ღღ ســـلــبـــيـــات الـــمـــواطـــــن ღღ

[ولــ زايد ــد]

السلام عليكم ورحمة الله وبركاته ..


صباح الخير أو مسا الخير ..


في الآونة الأخيرة صرنا نسمع الكثير والكثير ...


" المواطنــــ / ـــــه سلبيين !!!!!! "



فكرت وفكرت ..


وين ؟؟ وكيف ؟؟ وشو هي هالسلبيات ؟؟؟



اذا نظرنا .. وامعنا النظر ..

وركزنا فكل اللي نسمعه ونقراه ..

راح نعرف ونشوف ان السلبيات في :




* التوظيف :


الموطن ما يحب غير الوظايف الراقيه والعليا ..

المواطن غير مدرب ..

المواطن خبرته سطحيه او عديم خبره ..

المواطن مب قد المسئوليه ..

المواطن راتبه عالي ..



* التعليم :


الموطن محدود التعليم ..

المواطن معدوم أو قليل الثقافه ..

المواطن غير طموح ..




* السلوك :


المواطن مقلد للغرب ..

المواطن غريب الاطوار ..

المواطن " خقاق " متكبر ..

المواطن يحب المظاهر ..



لقد تناولت ( 3 ) محاور فقط ..


لاني لو ذكرت الجميع ..

أو كتبت كل اللي اسمعه يمكن اصاب بالصداع والقهر ..

قد يكون المواطن سلبي ..

وقد تكون هناك سلبيات ..


الدولة وشيوخنا مب مقصرين في تأهيل المواطن ..


ولكن ..


ان كانت هناك سلبيات :

* فأين تكمن ؟؟؟

* وما هي ؟؟

* وما سببها .. ؟؟



واذا عندكم ردود على تلك المحاور فنتمنى الاستفادة والافادة ..



الموضوع لا يتهم احد ..

بل هو واقع وعلينا بيان الصورة الملونة ..

وكل العذر للجميع ..



صدق والله هل هو من البطره مثلا؟!

ولا لأنه شيوخنا مب مقصرين ويانا ؟!

حبيت اني اتناقش معاكم في هذا الموضوع و لذلك عرضته عليكم


تحيتي وتقديري ..

 

[نبـ الروζ ـض..~]

رد: ღღ ســـلــبـــيـــات الـــمـــواطـــــن ღღ

أحلى تقييم لروعة الموضوع

تسلم ولد زايد

 

[الجارح2003]

رد: ღღ ســـلــبـــيـــات الـــمـــواطـــــن ღღ

شكرا على طرح نفس هذا الموضوع..

المواطن غير
والوافد غير
والإمارات غير
والدول العربية غير
صلوا على ذكر النبي
صلوا على ذكر النبي..

أولا : ضعف الوازع الديني..
ثانيا: الفلوس تغير النفوس..
ثالثا: وبالتالي الكبر والأنفة..

للأسف الشديد..
تصدق ياخوي ولد زايد؟
المواطن اللي ما يهتم بشغله وشايف عمره وحالته حاله هذا انا ما اعتبره مواطن
وإن كانت عنده الجنسية الأماراتية
اقصد يمكن كان من جنسية غير إماراتيه ويمكن بعد غير عربية.. وتجنس وشاف عمره
للأسف الشديد

يوم تشوف مواطن مهتم ف البلاد تقول هيه صح هذا ولد البلاد..ولد البلاد اللي يرفع راس اهله وقبل هذا يرفع راس وطنه وشيوخه بعمله وعلمه..

الحين تشوف المواطن (طبعا مب الكل) عادي اشتغل والا ما اشتغل وحتى لو اشتغل ما يهتم بشغله
يقول عادي بحصل غيره إذا تفنشت ..الوافد يتمسك بشغله وما يودره ويخلص فيه لأنه يحمد ربه انه حصل له شغل..

الواقع مرير الصراحة والكلام يطول في هذه الموضوع
بارك الله فيك ياخوي

أخوكم الجارح2003

 

[ولــ زايد ــد]

رد: ღღ ســـلــبـــيـــات الـــمـــواطـــــن ღღ

الـ ح ـاتمية

تـــســـلـــمـــيــن عــلــى الـــمــرور و عـــلــى الــتــقــيــيــم ^^

الجارح2003

تــســلــم عــلــى الــمــرور اخــوي

و انا ما ارمس عن المواطن في الدوام بس
ياخوك حتى الزبايل الله يعزكم منو الي يفرها
و يوسخ الشوارع !! اتخيلو انه اكثر الي يفر الاوساخ من جامة السياره
المواطنين ؟!!؟
وين الاهتمام ؟! هاي دولتك مب دولة الهندي الي ينظف فيها؟!
المفروظ انت الي تهتم فيها مب غيرك ^^

 

[برنسيسهـ]

