~** هــل ُتفضـــل الــــزواج مــــن الأقـــارب أم لا **~

[آل بهلـول]

السلام عليكم ورحمة من الله وبركاته

الله يبارك لكم في هذا اليوم المبــارك ان شاء الله

ســؤال للجميـــع:

هل تفضـل الزواج من الأقـارب أم لا?

وشـــو الأسبـــاب?

بروفيسور البرزة:h015:

الفارس الأبيض

: آل بهلــول

 

[عيوز مشتطه]

رد: ~** هــل ُتفضـــل الــــزواج مــــن الأقـــارب أم لا **~

من الأهـــــــــــــــل طبعا

للأسباب التاليه ..

1. اعرف ماضيه الاسود واعرف كل تفاصيل حياته

2. يعرف كل شي عني حتى يوم كنت اسرق لبان من عند راعي السلندرات .. و لو ما اتوقع انه هو الي بياخذني .. يكفي لو اشر وقال ابا فلانه " من خاطره " ما برده :ah:

3. لا سمح الله لو صار شي هو بيقدر ظروفي أكثر من الغريب

4. برتاح من ناحيه السكن لاني بكون جريبه من اهلي .. بدال ما ياخذني غريب ويفرني في لقعة بليس

شي اسبااابن اووووووخرى لكني اشم ريحة الغدى واشوف ديايه مشوايه يايه تتمخطر صوووبي :a040:

 

[بنت الذيب]

رد: ~** هــل ُتفضـــل الــــزواج مــــن الأقـــارب أم لا **~

طبعا المفروض مايكون من العايله..من الناحيه الطبيه..يفضل انه الزوجيين يكونون من عوائل مختلفه..ومافي تقارب في النسب..لمنع الاصابه بالامراض الوراثيه..
بما معناه " تخيروا لنطفكم فان العرق دساس"

 

[عيوز مشتطه]

رد: ~** هــل ُتفضـــل الــــزواج مــــن الأقـــارب أم لا **~

بنت الذيب الحين يسوون الفحوصات قبل الزواج

ويخبرونكم اذا تناسبون بعض او لا من الناحيه الطبيه

ما ادري ليش ما احب اشوف هالعذر .. مع احترامي لج ..

 

[بنت الذيب]

رد: ~** هــل ُتفضـــل الــــزواج مــــن الأقـــارب أم لا **~

بنت الذيب الحين يسوون الفحوصات قبل الزواج

ويخبرونكم اذا تناسبون بعض او لا من الناحيه الطبيه

ما ادري ليش ما احب اشوف هالعذر .. مع احترامي لج ..

أختي هذا الفحص بس يكون للآمراض الدم الوراثيه ..مب لكل الامراض والاعاقات ..المتوارثه بالجينات. وبعدين هذا اللي حث عليه رسولنا الكريم.. عليه الصلاة والسلام..
..مشكورة عالتعليق..

 

[الجارح2003]

رد: ~** هــل ُتفضـــل الــــزواج مــــن الأقـــارب أم لا **~

لا ما افضل الزواج الأقارب..

أبعد عن الشر والمشاكل والأمراض وأغني لهم خخخ

يسلمووو عالطرح

أخوكم الجارح2003

 

[شيخة البنات]

رد: ~** هــل ُتفضـــل الــــزواج مــــن الأقـــارب أم لا **~

من الاهل مستحيل والف امبوسبل



والغريب اذا خذته بشروط اهلي واهم شي النسب والاصل




وانته خلصت صلاة الجمعه وامره نزلت هالموضوع

حشاااااااااااا


اعتقد تفكر طول الصلاه شو بتنزل



توب لربك


بس اذيتناااااا


خلوك ازرق وبلشونا معاك


شوشو

 

[عيوز مشتطه]

رد: ~** هــل ُتفضـــل الــــزواج مــــن الأقـــارب أم لا **~

أختي هذا الفحص بس يكون للآمراض الدم الوراثيه ..مب لكل الامراض والاعاقات ..المتوارثه بالجينات. وبعدين هذا اللي حث عليه رسولنا الكريم.. عليه الصلاة والسلام..
..مشكورة عالتعليق..

أدري ..

بس انا اقصد كعذر لرفض الزواج من الاقارب ..

لان الاغلبيه يتعلثون بسبب الامراض .. لكن السبب الاصلي لرفضهم فكرة الزواج من الاقارب شي ثاني ..

فهمتي قصدي ؟

 

[بنت الذيب]

رد: ~** هــل ُتفضـــل الــــزواج مــــن الأقـــارب أم لا **~

أكيد حبوبه .. مافي حد يحب يورث الامراض والاعاقات لذريته ..وان شاء الله نشوف آراء البقيه الاعضاء..

 

[آل بهلـول]

رد: ~** هــل ُتفضـــل الــــزواج مــــن الأقـــارب أم لا **~

بالنسبه لي انا..مستحيل افكر بيوم اني آخــذ من الاهــل

والاسباب سوف أسردها لاحقا ان شاء الله ومنها الاسباب التى ذكرتها بنت الذيب

بنت الذيب انتي ذكرتي حقائق اول مره نسمع عنها

لازم نناقش ها القضيه بقوه بصراحه

سلاااااااااام