خلاص برحل وببتعد

[رفيع الشان]

[align=center]



قصيدة خلاص برحل

للشاعر سعد بن جزاء



نقلتها لانها تشكي الحال وعجبتني بنفس الوقت







خلاص ابرحل وابتعد عن عيونك
خلاص ابرحل واعترف صرت ندمان

مع علمي اني مقدر اعيش دونك
واليا قدرت اعيش بعيش ب احزان

وانت كمل احلامك مع اللي يبونك
اللي حقيقتهم لك بيوم بتبان

من غيرو لك ياحياتي ضنونك
من علمك تلعب على قلب ولهان

من درسوك تهين شخصٍ يصونك
و(سيف)يموت أهون ولا يعيش منهان

واذكر اذا في يوم شخصٍ يخونك
انك ياعمري كنت في يوم خوان

واذكر وانا ابكي كيف بانت سنونك
من كثر ضحكك يوم دمعي بدا يبان

ولاعشت مثلي والحزن صار لونك
واصبحت ياعمري علي حيل شفقان

وجد انقهرت وحيل جنت جنونك
ارجووك سدد ديني اللي عليك كان

ذكرت ديني ولا ناسي ديونك
ديني تعيش سنين سته بالاحزان

ذوقتنا الاحزان باروع فنونك
كنت طالبٍ عندك وانا اليوم فنان

مستغربٍ طالبك يتقن فنونك
حفظت درسك صم ماني بنسيان
وهذي حقيقه ببتعد عن عيونك
ولد الاصل يدفن ولا يعيش منهان[/align]

 

[مايا الأمورة]

رد: خلاص برحل وببتعد

حلوووووووووووووووووووووووووووووووووووووة منك


وكأنك ناوي على شي يرفع لضغط!!!!!!!!!!!!

 

[عاشقة الورد]

رد: خلاص برحل وببتعد

واناااااااا بعد عيبتني القصيدة واااااايد حلوة والكلمااااااات احلى



طــــــــــــــــــــــــــــــــن

 

[فارس]

رد: خلاص برحل وببتعد

لكل شيء صنعة ، وصنعة العقل حسن الاختيار
رفيع الشان
انتقاء مميز ، وأبيات جميلة ​

 

[رفيع الشان]

رد: خلاص برحل وببتعد

مايا الااموره


تسلمي يا الطيبه على مرورج


يعلج سالمه غانمه شيختي

 

[غزالة الجبال]

رد: خلاص برحل وببتعد

ابيات عجيبهـ

واختيار رائع...


...... صح اللسان قايلهااا...

لاهنت على هالقصيده ^.^..

عساك عالقوه ..





(`'•.¸(` '•. ¸ * ¸.•'´)¸.•'´)
«´¨`.¸.* غزوووووووووووووولة *. ¸.´¨`»
(¸. •'´(¸.•'´ * `'•.¸)`'•.¸ )

 

[ReaL DaY]

رد: خلاص برحل وببتعد

الي بيرحل خاوتهم السلامه

 

[عيوز مشتطه]

رد: خلاص برحل وببتعد

خلاص برحل وببتعد

طرشة الشواب

خخخخخ

 

[لســـــان الحـــــق]

رد: خلاص برحل وببتعد

مستغربٍ طالبك يتقن فنونك
حفظت درسك صم ماني بنسيان
وهذي حقيقه ببتعد عن عيونك
ولد الاصل يدفن ولا يعيش منهان


سلمت أناملك ع النقل

 

[● دلوووعة دبي ●]

رد: خلاص برحل وببتعد

و(سيف)يموت أهون ولا يعيش منهان

هههههههههههه حاااط اسمك

ليكوون انت نااوي ترحل

لا ترحل ولا تبتعد .. تم هني ابرك لك خخخخخخخخخ

تسلم ع القصيده الحلووه