>>الشحوح دفشيين و وحوش...~

[فخر الشحوح]

رد: >>الشحوح دفشيين و وحوش...~

بسم الله الرحمن الرحيم


بأسمي وبأسم محبيني اتقدم لكم بالعتذار اما حدث من سوء فهــم


ما يلفظ من قول إلا لديه رقيب عتيد


والسلام عليكم ورحمه الله

 

[عكس قانونهـ]

رد: >>الشحوح دفشيين و وحوش...~

ممممممممممم

صح والله

حتى هاااي الكلمه دوووم أسمعهاا(((والله ماا ألوومك شحي )))

بس تعودت عليهاا


أعطيهم الاذن الصمخه

والله وصلت لدرجت أني

شفت وااحد كويتي أول مره يدخل الدوله

وياانا طيار

و سلمت عليه

و أناا معتااد يووم أسلم أضغط ع اليد شوي


قاال لي نفس الكلمه ((ما ألوومك شحي))

*****************************************************************

و كلام أوت لو صحيح

الهيبه يلي كاانت للشحوووح تخوف النااس لحد إلحين

و بس

 

[سحروتـــه]

رد: >>الشحوح دفشيين و وحوش...~

[glow=FF0066]يالله بالستر

لهالدرجه يعني إخترعت

الشحوح معروفين في كل مكان نشاما وعيال أياوييد

والكل في الكل

طيبيييين وايد بالرغم من الدفاشه القليله كككك

وبالعكس إلي يتعرفون علييه يحبوني لأني إتكيييت ككككككككك

والناس يوم يعاشر إنسان بعدين يحكم عليه مب جييه

ليش الشحوح ما وصلوا لمراتب عاليه في كثير من المجالات ؟؟؟

وعلى فكرة أغلب الشحوح هم إلي ميودين مناصب بالدوله

معلومة خاطئه صححيها

ويسلمو على الموضوع[/glow]



​

 

[أحلام]

رد: >>الشحوح دفشيين و وحوش...~

وعليكم السلام ورحمة الله وبركاته

الصراحة الصراحة يا عذبة ... أنا ما قريت ردود الأعضاء ... فوق 11 صفحة شو بقرا فيه ... ما وراي شغله أنا ...

وأحسن بعد ... عسب أكتب روحي من غير ما أتأثر بحد

لو تبين الصراحة

أنا كنت شرات ربيعتج هذي

حالياً وأنا كبيرة ... كنت دايماً أخاف أتعامل مع الشحوح ... قد ما أقدر كنت أبعد نفسي عنهم ...

والسبب

لما كنت صغيرة ... والله ثم والله إني ما كنت أحصل لي غير الهزبة من الرياييل الشحوح

ألحين الواحد لما يبا يسير بيت الناس وقبل ما يدخل البيت ... مب لازم يدق الجرس ...

طفلة صغيرة مؤدبة أهلها علموها إنها ما تدخل بيت الناس قبل ما تستأذن ... وعلى نياتها دقت الجرس ... مرة وحدة بسسسسس

بلاه هالشحي انفجر في ويهي ليش إني دقيت الجرس

أونه لا تدقين الجرس ... دقي الباب ...

( خايف عالكهربا الريال ... زين عيل ليش حاط الجرس من الأساس )

والله بس ألحين أتذكر صراخة وهزبته لي ... قلبي يطيح

وغيره وغيره ... ما شاء الله كنت معاشرة الشحوح وساكنة معاهم في فريج واحد ...

وصدق ما شفت الطيبة منهم ... الرياييل الكبار ... موووووووول ما أذكر غير دفاشتهم

وهذا عين الصقر قالها ... وشهد شاهد منهم ... ما عندهم ون تو ...


رعب الشحوح ... كانوا رعب بالنسبة لي طول السنوات اللي طافت ... مب خوفاً منهم ... بس عسب أسلم شرهم ... وعصبيتهم ...


بداية هالسنة 2008 تغيرت فكرتي عنهم وحبيت أتواصل معاهم

تعرفت على ناس ... تعاملت معاهم فترة طويلة ... ما كنت أعرف لقبهم ... ورمستهم معاي كانت حضرية ... ما خطر في بالي إنهم شحوح ...
ما شفت منهم إلى كل خير ... طيبة ... رقة في المشاعر ... هدوء ... وأخذ الأمور ببساطة ... ومع إني كنت مرات أستفزهم وأسوي اللي يعصب ... لكن والله إني ما شفت منهم إلى الهدوء وحل المسائل بركازة ...
بعد فترة ... وبعد ما تعودت عليهم ... حصل وعرفت صدفة إنهم شحوح ...
ههههههه ... أتذكر إني تميت خمس دقايق أو أكثر فاتحه حلجي ... مصدووووووووومة ... ما رمش لي عين إلى مرتين ...
أعترف لكم إني حسيت بخوف لحظتها ... لكن بعد ما خلصت فترة الصدمة ... تذكرت طيب أصلهم وأدبهم وتعاملهم معاي طول هالفترة ...

