مسابقة افضل شاعر وافضل قصيده !!!

[عنابة]

رد: مسابقة افضل شاعر وافضل قصيده !!!

للمتابعة فقط

العليان ورفيع

ربي يعطيكم العافيه

 

[آل بهلـول]

رد: مسابقة افضل شاعر وافضل قصيده !!!

قالو غلا الشحي قلت يا هلا فيـــج ,, عد نسمات الهوى يا بنت الأجواد

من دار بو سلطان سيف (ن) يحييج ,,احلى حروف القصيد الكاف والصاد

طار لج طير المشاعر وبالعز يطريج ,, جنه غريم الشوق يشكي بعـــــاد

لا دريتي بحال من بالحب يغلـــــــيج ,, بات مغلوب وطرواه في كل البلاد

طمعان في حبج وقلبج ويبغيـــــــج ,, واحذري عن تجرحين,, السيف حاد

قام يهذي بـــج فليله و يـــطريــــج ,, يا لولوة قلبه في بحر الهوى صـــياد

احضني شـوقه اذا نمتي يغطيــــج ,, ينود سهران ما ذاق طــــعم رقــــاد

يا زين رمش( ن) حكيل (ن) يحليـج ,, ياأحلى نجـــوم الصــفيات البـــــعاد

اه عذبني الجمال اليوسفي فيج ,, اه عـذبني جـــديل(ن) يكسيه السواد

دلوعة (ن) يا زين فيج الدلع والتغنيج ,, بنت شـــيخ شحـــوح وأصول وأمــجاد

لو تتركين السيف لــحظه يناديـــــج ,, وان لمح طيفج لمــح كـــل الأســـعاد

واخر ابياتي عســــى الله يخلييـــج ,, تبقـــين طــول العمر اذا العــــمر زاد


حبيت اشارك بهالأبياات


وبس


مشكور رفييع





السيف

الاول في المســــابقه

ما شاء الله عليك

يا اخوان الشعر مشاعر واحساس

بس انا ما اعرف اكتبه لكن اعشق كلماته​

 

[¯`•شاهيــטּ قدى•._]

رد: مسابقة افضل شاعر وافضل قصيده !!!

يا بحور الشعر ثــــوري وأذكري خير الفعـــــــــال
سطري ماضي الشحوح فوق حبات الرمــــــــــــال
وأسألوا التاريخ عنـــهم أسألوا شم الجبـــــــــــــال
من بنى للمجد صرعــــا وارتقى هام المحـــــــــــال
أيها الشحي فيك الفخـــر يزهو باختيـــــــــــــــــــــال
ابن المهلب يا حفيد المجد في درب النضــــــــــــــــال
أنت للتاريخ أمجـــــــــــاد وعهد ووصــــــــــــــــــــال
قد ملأت الكون عطــــــراً من شذا طيب الخصـــــــــال
إن دخلنا الحـــــــــــــــرب قلنا ليست الحرب سجـــــال
قد جعلنا النصر أحلامــــا بأيدينا تنـــــــــــــــــــــــــــال
لا نهاب المــــــــــــــــوت نحن الموت في أرض القتال



وبس


مشكور رفييع



تمنع الابيات المنقوله


السيف تحياتي$ شاهين قدى$

 

[Fєяяąяι]

رد: مسابقة افضل شاعر وافضل قصيده !!!

تسلم على طرح المسابقة

 

[رفيع الشان]

رد: مسابقة افضل شاعر وافضل قصيده !!!

السيف الاصيل اشكرك على التفاعل



واشكر جميع المتسابقين




وجميع الذين قاموا بالرد


ونتريا اكبر عدد من الاعضاء للمشاركه



والاحساس الرهيف

والشعر الموزون




اخوي ال بهلول


الترشيح بعده ربي لا يهينك مب الحين



الحين نتريا الاشعار


وبعد اربعة ايام بنزل القصائد بموضوع اخر للترشيح ولقرار اللجنه


وحياكم

 

[امرؤ القيسے]

رد: مسابقة افضل شاعر وافضل قصيده !!!

