مسابقة ( من قائل هذه الابيات الشعريه؟؟ ))

[شجـRAKـوون]

اعزائي اعضاء منتدى الشعر...حبيت اخلق نوع من تغيير الروتين في منتدى الشعر و هو عباره عن مسابقه تخلق نوع من المنافسه بين الاعضاء و المسابقه عباره عن طرح ابيات شعريه و السؤال هو من قائل هذه الابيات او بالاصح من كاتب هذه الابيات..؟؟


و من الان سوف نبدأ هذه المسابقه:

حي ابسلامك اعز الناس...يا مرحبا باهلي و ناسي
تحيه من رحيق الياس...يحدو بها صادق احساسي
سود الليالي غدت اعراس..ولى بها حظي القاسي


من قائل هذه الابيات؟ هو شاعر اماراتي معروف؟

 

[شحية البرزه]

مشكلتي اقرى شعر
بس ما احفظ اسامي الشعراء

بس اعتقد اعتقد يعني

مانع سعيد العتيبة

واذا مب هو

يمكن الخوار

الصراحة

أول مرة أقرى هالأبيات

مشاركتك جميله جداً
وأعجبتني صراحة وايد

تحياتي

 

[CoOl ZeRoO]

السلام عليكم

حيا الله الأخت شجون .. من زمان ما شفناج في برزة الشعر و الأدب كل الأعضاء لكم وحشه في البرزة

أعتقد الأبيات وايد صعبه عني ما عرفت لمنو شو رايج تكتبين شعر يعني يكون سهل مثلا حد غناه قبل بيكون أسهل و بتكون المسابقة حلوة ..!! أتريا ردج و أن شاء بنثبت الموضوع لو شفنا الإقبل عليه

تحياتي
CoOl ZeRoO

 

[شجـRAKـوون]

اســـــــــــــــمحوووووووولي عالتأخيــــــــــــــــــر..............
بما انه محد توصل للاجابه الصحيحه فاسمحوا لي ان اقوم بالافصاح عن اسم الشاعر الاماراتي الكبير الذي كتب هذه الابيات:

الشاعر هو : محمد بن أحمد السويدي
والحين نحط السؤال اليديد:

من صاحب هذه الابيات الشعريه:

كشمس الصبح كان لها طلوع...على دنياي فابتسمت دموع

تنفس بعد طول الليل صبح...فسر القلب و ارتاحت جفون

و هالمره يا اعضاء راح احط خيارات لكاتب هذه الكلمات.. هل هو:

1- احمد شوقي
2- حافظ ابراهيم
3- مانع بن سعيد العتيبه

.......... والشاطر اللي يجاوب عالسؤال احم احم او الشاطره .......
موفقييييييييين توووووووووت """""""""

 

[CoOl ZeRoO]

مسا الخير للجميع ...!!

زين أنا يعني غلط ... ويه فضيحه .. بس ما عليه نتعلم و نستفيد و زين يوم حطيتي الأختيارات و التفاعل بيزيد و أعتقد المسابقة بتحلى لو يكون لج أختي حضور يومي ... بنقدر نثبت الموضوع و نقدر نخليه أروع و أروع

أنزين بالنسبة لسؤال اليوم ... ممممممم أعتقد

الدكتور مانع بن سعيد العتيبه

أتمنى صح .. وين باجي الأعضاء

CoOl ZeRoO

 

[المتحدث الرسمي]

السلام عليكم ........
.

.
مشكوره اختي جفون على هذي المسابقه .......
.

.
بالنسبه للاجابه ...

.
.
فاعتقد انه الدكتور مانع بن سعيد العتيبه........
.
.

والسموحه ........
.

.

 

[شوق الكلام]

أكيد مانع سعيد العتيبة



تحياتي

 

[شجـRAKـوون]

سلاااااااااااااااااااااااااامي

يـــــــــــــــــــــــــــــــامرحبــــابكم ومرحبا بكل اللي خطف علينا.......
ماشاء الله علييييييييييييكم عييني عليييييكم حاااره اقصد بااارده ههههههههه
بس اللي له الفخر بالسرعة اللي جاوب الاول هووو CoOl ZeRoO
بنرووووح لابيات غيرها واللي يجاوب هالمره صح يحط ابيات ويسألنه اوكيشن

اممممممممممممم
مـا للغيـاب أسـبـابٍ او عــذرينـقـال" "غير اني فضلته على حضـور عـادي

مـا ودي أظهـر دون مـاقـول بأفـعـال" "ولا ودي ارعد دون ما امطـر بـوادي

شفّـي وغاياتـي أجــي مــزن هـمّـال " "واروي بـهـمّـالـي قِــفــار الــبــوادي


منو كاتب هالابيات:-
دجـى اللـــــــيــل
شجـRAKـوون
مطلع الشـمس
صج اللي يجاوب عدل له الفخر بالشعر ومسلكه ودربه خضر ..

