شيخة البنات
๑ . . عضو مؤسس . . ๑
اللي عنده العلم يخبرني لاني مو فاهمه اللي حاصل ...يمكن الدنيا متطوره برع وانا ماعندي خبر
الله يسلمكم
فيه رقم من كمن يوم اماذني وااااااااااااااااااااااااااااااااااااااااااااااايد وانا شرات اليدار ماحب ارد على اي رقم غريب
قلت اذا وااايد زودها فبخبر اخواني
يتصل ويتصل وانا حاقرتنه
ولا بعد يطرش مسجات يقول اكيد ماعندج رصيد خخخخخ
المهم
انا طنشت وطنشت وطنشت لربما ييأس ويمل ويستحي على ويهه
وهو مازال على هالحال
مب هنيه القصه لان هالامور وايد تصير
الشي اللي حدث وخلاني استغرب
ياني اتصال من بيت اختي....يعني رقم بيت اختي الثابت من ساعه تقريبا
وانا استغربت
ليش متصلين فيني بهالوقت المتاخر مو من عوايدهم
واشل التيلفون وارد بكل بروووود : خير شو حاصل معاكم !
الا اسمع صوت ريال غريب :h035:
قلت هذا اخوي صار صوته جيه
فقالي انا فلان اللي ادق عليج من هذاك الرقم وماتردي
انا فمثل هالمواقف ابطل حلجي واتلعثم وماعرف ارد
وقلت له : سوري ماقدر ارد عليك
شوفوا الرد انتو خخخخخ
وشيكت الرقم ...هذا رقم بيت اختي كيف صار جيه
واتصلت باخوي فبيت اختي وقلت له من معاكم فالبيت ؟ حد غريب يعني؟
قال لي محد معناااا
اتصلت بولد اختي
وقلت له جيه جيه السالفه وهالولد امأذني والاغرب انه اتصل من بيتكم
فعطيته الرقم
وقالي : فيه طريقه عن طريق النت بس مافهمت عليه........وفيه طريقه من برج الاتصالات نفسه يقدر يدخل على المقسم ويتصل فيج من الرقم اللي ظهرلج اللي هو بيتنا
السؤال بعد هالمقدمه القصيره
كيف هالشي يصير ؟
اذا كان بالفعل من برج الاتصالات واحتمال هالانسان شافني فمكان وطلع رقمي من سيارتي ونفرض مثلا يشتغل فبرج الاتصالات......كيف تؤؤؤؤول له نفسه انه يستخدم صلاحياته في ازعاج الثانيييين ؟
ما يعرف اني شرانيه وممكن اوصلها للشرطه وهالشي بيوديه فمليون داهيه!
ومايدري ان اخواني وخاصه الصغير عادي عنده يوصل الموضوع للمحاكم والسجن خخخخخ
الحين اللي فاهم بهالطرق
يخبرني بالضبط شو اللي حصل معاي
كيف هالشخص قدر يكلمني من رقم بيت اختي ؟!!
لان اذا الامور سهله بهالطريقه فراح يسبب الموبايل مشااااكل انته فغنى عنها
افيدووووني
io:شوشو
مستغربه