مسابقة حلوه وجيده

وحبيناا نشارك فيهاا بأبيات بسيطهـ


والله انك ذيب يا رفيع الشان ,..




بقولكم انا شو كتبت بعد المصيبه اللي حلت فيني

والحمد لله تعديناا المصيبه ..


بسم الله الرحمن الرحيم


توكلناا على الله




سهران ليلـــي بدموع البكـــى *** و الهـــــم زاد من بعـــد الشتــــات

مضيع طريقي من كثر الشقـى *** والله يستـــر علينا مالمقدمــــــات

تركـت البـــرزة من زود العنـــى *** وتفكيـــري مثل الحروف الطايحــات

ساير(ن) ويــن ولا عنــدي درى *** و الهمـــوم في راســـي دايمــــات

ابكــي من كـــلام(ن) بي طرى *** ياني وكأنه كالسيـــوف الطاعنــــات

من بعدهـــا لا نوم(ن) لي لفى *** اقضي الليالـــي مــن كل الجهــــات

والحمد لله اللي صفى اقلوبنى *** و جعلها بين الناس افعال(ن) زاهيات

الله كريـــم يا أخوانــــي تــــرى *** و المسامــــح دوم يزيد الحسنـــات

(تمت)


سعيد الشحي ( امرؤ القيسـ )




رفيع الشان مني اقدم للفائز 100 درهم رصيد



وتشكر اخوناا على هااي المسابقة ..






امرؤ

 

[بوهزاع]

رد: مسابقة افضل شاعر وافضل قصيده !!!

فكره جميله بصراحه

وانا ان شاء الله بشارك معاكم




اخوكم


بوهزاع

 

[تميم]

رد: مسابقة افضل شاعر وافضل قصيده !!!خيوط الوداع

حبيت أشارك بذي القصيدة المتواضعة

`اليأس شين ومضاده العزيمة......والوداع طفل تعلق بخيطه
مايفصله غيرحبل المشيمة.....ومايشلعه غير إبرة تخيطه
ومايحطه غير الأياد الكريمة......وبحره أكبر من أمواج محيطه
ومده ماقد وفى لغزر يمه......وإنمحى إسمه عالخريطة
وجزره يصافح غدر غريمه.....وأذاه محدن يجاري يميطه
سجانه وجلاده حكم عالجريمة.....وإستأنف حكمه برفع سوطه
أنا اللي ماذقت طعم الهزيمة....ماغير حبال القهر بي مربوطة
وأغلالها شلت عزومي اللهيمة....كل المسألة شخطة بسيطة
وعجزي تكالبت به خيوط النميمة....وصار صيتي مداه بأقصى يشيطه
أبسط على الرمضى خيمة....وأدك أوتادها بجمر البسيطة
وأشعل نارن حوتني وتكدست رميمة...ماتنطفى ناري عقب اللهيطة
تجمعت كلهن بصداقةحميمة .. غياب وعتاب وأرقاب سليطة.
وياشين الخبر بنتايجه الوخيمة .... وياشين السرج عالبقر العبيطة
+++++++++++++++++++++++++++++++++++++++​

 

[رفيع الشان]

رد: مسابقة افضل شاعر وافضل قصيده !!!

امروء القيس


اشكرك يا الغالي على المشاركة الجميله واثرائك المسابقة


وتم تعديل الجوائز وجزيت خير يا بوعسكور

ربي يكثر من خيرك





بوهزاع نتريا منك قملة شعريه يا الطيب


حبيت اتواصل معاك بس ما نفع

زين انك انتبهت للمسابقة




نترياك



نزاع الشحي



دورتك بكل مكان عشان اراسلك وجزيت خير على المشاركه



ربي لا يهينك


وصح لسانكم


ونتريا الزود

وتم تعدل الجوائز

 

[الجلجلي]

رد: مسابقة افضل شاعر وافضل قصيده !!!

إعتبروا الجايزة الاولى لي
من الحين ،،