الـكـتـبـي
๑ . . عضو متميز . . ๑
- التسجيل
- 22 مارس 2005
- رقم العضوية
- 3310
- المشاركات
- 591
- مستوى التفاعل
- 12
- الجنس
- الإقامة
- الامارات
الله يرحم من طواه الوقت واحكام الظروف
..................... طرقي على درب الرحيل وضيف لايام العتاب
يرسم آمل / حدد هدف / لكن مايقدر يشوف
..................... ابـعـد مـسافاته امل / مع درب تـحديد الغـياب
يسوق عمره مع زمن عيا على قلبه يروف
..................... الا دخـل في معمعة تـفكير وش خلف الضباب
تجي على لحظة غلا وتروح حلم مع الضيوف
..................... مـستـرسله بأفكارها لاخر حدود من الحـجاب
بعض الهقاوي ماتجي حتى ولو مافيه خوف
..................... لأنـها هـقـوت عـزيز تـعانـق حـدود الـسـحـاب
لو كان حل السالفه بالشلف وبحد السيوف
..................... ماكان عنده مـشكله ولا حسب إيـة حسـاب
ياللي بركت وشلت حملك لاتعذر بالكتوف
..................... لا ينهزع كـتـفـك تراك بعـز عـمرك والـشـباب
العذر من نفسك هدف والحلم واضح ومعروف
..................... وسكرعلى اخرها روايه واحرق غلاف الكتاب
مدام في نفسك شموخ وتكره علوم الضعوف
..................... اصبر على جرح الزمن لو كل يوم ايجيك ناب
وترك مشاريه الغلا تضيع مع حزن الحروف
..................... وقفل على لسان العتب ياصاحبي مليون باب
والله يرحم من طواه الوقت واحكام الظروف
..................... طرقي على درب الرحيل وضيف لايام العتاب
للشاعر : ناصر الحربي