رد: للمتزوجين فقط ...... مع شوشو
السلام عليكم.
السموحه تأخرت شوي ..
الكل منا يعرف الغيرة من الزوجات، بل أكثر من هذا، بعض الزوجات يغارن من أم الزوج وخواته، وهناك قصص أنا أعرف طرف منها ..
واحد من الأصدقاء يقول لي: أسير أشيش وأتأخر فما تقول لي الحرمه شي، ويوم أسير بيت أبويه عقب ثلث ساعة أو نص ساعة تتصل لي الحرمه أو أطرش مسج: تأخرت..
إذا كانت هذه الغيرة موجودة في بعض الزوجات، ففي ظني أن تصرف بطلة القصة مب ضرب من العجب.
أنا الآن أذكر طبيعة بعض النساء ومب في موقف الدفاع عنهن ..
هذي انا في نظري اسميها غيره خبيثه ! لا طبيعه في النساء ولا الغيره الحميده اللي نحن نتكلم عنها . . .
في ظني أن تصرف الزوجة هنا طبيعي، وكان بودي أن الزوجة تتصرف بحكمة أكثر، وفي الحالتين، يعني لو كان زوجها مظلوم ومب هو اللي بادر وغازل البنت، ليش تسوي هذي المشكلة الكبيرة وتنزل مستواها؟
وفي الحالة الثانية: ترى زوجها غلطان وهو اللي خلى البنت تغازله.
طبيعي !
شكلك متعود على هالسوالف اذا تعتبره طبيعي :wrd:
شكلي بطرش لك الرابط عشان تشوف اللي اتكلم عنه كان طبيعي ولا لأ.... بس المشكله الموضوع يباله دواره :hm00mm:
حتى في الحاله الثانيه ... المفروض تواجه وتناقش ريلها في البيت مو جدام العرب وفالسوق ....واتشل الدنيا فوق راسها واتخلي الكل يتفرج عليها . . . لان تصرفها بيخلي الكل ينظر بنظره سلبية لهالزوج اللي سمح لحرمته ترفع صوتها في السوق وهو يالس مب قادر يسوي شي !
كنت أقصد الغيرة الغير مفرطة بين الزوجين، وبضدها تتبين الأشياء فيه ناس ما يغارون على محارمهم، وحتى الزوجة زوجها يسافر بلاد الانحلال وعادي عندها.
الغيره الغير مفرطه لها حدود وزمن ومكان . . . في نظري الزوجه العاقله تعرف متى تظهر غيرتها وجدام منو . . . وبالنسبه للزوجه اللي يسافر ريلها لبلاد الانحلال ....هذا بروحه موضوع ...بس الغالب ان الزوجه مسكينة في هالحال لان الزوج بيتعذر بمليون حجه وحجه وبيخلي عمره شريف مكه وماراح يجاهر وبيخبرها بالامور اللي راح يسويها !....وبعدين فيه بلاد بهالدنيا مافيها انحلال ! سؤال يطرح نفسه :wrd:
تقدم الجواب بعدني بعذر هذي الحرمة، وكنت أتمنى تكون حكيمة.
طيب يابوحمده ....وتملك سعة صدر . . . :wrd:
الجميع متفق أن البنت هذي غلطانه، سواء تحرشت بالزوج بروحها أو بادلت الزوج المغازلة.
ماختلفنا بهالنقطه . .
أختنا شيخة البنات .. بعض ناقصات العقل والدين يتصرف بهمجية مع عديلتها، فما بالج بوحده تغازل زوجها؟
نفس النظره اذا تصرفت بهمجيه مع عديلتها . . . فنفس التصرف بيكون مع من تغازل ريلها . . . لان الحالتين في نظرها نفس الشي :wrd:
وقلتها ناقصات عقل !
ما اصدق اسمح لي :00eek:
لو شيخة البنات حصل لها نفس الموقف
شو بتسوي؟
بوحمده . . . انا انسانة من سابع المستحيلات ارفع صوتي بمجرد ما اطلع من عتبة بيتنا . . . مستحيل
وانا انسانه ثقتي بنفسي ثقة عمياء . . . ومستحيل انزل من شأن نفسي وانزل بها لمستويات ادنى . . . اذا انا صرخت وزاعقت فالسوق ( وهالشي عمري ما اتخيله ) فهذا يعني ان هالمخلوقه قدرت تضايجني وترفع ضغطي وتأذيني ...وانا مستحيل اسمح لها تفرح بهالشعور
وزوجي اذا كان هو البادي وهو اللي يالس يبصبص على البنيه...بتفاهم معاه بطرقي الخاصه في البيت . . . مب شرط بالصراخ ..فيه طرق تأديب اقوى :122:
تسلم بوحمده . . . .
شوشو
