مستشفى البرزة - هل من مريض!!!

[soooooooooomh]

دكتور سعيد / :122:


عندي مشكله بسيطه

ملاحظة من فترة تقريبا 3 شهور أو 4 في حبه ظاهرة حقي ع فتحة الأذن ( لا هي داخل الاذن و لا برع ( لغز خخ ))

ما اشوفها بس أحس فيها و ويعها يكون شرات ويع حب الشباب يوم يكبر و يحمر و يلوع بالجبد ككك

اكثر شي تعورني يوم امسح اذني وقت الوضوء و يوم احط سماعه في أذني بالاضافه للصداع اللي يكون مصاحب لهـآ الويع

عندك فكره عن ها الحبه !!

 

[واثق الخطوة]

وآآثق طآل عمرك ..

انته بتفيدني وآيد خخخ

تعرف الستيرويدز ؟

مرررحبا أخوي ^_^
ويييينك ياخي ماتبين !! لا حس ولا خبر !! <<< من زعـّل القمررر , مو عادتك تغيييب و أنا اصد شهر
اووه سوري, ارتبشت شوي خخخخخخخ


عن سؤالك عن الـ ستيرويدز Steroids,
هل تقصد عن استخداماتها في الطب و الهرمونات, و عقاقير تخفيف الإلتهاب , مثل الـ ديكساميثازون dexamethasone
او تقصد استخداماتها الكيميائية و البيوكمستري ؟
اوووووووووووو تقصد استخداماتها في بناء الجسمـ و العضلاااات ViV

لان كل واحد له شي يختلف عن الثاني ..
اختار الشي اللي يهمكـ منهمـ , و إن شااء اللهـ بحاول افيدكـ قد ما اقدر ^_^
اتريا ردكـ < و السمووووحة _^ :122:​

 

[واثق الخطوة]

مدري ليس أحس هالموضوع مفتوح لي أنا ونظرة غرام

المهم يعطيك العافيه يادكتور / سعيد .. والله انك كفو وماتقصر ، الله يجزاك الجنة ياااارب يكفي مستحملنا ^ ـ ^
عندي مشكلة بعيوني من سنتين تقريبا طبعا رحت لكذا استشاري وكذا دكتور للعيون وقالوا لي عيونك سليمة مافيها شيء
طبعا يقصدون من ناحية النظر والشبكية ..
بس قالوا مشكلتك عندك حساسية من الأشياء العطرية وعلاجك تجنب استخدامها !!
طبعا يقصدون الشامبو ومشتقاته ..
المشكلة احيانا عادي جدا وضعهم وأحيانا ماأقدر أبد افتحهم لدرجة اجلس بالظلام وأحط كمادات بس مع ذلك
حرارة بعيوني أحس كأن داخلهم جمر ..
والكحل والماسكرا حدث ولاحرج إذا حطيت كحل ماعاد أقدر أفتحهم ويصيرون مرررره لونهم أحمر
فوش السواة يادكتور > اسألي كل المختصين بهالمجال ؟؟ :cry:
بس لاتقول تجنب المستحضرات المعطرة لأن هالحل مو منطقي ومستحييييل تنفيذه ..

مرحبااا أختي //
لا والله أفا عليكمـ ^_^ كلنا اخوان و كلن يفيد باللي يقدر عليهـ ..||:122::fafaf:
و عن الحساسية اللي في عينج,
مثل ما قالوا لج ان كل شي سليم بس عندج حساسية , مادري يمكن تكون وراثية احيانا, ان الخلايا اللي تفرز الهستامين و مسببات الحساسية مثل (basophil) و (mast cell ) و enterochromaffin-like (ECL تكون موجودة بكثرة ..
عندج حد من الاهل عندهم نفس المشكلة ؟

مثلا, اخوي يتحسس من العدسات ما يقدر يلبسها خير شر , و هاذو يلبس نظارة من يوم يومهـ ..

بحاول اسأل لج دكتور من كليتنا خبير في هالمجال , و ان شاء اللهـ خير ..
بس ما اعتقد بيقول شي غير اللي قالوه لج ..
لان هاي هي طبيعة الحساسية , و تكون مزمنة , تتهيج من كل شي ممكن يسبب التهابها و هالسوالف ..