حبيتهم من الأساس ومستحيل أغير نظرتي لهم بس لأنهم شحوح

ومن يومها .... سامحت الشحوح وقلت خلاص الله يسامحهم كلهم ... والله طيبين ...

وعلى فكرة ... هذا اللي خلاني أدخل برزة الشحوح ... حاولت أتغلب على خوفي وأنسى الماضي وأعيش الحاضر معاكم ... والحمد لله ... حتى إنتوا ... الشحوح منكم ... ما لمست فيكم إلا الطيبة ...


عذبة ... هالفكرة ما تغيرت لأنه ما زال هناك اللي اسلوبهم دفش ... ويمكن لأننا نشوف تصرف واحد ونعممه على الكل ..

مثل سايق تاكسي ساق وهو سكران
قمنا قلنا كل سواقي التكاسي سكارا

ها حالنا

بس بعد ... عليكم إنكم تثبتون العكس ويكون تصرفكم مع الناس أوكي
مب شرات عين الصقر اللي يقول ما عنده ون تو
توليه ترى هو اللي يخرب عليكم



على فكرة ... خلاص ألحين أنا أحب الشحوح ... ما بظلمكم ... منكم الزين ومنكم الشين ... مثل ما كل قبيلة فيها الزين والشين ... ليش نعمم الشين ونظلم الزينين ...

ربي يحفظكم ويرعاكم من كل شر يا الشحوح ويحبب كل العالم فيكم لأنكم تستاهلون كل خير والله

 

[غــــلاي شحــــوح]

رد: >>الشحوح دفشيين و وحوش...~

اللي قال هالكلام ماعنده سالفه
لأنه خذ هالفكرة من غيره و مب من نفسه

الشحوح بشر مثل ما نحن بشر ( كلنا خلق الرحمن و عباده)

والله حاله من هالاس اللي تقول كلام ما تثمنه

و ما من تعليق آخر

بيكوز آي ول قوو ناو

سي يو أوول

سلام

 

[ظبية_الإمارات]

رد: >>الشحوح دفشيين و وحوش...~

[type=686602]
[gdwl][align=center]السلام عليكم ورحمة الله وبركاته

بسم الله الرحمن الرحيم

أنا بعد ألاحظ الناس تقول شي بس ما أدري ليش ، وبعدين الشحوح ناس شرات الناس العاديين وإذا على الدفاشة والغجر ووالوحوش ترى وايد ناس نفس الطبائع ومب شرط يكونون شحوح وكل مكان فيهم الزين وفيهم الشين

شـكــ وبارك الله فيك ـــرا لك ... لك مني أجمل تحية . [/align][/gdwl][/type]

 

[عكس قانونهـ]

رد: >>الشحوح دفشيين و وحوش...~

وعليكم السلام ورحمة الله وبركاته



بس بعد ... عليكم إنكم تثبتون العكس ويكون تصرفكم مع الناس أوكي
مب شرات عين الصقر اللي يقول ما عنده ون تو
توليه ترى هو اللي يخرب عليكم

بس حبيت أوضح نقطه أناا الدعاابه لازم تكووون

متواااجده بالبرزة و إلا ما بتشووفي التفااعل

يعني عين الصقر حبه لسوااالف و الاستعبااط يعجبني

دووونه البرزه ماا تسوى و غيره واايدين هع

بس

 

[عذبه]

رد: >>الشحوح دفشيين و وحوش...~

تسلمون كلكم على المرور...
ولآرائكم كلها على عيني وراسي ...
وتاريخنا حلو بس نحن لنا دور لبصمه يديده تستمر مثل ما استمر تاريخ اجدادنا ...
وسامحوني ...









....

 

[عذبه]

رد: >>الشحوح دفشيين و وحوش...~

يا عكس مزحه على عيني وراسي ...
بس هالموضوع جاد مب ف الاستراحه ...
.
.
.

 

[بدوية برستيج]

رد: >>الشحوح دفشيين و وحوش...~

فدييت الشحوحـ محد احسن منهمـ

والصفاات كلهاا غلط