شيخة البنات
๑ . . عضو مؤسس . . ๑
بسم الله الرحمن الرحيم
السلام عليكم ورحمة الله وبركاته
يمكن هذا اول موضوع لي في البرزة الاسلاميه :==:
كل واحد يدش ويخبرنا بروتينه اليومي قبل وبعد مايحط راسه ع الوساده
ماهي النشاطات الدينيه اللي تحرص ان تؤديها قبل النوم بدقائق ؟
ماهي الادعيه اللي تحرص على تكرارها بشكل يومي قبل النوم ؟ وكم مره ترددها ؟
يعني باختصار
خلونا نتكلم عن النشاط الديني اللي تحرصوا على اداءه استعدادا للنوم
انا راح ابدأ واتمنى من ردي يكون الموضوع واضح.... ونقدر نفيد بعض اكثر واكثر ...
io:شخصيا
روتيني اليومي قبل لا اخلد للنوم يبدأ كالاتي :
1. صلاة قيام الليل ... ضروريه جدا ...في الثلث الاخير من الليل ساعات ابدأ الساعه 3 او ثنتين ونص ...خاصه الحين الفير يأذن اربع وربع تقريبا ...ويوم كان خمس ونص...كنت ابدأ فترة التعبد الساعه اربع تقريبا
2. بعد الصلاه اقرأ سورة البقره وبعد الانتهاء منها اقرا جزء من القران عشان اكمل الختمه بشكل شهري ... في الايام اللي ما اقرأ البقره ...لازم اسمعها على الاقل مرتين في اليوم ... وقت المغرب او العصر ... وعند نومي ... انام وانا امشغله السوره واسمعها
3. احاول اقرأ اذا مانسيت سورة يس وسورة الواقعه وسورة الملك والدخان يوم الخميس
4. بعد ما اخلص اللي اقدر عليه من القران امسك المسباح ( هدية يدتي لي :a040: ) وابدأ فترة التسبيح وتشمل الاتي بشكل دائم :
* سبحان الله وبحمده ( 100 مره )
* سبحان الله والحمد لله ولا اله الا الله والله اكبر ( 100 مره )
*استغر الله ( 100 مره )
*ربي اني لما انزلت الي من خير فقير ( 100 مره )
*اللهم اكفينهم بما شئت ( 100 مره )
* حسبي الله ونعم الوكيل ( 100 مره )
* لا حول ولا قوة الا بالله ( 100 مره )
*اللهم صلي وسلم على سيدنا محمد ( 100 مره )
هالادعيه احرص بشكل مستمر اكررها ... واحيانا اذا قريت شي يديد اضيفه للسته وبينن كل دعاء والثاني اردد ( رضيت بالله ربا وبالاسلام دينا وبمحمد صلي الله عليه وسلم نبيا ) ثلاث مرات وانتقل للدعاء اللي بعده
5 . بعد ما اخلص من التسبيح والدعاء ابدأ قراءة الاتي وهو اخر شي اسويه قبل لا اغمض عيوني :
* قراءة الفاتحه 3 او 7 او 11 مره
* قراءة سورة الكرسي 3 او 7 او 10 او لين ماتعب ... ولازم اقراها بعد دبر كل صلاة وفكل وقت ...احاول اقراها
* قراءة دعاء سيد الاستغفار .... وهذا الدعاء اول دعاء حفظتني اياه يدتي من يوم كان عمري 11 سنه لين الحين 28 سنه وانا لساني تعود على قرائته بمجرد ماحط راسي على الوساده
*قراءة الصمد اربع مرات
* قراءة الناس والفلق 3 مرات مع سورة الفاتحه والنفث والمسح على كل جسمي
واخيرا ادعي بادعيه صغيره اكررها فكل وقت تهمني في صحتي ودنيتي واخرتي وتيسير زواجي ( :sheer: )
هذا جدولي قبل لا انام مباشره ... وابدأ بسماع سورة البقره وارقد وانا اسمعها
ساعات لما تكون عندي طاقه بعدها .... اقرأ دعاء المتوفي لابويه واختي ويدي واموات المسلمين وادعيلهم .. واقرأ رقيه الحسد والسحر... واقرأ كتيب الادعيه لين ماتعب
وانام وانا مرتاحه بعد صلاة الفجر اكيد
ادعوا لي ربي يثبتني على عبادته وحسن طاعته .... :a050:
بانتظار مشاركتكم
شيخة البنات
( شوشو هناك ...بس هنيه مطاوعه مانقدر نتدلع
io: )