• رؤيتنا : أن تكون برزتنا قلما حرا صادقا مبدعا
    رسالتنا : أن تكون برزتنا مثالا لمصداقية وموضوعية الكلمة وممثلة خير تمثيل للاسم الذي تحمله وتسعى دائما للم شتات القبيله المترامية الأطراف وحسب الامكانيات والسبل المتاحة لدينا مستعينين بما نملك من أقلام قادره على التغيير والابداع
  • مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

دشوا وقولوا شو رايكم

غلا

๑ . . عضو فعال . . ๑
إنضم
31 أكتوبر 2003
المشاركات
499
مستوى التفاعل
1
العمر
40
الإقامة
الإمارات -كلباء
الموقع الالكتروني
www.alshohooh.com
حلو الإنسان يكون محب وطيب ويا الناس ......

بس مو حلو الشخص يتكبر ويشوف نفسه ويتعالى حتى الضحكه ما تطلع منه إلا بالعافيه ....

بس ممكن يضحك إذا كانت المصلحه موجوده طبعا.....

قالوها (( الفلوس تغير النفوس ))

وفي هذا لاالزمن إللي عنده بيزات تراه محبوب وغالي وبينحط على الرأس وطلباته تنفيذ وأوامر.....

ويا حليله إللي على قد حاله مامسوين له سالفه ..

ودايسين عليه بنعلهم شرات الحشره ........


ياخواني قولوا شو رايكم في هذي الفئه من المجتمع للأسف هذه الفئه من الناس موجوده عندنا

في البلاد وفي كل مكان ......



غلا
 
مشكوره غلا ع الموضوع ...

كلامج مضبوط 100%

هذا الشي مابيتغير فيهم ليوم الساعه .... ( الفلوس تغير النفوس ) الجمله فيها كلمة فلوس .....

يعني الواحد مايريد غير مصلحته في هذا الزمان ..

مثال :
اعرف ريال الله يذكره بالخير كان شحف ماعنده فلوس ياكل عياله فيها ..... والناس كارهتنه لانه فقيييير

المهم قام الريال يبيع ويشتري يعني سوا تجاره في امور زينه ... ثلاث اربع سنين لجدام الا الريال مريش

مستوي هامور عود ..... والحين سيروا شوفوه ... مستويين مثل العبيد جدامه وشو الاحترام وكيف يقدرونه لانه هاموووووووووووووووور الحين محد قده ..

شفتوا كيف الفلوس تغير النفوس .... من رايي هذي الفئه يبالهم واحد ايي ويشحتهم مايخليلهم فلس حمر
عسب يعرفون كيف الفلوس تغير النفوس ........


الفلوس تدمر النفوس


تحياتي
الحبسي
 
مشكور أخوي الحبسي على المرورك ....

وعلى هذا الكلام الرائع والمنطقي ......


وبالنسبه للفلوس فهيه تدمر بيوت ومجتمعات ....

فلأهل مايعرفون اهلهم ينسون اهلهم ويلتهون بالدنيا .....

بالنسبه لي البيزات ماتعني لي شي ......

لو حطوا قدامي ملايين الدنيا وأهلي وقالوا أختاري .....

طبعا بختار أهلي لانهم سندي في هذي الحياه ........

والإسلام اوصى بصلة الرحم .......

ومشكور يا الحبسي مره ثانيه


غلا
 
مرحبا بج أختي غلا ...
حتى أنا شراتج لو خيروني بختار أهلي لان البيزات اتيي وتروح أما الأهل لو فقدتهم منو بيعوضني عنهم وعلى قولت أخويه الحبسي الفلوس تدمرالنفوس و أتمنى لهم ان الله يصلح حالهم ويهديهم ...

مع السلامه...
 
تسلمين اختي غلا على الموضوع

وأنا مثلج كنت أفكر في نفس الموضوع يعني الدنيا ما تبي إلا جذا
بالواسطات والبيزات والفقير يهينونه ويدوسونه بالنعال

لكن لو كان أي واحد علاقته سيئة مع الناس ولا يقدر حد
وعنده فلوس بيحترمونه وبيحطونه على الراس
 
مشاركة: دشوا وقولوا شو رايكم

شكرا أختي شيخة الشحيات وأختي بنت دبي على تواصل
 
مشاركة: دشوا وقولوا شو رايكم

شكرا أختي شيخة الشحيات وأختي بنت دبي على تواصل
 
مشاركة: دشوا وقولوا شو رايكم

يسلمواااااااااااااااااا على الموضووووووووع وصدق اخوي العوسج الفلوس اتغير النفووس

مشكوورة الغالية غلا عالموضوع ،،
 
مشاركة: دشوا وقولوا شو رايكم

مشكورة غلا على الموضوع


بس بدون تعليق اذا علقت بدش بالسياسة
 
مشاركة: دشوا وقولوا شو رايكم

الله لا يرحرمني منكم ومن تواصلكم معاي
شكرا يا DaRk_ANgLE
شكرا غزالة الجبال
وشكرا يا صقر الشحوح

سعيده بتواصلكم
 
عودة
أعلى