• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

أخواني كله يزعلون؟؟ شوو هالحالة؟؟؟

مايا الأمورة

๑ . . عضو مخضرم . . ๑
التسجيل
12 يونيو 2004
رقم العضوية
1857
المشاركات
8,386
مستوى التفاعل
850
العمر
39
الجنس
الإقامة
أرض الله واسعة
بسم الله الرحمن الرحيم


السلام عليكم ورحمة الله وبركاته


صبااح الخير، اشحاالكم يا الطيبين :bt:


أسئلة للشباب:

ليش الأخوان يعصبون جان الأخت طلبت موبايل عقب الثانوية؟؟؟

وليش نشوف الشر كله في عيونكم جان قلنا خلونا نتعلم السواقة؟؟؟

وليش التوحش جان قلنا لكم: بسير بيت ربيعتي ولا عرس ربيعتي؟؟؟

سؤال أخير بسس لا تاكلوني اووكي. أنتم ليش تعصبون جان قلنا لكم ودونا السوق ولا خلونا نتمشى على البحر؟؟



أنتم الموبايل حلال عليكم والليسن حلاال ونص بعد والطلعات 24 ساعة برع البيت. ما تعرفون البيت إلا حق الأكل والرقاد

بارك الله فيكم، ارحمونا. نحس بالاختنااااااااااااااااااااااااااق في البيت. إحنا أصغر منكم، المفروض إنكم تكونون طيبين معانا. مووب أشرار
 

بو حمده

๑ . . شخصية هامة . . ๑
التسجيل
5 ديسمبر 2006
رقم العضوية
5887
المشاركات
7,474
مستوى التفاعل
1,510
الجنس
الإقامة
الشارقة.
رد: أخواني كله يزعلون؟؟ شوو هالحالة؟؟؟

وعليكم السلام ورحمة الله وبركاته.

صباح النور والسرور.

السموحه أنا ما بجاوب على الأسئلة بس بقول شي.

إذا طلبت الأخت من أخوها أي شي مباح فالواجب أن الأخ يلبي هذا الطلب إذا كان يروم، طبعًا بعد أخذ الأذن من الوالد والوالدة.

وإذا الأخ واثق من أخته فليش يعارض سالفة الموبايل أو أنها تسير بيت اربيعاتها، وخاصة إذا يعرف الناس اللي بتسير أخته بيتهم؟

وسالفة السوق .. إذا الأخ ما ودى أخته منو بيوديها.

الحمد لله كنت مشتغل دريول عند الرضايع أول ما حصلت الليسن.

كلامي هذا بحسب البنت والأخت..

وأخيرًا .. البنت يوم تحصل لها أخو يغار عليها أحسن من أخ مخليها على كيفها تسير وين ما تبا وتماشي حي الله أي بنت.
 

مايا الأمورة

๑ . . عضو مخضرم . . ๑
التسجيل
12 يونيو 2004
رقم العضوية
1857
المشاركات
8,386
مستوى التفاعل
850
العمر
39
الجنس
الإقامة
أرض الله واسعة
رد: أخواني كله يزعلون؟؟ شوو هالحالة؟؟؟

وعليكم السلام ورحمة الله وبركاته.

صباح النور والسرور.

السموحه أنا ما بجاوب على الأسئلة بس بقول شي.

إذا طلبت الأخت من أخوها أي شي مباح فالواجب أن الأخ يلبي هذا الطلب إذا كان يروم، طبعًا بعد أخذ الأذن من الوالد والوالدة.

وإذا الأخ واثق من أخته فليش يعارض سالفة الموبايل أو أنها تسير بيت اربيعاتها، وخاصة إذا يعرف الناس اللي بتسير أخته بيتهم؟

وسالفة السوق .. إذا الأخ ما ودى أخته منو بيوديها.

الحمد لله كنت مشتغل دريول عند الرضايع أول ما حصلت الليسن.

كلامي هذا بحسب البنت والأخت..

وأخيرًا .. البنت يوم تحصل لها أخو يغار عليها أحسن من أخ مخليها على كيفها تسير وين ما تبا وتماشي حي الله أي بنت.



أهلاً أهلاً. كيف حالك أخوي. :bt:

ممكن أقول شي. هالحالة المستعصية ما تنطبق على أخواني. ولله الحمد. الله يبارك في أخواني.

للأسف في شباب من هالنوعية. الأخوات طول الوقت في البيت ومشددين عليهم وااايد. ليش إزين.

إذا الأخ ما بيهتم بأخته، منوو اللي بيهتم. والله أنا لو أخوي شوية قصر معاي. احتشر عليه أنت وأنت وأنت.

