• رؤيتنا : أن تكون برزتنا قلما حرا صادقا مبدعا
    رسالتنا : أن تكون برزتنا مثالا لمصداقية وموضوعية الكلمة وممثلة خير تمثيل للاسم الذي تحمله وتسعى دائما للم شتات القبيله المترامية الأطراف وحسب الامكانيات والسبل المتاحة لدينا مستعينين بما نملك من أقلام قادره على التغيير والابداع

أمانه ضمها بقلبك ........ ترى الماضي....رحل مايعود

هويدن بن هويدن

๑ . . حبوب البرزة . . ๑
إنضم
9 يونيو 2003
المشاركات
115
مستوى التفاعل
0
العمر
38
الإقامة
الامارات
وصاتي لك من بعدي ........ تموت فيها علشاني

ابيها تعيش و تحيا بك ........ واظل بالذاكره مفقود

وصاتي لك تنسيها ........ ملامح وجهي و تنساني

وتعزفها قصيدة حب ...... على عكس اللي عزفته بعود

وصاتي لك تبعدها ........ عن اشعاري وقيفاني

تراها مغرمة بالحيل ........ ويشهد لي عدد الردود

وصاتي لك تسايرها ........ ترى فيها من احزاني

طلبتك لايضيق بالك ........ طلبتك والطلب مردود

وصاتي لك تناديها ........ حياتي..عمري..ازماني

انا عودتها دايم ........ ادلعها وانا موجود

وصاتي لك تعاملها ........ بطيبه قلب و احساني

تراها تذرف الدمعه ........ ودمعتها بليٌا حدود

وصاتي لك تحفظها ........ سور وآيات قرآني

وتخبرها عن الماضي ........ رحل لايمكنه بيعود

وصاتي لك ترسمها ........ على قبري وأكفاني

ابيها لوحة تبقى ........ على طول الزمن محدود

وصاتي لك تمازحها ........ وتشوف الضحكة بأسناني

سعيتك ياضحك هالكون ........ طلبتك لاتصير جلمود

وصاتي لك تقهويها ........ من دلالي و فنجالي

تراها تعشق السمرا ........ ويكفيها دخون العود

وصاتي لك تركبها ........ على خيلي و على حصاني

وربي فارسة من قلب ........ شهادة ماهي لشهود

وصاتي لك تسفرها ........ بلاد الشام و لبناني

ترى يحلالها تقطف ........ وردة من بلد الورود

وصاتي لك تراقصها ........ على الحان رحباني

ترى فيها عرق خالة ........ وفيها من جنون السود

وصاتي لك تحببها ........ وتصبح قلبها الثاني

وتنسيها ندم غلطة ........ انا فيها ترى المقصود

وصاتي لك تكرهها ........ في تاريخي و عنواني

أبيها تلعن اللحظة ........ وتلعن كل فرح موعود

وصاتي لك تكلمها ........ عن المجني وعن الجاني

وتخليني انا الظالم ........ وانا من حرق الاخدود

وصاتي لك تشبهني ........ بدم أحمر قاني

وانا هالقاتل السفاح ........ مجرم من عصر نمرود

وصاتي لك تحلفها ........ تتوب تحبني ثاني

ترى يكفيها ماعانت ........ ويكفي حيلها مهدود

وصاتي لك تنسيها ........ وصية قالها لساني

أنا اخبرك رجل موقف ........ وانت قدها وقدود

صديقي مالقيت غيرك ........ يعرف وشلون تنساني

أمانه ضمها بقلبك ........ ترى الماضي....رحل مايعود

القصيده عيبتني وايد وهي منقولة

@ هويدن بن هويدن @
 

Mr.king

:: شخصية هامه ::
إنضم
20 فبراير 2003
المشاركات
2,246
مستوى التفاعل
65
العمر
34
الإقامة
قلبي (الامارات)..ونبضي(عجمان)
صــــــــــــح لسانك
 

CoOl ZeRoO

๑ . . عضو موهوب . . ๑
إنضم
1 فبراير 2003
المشاركات
757
مستوى التفاعل
3
العمر
39
السلام عليكم

مرحبا بك مليون هودين بن هويدن في البرزة .. أشكرك على نقل القصيده
الصراحة حلوة ... فيها معاني جميلة .. و فكرتها جديده أحسنت الأختيار يا الذويق


أن شاء الله نشوف مشاركاتك و أبداعاتك و وردودك على أخوانك الأعضاء دايماُ تفيدنا و تستفيد ..

تحياتي لك
CoOl ZeRoO
 

هويدن بن هويدن

๑ . . حبوب البرزة . . ๑
إنضم
9 يونيو 2003
المشاركات
115
مستوى التفاعل
0
العمر
38
الإقامة
الامارات
مشكورين اخواني والف الف شكر على مروركم بمشاركتي واعطائكم الراي....

* فتى شعم*
*الشحي 2003*
* CoOl ZeRoO*

@مرحبا بكم مليون@


تحياتي اخوكم مشاغب البرزة
{هويدن بن هويدن}
 

مزيونة الامارات

๑ . . حبوب البرزة . . ๑
إنضم
1 مارس 2003
المشاركات
86
مستوى التفاعل
0
العمر
36
الإقامة
دار أبوي زايــد ..
تسلم اخوويه بن هويدن ع الكلمات الرائعه ..
 
أعلى