• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

تختار أبوك ..والا صديقك؟؟..قلبي يتقطع.. اقربوا

الجارح2003

::مشرف الصوتياتـ الاسلامية و برزة المناقشات الجاده
مشرف
التسجيل
16 فبراير 2003
رقم العضوية
143
المشاركات
8,116
مستوى التفاعل
1,808
الجنس
الإقامة
في قلبكـ
الموقع الالكتروني
بسم الله الرحمن الرحيم

السلام عليكم ورحمة الله وبركاته

امس كنت يالس ويا ربيعي وقال لي بغيت اسألك يالجارح
قلت له :تفضل اسأل..
قال لي: لو يا ابوك وقال لك يالجارح لاترابع فلان مع ان هالفلان ربيعك ودوم وياه ووايد تعزه..فشو بيكون موقفك!
هني انا سكت ما قدرت اقول شي..وتميت الف وادور في الموضوع
قال لي: هالسالفة صايرة ويا واحد من الشباب وهالشاب محتاار شو يسوي..طاعة الوالدين واجبة
وبعد ربيعه ما يبا يقطع علاقته فيه لأنه وايد يعزه ويقدره..


يقول لي
ربيعه ماعليه رمسة طيب وحبوب ودوم هو وياه
فكيف تباه يالوالد ما اربعه
اقطع علاقتي فيه؟!!
شو السبب؟



والاب معروف عنه انه يعاند وما يتفاهم..ويقول الوالد : هالولد اللي ترابعه ما ارتاح له..

شو يسوي هالولد !!
يوقف بصف أبوه ويقطع علاقته ويا ربيعه
والا يعاند أبوه ويطنش كلامه ويرابع ربيعه وكأن شيئا لم يكن..

والا عندكم حل آخر<<وهذا المطلوب..
شغلوا هالتنك اللي فوق راسكم وعطوني الحل هع


قلبي يتقطع على هالولد ..شو يسوي؟


بغيت أحطكم في نفس الموقف..
شو بتسوون في هالحالة ؟؟

أخوكم الجارح2003
 

ReaL DaY

๑ . . عضو مؤسس . . ๑
التسجيل
1 مارس 2005
رقم العضوية
3177
المشاركات
14,017
مستوى التفاعل
1,551
الجنس
الإقامة
كوكب قحط
رد: تختار أبوك ..والا صديقك؟؟..قلبي يتقطع.. اقربوا

سلامه قلبك


بس اجوف الايام يتحل هاي المساله خصوصا انه ماشي سبب غير عناد الاب
 

الجارح2003

::مشرف الصوتياتـ الاسلامية و برزة المناقشات الجاده
مشرف
التسجيل
16 فبراير 2003
رقم العضوية
143
المشاركات
8,116
مستوى التفاعل
1,808
الجنس
الإقامة
في قلبكـ
الموقع الالكتروني
رد: تختار أبوك ..والا صديقك؟؟..قلبي يتقطع.. اقربوا

سلامه قلبك


بس اجوف الايام يتحل هاي المساله خصوصا انه ماشي سبب غير عناد الاب
الله يسلمج خيتو..
الايام؟
يعني شو يسوي الحين الولد..؟؟
يسلمووو خيتو ريل داي عالرد الطيب

أخوكم الجارح2003
 

::قمر 14::

๑ . . عضو ملكي . . ๑
التسجيل
28 مارس 2009
رقم العضوية
10234
المشاركات
2,008
مستوى التفاعل
217
الجنس
الإقامة
في قلب البحر
رد: تختار أبوك ..والا صديقك؟؟..قلبي يتقطع.. اقربوا

هالموقف صار لي .. الوالد الله يرحمه قالي لااترابعين فلانه وجدامهااا بعد تمت تترجاني ماأخليهااا واتصيح

لكــــــن ماكسرت كلمت الوالد الله يرحمه ونفس اللحظه فهمتهاا وقلت لهااا هذا رغبة الوالد ولاتزعلين

وعقب فتره يوم فريت السالفه ف راسي قلت أبوي قالي لااتكلمينهاا ماقالي لااتراسلينهاا .. !!

انزين شو سويت كتبت لهاا رساله باسمي واسم ربيعتناا الثانيه وبعثت فيهاا سلامي لكن للأسف ردت كتبت رساله بس موحقي حق ربيعتي الثانيه

حتي ماكتبت سلمي على فلانه .............. !!!!!!!!!!!!!!!!!!!!!!!!!!!!!!!!!!!!

