أنقذو راس الخيمة من الصينيات.....

[سواح]

السلام عليكم ..

أكتب لكم هذا الموضوع لعده خطورته علي أبناء الامارات وبالخصوص راس الخيمة..

تكاثرت مواقع لتغطيه جرائمهم وبالمسمي المساج ويا كثرته براس الخيمة :mf_krider

وبئنتشارهم تكثر الامراض ومن بينها مرض الايدز ..

من كم يوم تم القبض علي اربع صينيات براس الخيمة وبعد الفحص تبين انهما مصابات بمرض الايدز ..

ومن هذا المكان نداء لكل مسؤال عن هذه المواقع أن يخاف الله ويريح ضميره ويغلق كل الابواب

بوجوه الذين يجعلون شباب هذه الدوله ألي الانحراف وافتعال الرذيله..

ونداء ألي حكومه راس الخيمة لضرب أيد من حديد لهذه الاماكن لانهم هم المسؤالين جدام الله وخلقه ..

وثالث نداء لشباب هذه الدوله اتقو الله ولا تلقو انفسكم بتهلكه دقائق قليله لا كنها ضياع العمر

بكامله وغضب من الله بعصيانه ..

تحياتي


سواح

 

[عاشقة جميرا]

والله .. المشكله في راس الخيمه ان بسهوله يحدرون لها ..

..وقلة الرقابه فيها ..
نص قضايا تهريب المخدرات تحدر من راس الخيمه ..

يمكن بسبب وجود اماكن مهجوره !!ومخلينها بنايات فاضيه ؟!
يعني انا استغربت من الجزيره الحمراء .........فريج كامل ..محد فيه و مخلين البيوت جيه !!

اكيد بيتخششون الحراميه هناك !!

والله يعين !! بعد الحين سالفة الصينيات .والايدز ..!!
يا كافي الشر و البلا !!

تحياتي
عشوقة

 

[بت رووس اليبال]

مشكوووووور اخوي على التنيبه..

والله يستر..

 

[العوسج]

تسلم سواح لطرحك الموضوع ...

الله يهدي شبابنا انشاءالله ويبعدهم من الشر

والى الامام

 

[DEMoOoN]

مشكووور والله اخوي سواح على هالموضوع الخطييير

الصراحه هذا وإن دل فإنما يدل على ضعف النيات وكثرة الغفلات

يعني الشباب نسوا إن وراهم حساب وعقاب... ما علينا

بالنسبه للرقابه.. انقل لكم قصة واقعية حدثت مع بدايات العام الفائت ومصادرها موثوقه

مع بدايات دور المساج علناً (والدعاره خفية).. كانوا في البدايه يحضرون العاملات اللي هناك من صغار السن.. يعني بنات في عمر الزهور (الذي لا يخلو من الشوك)

المهم... صاحبنا (راعي السالفه... مب صاحبي).. عمره كان بحدود الـ 15.. (يعني سنتبين أكبر أو أقل... عشان نعمم)

عنده بيزات وببراءة الأطفال كان يبا يجرب المساج... يعني السالفه براءه 100%


المهم... دش الحبيب... وحصل ما حصل .. وفعل ما فعل بعدما اغرته الفاجره

في البيت لاحظوا ان الطفل صار انطوائي اكثر وارتابوا في تصرفاته.. استعلموا منه وعرفوا الخبر... وعرفوا الحاصل

المهم.. ما سكتوا عن السالفه ووصلوها لأحد الكباار (حفظه الله) ووالله الكبير ما قصر... خلاهم يسكرون المحل... لكن المحل مال كبير أكبر عنه... وخلاهم يردونه... لكن الكبير الصغير أقنع الكبير الكبير انهم اييبون العاملين فيه اعمارهم كبيره... يعني فوق الثلاثين... وتم ما بينهم(السالفه كبرت وايد)

المهم

ألحين ايونك الصينيات... الوحده عمرها 25 ومسجلينها في الجواز 60... (مب لها الدرجه) لكن تحصل والله

ما نقول إلا الله يعين ويستر بس..

وفي كبار والله ما قصروا... بذلوا ما استطاعوا... والله المستعان




وبالنسبه لسالفة المخدرات والتهريب... تفيد الإحصائيات أن اكبر نسبة تهريب سلاح ومخدرات وسرقة سيارات تتم عن طريق الشريط الحدودي بين الإمارات وعمان واليمن والسعودية..

خصوصاً صوب العين... في درب يوصل اليمن على طول (تهريب سيارات مسروقه).. وفيه طرق للسعوديه... والعين والبريمي (مخدرات وسلاح)

لذلك تقرر إقامة السياج الحدودي من السلع إلى آخر الإمارات.... (خلص لين العين).. واللي بيروح السلع بيشوف انه مخلص من سنه تقريبا


والسموحه

 

[دهن عود]

مشكور أخوي على طرحك لللموضوع الجد خطير
وفعلا عليهم تكثيف حملات الرقابة ويشددون عليها وايد
والله يبعدنا عن هالمصايب
أخوكم دهن عود

 

[عاشقة جميرا]

وقضايا تهريب المخدارت و توزيعها او الترويج لها ايضا في راس الخيمه !!
والغريب ان في بنات متورطات ..وقلبك يعورك يوم تعرف انهن مواطنات ..

للاسف يعني

و سلامي
عشوقة

 

[بحر الشوق]

صح هذا كله من قلة الرقابه .......

