•
•
الله يسلمكم
فيني شي ما اعرف حميد ولا مجيد ككككك
وايد أتقزز بدرجه إنه يتلاحظ في كل مكان سواء البيت ..عند أقاربي .. العمل
يعني أعصب وتستويلي حالات لو تقززت من حد
كككك
مثلاً وايد أغسل إيدي بالصابون
وما أرتاح إلا لصاابون ديتوول
ومعقمات
وأشتري كلينكس معقم
علشان الشغل وأرف الناس ومعاملاتهم تيبلي المرض
افففففف
حتى من كثر ما أغسل إيدي تستويلي طبقه بيضه في الإيد مثل بودره
وأضطر يوميا أحط لوووشن عسب ما تتشوه إيدي بهالطبقه خخخ
وأكره حد يشرب بكوبي
وما أداني حد ياكل وينطر العيش صوبي
ولا يدش على حدودي بالأكل
ولا يلمسوون إيدي إلي آكل فيها وأنا أتغدى ولا أتعشى >>يرتفع ضغطي
وإذا أبا خبز ما أحب حد يقطعلي من إيده ويعطيني
ولو حد كل سلطه بالصحن وبخاشوقته مباشرة أتقزز آكل منها خلاص
ويوم أبا أشرب كابتشينوو
أستخدم الأكواب البلاستيكيه لازم أختار كوب من النص
عسب ما يكون معرض للهواء أو حد ميودنه بإيده
إذا حلت ذبابه ستيوبد مضيعه طريجها صوبي أروح أغسل إيدي
ما أحب أشارك حد في الأكل وايد
أفضل يكون لي طبقي الخاص
وأعصب لو أختي الصغيره يودت أغراضي
لأني أتشكك بالصغار
ككك
وإذا كحت وحطت إيدها على حلجها أقوللها نشي إغسلي إيدج
وأتجاتل وياها لو ما نشت كككك
وحتى من كثر ما أغسل إيدي أقز أسكر الماي
ودي حد يوقفلي ويوم أخلص غسيل يسكر عني الحنفيه ككككككككك
ومرات يقولولي نظفي اليهال وأرفهم أقوللهم سوووري هب عيالي
هب مكلفه بتقبضني اللوعه من وراكم
ومرات لو كنت في بيت حد وعازمينا تنولني الحرمه أكل بإيدها
شو ما أستغص بس أستحي أقفطها أشله وأقوللها لا تعبين حالج باكل روحي ككككك
وإذا غفت عني رديته مكانه ككككككككك
وكلهم يقولون حالتج مستعصيه
أحاول أغير نفسي وأكون عادي لكن ما أقدر لأني ما أرتاح نفسياً
وشو تشوفون حالتي طبيعيه وللا لا
القزازه سحروته
خخخخ
.•
•