تخيلوا هالموقف ,,,,,,,,,,,,,, انصعقت <>

يعني حاولت أوصلهااا وكنت بقنع الوالد الله يرحمه ويغفر له وأصلااا كنت بخبره اني راسلتهااا لأني ماأخش شي عليه

بس تظنوون هي تستاااهل هالشي اللي سويته ...؟؟

وفي رآآآآآيي مهماا كان الأب عنيف وعنيد وف المقابل مهما كان الصديق طيب وحنون

محد يستاااهل أبدل فيه أبووووي وأعز ناسي اللي كبرني وصرف علي

ملاحظه : ترى ربيعتي نفس الشي كانت طيوبه وموول ماتزعل ... ؟؟ بس سبحان الله يغير ولايتغير

تسلم أخووي الجارح ع الموضوع ,, وسر قل حق ربيعك ومن دون تردد .. يمكن الوالد يشوف شي انت مااتشوفه

وربيعك مابيتم لك طول العمر مصيره بيمل منك وماراح يصرف عليك ,,, بس الوالد عنده ماعنده كله لك ومايفكر يتخلى عن ضناه

ولاننسى سيدنااا إبراهيم عليه السلام يوم قال حق ولده اسماعيل عليه السلام ( إني أرى في المنام إني أذبحك )

شوكان ردة فعل سيدنا اسماعيل !! قال سمعا وطاعه ,, وسبحان الله أبدله بكبش وماانذبح ,,

ومن ترك شيئا لله عوضه خيرا منه

أعتذر ع الاطاله بس اندمجت ف السالفه^^
 

الجارح2003

::مشرف الصوتياتـ الاسلامية و برزة المناقشات الجاده
مشرف
التسجيل
16 فبراير 2003
رقم العضوية
143
المشاركات
8,116
مستوى التفاعل
1,808
الجنس
الإقامة
في قلبكـ
الموقع الالكتروني
رد: تختار أبوك ..والا صديقك؟؟..قلبي يتقطع.. اقربوا

هالموقف صار لي .. الوالد الله يرحمه قالي لااترابعين فلانه وجدامهااا بعد تمت تترجاني ماأخليهااا واتصيح

لكــــــن ماكسرت كلمت الوالد الله يرحمه ونفس اللحظه فهمتهاا وقلت لهااا هذا رغبة الوالد ولاتزعلين

وعقب فتره يوم فريت السالفه ف راسي قلت أبوي قالي لااتكلمينهاا ماقالي لااتراسلينهاا .. !!

انزين شو سويت كتبت لهاا رساله باسمي واسم ربيعتناا الثانيه وبعثت فيهاا سلامي لكن للأسف ردت كتبت رساله بس موحقي حق ربيعتي الثانيه

حتي ماكتبت سلمي على فلانه .............. !!!!!!!!!!!!!!!!!!!!!!!!!!!!!!!!!!!!

تخيلوا هالموقف ,,,,,,,,,,,,,, انصعقت <>

يعني حاولت أوصلهااا وكنت بقنع الوالد الله يرحمه ويغفر له وأصلااا كنت بخبره اني راسلتهااا لأني ماأخش شي عليه

بس تظنوون هي تستاااهل هالشي اللي سويته ...؟؟
قصة من الواقع تسردها لنا الأخت قمر 14..
ماادري الصراحة إذا كان تصرفج سليم ..هو فيه ذكاء الصراحة تصرفج بعدها
وردت فعل البنت اظني كانت تتغلي أو شي من هالقبيل على اساس تعتذرين منها
وتحسين بالذنب..والله العالم..ومنح حقها تزعل ترى..ومن حقج بعد ماتخالفين أبوج..
المسألة صعبة شوي..


وفي رآآآآآيي مهماا كان الأب عنيف وعنيد وف المقابل مهما كان الصديق طيب وحنون

محد يستاااهل أبدل فيه أبووووي وأعز ناسي اللي كبرني وصرف علي
وجهة نظر أحترمها..

ملاحظه : ترى ربيعتي نفس الشي كانت طيوبه وموول ماتزعل ... ؟؟ بس سبحان الله يغير ولايتغير
يمكن هي انصعقت نفس ما انصعقتي انتي..

تسلم أخووي الجارح ع الموضوع ,, وسر قل حق ربيعك ومن دون تردد .. يمكن الوالد يشوف شي انت مااتشوفه

وربيعك مابيتم لك طول العمر مصيره بيمل منك وماراح يصرف عليك ,,, بس الوالد عنده ماعنده كله لك ومايفكر يتخلى عن ضناه

ولاننسى سيدنااا إبراهيم عليه السلام يوم قال حق ولده اسماعيل عليه السلام ( إني أرى في المنام إني أذبحك )

شوكان ردة فعل سيدنا اسماعيل !! قال سمعا وطاعه ,, وسبحان الله أبدله بكبش وماانذبح ,,

ومن ترك شيئا لله عوضه خيرا منه

أعتذر ع الاطاله بس اندمجت ف السالفه^^
تسلمين أختي قمر 14 عالنصيحة الطيبة..
بالنسية لسالفة يصرف علي أو لا..فمو هني العقدة أو الحبكة..
الصديق هو كل شي
منو اللي تفتح له قلبك ؟ ابوك والا صديقك؟
اكيد بتفضل صديقك..لأن ابوك يمكن تخاف أو تستحي منه..
منو اللي يواسيك ويقاسمك همومك وتشوفه في المهمات الصعبة..الخ..

