس مجحود
الله يسامـح مـن طعنـي بظهـري

من راح ماكنه على القـاع موجـود
مايدري انـه اول اسبـاب كسـري

كل ماطرالي قلت مـن قلـت الفـود
ياليـت منهـو راح ماعـاد يطـري

لو تستحي من فعلها ايامـي السـود
كان استحت مبطي ولا طال صبـري

قدمـت بالموجـود لخاطـر الجـود
لين التفـت ولابقـى شـي حـدري

عطيت من عمري ولا شفت مـردود
ياللأسف للنـاس ضيعـت عمـري

واذا افرحوا واجد على طيحة العـود
هذا دليـل انـه فعـل شـي يغـري

بوقف لحالي واتبع الطيـب والـزود
اشره علي ان صغر الوقـت كبـري

ماني على بعض المخاليـق محـدود
امـوت مانزَلـت للنـاس قــدري

!

 

[جلنار]

رد: ::::::::::اكتبــــــــــــــ بيت شعر ::::::::::::::

يقولون الكمال أجمل
ونا أقول الهلال أحدب

يقولون الجمل بارك
ونا أقول الزمان أشهب

يقولون الفضاء واسع
ونا اقول الصدور أرحب

يقولون أنـت متعالي
ونا اقول الشموخ أقرب

يقولون أنت متناقــظ
ونا اقول إشرح المعرب

يقولون الجفـا قاسي
ونا اقول الظُـلم أصعب

وقالوا نتبع الخطوه
ونا اقول القــدم تتعـب

وقالوا دايم تعــاتب
أي والله من غلاه أعتب

وسـار العلم متناثر
وسار الصبر لـي أطــيب

 

[الرحبي]

رد: ::::::::::اكتبــــــــــــــ بيت شعر ::::::::::::::

يالله انك لاتعود العسكريه=النصيب اللي على البدله حداني
لبسوني لبسة ٍ ماهيب ليه=درعوني باللبوس المشبهاني
دربونا مثل تدريب المطيه=والصعب منا يعود مطوعاني
يالله انك لاتحملنا زريه=حيث حنا للمعاصي مانداني
ياوجودي وجد حمر ٍ عيدهيه=ساقط ٍ فيها الحقب ويا البطاني
فوقها قرم ٍ ببا كور ٍ قويه=من ورى العارض يبي دار شهراني
قطر القربه وقدمه قيهميه=مع زوال الظهر يوم الشوف داني
هسها العرقوب والديره رديه=لين دم الجوف بالذرعان حاني
او وجودي وجد عرب ٍ فوق طيه=في لهيب القيظ معطيت ٍ ثماني
هملن عيالهن بارض ٍ خليه=واصبحن اعيالهنه ذيهباني
يوم جن البير لياهي جاهليه=ما عليها لا ورود ولا محاني
بركن بالشمس تصهرهن شويه=كل منهن كنها الخرص الهلالي
لو بغيت ادله طرى الطاري عليه=واستحس القلب والهاجوس جاني
يوم اشوف الدين مرتجدا ً عليه=والظهر عريان والجوع يحداني
طالبك رزق ٍ تحطه في يديه=ماعلى بابه شريف ولا هداني

 

[الرحبي]

رد: ::::::::::اكتبــــــــــــــ بيت شعر ::::::::::::::

قـال العزوبـي يـوم شــاف المعـاريـس...الــرابــح الــلــي لاقــعــد مـايـقـومــي
أول سـنــة كـــلٍ يـبــث الاحـاسـيــس...وثانـي سنـة تجلـب عليـك الهمـومـي
وثالـث سنـة حـط الـرمـل والمتـاريـس...لابـــد مـــن حـــربٍ تــقــوم وتــدومــي
لامــن دخـلـت الــدار لاكـنـهـا بـلـيـس...متلـفـلـفٍ فـــي غـالـيـات الـهـدومــي
تأخذ من المخباة وتسحب من الكيس...وتـغـيــر الـمـوديــل شــــيٍ لــزومـــي
وان قلت ما أملـك يامـره لوهـو فليـس...قــالـــت تــديّـــن لا تـكــثــر بــلــومــي
تعـيـش يالمـعـرس حـيـاة المحابـيـس...وشـف العزوبـي بكـل شـارع يحـومـي
من مفرق جلاجل إلى جـوي للخيـس...وان حــار حايـرهـم بوسـطـه يـعـومـي
يـفـرح إذا شـــاف الـوتــر والـمـراويـس...وفــي كــل يــومٍ كـاشـتٍ ومـعـزومـي
شــف العـزوبـي مايـعـرف الهواجـيـس...ولا يــــودي حـرمــتــه كـــــل يــومـــي

