- التسجيل
- 1 يونيو 2006
- رقم العضوية
- 4813
- المشاركات
- 23,709
- مستوى التفاعل
- 3,005
- الجنس
- الإقامة
- فـ بونيت الكلوزر
يدتي = ف
امايه = ن
بنبدى بسوالف ف
ف : لا لا هالبيداره ما تبات فالدار سفروها :h_em3a9ba
العيوز : بلاج امايه محتشره ؟
ف : الحماره تراددني فالرمسه ؟ لالا ما تبات فالدار .. ان باتت ودوني عزبتي ببات فيها
ffended:العيوز : انتي شو سويتي بها ؟
البشكاره : ما يسوي شي بس ماماه يريد انا يشيل بكريه انا ما يقدر :h_eheehe:
ف : شل الله راسج ما باج تشلين شي من ذبايحي ولا تصكينهن ازيد
البشكاره شلت الصينيه ويايه بتظهر
ف : وااااااااغربلج الله مسوده الويه .. وين الصروال ؟ :h_9admah:
ما اشوف الا البشكاره تربع بصنيتها
العيوز : امايه شو تبينها خليها تولي
ف : الحماره بلا صروااال حرام ما باتت فالدار الليله تسفرونها ما باها
مره كانت فالمستشفى مسويلها قسطره ومانعينها من الكلام
وهي ما شاء لله عليها من تشوف حد تيلس تسولف وياه ..
العيوز: امايه اسكتي لا ترمسين بيسمعج الدختور
ف: وين بيسمعني وهو محد ؟ :h_9admah:
العيوز: امايه تشوفين هالجهاز (جهاز تخطيط القلب) بيسمعج منه :050103nbh
ف: ويييييييي غشج الله وجيه ما قلتي لي من قبل
العيوز : اسكتي انزين الحين يسمعج
ف يلست ترمسني بلغة الاشاره ههههههههه
عقب يا الدكتور (مواطن)
ف: ابويه وصيتهم اييبولك حماض يود هالخريطه
الدكتور: ما تقصرين يالوالده لكن ما اقدر اخذ منج شي
ف: جيه ما تقدر ؟
الدكتور: ممنوع ناخذ هدايا من المرضى ..................> الحين الحماض استوى هديه ههههه
ف اضيجت وفرت الكيس على الكرسي وحاست برقعها وقالت له : جانك تباه شله وجانك ما تباه توحه ورى الييدار :m_embar6e
الدكتور ضحك وشل الكيس
العصر : الساعه خمس كنت طالعه بسير الجمعيه .. ولاقفت عيوزي عند الباب
ف : امايه وين تبين ؟
العيوز : بسير العياده عيوني تعورني .......................> جذب عشان ما تهزبني :eeek:
ف : عنبوه الحين المغرب ماشي سيره
العيوز : امايه وين المغرب بعده العصر عيني وايد تعورني ما اروم اتريا لين باجر :h_eheehe:
ف : عيل انا بييب عباتي وبييج
فالدرب ما اعرف شو اسوي انا ما ابا العياده :h_afaker:
العيوز: امايه اظني انه العياده امبنده اليوم
ف: عيل وين تبيني فازعتبي لين هنيه ؟
ffended:العيوز: خلاص بنسير الجمعيه
ونحن نتمشى بين الرفوف سرت بعيد شوي ..