المسكين يضايق عقب. يقول على كثر ما أسوي لكم وبعد تتحرطمون علي. ليش تعاملوني جي أنا أخوكم.



الحمد لله أنا حصلت موبايل أول سنة في الكلية،مع إنه أخوي العود كان يبى يعطيني موبايل وأنا في أول ثانوي.

موبايل عندي لابتوب وكاميرا ونت وليسن. الحمد لله. إنسانة مستقلة بذاتي.

وبالنسلة للربيعاتي، تراا عادي، متى ما قدرت استأذن وأسير. أحياناً أسير العرس معاهم عااادي. الحمد لله على النعمة.
 

عيوز مشتطه

๑ . . مشرفه برزة المواضيع العامه. . ๑
مشرف
التسجيل
1 يونيو 2006
رقم العضوية
4813
المشاركات
23,709
مستوى التفاعل
3,005
الجنس
الإقامة
فـ بونيت الكلوزر
رد: أخواني كله يزعلون؟؟ شوو هالحالة؟؟؟

السلام عليكـــــــم ..

مايا

لو اخوج منعج من كل هذا .. فهوووووناك اسبابن عدتن سأطرحووها وأسدحووها .. وانتي ما عليج

الا تطمشين وتشوفين اي سبب يناسب اخوج وليش يمنعج ..

1. يخاف عليج وفي اخوان من كثر ما يخافون على خواتهم ودهم يحطونهن فسحاره ويقفلون عليهن

2. يسمع سوالف سواد ويه البنات .. من ربعه ويفكر لحظتها " لو كانت اختي اللي تسوي جي ؟؟ " فلا تلومينه

3. الثقه .. لو كان واثق المفروض يلبي طلباتكن بدون اي تردد ..

4. منعج من السواقه يمكن لانه يشوفج مب قد المسؤووليه ..

يعني السواقه يبالها مخ شغال طول الوقت + تركيز + الحذر + تطبيق القوانين

+ مواجهة أي موقف يصير جدامج بقوة (مثلا لو صار حادث جدامج ممكن تفقدين السيطره من الخوف وتروحين فيها)

او يمكن يخاف من الشباب يتحرشون فيكم .. هو ريّال ويدري بهالسوالف كلها ..

5. يمنعج من زيارة ربيعتج يمكن سامع شي عنهم .. أو يخاف ان هالناس من النوع الي يرمس وايد

يعني ممكن يقولون ( بنات فلان يونا اليوم .. كيف اهلهم مخلينهن يطلعن من البيت بروحهن .. و .. و .. لابسات كذا .. محطيات مادري شو .. الخ ) عاد انتي تعرفين الباقي ..

6. ومن ناحيه السوق .. اخوج ملزوم فيج يوديج واييبج مدام انه منعج من السواقه ..

لان مالج غيره وغير الوالد ..

هذي هي الاسباب ..

مايا انا ما قصدج بكل كلمه قلتها ..

بس اعطيج احتمالات ..

بعد بقولج كلمه

احلى شي يوم تحسين انه اخوج يخاف عليــج .. معناته انه يهتم فيج

فلو كان ما يهمه جان فج براسج وخلاج تسوين الي تبينه

قولي الحمدلله
 

آل بهلـول

๑ . . عضو مخضرم . . ๑
التسجيل
29 يونيو 2008
رقم العضوية
9183
المشاركات
7,351
مستوى التفاعل
1,077
العمر
42
الجنس
الإقامة
~** قلبي في المسجد **~
رد: أخواني كله يزعلون؟؟ شوو هالحالة؟؟؟

ما شي تلفون حتى يكبر عقلها
 

Fєяяąяι

๑ . . عضو إمبراطوري . . ๑
التسجيل
25 نوفمبر 2006
رقم العضوية
5815
المشاركات
4,354
مستوى التفاعل
284
الجنس
الإقامة
راك
رد: أخواني كله يزعلون؟؟ شوو هالحالة؟؟؟

منقود عند العرب
 

الحمودي

๑ . . عضو فعال . . ๑
التسجيل
18 يونيو 2008
رقم العضوية
9126
المشاركات
462
مستوى التفاعل
27
العمر
34
الجنس
الإقامة
دبا الحصن
رد: أخواني كله يزعلون؟؟ شوو هالحالة؟؟؟

و عليكم السلام ورحمة الله و بركاته..

ما شاء الله الاخوان كفو ووفو

بس من وجهة نظري ان البنت اذا كانت قد المسؤولية شو المانع!!!