و عن العطور , يختي حاولي تتعطرين و عيونج مغمضة, و يوم بتشمين عطر يتقرب منج غمضي خخخ

تحياااتي ^_^​

 

[واثق الخطوة]

دكتور سعيد / :122:


عندي مشكله بسيطه

ملاحظة من فترة تقريبا 3 شهور أو 4 في حبه ظاهرة حقي ع فتحة الأذن ( لا هي داخل الاذن و لا برع ( لغز خخ ))

ما اشوفها بس أحس فيها و ويعها يكون شرات ويع حب الشباب يوم يكبر و يحمر و يلوع بالجبد ككك

اكثر شي تعورني يوم امسح اذني وقت الوضوء و يوم احط سماعه في أذني بالاضافه للصداع اللي يكون مصاحب لهـآ الويع

عندك فكره عن ها الحبه !!

مرررحبا أختي مزنة ..
بالشفا و العافية ان شاااء اللهـ ^_^

أتوقع عندج إلتهاب في الأذن الخارجية Otitis externa
بس كمن سؤال ..

اول ما بدت عندج الحالة , كانت تيج حكة عالخفيف ؟ عندج إفرازات او خراج ؟؟ او عندج إفرازات صفرا ؟ متورمة ( انتفاخ ) اذنج صوب مكان الألم ؟ محمرّة ؟تسبب لج ألم لما تحركين الفكـ, مثل يوم تمضغين شي//
و مثل ما قلتي ,تسبب لج ألم يوم تحركين الصيوان ( مثل يوم تتوضين ) ,,

قلتي لي بدت عندج الحالة من 3 او 4 شهور , يعني تقريبا فالصيف ..
يعني احتمال يكون سبب الإلتهاب جفاف الأذن بسبب التعرف ,, او كثرة الاستحدام و دخول بعض الماي في الأذن .. او حتى عدم تنشيف الأذن بشكل جيد ..
مما يؤدي إلى تكاثر البكتيريا او الفطريات و مسسبات الإلتهاب ..

راجعي طبيب, بيفحصج بالـ Otoscope هذا اللي يحطونه بالأذن و بيجوف شو فيج بالضبط ..
و لو كان إلتهاب بكتيري , يمكن يوصف لج مضاد حيوي على شكل قطرات ..​

 

[A.D]

مرررحبا أخوي ^_^
ويييينك ياخي ماتبين !! لا حس ولا خبر !! <<< من زعـّل القمررر , مو عادتك تغيييب و أنا اصد شهر
اووه سوري, ارتبشت شوي خخخخخخخ


عن سؤالك عن الـ ستيرويدز Steroids,
هل تقصد عن استخداماتها في الطب و الهرمونات, و عقاقير تخفيف الإلتهاب , مثل الـ ديكساميثازون dexamethasone
او تقصد استخداماتها الكيميائية و البيوكمستري ؟
اوووووووووووو تقصد استخداماتها في بناء الجسمـ و العضلاااات ViV

لان كل واحد له شي يختلف عن الثاني ..
اختار الشي اللي يهمكـ منهمـ , و إن شااء اللهـ بحاول افيدكـ قد ما اقدر ^_^
اتريا ردكـ < و السمووووحة _^ :122:​

موجود فديتك .. بس متوآري عن الانظآر خخخ

تسلم يطول عمرك .. اختآر اوبشن 3 ..

لو تقدر تفيدني فيه .. يآخي قآلولي فيه مضره ..

انا خذت جرعه معقوله .. وعقب بنظف ..

للعلم اني خذت قبل قروث هورمون :hm00mm:

وخرررو يالربع خلونآ انا ووآثق نتفآهم ..

البنآت بلشه .. اي حمآر فالويه قآلو دكتور شو هآ ..بلا دلع ..انا اهم منكم ولا شتقول يالشيخ ؟

 

[شحي عز وفخر]

||..مررررحبا اخوي ^_^ ..
ما عندي خبرة في أدوية تساقط الشعر..
لكني مهتم نوعا ما بـ سوالف الشعر و العنابة فيهـ و جي ^_^ ..,

بس انتهـ متأكد انه بدأ يطيح من استخدمت الدوف !!
يمكن مب من الدوف , بس استخدامك للشامبو هذا صادف مشاكل ثانية

حاول تاكل المأكولات اللي فيها فيتامينات واايد مثل الفواكهـ و الخضروات
و زيد نسبة تناول ( الحديد ) , موجود بنسبة جيدة في اللحومـ .. لانه مهم جدا جدا في تقوية بصيلات الشعر و تكوين بعض المواد الأخرى مثل الكولاجين ..
لو رحت عند مكان للعناية بالشعر يمكن يسوون لك فحص للفيتامينات و الحديد , و احتمال يعطونك حقن فيتامينات في فروة رأسك !!

