مــــــــــــــــــا رايكم في عمل المرأه

[البـ شما ـطرانه]

( مارايكم في عمل المراءه ) خاصة المتزوجه
من الناحيه الاجتماعيه وكيف يتسنى لها تربية الاطفال والقيام بواجبات المنزل
وماهي العواقب من ترك الاطفال عند الخادمه وتاثير الخادمه في تربية الطفل
اترك لكم الحكم .. وحرية الرأي

بس حبيت اخذ احصائيه.. منو منكم يتقبل ان زوجته او اخته تشتغل ..و بعد وين ..هل لكم اماكن امحدده ؟؟علشان حكم تخصصها ويلا ميولها ..و شو الشروط اللي لازم تتقيد فيها ..يعني لكم شروط في لون اللبس اللي تلبسه و يلا عادي عندكم .. لازم تتنقب ويلا مب لازم ..و اشيا وايد انتو فكروا فيها و عطوني رايكم

اختكم شما

 

[Mr.king]

احسن شي الحرمة تجابل البيت

وإذا تشتغل تشتغل بالمدرسة احسن يكون كلة حريم بالمدرسة يعني مدرسة
صح

 

[بنت دبي]

تسلمين اختي شما البطرانة

الموضوع يستاهل المناقشة الصراحة مب عيب إذا الوحدة تشتغل
والمجال مفتوح لها تشتغل في أي مكان المهم تصون نفسها وكرامتها
وتتحترم نفسها وتحترم المكان اللي هيه فيه ومحد بيغلط عليها إن جان على اللبس
المفروض يكون لبسها محتشم ومب لازم تحط ميكب وان ما حطت شو بيستوي بها يعني
هيه سايرة تشتغل مب تلعب ولا تراوي الناس كشختها وإذا ما تبا ترا المكان يتعذرها
وماشي لها شغل هذا رأيي طبعا.

بس في هالزمن محد يتقيد لا بالعادات ولا التقاليد وكل واحد يمشي على هواه

 

[العوسج]

والله موضوعج حلو يالبطرانه ...( راعية المواضيع السنعه)...

الريال اللي يفكر عدل في هالزمان مابياخذ الا اللي تشتغل..

ومابزيد على اللي قالته بنت دبي..

ولكن يفضل ان تكون مدرسه ...غير ذالك لايمكن...خصوصا الاتصالات والبنوك..

وتحياتي لكم

الحبسي

 

[ذياب]

السلام عليكم ورحمة الله وبركاته

والله الموضوع رائع يا شمه

والله انا من رايي لو الحرمه تجابل عيالها يكون احسن لكن لو تبا تشتغل مدرسه انا ما عندي مانع لانها دارسه وحرام شهادتها تروح على الفاضي حتى لو انها تشتغل في اي مكان لكن بشرط قسم حريم مب مخطلط يعني وانا ما اباها تشتغل في الاماكن الي قال عنها الحبسي البنوك والاتصالات

وشكرآ يا شمه على الموضوع ومع السلامه

 

[البـ شما ـطرانه]

الشحي 2003
مشكور اخوي على ردك ..يعني انت اتأيد عمل المراه بس لازم يكون في المدرسه ..

 

[البـ شما ـطرانه]

بنت دبي

الله يسلمج يالغاليه .. مثل ما قلتي ..المجال مفتوح لها تشتغل اي مكان .. بس بقولج و بصراحه يعن ي..انه بنات هالزمن .. ما يدورون الا الاماكن اللي معاشاتها قويه ..و طبعا هاي الاماكن تحتاج ان الوحده اطلع زينتها علشان يقبولونها ..مب كلهم اقول معضمهم

مشكوره يالغاليه

 

[البـ شما ـطرانه]

مشكور اخوي يالعضو السنع ..

طبعا بتاخذون الوحده اللي تكرف علشان ما تصرفون حقها
بس ادا كانت تدرس طب ..وين تشتغل لازم في المستشفيات ..واذا قلنا تدرس طب اسنان ؟؟ لازم ايونها رياييل و اتعالجهم ..في هاي الحاله .. شو بتسوي .. تطلع من شغلها عسب انها اتعالج رياييل

 

[البـ شما ـطرانه]

العفو اخوي ذياب

مثل ما سالت الحبسي ..ما بتاخ>ون وحده تدرس طب ..ويلا طب اسنان ..
دراستها خمس لين 7 سنوات ..اتضيعها في قعدتها في البيت .. شو بتسوي ..
اتم عانس و ما بتقدمون لها لانها تشتغل دكتوره ويلا تقطع دراستها و اتضيع عمرها اللي درستهم من غير الثانويه ..تقعد في البيت هذا هو الحل برايكم ..

 

[ذياب]

السلام عليكم ورحمة الله وبركاته

مشكوره شمه على الرد انا رايي نفس ما قلتج قبل لو اداوم في قسم كله حريم ما فيها اي اشكال لكن اداوم في قسم عام ما اوافق بعد لو تشتغل دكتوره تعالج حريم او اطفال ما فيها شي بس مب حلوه انها تعالج ريال كبير ولا بنفس عمرها ولا اصغر منها بشويه وترا الدكاترا الرياييل ما من قلتهم وهذا رايي وانا احترم راي الجميع

وشكرآ