مع شوشو : خلطاتكم الطبيعيه المجربه ....موضوع متجدد للبنات فقط

[شيخة البنات]

رد: مع شوشو : خلطاتكم الطبيعيه المجربه ....موضوع متجدد للبنات فقط

عنابه


زولي من موضوعي


لا تخربي علي حبل افكاري


اتنرفز من اشوف نكج





شوشو

 

[شيخة البنات]

رد: مع شوشو : خلطاتكم الطبيعيه المجربه ....موضوع متجدد للبنات فقط

~ لصفاء البشره وازالة الحبوب واثرها منها ~




المر + ماي




الطريقه


حطي كمن قطعه مر مع نص كوب ماي وحطيهم فغرشه لين مايذوب المر

واستخدمي منقوع المر مع قطن الويه


بللي القطنه بهالمحلول وممرريه على ويهج واي جزء في جسمج فيه بقع بنيه ولا حتى حبوب


فايدته


ينشف وييبس الحبوب

البقع اللي في الويه او الجسم البقع الداكنه تبدا تقل وتخف تدريجيا



انا بصراحه جربته ووااااااااااااااااايد نفعني .... كنت كل ماشوف على المنظره اسحب الغرشه وامرره على ويهي ...

انا خليت يدتي اتقري على ماي ... وحطيت فيه كمت قطهة مر..... واختي استخدمت ماي عادي


مع الماي العادي بدا الماي بعد كمن اسبوع يطلع ريحه مب حلوه جنه خمران


بس مع الماي اللي مقراي عليه تم معاي بالشهوووووووووووور من الصيف وما خلص ولا تغيرت ريحته



واذا في ماي زمزم وتستخدموه بنية الشفاء بعد بيكون احلى واحلى









شوشو

 

[عنابة]

رد: مع شوشو : خلطاتكم الطبيعيه المجربه ....موضوع متجدد للبنات فقط

زالت زوالج .. من زينها اووووحين موضوعج

خخ

 

[جلنار]

رد: مع شوشو : خلطاتكم الطبيعيه المجربه ....موضوع متجدد للبنات فقط

افركي ايدج بشكر
النتيجة : نعومة + بياض

واشوف هالطريقة احسن من الليمون والملح لأنهم يحرقون ، وبعد الملح ما يذوب بسرعة ويكون خشن

 

[شيخة البنات]

رد: مع شوشو : خلطاتكم الطبيعيه المجربه ....موضوع متجدد للبنات فقط

لا لا لا ... انا حسيت البياض صار جليا وواضحا من استخدمت الملح

والليمون معروف انه يبيض اصلا


والملح لانه ماده كلسيه فتتفاعل مع الليمون وهو مادة حمضيه وتكون النتيجه فعاله ومرضيه


السكر بيكون كانه مقشر فقط


اما خليط الملح واللومي وزيت الزيتون يعمل كمقشر ومبيض في نفس الوقت



شوشو

 

[خيماوية و النعم]

رد: مع شوشو : خلطاتكم الطبيعيه المجربه ....موضوع متجدد للبنات فقط

خلطة الخميرة اللي قالت عنها بنت ناس وايد اوكي حسيتها اتورد الخدود واتبيض بس ما نفخت خدودي
وبعدين لاعت جبدي منها وما كملت يمكن سويتها ثلاث مرات ولا اربع ~


والايد جربت الليمون والملح نعوومة ولا اروع ~


ما عليج لو جربت خلطة بعد بخبرج *~

 

[شيخة البنات]

رد: مع شوشو : خلطاتكم الطبيعيه المجربه ....موضوع متجدد للبنات فقط


~ لبشرة صافيه مشدوده ومورده ~



حلبه مطحونه + بيضه واحده



الطريقه:


حطي ملعقة حلبه تسدج مع بيضه كامله واخلطيهم لين مايصبح المزيج كريمي شرات الروب

وكل ما كان خفيف زيدي من الحلبه



يمكن شوي ريحة الحلبه تضايج بس انا حاسية الشم معاي فيري لوووو خخخخ فما اشم وااايد


حطي الماسك فويهج نص ساعه او لين ماينشف .. بس افضل نص ساعه


الماسك هذا راح يشد بشرتج بشكل كبييييييييييييييييير ويعطيها لمعه حلووووووووووووووه ويورد الخدود



الشي المتعب في هالخلطه : لما بتغسلي الماسك من ويهج ....بتنقع عصبه فظهرج ..... لانه بيكون وااااااااااااااايد ماسك فويهج ويبالج اتقحريه وااايد واااايد


بس يستاهل التجربه



انا صرت يوميا احط هالماسك فويهي لما ايلس ع النت استفيد من يلستي واحطه فويهي ساعات احطه اكثر من ساعه .... والنتيجه حلوووووووووووووه من اول محاوله



هالطريقه وااااااااااااااااااايد يستخدمنها المغربيات امهات الويوه الحلوه البراقه






شوشو

 

[شيخة البنات]

رد: مع شوشو : خلطاتكم الطبيعيه المجربه ....موضوع متجدد للبنات فقط




اعطوني خلطات للشعر .... زيوت للشعر



شعري بيشكيبي يوم القيامه




مب امسوتله سالفه


والشامبو كل يوم



والصبغات



راحمتنه فديته ):


ابى طريقه تكثف واتطول وتعطي لمعان وتكون مجربه




وين رهووووفه




شوشو

 

[مهرة بلا فارس]

رد: مع شوشو : خلطاتكم الطبيعيه المجربه ....موضوع متجدد للبنات فقط

بنت ناس .. لووومي على الضروس ؟

اخخخ احس ضروسي عورتني خخخخخخخ

ومنكم نستفيد

مووووووتاابيعه

يوم بتذكر اي خلطه انا سويتها بقولكم

.
•
•
•
.
هيه رهوف مجربتنها
.
انا ماقدر احط شيء على ضروسي :ha:
.
•
•
•
.

​

 

[● دلوووعة دبي ●]

رد: مع شوشو : خلطاتكم الطبيعيه المجربه ....موضوع متجدد للبنات فقط

دلوعه دبي


انزين شو فايدة هالماسك ..؟

من يومين مشتريه قوطي نشاء ....خبريني شو الفايده .... وبيني وبينج شغل فيه نار ومطبخ اتعايز..... الا اذا كل شي اسويه فغرفتي فعادي



شوشو

يخلي الويه ناااااااااااااااااعم وحلووو صدق

ترى اختي اللي قالت لي عن هالخلطه وانا جربتهااا

والله فننننننن