طبعا كل واحد و تربيته مع احترامي للجميع .

و البنت اذا كانت في محل ثقة من اهلها خصة انج ذكرتي بعد الثانوية فطبيعي تحتاجي اشياء مثلا الموبايل عسب الجامعة و جي.

ولكن المفروض على البنت اذا حصلت ها الثقة من اهلها المفروض ما اضيعها.

و السلام عليكم و رحمة الله وبركاته.
 

سحروتـــه

آڷعيْـۈڼ آڷڛآهرة..♥
طاقم الإدارة
التسجيل
24 يونيو 2006
رقم العضوية
1111
المشاركات
46,726
مستوى التفاعل
7,686
الجنس
الإقامة
.:"لا مكــآن":.
رد: أخواني كله يزعلون؟؟ شوو هالحالة؟؟؟








وعليكم السلام ورحمة الله وبركاته

الله يسلمج أخوان عن إخوان يفرقووون

وانا الصراحه لو حصلت من أخواني تقصير ألوومهم

وأقوللهم ولا جنا نحن خواتكم و و و >> عسب يأنبهم ضميرهم

وبخصوص الموبايل
في بداية الأمر أنا أخوي كان يرفض هالشي
ليش لأنه في ذاك الزمن ما عندنا حد من الشحوح بنات عندهم موبايل
كككككك
وتعرفيين شوي الشحوح وايد مقفلين على هالسالفه
لكن أنا أمشي ورى أبووي ما أسوي سالفه كككك
وخاصه إنه هذيج الفتره محتاجتنه
وأبوي إشترالي
وأخوي رضى في الأمر الواقع
وبعد فتره صار هو إلي يغيرلي موبايلاتي ويعطيني موبايله جان عيبني
وقاموا مال شعبيتنا شوي شوي وصار كل حد إلحين عنده موبايل
وأتوقع أنا أول وحده من الصبايا صار عندي موبايل هاك الوقت في شعبيتنا ككككك


أما السواقه أبوي إلي كان رافض وبشده ومع شدة إلحاحي وتبجبجي ككك
بعد ماشي فايده وسبب رفضه خوفه عليه من الحوادث
وخاصه إنه كان يشوفني وايد أخترع يوم نمر حذال شاحنات
لكن بعد مايأسوا إخواني من يودوني دوامات وإلي يكون بدوامه وإلي قام ينشغل
ويوم درويلنا روح عنا إضطر أخوي يفتحلي ملف وأبووي رضخ للأمر الواقع ككككككككك
وإلحين أشخطها حذال الشاحنات ولا أسويلهم سالفه كع كع


أما زياراتي لصديقاتي نادره أصلا وحتى لو رحت أهلي يعرفوني ما أحب أصادق إلا الناس الزينين

والسووووق وقت الحاجه ماشي إشكاليه


.•



 

الجارح2003

::مشرف الصوتياتـ الاسلامية و برزة المناقشات الجاده
مشرف
التسجيل
16 فبراير 2003
رقم العضوية
143
المشاركات
8,116
مستوى التفاعل
1,808
الجنس
الإقامة
في قلبكـ
الموقع الالكتروني
رد: أخواني كله يزعلون؟؟ شوو هالحالة؟؟؟

اعذريهم
يمكن يخافون عليج ويحبوووونج وايد..

اخوكم الجارح2003
 

حلال المشاكل

๑ . . عضو ماسي . . ๑
التسجيل
6 مارس 2008
رقم العضوية
8603
المشاركات
1,691
مستوى التفاعل
278
الجنس
رد: أخواني كله يزعلون؟؟ شوو هالحالة؟؟؟

قال تعالي

وللذكر مثل حظ الانثيين


فهذا سبيل المقارنة اذا بتقارني

يعني اذا سوينا نحن شي انتوا تسوون نصه زين

اما سالفة الاخوان والخوات فهذي عيب بالاخ مو بالاخت


الاخت هالزمان تبي الاخ يصادقها مو يعتبرها اخت وكل شي ممنوع بالعكس

احب اتمشى ويا خواتي او بناتي واروح اتعشى وياهم وانفذ طلباتهم في حدود المعقول والمباح


اما رفض الاخوان فاساليهم وعندهم الجواب الاكيد


ولا تحطي المقارنة لانه في اشياء تجوز للرياييل وعادي انه الناس تشوفهم فيه


وممنوع للحريم انه يظهرون فيه


مثل الذهب الممنوع للرجال ومسموح لكم


مايينا قلنا ليش نحن مانكشخ بالذهب


مجرد وجهة نظر



:chek:
 
عودة
أعلى