خلاص ما ابيك

[بدويه بطباعي]

خــــــلاص ما ابيك

بسم الله الرحمن الرحيم


السلام عليكم ورحمة الله وبركاته

هلا والله منورين الصفحه

بس الاعضاء اللي يردون منورين اما الاعضاء اللي يشوفون ويبرحون الا ما ابغيكم

شيلا بيكم خير حتو شكرا ما تقولون طفوس!!!!

المهم حبيت اكتب لكم اخر ابداعتي الشعريه ويا كترهي من ابداعات يا كترهي

جيسله من العصر للمغرب واونا اكتب

شطري طوح

يلا اقرو بتمعن وبتركيز :Afkr:


خلاص انا قررت ببعد واخليك *** مادام في حبك خضوع ومذله.

ابتركك لصوت الاشواق يدعيك *** وامحي الغلا من داخل القلب كله.

واطوي حبك صفحات ماضيك *** دام الغلا يا صاح ما انت باهله.

دور على غيري حبيب يهاويك*** يقبل خطاك ويحتمل كل زله .

عنيت قلب يا عسى الله يعينك*** وكرهتني بالحب دقه وجله.

عسى هموم الوقت دايم تباريك***ودرب الامل طول العمر ما تدله.

وعسى الحزن يا قاسي القلب يرويك*** ودمعك بعد فرقاي تبطي تهله.

كنت امس غالي لكن اليوم ما ابيك*** ما ابيك لو بعدك حياتي ممله.

وخذها نصيحه في حياتك بأوصيك*** إلا حبيبك لا تفكر تذله ¤

يابنت~انا شحي وبعيشتي ما تنعمت رمز البداوة سيف وللكيف دله^

يكفي اني من البداوة تعلمت ان أركوع لغير ربي مذله¤

:122:

ميرسي ميرسي

ميرسي بكو

 

[سامر الليل]

رد: خلاص ما ابيك

الله الله صح لسانك أختي . لا فض فوك

 

[بدويه بطباعي]

رد: خلاص ما ابيك

الله عليك

صح ابدنك

ان شالله ما يفض فويييييي ما ادري كيف تنكتب

تسلم ع المرور

 

[العود الازرق]

رد: خلاص ما ابيك



كلمات في قمة الرووووووووعه .. وفكره جميييييييله ..؟؟
تقبلي بعض كلماتي وارتجالي على صفحتك .. اختي


بدويه وبالاصاله شامخه الـــــــــراس
".............."ما قد وطت دروب المهانـــــــــــــــــه

حشيمه عن تبع كل الادنــــــــــاس
".............."الحب في شرعها ماهو بإهانـــــــه


تحياتي

 

[بدويه بطباعي]

رد: خلاص ما ابيك

تصفيق حار مني للعود الازرق

تسلم تسلم تسلم

وتقبلنا منك الرد الحلو

صح السانك

ومنور الصفحه يا اخوي

 

[بن يديد الدغفلي]

رد: خلاص ما ابيك

كلمات روعة و طموشة

صح لسانج ونتريا جديد القوافي

 

[رفيع الشان]

رد: خلاص ما ابيك

يابنت~انا شحي وبعيشتي ما تنعمت رمز البداوة سيف وللكيف دله^

انتي بنيه الحين ولا ولد


المهم قصيده جميله


وبدايتها كانت روعه


شاكر لج مشاركتج

 

[الزبرجد]

رد: خلاص ما ابيك

ايه والله صحيح، كيف انتي بنية وتكتبين / يابنت؟

بس القصيدة روعة، مع اني ضد الدعاء مع سرد المشاعر .. حتى لو انه مجرد خاطر أو بيت شعر

واللي يحب يغفر في عُرف الوفاء الممدود، أو حتى يتصيد الأعذار الممكنة

<< مجرد رأي مايقلل من جمال الأبيات (f)

 

[نبض الغلا]

رد: خلاص ما ابيك

صح لساانج حبوبه

تسلمين ع القصيده

يعطيج العافية..^^

ونتريا كل يديد من صووبج..^^

 

[مشكلجيه]

رد: خلاص ما ابيك

بدوووووويه عن الكدب اونه ااخر ابداعاتي وروووحه ولا شي اخرطي

يالحررااااميه

يعني حرام انطرش حقج شعر الا وحطيتيه فالمنتدى على انه شعرج

يعني ماشي حقووق الملكيه الفكريه منيه ودرب شليتيه

تدرين انه شعري
وكي بيج خير اعترفي انه ماشعرج وااخر ابداعاتج ع قووولتج