من طبعي ارد الأساءه بالأحسان

[الناي]

من طبعي ارد الإساءهـ { بالاحسان }
وأساير ظروف الزمان اللعينه ..



وأطوف الغلطهـ من { أفلان .. وفلان }
يعني من أجل { عين } تكرم مدينهـ ..



الكامل الله والخطا طبع { الانسان }
والدرب يفرق عن يسارهـ ويمينهـ ..



و { ـالصاحب } ا للي لـهـ معزهـ ولهـ شان
ان جاني بـشينهـ.. تذكرت زينهـ ..



اتحمل اخطاءهـ معي { قدر الأمكان }
من جانبي تبقى العلاقهـ متينهـ ..



واللي { يغلطني } وانا ماني بغلطان
اصابعي احطها { وسط عينه } ..



مادامني مسلم وفي قلبي إيمان
عمر{ البحر } ماشال هم السفينه ..



مرت علي { انواع .. واشكال .. وألوان }
بين { العقول } الناقصهـ .. والرزينهـ



عندي قناعه ان { الإنسان شيطان }
اذا يهينكـ { لازم } انك تهينـهـ ..



يعني اذا حاجتكـ { بيدين عدوان }
يكفيكـ شر المهزلهـ .. والغبينهـ ..



من{ كثر ماجاني } من الناس خذلان
تحرجني حتى كلمة { الله يعينهـ }



صحيح لي { ربع .. وجماعهـ .. وخلان }
وأضيق لكن حاجة الناس.. شينهـ



الشخص دام انه بكل شي{ خسران }
تأكد انهآ من عمايل { يدينهـ } ..



من مرحلة { حب .. ومشاعر .. وحرمان }
إن مالعنت الحب تلعـــنهـ سنينهـ ..



اكتب شعر واعزف من { اشواقي الحــآن }
واسلي قلوب الغرام الحزينـهـ ..



ولو الشعر مخلوق في { هيئة انسان }
والله لأقول له تسلم { واقبل جبينهـ }...~

 

[سطام بن زيد]

رد: من طبعي ارد الأساءه بالأحسان



قصيدة رووعة

بقتبسها

ويا حيكم بااا

 

[عنابة]

رد: من طبعي ارد الأساءه بالأحسان

معانيها ساميه

وصح ألسانه

 

[الزبرجد]

رد: من طبعي ارد الأساءه بالأحسان

وأطوف الغلطهـ من { أفلان .. وفلان }
يعني من أجل { عين } تكرم مدينهـ ..

قصيدة حلوة

والناي اسم حلو ^_^

ذكرت قصيدة جبران "اعطني الناي"

 

[مهرة بلا فارس]

رد: من طبعي ارد الأساءه بالأحسان

•
•
•
صح لسانه الشاعر
.
واختيار مميز خيو
•
•
•

​