و بعد, استخدم حمامات الزيت, يمكن يكون عندك ضعف او تقصف في تكوين الشعر نفسهـ // في واحد ينباع في نزيه , نسيت اسمهـ,, بس لونه جي برتقالي , وااااايد اوكي :122:

و بعد في علاج ثاني , اللي هو الـ كيراتين .. تقدر تسويه في صالونات التجميل الرجالية عند الفلبينيين .. يسوونه على 500 تقريبا, و في واحد جوكوليت كيراتين يسوونهـ بـ 1000 درهمـ ..
يقلل تساقط الشعر, و يقوي الشعر و يعطيه التغذية اللازمة .. و يعيد للشعر حيويتهـ ..
بس أهم شي ان الكيراتين اللي يستخدمونه يكون أصلي .. ولا تراه راح يزييييييد تساقط الشعر ^_^ ..


في أدوية توني قريت عنها فالنت, في واحد اسمه نيوكسين nioxin ,, يوقف تساقط الشعر او يقلله عالأقل
و في واحد احسن اسمه minoxidil


تحياااتي , و بالشفاء ان شاء اللهـ​

؛

هيه متأكد ان السبب هو شامبو دوف

تسلم دكتورنا

؛

 

[فارس]

يزاك الله خير يا أخ سعيد على نفعك لإخوانك

جاء عن الإمام الشافعي :

" العلم علمان : علم الفقه للأديان ، وعلم الطب للأبدان ، وما وراء ذلك بلغة مجلس "​

 

[واثق الخطوة]

موجود فديتك .. بس متوآري عن الانظآر خخخ

تسلم يطول عمرك .. اختآر اوبشن 3 ..

لو تقدر تفيدني فيه .. يآخي قآلولي فيه مضره ..

انا خذت جرعه معقوله .. وعقب بنظف ..

للعلم اني خذت قبل قروث هورمون :hm00mm:

وخرررو يالربع خلونآ انا ووآثق نتفآهم ..

البنآت بلشه .. اي حمآر فالويه قآلو دكتور شو هآ ..بلا دلع ..انا اهم منكم ولا شتقول يالشيخ ؟

حياااااااا اللهـ .. :firs1:
ههههههههههه , مادري ليش أعصب يوم حد يقول لي أنه ياخذ قروث هرمونز او ستيرويدز عسب يكبر جسمه و مادري شو !!
ياخي حلاته الطبيعي , اتعب و بتحس بتعبكـ و بتجوف النتايج !!!

الـ ستيروديز ياخوي انا ما نصح أي شخص ياخذهااا ..( إلا في حالات المرض اللي تستدعيها طبعا )
لأن ياخوي أخس شي ممكن الواحد يضر فيه جسمه انه يلعب بـ توازن الهرمونات في جسمهـ ..
يأثر بشدة على الـ homeostasis اللي هي عملية التوازن في كل شي فالجسمـ ..

طبعا اللي ياخذهن لازم يسوي رياضة وايد و مادري شو بعد و يشل أثقال و هالسوالف عسب يتخلص منهن الجسم و من الآثار السلبية, لكن سرعان ما تظهر آثارها فور التوقف .. و بعد أثناء زيادتها في الجسم و حسب تحمل الجسم ...

عندك الأشياء اللي تنتج عندج نتيجة استخدام الستيرويدز ..

- بقاء الماي في الجسمـ , اللي يسبب لك تورم في الويه و الركب و بعض المفاصل .., و زيادة ضغط الدمـ( نتيجة زيادة الماي ) و أمراض المصاحبة له من أمراض القلب ..

- تثبيط أفراز الهرمونات الطبيعي ,, لأنك أصلا تعطي الجسم هرمونات من برع, فـ بالتالي الجسم يعطي أوامر انه يقلل إفراز الهرمون الفلاني .. و مع مرور الزمن يمكن يتوقع افرازه اساسا !!