رد: ღღ ســـلــبـــيـــات الـــمـــواطـــــن ღღ

*
*
{{ هلااا

لو شو ماصار مصيرنا واحد ، ، ،- - ->> كنا بنكون بتراب

فالواحد ليش يكبر ويتعالهـ ، ، ، وها شي غلطـ

اما بخصوص الوظائف شو المانع مادامها وظيفهـ محترمهـ ويترزق من وراها بيزات بالحلال

بس الناس تهتم بالمظاهر وها الشي غلط

خخخخخخخ

اما التعليمـ الله يستر

رسولنا وصانا بالعلم - - ->> بس اغلبية المواطنين الشباب يعنى ماعندهم شهادة ثانويهـ

وااايد عندنا نمادج من ها الشي

بس يا الله هاي الدنيا ، ، ،

اعتقد انهم لو عاشوا ايام اول يمكن يحسون بنعمهـ اللي عايشينها بها الوقت

اتصدقون في حريم اكبار يتمنون انهم يتعلمون بس ماشي ، ، ،

ونحن محصلين كل شي ع البراد ، ، ، وهم مانشكر

بس يا الله الواحد شو يقول غير الله يهدى اليميع

وتسلم ع الطرح موضوع يستحق النقاش

وربي يحفظك

 

[ReaL DaY]

رد: ღღ ســـلــبـــيـــات الـــمـــواطـــــن ღღ

هذاك قبل الحين الوضوع تغير

 

[ولــ زايد ــد]

رد: ღღ ســـلــبـــيـــات الـــمـــواطـــــن ღღ

بنت الغلا

تسلمين على انضمامج للموضوع و المشاركه فيه ^^




ReaL DaY

اظني موضوع للنقاش مب موضوع اكتب جمله صح ؟!

لازم الموضوع يخترب ليش ما ادري !!

على العموم تسلم على المرور

 

[M!ss_Maharee]

رد: ღღ ســـلــبـــيـــات الـــمـــواطـــــن ღღ

---{ ولد زايد ~*

السلام عليكم ورحمة الله وبركاته
يسعد لي مساآك / صبـاآحك بكل خير وبركه
حيـاآك الله شيخي منور القسم بطلتك

فعلا موضوع مهم جدا ، حبيته وقلت لازم أبدي رآيي .. !

لا ننكر جميعا إن في فئه كبيره من المواطنين فيهم المواصفات اللي قلتهن
ويمكن هيه الفئه الغالبه ..

لكن مهما كان هذا الشي ما يمنع إن في ناآس غير جذيه ، وكل مجتمع على هالدنيا
فيها الإيجابيات والسلبيات ومجتمع الإمارات مجتمع كباقي المجتمعات ..

يمكن الفرق إن هنيه نحنا نقارن لكثرة العماله الوافده اللي عندنا ، قمنا نقارن بينهم وبيننا
تلقاهم دكاتره , مهندسين إلخ .. أما المواطن تلقاه مخلص الثنويه بشق الأنفس ويالله يالله تقبله الجامعات ..

مب إلا في الدراسه مثل ما ذكرت في مجالات واايد .. ولا أزيد على كلام أخويه الجارح ..
أول سبب هوه قلة الوازع الديني ، في هذا الزمن .. وأيي عقبها الفلوس اللي خلتهم مب محتاجين يشتغلون ويكدون
مثل الوافدين ... !

طبعا هالناس اللي ذكرتهم شوهوا صورة المواطن الإماراتي الحقيقة
للأسف هذا الواقع اللي نعيشه

ما أقول غير الله يهديهم ..
تسلم يمناآك شيخي وربي يعطيك العافيه
في إنتظار اليديد من صوبك .. !

 

[عيوز مشتطه]

رد: ღღ ســـلــبـــيـــات الـــمـــواطـــــن ღღ

متعودين على البطره ..

بعدين لو بتلاحظ الوافدين او الاجانب بالاخص يحبون شغلهم لو شو ما كان ..

يحبونه ويشتغلون من خاطرهم ..

المواطنين يتذمرون وما يعيبهم شي .. هبابهم الا يدورون الاجازات ..

الاساس :m_down:

ماشي تنظيم ولا شي مساواه والواسطه تلعب دور كبير فالدوله و و و الخ

كيف بتظهر ناس يعتمد عليهم بشكل كلي !

 

[راعـي الاستندر]

رد: ღღ ســـلــبـــيـــات الـــمـــواطـــــن ღღ

كثر الله خيرك ولــ زايد ــد و تسلم على الموضوع الرائع

في الحقيقه نقدر انقول كل الي ذكرته ينطبق على المواطن
و هاي حالتنا بس شو بنقول !!
لو كل واحد يهتم في نفسه مب يهتم في الناس الثانيه كانت بتتغير الاوضاع
بس كل واحد يقولك فلان داوم و عنده شهادة ثانويه انا بعد بداوم اول ما اخلص ما يحتاي اكمل و جي السالفه

الصراحه موضوع جميل جدا و تسلم يمناك شيخي
والله يهدي المواطنين و المسلمين اجمعين يا رب