أنور البحري
๑ . . عضو بقراطيسة . . ๑
زعلان لجلك صديقي وواجد اتألم
الناس ماهم سوا وكثيرهم حوٌم
الجيد منهم يغشك وانت تتألم
كلٍ يخطط ويرسم كيف يتنعم
ويوقعك في شراكه كنٌ ما تعلم
باسلوب طيب وحكمه قناعها يُفهم
ويحسب إنه تفنن واتقن المغرم
مايدروا ان الثقة والصدق هي معلم
لحسن ظنك وطيٌب أصلك المفعم
خلوا صفات الكرم والنبل فيك مغنم
مايدروا انك تداري ومسوي ماتفهم
عسى لعلى ويمكن فسلهم يندم
ويوم تجيك الدراهم وتصير متنعم
تلقى حواليك كل القوم كالخدٌم
وإن عاودتك النوايب سروا كلٍ وله محرم
كأن مايعلموا إن البقا أسلم
فالعرف والقبيلة وكلنا نفهم
إن المواقف في الشِدات شي ملزم
وفي الرخا والسعادة مالها ملزم
أنته وانا والبشر وكلنا نفهم
المعذرة يا صديقي ما اقصد انك صم
القصد يا صاحبي تعرف وتتحكٌم
فالطيب هو والكرم لازاد نتندم
عن ناس عشنا معاهم أكيد نتألم
طبع البشر يا صديقي من قل طيبه ذُم
ومن تعامل بطيبه (خجف) ما يفهم
هذي دروس الزمن لبيب من يفهم
وأنت طبعك مثالي كيف ماتفهم
صحيح إن التسامح والكرم أسلم
في عين مثلي ومثلك ودوم نتألم
خذها نصيحة رفيقي من اليوم مافي هم
واللي يسوي علينا شويطر بصدق مايلزم