 

[قمر روس اليبال]

أنا ابصراحه مب فالحه في العربي
بس يلاه نستعين بصديق



أتمنى اتكون الاجابه صح


أنا اقول هذا واحد من الباديه منو بيكتب عن الباديه غير








شجـRAKـوون

صح

 

[CoOl ZeRoO]

السلام عليكم


ممممم

أعتقد أنها دجى الليل


بنشوف ...

نترياج أختي شجون


الصفر البارد

 

[ظبيه]

وانا اقول


امممممممممممممم
مطلع الشـمس

 

[شجـRAKـوون]

CoOl ZeRoO
مــــــاشاء الله عليك جوابك صحييييييييييح ودربك خضر ""
يالله ابدأ بالسؤال........
والبقيه خيرها فغيرها""""" :mf_trek:

 

[شعـر]

مسابقة رائعة .......

واعجبتني كثيرا


من قائل هذه الأبيـات

.
.
.
.
.





الصدق فـي هالزمـن جفّـت ينابيعـه
....................لو بل ريق الشجر مـا ثمّـر اغصانـه
شح الحيـا واستغاثـت بـه مرابيعـه
.....................والنفس في مهلكـات الغـي ضميانـه
يا صاحبي .. صاحبك يشريك .. وتبيعه!
.......................يفرح لفرحك وانته مصـدر احزانـه !!

هل هو .......


الشاعر / الشاعرة .. شعـر
الشاعر / الشاعرة ... أبوظبي
الشاعر / . محمد الهاملي

مع العلم ..

بان القصيدة منشورة سابقا ً
وانتو وشطارتكو في الاطلاع على المنشورات


.
تحيااتي


(( مجرد شعر ))

 

[CoOl ZeRoO]

السلام عليكم و رحمة الله

آاسفين على التأخير ... اعتقد الدور عليه و لكن ما عليه أخويه شعر ... يفداك بس بعدين محد ياخذ مكان حد ... عشان تتم المسابقة حلوة .. مثل ما بدت ..

ممممممم :mf_farmer

الصراحة أعتقد أنه لمحمد الهاملي

أتمنى عشان أنا أسأل مرة ثانية .... :mf_fart: سوالف

الصفر البارد

 

[شجـRAKـوون]

مـــــــــــــاشــــــــــاء الله عالكلـــــــــمات فقمــــــــــة الروعــــــــــة يـــــــاويلي وياويل حالي

بس أكيـــــــــــــد اللي كاتب هالكلمات شاعر شاعر مب اللي يعقوون كلام بدون استيعاب وفهم وكلامهم مايدركونـــــه

اممممممممم من هالناحيه السؤال يحير لأني ماأعرف انتي شاعره والا لا بس جوابي بيكون نفس جواب اخوي اللي سبق الشاعر / . محمد الهاملي

 

[CoOl ZeRoO]

السلام عليكم ...

ما أدري وينكم ... دورت الموضوع و طلعته من تحت الغبار لأنه كان عايبني وايد ...
ما أدري وين الأخ شعر ودرنا أشووفه بس ما عليه بنكمل الموضوع ...

أصلا هو الدور كان دوري للسؤال بس الأخو جنه ما فهمنا بس ما عليه :mf_cavema

أنا بسأل سؤال بس بيكون بسيط حتى الموضوع يمشي .. :mf_fartne :mf_fartne

من قائل هذا البيت ... :mf_dribbl


حبكم وسط الحشى سادي ... لو يبل ما اتحمله كله

أتريا و أول واحد يجاوب بيكون السؤال الياي وياه

الصفر البارد

 

[شعـر]

شكرا لكم جميعا ...


اجابتكم خاطئة ..


وبخصصوص

ابيات حبكم وسط الحشا سادي...



هي من كلمات . الوالد

الشيخ زايد


...

والسؤال اللي بعدي ..




========



أتركه لكم ..


تحيااتي

شعر وحسب

 

[CoOl ZeRoO]

أهلين يا مطول الغيبات ... :mf_ymca:


أنزين شو الأجابة الصحيحة ..؟!!

و الدور عليك الغالي لأنك أنته لي جاوبت على السؤال ... نتريا سؤالك بس ما يكون صعب
نبا الأعضاء يخمنون و يحاولون ...

نترياك

 

[شعـر]

الاجابة الابيات من نظم الشاعرة/ الشاعر.. ابوظبي

=======

وبخصوص السؤال


فإليك هو ..؟



يقول البيت ..

لي من كنوز القوافي ملء أبحرها .... قد استقرت بحمد الله في خلَدي ... ؟؟

من القائل ..



هل هو

أبو فراس الحمداني ....
ام .. البليغ الاصمعي
ام .. حمد خليفة بو شهاب

 

[بحر الأمل]

امممم بختار البليغ الأصمعي و ان شالله صح ..