&& ( يــــــوم فــي حـــيــــاة >> عـضــــــو ) $$ ‏

[x-noun]

اختار الصياد

 

[غاية المنى]

صباااااااحكم رضى الرحمن

يعطييييك العافييه فتى العرب عالاختيار

شحالكم
ياربي شوو اقوول { لا ماعلييه بطلع الي فخاطري

بسم الله نبدا

الله يسلمكم

ارقد عالساعه 12 ونص << بس مره طولت لييين 3
انش عالساعه 4 للسحور من اخلص استغفر { والمستغفرين بالاسحار }
زمن ياذن ايلس ف الحوش اسمع الاذان وبعدين ارد الغرفة اتم اشووي وبعدين اصلي
وعقب ايلس اقرا القران لين الشروق وبعدين ارقد ليين 9 ونص
من انش اتيدد واصلي الضحى وبعدين ايلس اقرا القران لين جريب الظهر
اقرا الجريدة واصلي الظهر اقعد عالنت واطلع طبخه
ادش المطبخ عالسااعه 3 واطبخ من اخلص اسبح واصلي العصر
اقرا قران جزء وبعدين ادش المطبخ واساعدهم

ومن ياذن نفطر تمر وماي ونسير نصلي ونتريا باباتي واخواني ونفطر رباعه

مانشوف فالتلفزيون غير قناة السعودية والعفاسي
الحمدلله ليييين اليووم و? مسلسل جفت
من نخلص نساعد ةالشغاله وبعدين نسير نتجهز لصلاه التراويح انا وباباتي وخواتي

ومن نرجع نزور الارحام لين الساعه 12
هذا يومي

واسمحووولي عالاطااله { محد شل المايك عني } جان اخذ راحتي


<< ادري الخط مب مرتب و? شيء لاني داشه من الفون وطالعين بالخط متوجهين للعاصمة
المايك عندك “ فتى العرب “

بحفظ الرحمن ^^

 

[الصيـاد]

.
..
..
..
..
السلام عليكم و رحمة الله و بركاته
.
.
.
السموحه وصلت متأخر .. اصلا الوقت الي مختاريني فيه كنت بالمسيد شو ها ؟
شكرا مالي شبيه .
.
.

الله يسلمكم ، من اسبوع ما ادري شو فيني دايماا احلم اني اكتب مسج :212: ، وها الحلم تكرر تقريبا 4 مرات :m_afaker:
اليوم بعد حلمته يعني المره الخامسه . :00eek:

الصيـاد رااقد ، دشت لي اختي قوووووم فونك يرن قووووم
انزين هاتيه بشووف .. :bo_mher:
رقم غريب ، اقول بخاطري انفد بتصل به بعدين ، المهم من قطع الاتصااال ،غفلت و لا ارادي فتحت الرسائل وابى اكتب !! :hm00mm:
والمرسل كااان ............. الستر زين cat المهم ما كتبت شي طبعا اللهم فااتح واتريى الكلام اييني .

ما حسيت بعمري الا والفون طااح من ايدي و ياا على السيراميك .. طاااااااااخ :cry:< < < كل شي و لا ها الفون
متعايز اشله خليته طايح بالارض .






لما نشيت قبل صلاة الظهر ، قعدت ع الشبريه اقول اناا شو مسوي شو مخبص بالرقاااد .

وبس ها كل الي صاار لي اليوم ، لاني ما طلعت من البيت بعدي .


:m_bye:

اختار الي اختارته غاية المنى ( فتى العرب )
.
.
.
.
.
بحفظ الله
الصيـاد
..
..
..
..
.

 

[عنابة]

خخ

شحطتوج بشحااطه يالشيحطه خخ

وشكراا على اختياارج ليي

ناااشه من السااعه 1 بعد صراااع طويل مع فساادي اللي ماا يطيع يخوز من رااسي إلاا بعد ساااعه .. سااعه وشي خخ

صليت وقرييت قرآن لييين العصر عقب سرت المطبخ اشوف امي وخوااتي يحوصون بالمطبخ .. كمو الدبيب خخ

يلست اسولف ويااهم واسولف واسولف واسولف واسولف واسولف خخ لييييييين المغرب

اتفطرت وفتحت اللاب دشيت البرزة كنت وحدي وماا ادري كم زاائر المهم يلست احووووص طشه خخ

وطلعت عقب سبحت ونهيت المسيد .. ومن رديت اشتلييت اوناا وخوااتي وخاالتي ونهيناا لبيت يرااناا نعزيهمم وعقب كملناا اليلسه فبيت يدي

خبلو فيناا اليهااال خبل طلعو ليناا قرون زين ماا ارتكبت فيهمم جريمه خخ

اتصلت فأخوي ابوي تعاال ارحمني رااسي بينبطط وشلينا ورديت البيت وفتحت اللاب .. وكو اشوف تقيم هالرئتيه تعزمني على هالموضوع

وكتبت ليكم المقسوم واشرب قهوه وامي اتكلمني من صوب والتلفزيون خيد بور من الصوب الثااني واختي كيله فيدي من الصوب الثاالث وانتهى خخ

 

[x-noun]

الحين دور الشحي

الحين بشحطوو اهنو

اصبروو شوووي

 

[الشحي]

مرحبا ..

