Ω اڪْتبـ بيت شعر Ω

[جلنار]

رد: Ω اڪْتبـ بيت شعر Ω

الحر لو ماحـط لـه بشـت وعقـال
يكفيـه بيـن النـاس فعلـه وطيبـه
وراع الردى لو بأجمل اللبس يختـال
تلقى الـردى مابيـن كمـه وجيبـه

 

[مهرة بلا فارس]

رد: Ω اڪْتبـ بيت شعر Ω

.
•
•
•
.
يلا نعيش بدينا غيـــــــر
مليانه حب مليانه خيـــر
فيها الحبيب انت وبــس
الاول انت والاخيــــــــر
يا روح الــــــــــــــروح
كفايه جــــــــــــــــروح
ويلي يا ويلـــــــــــــــي
ويلي آآآآه يا ويلـــــــي
.
•
•
•
.

​

 

[مهرة بلا فارس]

رد: Ω اڪْتبـ بيت شعر Ω

.
•
•
•
.
ولا تزعل ولا تتعب شعـــــــــورك
ولا تاخذ على خاطرك منـــــــــــي
أبتأسف إلين ارضي غـــــــــرورك
وبقول اني مقصر غصب عنــــــي

انا معذور لو غبت بحضــــــــورك
وحسن الحسن عن حسنك شغلنـي
لأني بالحلى لو شفت نـــــــــــورك
بعيني ساعت القربه تعذرنـــــــــي

وش احلى من العداله غير جـورك
تجنى يا حلو منك التجنــــــــــــــي
ولو ان الشور في كل شي شورك
طلبتك بس في ذا الشي طعنــــــي
.
•
•
•
.

​

 

[الرحبي]

رد: Ω اڪْتبـ بيت شعر Ω

صرت أجر صمتي في دروب الصبر
وإثر صبري تقطع شوق وأدمى الوريد
مل صبري وملـت قصتـي والعبـر
وصار ما بين قبري والعمر شبر إيـد

 

[مهرة بلا فارس]

رد: Ω اڪْتبـ بيت شعر Ω

.
•
•
•
.
ياسنين عمري كفايه حزن ياسنينــــي خلاص راح الذي يستــــاهل احـــــزانك
لمي جروحــك وكفي الدمـع ياعينـــي ردي لزهــرة حيــاتي باقـــــي الــــوانك
وش ذكرك بالهـــوى الي كان ناسيني والحـــزن ليه هوبدا في يـــووم عنـوانك
وش ذكـــرك باليـــالي الــي تبكينـــي والجـرح الاول والصوت نايب الحـــانك
ياسنين كفــــي عن الذكـــرى وخليني ماعدت انااقـــوى على حزنك واشجاـنك
ماتـحمل اكثر من الـــي بينك وبينـــي جفت عــروقي وانـــا اصبر على شـانك
حاولت اداري الحزن الي عايش فيني واحاول اضحك غصب في وجه خلانك
لكن حــــزن الليالي بان في عينــــــي واقول ياسنيـــــن هذي اخــر احــــزانك
.
•
•
•
.

​

 

[مهرة بلا فارس]

رد: Ω اڪْتبـ بيت شعر Ω

.
•
•
•
.
رحلت ومن بقا وياي يحس بضحكتي وبكاي
حتى الجرح في بعدك يغزيني واهلي به
انا من لي بهالدنيا سواك ان طالت الغيبه
فقدتك يااعز الناس فقدت الحب والطيبه
رحلت ومن بقى وياي يحس بضحكتي وبكاي
وحتى الجرح في بعدك يغزيني واهلي به
انا من لي بهالدنيا سواك ان طالت الغيبه
فقداك يااعز الناس فقدت الحب والطيبه
رحلت ومن بقا وياي يحس بضحكتي وبكاي
حتى الجرح في بعدك يغزيني واهلي به
انا من لي بهالدنيا سواك ان طالت الغيبه
.
•
•
•
.

​

 

[الرحبي]

رد: Ω اڪْتبـ بيت شعر Ω

ببتعد عن حياتك وأعزف آخر وتـر
أغنية سكتي طالـت وقلبـي وحيـد

 

[عنابة]

رد: Ω اڪْتبـ بيت شعر Ω

ياليتن صقر وخلـي حمامـه

وحطها بين الجناحين واطيـر

اطير انا عن لابسين العمامـه

يم السماء حتى تضيع المداوير

 

[● دلوووعة دبي ●]

رد: Ω اڪْتبـ بيت شعر Ω

تَعَبت أشيـل الهَم عنّك وأداريك
وإنتَ همومـي ثقلَهَــا مـا يهمِّك !



لا يا ( حبيبي) .. الزمن لا يخليك
تقسى على قلبي وتسقيه سِمِّك !



[ دِ نْ يـَ ا كْ ] هذي , لا تغيِّر مباديك
مهما إستطعت الظلم إعدل بحكمك !



ما هي غريبه من يذمِّك يماشيك
لكن غريبـــه يمدحك من يذمِّك !!



ما كل واحد غاب معناه ناسيك
بعض البشر ينساك لو كان يمِّك !



أدري تعزني .. اللـه يعز غاليك
وإن كان لـي عندك معزَّه بضمك !



في خاطري كم كلمةٍ : عن تجافيك
وإن شفت دمعاتي إنزَلَت .. حط كمِّك !



إسمك حبيبي ويا كثِرها أساميك
وقلبي يفز .. لا جابوا الناس إسمك !



ليتك تحس في ضيقتي يوم أحاتيك
أحرق لك أعصابي .. وما حَس دمِّك !



غايب بدون أعذار .. ربِّي يجازيك
عطني سبب مُقنع حبيبي .. وألمكّ !



همِّك , جنونك , ضحكتك , كل ما فيك
صوتك , سكوتك , وأرجع أقول :
( هـ مِّ كْ ) !



[ لبيــه ] منِّك غير .. لمَّا أناديك
كن الكلام العَذب ... مرساه فمِّك !



مهما غلوك قلوب ناسٍ حوالــــيك
أغليك أكثر منِّهُم بس .. لعلمك !



أبوك , خالك , إختك , أخوك , ماضيك
ربعك ، جميع النـاس, وعيـــال عمِّك !

 

[حنين الأيام]

رد: Ω اڪْتبـ بيت شعر Ω

عاد الحب الى قلبي لا دري ماهو السبب

كنت احبها فرايتها تمشي بين النجوم والسحب

هي اجمل ماخلق الله تختال في ثوب من القصب

هي الحب والحنان فما اجمل العينين والهدب

هي قمر في الارض يغار منها القمر ويكتئب

يسبق الدمع مقليتها وعلى ورد الخدين ينسكب

تقول رفقا بقلبي لقد قاسيت من العباد العجب

ما اجمل اللقاء صدفة لقد اذهب عني التعب