وفقك الباري..وتستاهلين التقييم

أخوكم الجارح2003
 

رفيع الشان

๑ . . شخصية هامه . . ๑
التسجيل
20 مايو 2004
رقم العضوية
1673
المشاركات
11,722
مستوى التفاعل
1,704
الجنس
الإقامة
في سما الحرمان
الموقع الالكتروني
رد: تختار أبوك ..والا صديقك؟؟..قلبي يتقطع.. اقربوا

يسمع كلام ابوه

ويرمس ربيعه لو كان مصطلب وزين من تحت لتحت

فهمت شي


وسلملم
 

الجارح2003

::مشرف الصوتياتـ الاسلامية و برزة المناقشات الجاده
مشرف
التسجيل
16 فبراير 2003
رقم العضوية
143
المشاركات
8,116
مستوى التفاعل
1,808
الجنس
الإقامة
في قلبكـ
الموقع الالكتروني
رد: تختار أبوك ..والا صديقك؟؟..قلبي يتقطع.. اقربوا

يسمع كلام ابوه

ويرمس ربيعه لو كان مصطلب وزين من تحت لتحت

فهمت شي


وسلملم
خخخحخخخخخ
كما جاء في الحديث ((اقضوا حوائجكم بالكتمان..))أو كما قال عليه الصلاة والسلام
فهمت فهمت
شكرا خيو رفيع الشان عالتواجد المشرف الصراحة..
موفق

أخوكم الجارح2003
 
التعديل الأخير:

ReaL DaY

๑ . . عضو مؤسس . . ๑
التسجيل
1 مارس 2005
رقم العضوية
3177
المشاركات
14,017
مستوى التفاعل
1,551
الجنس
الإقامة
كوكب قحط
رد: تختار أبوك ..والا صديقك؟؟..قلبي يتقطع.. اقربوا

يعني على قولة القايل اقضوا حاجاتكم بالكتمان هع

هذا حديث يالمغفي عدل ردك الملفع
 

برنسيسهـ

๑ . . عضو مؤسس . . ๑
التسجيل
10 يونيو 2007
رقم العضوية
6984
المشاركات
16,870
مستوى التفاعل
1,665
الجنس
رد: تختار أبوك ..والا صديقك؟؟..قلبي يتقطع.. اقربوا

*
*

{{ هلا والله

اسميك توهقت - - ->> الله لايحطينا بها المواقف صعب الصراحهـ

كل واحد لهـ معزتهـ >> انا اقول لو تقعد تفهم الوالد تقولهـ ان اربيعك ولد ناس

وبحياتك ماسمعت عنهـ شي غلطـ ، ، شو العائق اللي يمنعني عن مرابعتهـ

ولو مااقتنع منا المشكلهـ عاد

اكيد لو تطيع الوالد بيكون افضل

الاصدقاء يتعوضون صدقني بس الاب واحد ، ، ، وربنا وصانا عليهم

وبطاعتهم وعدم معصيتهمـ الا لو جبرونا ع شي يعارض دينا

واكيد دامهـ قالك ها الكلام يبغي مصلحتك

انا اقول ابوك اولهـ ، ، ،

وربي يحفظك
 

ولــ زايد ــد

๑ . . حبوب البرزة . . ๑
التسجيل
19 يونيو 2009
رقم العضوية
10597
المشاركات
91
مستوى التفاعل
4
الجنس
رد: تختار أبوك ..والا صديقك؟؟..قلبي يتقطع.. اقربوا

السلام عليكم و رحمة الله و بركاته

الحمدالله ابوي يقولي هاايلا ربعك و انت اختارهم

بس لا تتأثر فيهم ^^

انا برمس عن نفسي لو انحطيت فيها الموقف

في البدايه باخذ الولد على صوب و بقوله شو استوا بينك و بين ابوي؟!
شافك اتسوي شي غلط ؟! ترا نبهني اني ما ارمسك و جي !!
و بتفاهم وياه اذا كان سوا شي غلط و عادي اودره فتره
اما اذا ما بدر منه اي سلوك خاطئ هني بيي عند الوالد
بيلس وياه بسولف اشوي و اشوي اشوي بسحبه في الرمسه
مثلا بنكون انسولف و بقوله ابوي تعرف فلان بيقولي هيه
بقوله كنتو ربع يوم كنتو اصغار و جي الي هو ابو الولد
يمكن يكون عندهم ايام سابقه و يعرف ابوه عدل و بيشرحلي وضعهم
اما اذا كانت سالفة عناد بس ممم انا طبعي عنيد و دوم اعاند ابوي بس مب في اشياء نفس جي لا اشياء واضحه اتكون
و ابوي الحمدالله ريال متفهم بقوله والله الولد طيوب و حبوب و ما عليه كلام
و بعطيه صوره غير عن الي في راسه للولد
و بس ^^

تسلم اخوي على الطرح
 
عودة
أعلى