- تزيد مستوى الكلسترول ,, لان الكلسترول نوع من الـ ستيرويدز اصلا,

- يأثر على الكبد , لأن الكبد أصلا هي مكان تصفية السموم في الجسم, و أي عقار لازم يمر فيها , و اكيد الستيرزود اللي بتاخذه لازم فيه مواد كيماوية و و و و و و بتأثر على الميتابولزم في الكبد .. و مشاكل الكبد يتنج عنها أمراض كثيييييييييييييييييييييرة ..

-و أشياااااااااء كثثثيرة غير ..
فـ خلك على التمارين و البروتينات ابرك لكـ خخخخخ


<<< طبعا هذا ما يطلع من اول و ثاني استخدام, عقب فترة طويييييلة
اي استفسار ثاني انا حاضر ^_^ ..||
..​

 

[A.D]

حياااااااا اللهـ .. :firs1:
ههههههههههه , مادري ليش أعصب يوم حد يقول لي أنه ياخذ قروث هرمونز او ستيرويدز عسب يكبر جسمه و مادري شو !!
ياخي حلاته الطبيعي , اتعب و بتحس بتعبكـ و بتجوف النتايج !!!

الـ ستيروديز ياخوي انا ما نصح أي شخص ياخذهااا ..( إلا في حالات المرض اللي تستدعيها طبعا )
لأن ياخوي أخس شي ممكن الواحد يضر فيه جسمه انه يلعب بـ توازن الهرمونات في جسمهـ ..
يأثر بشدة على الـ homeostasis اللي هي عملية التوازن في كل شي فالجسمـ ..

طبعا اللي ياخذهن لازم يسوي رياضة وايد و مادري شو بعد و يشل أثقال و هالسوالف عسب يتخلص منهن الجسم و من الآثار السلبية, لكن سرعان ما تظهر آثارها فور التوقف .. و بعد أثناء زيادتها في الجسم و حسب تحمل الجسم ...

عندك الأشياء اللي تنتج عندج نتيجة استخدام الستيرويدز ..

- بقاء الماي في الجسمـ , اللي يسبب لك تورم في الويه و الركب و بعض المفاصل .., و زيادة ضغط الدمـ( نتيجة زيادة الماي ) و أمراض المصاحبة له من أمراض القلب ..

- تثبيط أفراز الهرمونات الطبيعي ,, لأنك أصلا تعطي الجسم هرمونات من برع, فـ بالتالي الجسم يعطي أوامر انه يقلل إفراز الهرمون الفلاني .. و مع مرور الزمن يمكن يتوقع افرازه اساسا !!

- تزيد مستوى الكلسترول ,, لان الكلسترول نوع من الـ ستيرويدز اصلا,

- يأثر على الكبد , لأن الكبد أصلا هي مكان تصفية السموم في الجسم, و أي عقار لازم يمر فيها , و اكيد الستيرزود اللي بتاخذه لازم فيه مواد كيماوية و و و و و و بتأثر على الميتابولزم في الكبد .. و مشاكل الكبد يتنج عنها أمراض كثيييييييييييييييييييييرة ..

-و أشياااااااااء كثثثيرة غير ..
فـ خلك على التمارين و البروتينات ابرك لكـ خخخخخ


<<< طبعا هذا ما يطلع من اول و ثاني استخدام, عقب فترة طويييييلة
اي استفسار ثاني انا حاضر ^_^ ..||
..​

الله يطول عمرك تسلملي ..

يآخوي شو البروتين هآ .. مآيدق سلف الحين خخخ الجسم يبآ شي اقوى ..

فـ نروح للانجكشنآت .. بس ترآني محآفظ .. واضرب مليغرآمآت مع ينه .. مب شرآت هالميآنين .. المنفخين ..

فتنس بس .. الستيرويد عيبه المآي ادريبه ..بس انا مآيبين فيني المآي الحمدلله .. لني مآخذ قروث .. فالجسم نآآآشف الحمدلله

افدتني وآيد طآل عمرك .. بآرك الله فيك ..واذآ في شي بييك لا تحآتي ..

تعيش وادوم ..

 

[واثق الخطوة]

يزاك الله خير يا أخ سعيد على نفعك لإخوانك

جاء عن الإمام الشافعي :

" العلم علمان : علم الفقه للأديان ، وعلم الطب للأبدان ، وما وراء ذلك بلغة مجلس "​

يزانا الله خير جميعا أخوي ^_^
جدا فرحتني بـ ردكـ .. :fafaf:
أشكر تواجدكـ المميز جدا .. ​