يا ربي ما أدري متى بتطور وتنتقل لموضوع يديد اظن صار عندنا تشبع بمواضيع الزواج والسبة انت يلا الحين انتقل لمرحلة يديده وتكلم عن تربية الأبناء وفكنا من سيرة الزواج ..
موضوعك متكرر بس بجواب عليه
البنت أساسا لما حد يتقدم لها لازم اتحط فبالها أنه ممكن يصير في رفض وومكن قبول وما تحط ف بالها ان خطبها يعني خلاص راح يتم الزواج ولأن النظرة الشرعيه أساسها الارتياح كل من الطرفين للثاني واذا ما حصل ها الشعور ف وقت النظرة الشرعيه أكيد راح يصير رفض منها أو منه وهذا شي طبيعي .. وبعدين اذا رفضها على جمالها ترى الجمال نسبي يعني اذا كانت وحده ف نظركم حلوة فهي بنظر غيركم مو حلوة .. فالمهم ان البنت لازم اتحط فبالها احتمال الرفض وتكون متهيئه لها الشي عشان لا تتعب نفسيا بعدين اذا رفضها..
وفي النظرة الشرعيه يعجبني قول الشافعي أن الواحد اذا بغى يخطب وحده الأفضل أنه يشوفها قبل لا يخطبها رسمي يعني يشوفها بمكان شغلها مثلا او دراستها وبدون ما تحس فإذا عيبته خطبها واذا ما عيبته عدل عن الخطبه من غير ما حد يدري وكان الله بالسر عليما وبها الطريقه لا راح يكون في حرج من صوبه ولا من صوبهم ..
انزين عندي اقتراح نبي مواضيع عن اساليب تربية الأبناء وكيف ننتج جيل واعي مثقف متدين حافظ للقرآن وشو هي المشاكل الي ممكن التواجه المتزوجين وكيف يتم حلها بطريقة وديه .. الخ من ها المواضيع لأن ها المواضيع راح اتفيد الناس أكثر ولازم المقبلين على الزواج يكون عندهم وعي بها الأمور وملمين فيها قبل الزواج ..
وودرك من مواضيع وين اتسكن زوجتك ووين اتحطها وكيف تشل بطاقتها وما ادري شو بعد من مواضيعك الفنتق..
وبس والسموحه ع الأطالة
وخيتكم
بنت مسندم