شوي واسمع حد يزقرني :h_embageg
ف: (اسمي) بصوت عااالي :Faces: .. تعالي شوفيلي هالدبه زينه والا
يوم صديت لقيتها يالسه ع الارض وميوده دبه الزيت :h_lotya:
ربعت صوبها بسرعه : امايه قوومي خلاص انا خلصت ...........> ما خلصت بس ابا اردها البيت افتضحت :Faces:
عند الكاونتر .. يوم حطوا الزيت
قالت للمحاسب : ع كم دبه الزيت هاي ؟
انا اصد يمين ويسار ما اعرف وين اودي ويهي اخافها تكاسر الريال :mf_death:
قلت لها : امايه تعالي بنسير صوب السياره بسرعه بنتأخر على دبشج
يوم الجمعه ولد عمي ياي يسلم عليها قبل ما يسافر وانا يالسه وياها فالصاله
يوم حدر وسلم .. تمت اطالعني بعين ونص .....................> يعني نشي واظهري من الصاله :dkb:
قلت لها : امايه بلاج عينج تعورج ؟ :h_kekh:
ولد العم فهم ويلس يضحك
ف: لا لا لا سلامتج بنتيه ما تعورني
وترد اطالعني بنفس النظره
العيوز: امايه اظني انه عينج فيها شي
ف وهي تطنز: نشي هاتيلي قطرة عيون
العيوز: هههههههههه
يوم روح
ف: عنبوه انتي ما تخيلين ولا تستحين جيه يالسه والريال يالس ؟ حرام لخبر عليج امج
العيوز: يالله يا امايه الحين تقوليلي ليش تظهرين جدام ولد عمج ؟ ترانا ضارين عليهم
عنبوه انتوا الغريب خليتوه خالنا وعمنا وتخاشمنا وياهم
ف: صه يوم اقولج صه لميه اثمج يوم برمس :h_em3a9ba
العيوز: صدق بعد شوو .. عيل قبل كنتن تيلسن ويا الرياييل حتى لو غرب وتسولفن وياهم جنكم تعروفنهم من زمان يت علينا الحين تحاسبونا على عيال عمنا :h_em3a9ba
ف: اصصصصصصص اقعطيها الرمسه .. اسميها ن ما عرفت تربي يوم الا هاي رمستج امفففففففف عليج
العيوز : خخخخخخخخخخخ واتحرطم شوي شوي .. يوم طلعت فضايحكم قلتوا فلانه ما عرفت تربيكم :mf_laughb
ف: صه هاتي دله القهوه و هب اتحرطمين
سوالف ن
يالسين نطالع وياها برنامج مال مكياج ما مكياج
ن: يااااااااااااالله تستر علينا دنيا واخره
انا وخواتي: بلاج امايه ؟
ن : عنبوه جنها حماره رااجده
كلنا: ههههههههههههههههه
العيوز: كيف يعني حماره راجده انتي وين شفتي فحياتج حماره وراجده ههههههههه
ن: اشوفهم سادحينها ومخسفيبها وملطخين في ويها سته وستين لون
كنت طالعه ويا امايه وابويه فالسياره سايرين صوب عزبه ريال
انا ما ادل مكان العزبه وهم يدلوني بها ..
ابويه: يمين
امايه: وين تباها تسير يمين ردي مناك
طول الدرب على هالحشره وانا خلاص واصله حدي :mf_death:
بس يبون يغايظون في بعض
ابويه: بنتي سيري يمين
امايه : لا لا لا تسمعين رمسته سيري يمين اقولج :h_9admah:
العيوز: هههههههههههههه يعني اونج قلتي شي يديد تراكم كلكم قلتوا يمين
ن: الوووووووووووه اقولك هات كرتون ماي العين بيت 66
خطفت ساعه على هالمكالمه
ردت تتصله: الوووووه .. عاد انا بغيت اتخبرك طرشت كرتونين والا ثلاثه :mf_bond:...>>>> اونها تنقمه هههههه
عقب ما سكرت
العيوز: امايه اونج تنغزين الريال هذيلا هنود شدراهم
ن: عيل انا داقتله من ساعه المهروم ولين الحين ما ياب الماي؟
انا الا اباه يحس ويتلوم من رمستي
العيوز: خخخخخخخ وين يتلوم هذا هع
مره كنا سايرين وياها المستشفى عشان فحوصات ..
كنا نترياها برع .. شوي ونشوفهم يدزونها على كرسي وملبسينها لبس العمليات والنقاب يطير :h_9admah:
العيوز : امااااااااايه وين تبين ؟
ن: جيه وين ابا بيسوولي عمليه
العيوز: وانتي جيه ما اشاورين الا جي تحدرين عندهم هاي عمليه ظهر خطيره
ن: انزين عاد الحين انا متلبسه شو اسوي
العيوز: ههههههههههه اضحك والا شو اسوي .. انزين ترومين تفصخينه
ن: برايهم يسوونها انتي ما تانسين العوق الي فيني ...........> اغلب الي فالعياده مواطنين كلهم سمعوا بسالفتها :Faces:
العيوز: امايه لا تسوينها
ن: صه بسويها ولا تخبرين حد لين ما نرد الفندق محد يحس به عوقي انا ما بات الليل منه
العيوز: لا حول ولا قوه سوي الي تبينه
ابويه واخويه يالسين ويا المطوع ويسولفون بامور الدين
فقال المطوع: عن جابر رضي الله عنه
ابويه: يوم الا هو ياابر الله لا يرضى عليه
اخويه: هههههههه ابويه مب يابر يارنا
ابويه: تحريته يويبر الاسيود يعلني بلاه
المطوع: استغفر الله
وكمل المطوع وقال: والجنه فيها انهار وفيها وفيها ... الخ
ابويه: جيه انته مقيّل فيها الجنه ؟
المطوع: استغفر الله
اخويه: هههههههههه ابويه هالكلام فالقرآن
