موضوع يديد حق البنات؟؟...خصوصيات البنات..

[غاية]

السلام عليكم ورحمة الله وبركاتة...

يبت موضوع يديد حق البنات..


ان حقيبة اليدوية للبنت.... هي عالم اسرارها الخاص

واكيد توافقونني في الرأي ..

المهم


في ناس تحكم على البنت من محتويات شنطتها مثلا البنت الفوضوية الاغراض
اللي في شنطتها من دون ترتيب وتنظيم يعني روج وقلم تحديد مرمي وعطر من
دون غطاء والجوال مع الاوراق.......الخ

والبنت الهادية عكس الثانية فاغراضها تكون مرتبة ومنظمة بطريقة صحيحة يعني
تفتح شنطتها تلقى شنطة صغيرة للمكياج ومحفظتها في مكان خاص يعني مو مثل الاولى تعرف انها فعلا بنت منظمه جداً 0


بس على فكرة الشنطة الخاصة اكيد بيكون فيها شوي لخبطة لان احتياجات البنت في شنطتها كثيرة وطبعا تختلف من مناسبة لمناسبة ... شنطة الجامعة غير عن شنطة السوق والعرس ........الخ


سؤالي للبنات....




وش الشيء اللي تحرصين انه يكون متواجد في حقيبتك دايما موجود وما تتنازلين عنه..؟؟



وأذكرينا بعض من المواقف التي صادفتيها لما نسيتي هذا الشيء ما حطيته


في الحقيبة ؟



خــــــــــلونا اشوي ندردش مع بعض عن هذا الموضوع ....



و أنا بإنتظـــــــار ردودكم الي اتوقع انها شيء .....



مشكوووورين غايوووووووووووووووووووووه

 

[المتحدث الرسمي]

................................................
........................
..........
..
.
السلام عليكم ..............
.
.
الاخت / غايه..........
.
.
لقد قمت بنقل الموضوع .. الى هنا في برزة عالم حواء.........
.
.
لاني اجد ان هذا المكان هو الافضل له .........
.
.

......
..........
...................
................................
..................................................

 

[البـ شما ـطرانه]

مشكوووووووووووووووووره على هالموضوع الطيب ..وااااااااايد حلو .

انا طبعا اهم شىعندي البوك ..الموبايل مب شى ضروري عندي
و قلم رصاص..و كلينكس امعطر ..والمسبحه و القرآن الصغير

اما عن سالفه صار لي موقف يوم نسيت..طبعا البنات من عادتهم يغيرون شنطهم يوم يغيرون لون اللبس
وطبعا شى طبيعي بتنسى شى من هالاغراض..انا نسيت موبايلي في اليوم اللي حن فيه اخوي و قال باييبج من الجامعه .. و يوم جريب ما ينتهي الوقت فتحت الشنطه و يلا اشوف اني ناسيه الموبايل
طبعا قعد 3 ساعات في الويتنج ..و اترياه ..ما اتحركت من مكاني ..قلت اليوم المهم عندي انسى الموبايل
المهم عدت الساعات و ياك و ارتحت نفسيا

 

[الصامتة]

اختي غاايه موضووع جميل تسلمين عليه


اما عني انا اهم شي احرص على تواجده معااي القران الكريم وجوالي

ومره من المرات صار ونسيت جوالي بالبيت سبحان اله حسيت بانه شي ناقصني ذاك اليوم بس الحمدلله ازمه وعده


تسلمين

اختك الصامتة

 

[الحلوه]

مشكورة اختي غااايه ع الموضوع



أهم شيىء أيكووون عندي في الجنطه الموووبايل ومفتاح اللوكر

لان الموبايل احتاااجه يوم ادق للدريول (يوم اخلص الدوام ادق لاه )

المهم كنت ناسيه الموبايل بالشراشه واربيعتي شحية البرزه الله يذكرها بالخير كان مخلص رصيدها...

وعقب ما حصلت حد اسير ويااه ..........................

سالفه طويله عريضه




الحلوه

 

[ظبيه]

انا اهم شي عندي هو البوك والموبايل



والموقف اللي صار لي


اني مره نسيت جنطتي في الكلاس
ويوم لقيتها .............. المفاجئه




البوك مسرووووووووووووق

 

[شوف العين]

عاد انا ما صار لي نسيت الشنطة ..... بس صار لي شي افظع ذيك المرة
يوم دخلت المحاضرة كنت متأخرة وما واحيت اصك الموبايل ... وبصراحة كنت ملانه من المحاضرة وسرحانة وفجأة .... قام الدكتور وقال لي يالله جاوبي .... ما تتخيلون ايش كان موقفي!!!!!!
تخربطت ويلست ادور الصفحة والاجابة .... وتوي بادية اتكلم ولا يرن الموبايل !!!!!!!
تصوروا هاللحظة .. ما بقى دم بويهي ... وشاف علي الدكتور شيفة !!!! الله لا راواكم
بس يالله طــــــــــــــــــــاااااااااااااف
عسى ما يصير لكم مثل هالموقف ... بس انتو لا تنسوا الموبايل مفتوح
وسلامييييييييييييييييييي

 

[غاية]

مشاركة: موضوع يديد حق البنات؟؟...خصوصيات البنات..

اشكركم على المرور خواتي ... واشكر تواضعكم .. وتفاعلكم وياي ..

غاية

 

[القيصر]

مشاركة: موضوع يديد حق البنات؟؟...خصوصيات البنات..

بل


بل


بل


كل وحده ولازم اول شي الموبايل ل هالدرجه مهتمين بالموبايل


مشكوووره اختي غايه على الموضوع يطلع سوالف البنات












القيصر

 

[غاية]

مشاركة: موضوع يديد حق البنات؟؟...خصوصيات البنات..

مـــــــا شـــــــــــاء الله أخــــــوي داش عــــــــرض .. بــــــــس حـــــــــــياك مـــــــــــــعانا ...بــــس مــــــا قـــــلت الـــــبوك مــــالك شـــــو فــــــيه .. اكـــــيد كــــله بطــــاقــــات شخـــــصية مــــا ربــــــعك ..


غــــــايــــة