• رؤيتنا : أن تكون برزتنا قلما حرا صادقا مبدعا
    رسالتنا : أن تكون برزتنا مثالا لمصداقية وموضوعية الكلمة وممثلة خير تمثيل للاسم الذي تحمله وتسعى دائما للم شتات القبيله المترامية الأطراف وحسب الامكانيات والسبل المتاحة لدينا مستعينين بما نملك من أقلام قادره على التغيير والابداع
  • مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

الخيانه

alzeer

๑ . . عضو ماسي . . ๑
إنضم
28 أكتوبر 2003
المشاركات
1,346
مستوى التفاعل
2
العمر
44
الإقامة
في قلب .......؟
الموقع الالكتروني
www.alshohooh.com
يياللي زعلت إزعل ولاني مراضـيك ..... أشرب كدر ماي البحر كانه أرضـاك

لا تحسب أني عقب صدك بداريـك ..... بأعز نفسي عنك مـدراك مــدراك

أربـع ســنين وأنا متحمـل تغليك ..... راضي بتعذيبك لأجـل قلبٍ أغـلاك

وخليتني واليــوم والله لأخـليـك ..... وأدوس قـلبي لينـه يقـول خـلاك

قبـل توريني الحسـاير بأوريــك ..... ليمن يقـال فـلان هانـك و ورآك

كـانك تحداني فأنـا أقبـل تحـديك ..... وأنسى الغـرام اللي مـضى وأتحداك

مـاني بقايـل لك عسى الله يهنيـك ..... الله يحـرمك كـل مـا كان هنّــاك

عـسى العمـى ياخاين العهد يعميـك ..... فوق الغرور اللي عن الماضي أعماك

وعسـاك ما تسمـع قريب يناديـك ..... حيثك تجاهل صوت محـروم نـاداك

وعسى الشلل يعـوق رجـلٍ تمشيك ..... لـينك تنـدم ليـه غـيرت ممشـاك

وعسى حياتك بس فرحـة لشـانيك ..... يلقى بها الفـرصـة عدوك ويشناك

وعسى الليـالي اللي تجيني بطاريك ..... يصبح عليها الصبح ويموت طريـاك

وعسى المنـام وكل راحة تجافيـك ..... آمين حتى اللي تمنــاه يجفـــاك

وعساك ما تفـرح وتكثر بـلاويـك ..... وأمك تشـق الجيب من عظم بلـواك

وإلى مت جعلك في جهنم تصـاليـك ..... نار الجحيم ونار دنياك تصـــلاك

الله يكـره فـيك حـتى دوانيــك ..... غشـاش خـاين من من الناس داناك

هذه النهايـة روح والله يجازيــك ..... أمسـك ويومـك عنهم الغد يجـزاك


تحياتي
الزير
 
رد : الخيانه

صح لسانك اخوي الزير..

كلمات رائعه جدا ..

تحياتي لك

العوسج..
 
رد : الخيانه

السلام عليكم


صح لسانك يالزير

كلمات قويه بس الصراحه تصلح للخائن

ذياب
 
رد : الخيانه

تعيبني مثل هاي الابيات القويه

رووووووووووووووووووووووعه والله ما اجذب او اجامل

تعال و حط لنا دوم شرات هاي الابيات

تسلم يدك اخوي
 
رد : الخيانه

تسلمون عالمرور ذياب والعوسج وشما البطرانه
وفالج اللطيب يا شما

تحياتي
الزير
 
رد : الخيانه

.. الزير ..

أبيات شعرية ذات تفكير متسلسل ..

.. غرض شعري جميل .. فباب الغدر له زوايا عديدة ..


.. شكرا ..
 
رد : الخيانه

العفو يا احساس uae

ومشكوره عالمرور


تحياتي
الزير
 
رد : الخيانه

تسلم يالزير علي هذي الابيات

والاه الابيات قويه حيييل



بس هذي جزات الخاين


كل شي ولا الخيانه
 
رد : الخيانه

الله يسلمج ويسلم غاليج
ومشكوره عالمرور


تحياتي
الزير
 
رد: الخيانه

صح لسانك

تسلم
 
عودة
أعلى