ومـــشكور أخويه على الموضوع..

(عاشقه بالنسبه للجزيره الحمرا ترى فيها ناس ...أو يمكن إنت قصدج على الفريج الجديم؟؟؟؟؟؟)

تحياتي

بحر الشوق

 

[سواح]

تسلمووووووون علي المشاركة بالموضوع ..

بصراحه هذه الاشياء ما ينسكت عنها بلادنا كثرت فيها الاشياء المحرمه والله حرمها علينا ..

لكن ارجع واقول بذمت صاحب القرار ..

أخاف باجر الله يخسف بنا ..

تحياتي


سواح

 

[ذياب]

السلام عليكم

اشكرك يا سواح لعرض هذه القضيه ولي زادت بشكل كبير في راس الخيمه وما تترتب عليه باثار سلبيه على المجتمع والفرد

الصراحه انه محلات التى تسمى بالمساج ولكن تستهدف لاغراض اخرى زادت بشكل كبير في راس الخيمه وخاصه فى الفتره الاخيره

وهاي المحلات لا توجد لها فائده غير جمع المال والمشكله مال حرام ولا ننسا الامراض التى تنتقل بسبها ومعظم الامراض لا يوجد لها علاج

هاي كلها فذمة اصحاب هاي المحلات والناس المسؤله لان هاذا الاشياء حرام ومنكر

الله يهدى اخوانا المسلمين الى ما فيه خير لامه الاسلاميه

وسلمتو يا جماعة الخير

ذياب

 

[الجرح]

مشكور اخوي سواح لو تراجع البلدية بتشوف منو يوقف ورا المساج
وعاشقة جميرا خلوها تشوف دبي استوت تنافس بانكوك

 

[عاشقة جميرا]

ما ينسكت ؟!؟

كيف يا سواح..اصلا من قال لك انهم ساكتين ..شوف الامن كيف يسعون ورى الحد من هذا كله ..!
بس المشكله انهم يزيدون ..وهب كل المناطق بالدوله لهم نفس الاداره الامنيه ..

ومثل ما تشوف الحين او تلاحظ ان الامارات بدت بالفعل بغلق الحدود الجبليه ..والحدود الي بينا و بين عمان ..

وخاصه صوب العين ..

وسلامي
عشوقة

 

[سواح]

أختي عاشقة أي حدود وأي أمن ؟؟

السالفه أكثر عن جيه بألف مره أختي المحلات الموجود مرخصه من قبل البلدية بأسم المساج

لكن علي اللوحه مساج وداخل ماكن للدعاره ومنتشره بأنحاء راس الخيمة ..

والمشكله انهم ينقلون مرض الايدز علي شبابنا ..

تحياتي

سواح

 

[غاية]

مشكووووور اخوي على الموضوع والله يهدي الشباب .. ويحميهم من كل شر..

 

[بن ماكس]

مشكووور على الموضوع الطيب

شد حيلك

تحياتي

 

[سواح]

تسلموووووون علي المشاركة بالموضوع ..

الله يهدي الجميع


تحياتي


سواح

 

[مهرة بلا فارس]

رد : أنقذو راس الخيمة من الصينيات.....

السلامـ عليكم ورحمهـ اللهـ وبركاته

تسلم يا خويه

 

[ظبية_الإمارات]

رد : أنقذو راس الخيمة من الصينيات.....

محد ضربهم على إيديهم اللي يبغي طريق الصواب موجود واللي يبغي طريق الفساد بعد موجود وكل حد يآخذ نصيبه من الدنيا​

 

[بنت راس الغول]

رد : أنقذو راس الخيمة من الصينيات.....

لا ابركتن فيهم ولا فاللي يجيبهم....

والخراب كل مكـــان اختيهـ عاشقة جميــرا .... في بوظــبي بعد اعرف ومن مصـــدار موثوقه بنـــات مواطنـــات في بارات ومراقص وشرب وغيره والعياذ بالله ...

بس كلام ظبية الامـــارات صحيح الشباب والا البنات لو يخافون ربهم ويخافون على حياتهم ما بيسيرون هالامــاكن ....

لانها وللاسف الشديد هالامـــاكن للواطـــين وضعااااااااااااااف النفوووووووووووس....

ولاحول ولا قوة الا بالله...

 

[حرم الشحي]

رد : أنقذو راس الخيمة من الصينيات.....

الله يهديهم يارب

شبابنا جنهم ما شايفين خير عفانا الله


يضحكون عليهم هذيل الصينيات والروسيات وهم ما يصدقون قبل بعد يت موضه المغربيات خلصنا منهم وكل واحد خذله مغربيه وما يدرون حتى المغربيات فيهم امراض افتكينا منهم الحين طلعت موضة العراقيات يا الله ما اكثرهم كيف ترضون على عماركم تكونون لعبه ومصخره عند الحريم هذيل يستغلونكم عسب الفلوس والله العظيم مو عسب شايفين فيكم شي غير كله عسب البيزات والله مو من حلاتكم شو فيهم بنات البلاد شو ناقصنهم ليش تطالعون الشي المكشوف وبنات بلادكم المحتشمات تودرونهم عسب هذيل انا ما انكر ان في بنات مواطنات مو زينات لكن في منهم متربيات ومحترمات ما شاء الله عليهم واللي يودر حرمته وعياله ويدمر مستقبلهم ومستقبله عسب هذي الاشكال الله يهديكم