 

[بنت الاصايل]

رد: ::::::::::اكتبــــــــــــــ بيت شعر ::::::::::::::

يا ربي أشكيلك بحالي
شكوى لغـير الله مذلّه
لو مرّ وقتي ما صفالي
محدن بيسعفني سوى الله

 

[الرحبي]

رد: ::::::::::اكتبــــــــــــــ بيت شعر ::::::::::::::

تفكيرها فى نفسها طول الايام = مافكرت من عمرها يوم فيني
تطرد وراء حلم لها غاب وانظام = على حسابي والثمن نوم عيني
فى حبها كني وريث للاوهام = متعلق فيها وهي ماتبيني
منها حياتي كلها الام فالام = على مشارف فرحتن تحتريني
ترمي خطاها فى مواعيد الاحلام = ياكثر ماتكذب على فى سنيني
وارجع لها كلي غلئ مابي اخصام = حبي لها الزايد سبب مايجيني
ماودي انهى عشرتن دامت اعوام = واقتل فرحها والامل فى يديني

 

[جلنار]

رد: ::::::::::اكتبــــــــــــــ بيت شعر ::::::::::::::

الأرض نفس الأرض/ والناس وجهين
إنسان فيه (أخلاق) وإنسان (طينـة)

يا نخلـة التاريـخ تبقيـن.. تبيقيـن
في داخلـي مثـل القصايـد سجينـة

اهز جذعك ويتساقط علـى ايديـن..
إنسان مـن جوعـه تجعـد جبينـه

احيان امـد يديـن ليديـن مسكيـن
واحيان مـا تصـل يدينـي يدينـه

بيني وبينه جـرح غايـر وسكيـن
قـادر ولا نـي قـادر. الله يعيـنـه

الهم / والتغريب/ والفقـر/ والديـن
يهـذي بهـا الرجـال بينـه وبينـه

محبط / مشتت/ ممتلي بالحزن لين..
فاضت عيونـه بالحـزن والضغينـه




وتصبحون على خير جميعاً

 

[الرحبي]

رد: ::::::::::اكتبــــــــــــــ بيت شعر ::::::::::::::

نوم العوافي يا جلنار

ماجور ياراعي الثناء والمديحي = لاباس ياقرم الوغا ذرب الايمان
ان كان قلبك بالموده مشيــــحي = والله مالومك ياسلايل كحيــــلان
الزين ماله ياصديقــي نطيحــــي = كونه شنيع ولايوصـف بالاكوان
محدن يلومك يابووجهن مليحي = اصبروراعي الصبر يجزابالاحسان
عادات طراد المها يستضيــــحي = والصيد اله ملقاف والرمي نيشان
للي تبي ياجعل دربك سميحـــي = وما كاد ياشبل الضـواري لكم هان
راعي الهوا مايستريح ويريحي = عاشق ومعشوق رابح وخسـران
هيجت قلب(ن)قام يلفح لفيحـــي = بين الضماير خافقه تقول بـــركان

 

[جلنار]

رد: ::::::::::اكتبــــــــــــــ بيت شعر ::::::::::::::

ناديت والليل جاوبني وبكاني
محدٍ سمعني سوى ليلٍ هزع دمعي


ماغير ليلي من الأحباب وأساني
ياويل من همله ربعه مثل ربعي


طالت مسافاتي وتاهت بي أزماني
وعلمني الوقت كيف أقسى على طبعي


ومن طاول الوقت لو هو قاسيٍ لاني
ومن يرفض العشر يقبل عقبها سبع ِ


كم عاقل ٍ صار بأمر بالحب هيماني
وكم قلب عذره ترك فيه الهوى صدع ِ


ياعازف بالهوى منضومة ألحاني
رد المواجع نغم في قلبي وسمعي


غن الغزل ينتعش خفاق ولهاني
وأشرب زلال الهوى من كأس ِ ونبعي


ومادام أنا حي كل الحب ميداني
وأن مت ياحادي الأشواق لك بدعي