شكرا على الدعوه ،،

البدايه ..
من الصبح ،، تسحرت و سرت المسيد وصليت الفير .. وبعدين سرت ارقد لين الظهر ..
قمت الساعه 1 ونص
صليت الظهر الفايده
ويلست مع الكمبيوتر شويه
لين قبل صلاه العصر
سرت اصلي
وبعدين طلعت سرت الشامل افحص السيارة وخذيت لي لفه في شوارع راك
وبعدين
رديت البيت
وقرآت القرآن

وبعدين يلست اطالع التلفويزن شويه لين قبل المغرب
اذن المغرب
سرت افطر
وصلاة المغرب
وبعدين شعبية الكرتون ( عتووقه الحلوه كككك )
وبعدين زمن طناف
وبعدين صلاة العشاء
وبعدين صلاة التراويح
وبعدين يلسه في البيت مع النت
وبعدين الحلاق
وبعدين شفت باب الحارة
وبعدين يلسه مع النت لين الساعه 2 او 3 او الفجر
حسب المزااااااااج

وبس

والسموحة
الشحي

 

[الذيب الوصلاوي]

نااااايس الصيااد والشحي منووورين القسم

انا بختاااار غزاله

بسحبها هع

 

[غزالة الجبال]

كل عام وانتوا بخير جميعاا.... ^.^.

ويسعدلي مساكمـ....

....

صباحا ....
الصلا ه اكيد الفجر اول ما اذن صلينا وخلصنا امورنا
وانخمدددددد مره ثاااااااااااااااانيه حلاته الرقااااد

انش عالساعه ثمان او تسع ونص على حسبـ ...

وسيده اسير الثلاجهـ واطلع منهاا الخس والطماط والتفاح
واقطعه حق المتوه ...ككككك اكيد نحن صيام ماشي اكل

بعد ما اخلص اشيك انه كل الامور تمااام اهناكي ...

ارجع البيت واتيلس بالصاله عالكمبيوتر...ساعهـ او اقل
بعدهاا اسير اقرا قران وارجع واتابع عالنتـ .....

صلاه الظهر وبعدهااا

نسير ندور طبخاات مني مناااك في حال بغينا انسوي
شيء المطبخ يتريانا من صووب احم احم ككككك

افضي اشغالي من غسل وغيره .
وبعدهااا صلاه العصر
ما اتااابع التلفزيون ابد ... الا في حال وانقطع النت ككك يمكن ايلس
شوي اطالع ويا الاهل ...

عالمغربـ نجهز الفطوووور ونتيمع عالاكل ^.* ....


الحمدلله القران ختمتهـ وبديتهـ مره ثانيهـ ...


هذه باختصار بعض الامور الي اسويهاا ... هع




اختااار اخوي فارس:yaw:




(`'•.¸(` '•. ¸ * ¸.•'´)¸.•'´)
«´¨`.¸.* غزوووووووووووووولة *. ¸.´¨`»
(¸. •'´(¸.•'´ * `'•.¸)`'•.¸ )

 

[فارس]

وعليكم السلام ورحمة الله وبركاته

انتي دايما موهقتني يا مديرتنا . :21:
وبالمناسبة مثل ما قلت لج ترى سبق أن شاركت في ها الموضوع قبل سنه ونص تقريباً
بس برد وبشارك . ما أحب أكسر رغبة أختنا الكبيرة / الغـزالة

أستأذنكم في الحديث عن يومياتي في غير رمضان

أنش الفير وأصلي في المسيد ، ثم أمارس رياضة الجري لمدة نصف ساعة تقريباً أشغل فيها نفسي بأذكار الصباح
ثم أستعد للدوام ، وبما أن هالايام الجامعة في إجازة فما شي دوام .

أرقد إلى حدود الساعة 9 الصبح ، عقب أظهر من البيت لانجاز بعض المشاغل الخاصه
عادةً ما أتريق الساعه 10 ، وأتغدى الساعة 5 العصر .. وجبتين في اليوم

بعد العصر أقعد مع الوالد والوالدة ـ الله يحفظهم ـ .

عندي برنامج للقراءة ، يبدأ من الخامسة والنصف عصرا ولمدة ساعتين تقريبا ، وأيام الدوام أنشغل في هذا الوقت بتصحيح
بحوث وتقارير الطلاب والطالبات .

بعد ما أخلص أيلس مع ربعي أو أطلع ، وأرقد الساعة 12 تقريبا
وهكذا دواليك ، بعض الايام أكون مدعو لبعض النشاطات والفعاليات الثقافية او الاجتماعيه فيتغير البرنامج
أو أكون مشغول بسفر .

جُل قراءاتي من الكتب ، أما الانترنت فهو لتصفح الأخبار وبعض المنتديات والبحث عن معلومه .


أختار من بعدي الأستاذة / عالي المقام

يا ليت حد يبلغها على الخاص ما عليكم أمر


​

 

[بوخالد]

ما قالكم انه لاعب كاراتيه
وحاصل على الحزام الاسود دان 3 ويتدرب عشان يحصل على الدان 4 في نادي ............
وقبل رمضان مكسر له واحد في لقاء قتالي كان يتدرب وياه
ومن يومها حاس بالذنب
وكل يوم يعتذر منه
:m_bo7eyat​