عمان و الامارات ..

[عاشقة جميرا]

تحيه و سلامي انا سيدة العشق الابدي عاشقة جميرا

مباراة اليوم قد تكون خسارة لمنتخب الامارات ............. يعني ما شاء الله العمانيين ضغطوا وايد عليهم و اكيد النتيجه كانت لصالح المنتخب العماني ...


بس الشي الجميل في هذي المباره هي الروح الرياضيه ..والبعد عن العنف ..الي شفناه من باقي المنتخبات مثل اليمن و السعوديه ..

يعني اللعيبة لعبوا علشان الرياضة ولم يكن هناك مثل الحرب الرياضية .. وانما لعب نظيف

و تهانينا للمنتخب العماني

هذا الي كان ودي اقوله ..........وهارد لك لمنتخبنا

سلامي
عاشقة جميرا

 

[قاريءالكلمة]

ألف مبروووك للمنتخب العماني الذي استحق الفوز وعن جداره...ومنتخبنا لم يكن بنفس الروح والأداء اللي كان عليها أمام منتخب الكويت..

وأهم شي الروح الرياضيه بين الفريقين وهذا الأهم ..

مع تحياتي

 

[سواح]

مشكوره أختي عاشقة علي الموضوع

منتخبنا لو يرجع للأمارات ويحفظ ماء الوجه أحسن لهم ..

ويستاهل المنتخب العماني لعبو ورفعو لواء وطنهم ..

تحياتي


سواح

 

[عاشقة جميرا]

مرسي يا قارئ على كلماتك
وفعلا المنتخب ما قدم نفس الاداء ..الي قدمه مع الكويت



سواح ...................... اذا سوو الي قلت عنه ..بيفشلونا اكثر
احسن يستمرون بدال ما يطلعون من دون ما يكملون الي بدوه ..حتى لو خساره
المهم يستمرون في المشاركه ..

وما يسون مثل المنتخب الكويتي .. استغال المدير و مادري شو قالوا عن اللعيبه في صحفهم المحليه ..
وفي النهايه هذي كوره ..يا هازم او مهزوم


وخل روحك رياضيه يا مشرف الرياضة

عشوقه

 

[بن ماكس]

السلام عليكم ورحمة الله وبركاته

هذا منتخب ولا قلة ادب..........

لعيبه كلهم اطفال قوم بو 19 او 20 سنه........ كل اللعيبه من نادي العين والوحده....

شو ماشي غير هالنوادي في الدوله ماشي لعيبه تارسين عيونهم.....لكن حته اللعيبه قاموا يدخلونهم بالواسطه...........مع انه معروف في الدوله اقوى دفاع هو دفاع نادي الشعب......لانه في لعيبه لهم خبره كبيره..ويكفي انه الي يقود دفاعهم عبدالرحمن ابراهيم....

محطين لي دفاع كل واحد اصغر عن الثاني ليش؟؟؟
لانهم من نادي العين ونادي الوحده.....الصراحه منتخبنا ما يصلح يلعب بطولات دام المسؤولين جيه اختيارهم للعيبه........

انا اقول يودون اللعيبه بحر يحدقون سمج ابرك لهم.......

المفروض يدخلون لعيبه لهم خبره دوليه ويعرفون كيف يتصرفون بالكره....

ولو لاحظتوا انه اغلب لعيبت المنتخب صغار واقزام ما منهم فايده بالمره....وما شاء الله لعيبة عمان كل خال اطول عن الثاني........لو اشوف هذا الي يختار اللعيبه حرام لا اتفل على ويهه هالغبي......

بس اقول لكم انسوا شي اسمه منتخب دام هاي حال الكوره بالواسطه....مالت عليهم من لعيبه

تحياتي
بن ماكس

 

[Mr.king]

مبرووووووووووووووووووووووك
للعمانيين على الفوز(حلوى)
ههههههههههههههههههه
اسمحولي اتمصخر (محتر منهم)
هههههههههههههههههه
مبوووووووووووك للعمانيين
وهردلك لمنتخبنى الوطني
خيرها بغيرها

 

[عاشقة جميرا]

؟! بن ماكس ......لا تقول مالت عليهم ..شو ها مراقب و يرمس جيه ..مشكله مراقبين الشحوح
بس انا وياك ..منتخبنا قوم طعش و اقزام ....
بس شو نسوي ؟!

الشحي .. ها مستانس ..خلاص اظمن بعد الدوري بيوصلك كرتون حلوى عمانيه فري مع بوفاك ^_^

يله هارد لك للامارات !

 

[بن ماكس]

السلام عليكم

ارد واقول مالت على المنتخب.....انا اشجع سريلنكا احسن لي....وبعدين انا ماروم اقول شي الا و قلتي مشرف ويرمس جيه....

ماشي فرق مشرف ولا عضو كلنا في الهوا سوا...ومافي حد احسن من حد.....

وانا قلت رايي فيهم.....وودي اقول اكثر بس اسكت احسن..

واروح اكل سمون وجبن ومربي ابرك لي

تحياتي

 

[شبيه الريح]

أصلا لازم نرضى بالواقع ...

لين متى بتقول اللعيبة من النادي الفلان

أو المدرب ماينفع

أصلا هذا هو مستوانا ولازم نرضى ...

وبس

 

[عاشقة جميرا]

ترى قلت لكم قبل
منتخبنا حالف من يوم وصل الى كاس العالم ..
لا بعد هب كاس العالم ...بس شي له علاقه ..المصطلح الرياضي لا يحظرني الان

بس حلفوا ستنين يمين ما يعدون هل مرحله !!

 

[بنت دبي]

اصلا هالمنتخب دوم مفشلنا جدام الخلق

ما صدقت على الله يوم فازوا على الكويت استانست

ويقومون عقب يسودون الويه جدام العمانيين

بس يستاهل المنتخب العماني

 

[عاشقة جميرا]

بنت دبي حطمتيهم .... بكلامج .........هيهييه
بس يله شو نسوي شبابنا وحليلهم .. سوو انجاز يوم فازوا بمباره وحده .الحمدالله و الشكر ..نعمه من الله ..

على الاقل هب شرات المنتخب القطري " المحبوس " الي ما ياب ولا جول في هذا الدوري

يله راضين شو نسوي ويا فريقنا التعبان !
عشوقة الرياضية

 

[قاريءالكلمة]

واقع مفروض..وهذا هو حال المنتخب...ليش دايما نحلم لبعيد...ونصدق أحلامنا..

الاعلام له دور كبير في ابراز صورة المنتخب أمامنا..مره فوق ومره تحت...وهو صدق ما يستاهل..بس الاداره مامقصره الصراحه..

مع تحياتي

 

[Mr.king]

شو حولتو الموضوع حق ضرابة

 

[عاشقة جميرا]

شو نسوي يا قارئ من حقنا نحلم شوي ..
وبعدين منتخبنا يقدر يكون احسن من جيه ..لو يغيرون شويه


شرجاوي .. لا هذي مناقشة بس بصوت عالي

تحياتي
عشوقة الرياضية

 

[بنت دبي]

الأيام بيننا يا جماعة الخير

يمكن السنوات الياية يكون الكاس لهم من يدري يلا

يوم لهم ويوم عليهم