• رؤيتنا : أن تكون برزتنا قلما حرا صادقا مبدعا
    رسالتنا : أن تكون برزتنا مثالا لمصداقية وموضوعية الكلمة وممثلة خير تمثيل للاسم الذي تحمله وتسعى دائما للم شتات القبيله المترامية الأطراف وحسب الامكانيات والسبل المتاحة لدينا مستعينين بما نملك من أقلام قادره على التغيير والابداع
  • مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

شخصيتك من خلال ردك

نازك

๑ . . موقوف . . ๑
إنضم
6 يونيو 2009
المشاركات
353
مستوى التفاعل
26
السلام عليكم ورحمة الله وبركاته

انا ما اقصد شخصيتك من خلال ردودك في البرزه لااااااااااا

انا اقصد شخصيتك من خلال هذا الموقف اللي راح اقوله الحين ،، صبرو بمشي المطبخ بسرق خبزه وجبنه من الثلاجه وبجيكم

المهم

اذا اتصل فيك واحد وو

صبرو اخوي الصغير يباني احط له قناة سبيس تون ،، ابتلينا يعني ما نكتب موضوع يعني

عالعموم عسى ما تأخرت عليكم

شوفو

اذا واحد اتصل فيك من رقم غريب وانت ما كنت موجود ،، وبعدين لما جيت وشليت التلفون شفت رقم غريب ،،

هل انت من النوع اللي يتصل عشان يعرف منو هذا الشخص

او من النوع اللي يطنش

او من النوع اللي يكتفي بمسج ويقول من معي

او من النوع اللي يتصل بعد ما يتكرر الرقم

او من النوع اللي يطنش مهما تكرر الرقم لغاية ما يفصح المتصل عن شخصه بمسج او بالاتصال من رقم انت تعرفه

المهم

هذا تحليل الشخصيه

اذا كنت من النوع اللي يتصل فأنت فضولي

اذا كنت من النوع اللي يطنش فأنت زطي بخيل ما تبغي تخسر فلوسك أو إنك من النوع اللي ما يحب ورمة الراس ولا المشاكل

أما اذا كنت من النوع اللي ما يرد مهما تكرر الرقم فأنت من النوع الميؤوس منه ويجب احالتك فورا وأنت تقرأ هذا الموضوع إلى مستشفى الأمراض النفسيه للنظر في حالتك المستعصية ،،

انا من النوع اللي تجيني حاله هستيريه لازم اعرف منو هذا اللي متصل فيني ،، اجيبو اجيبو ،،

وبسسسسسسسسس

ملاحظة / لا تقرأ كل ما يكتب فليس كل ما ينشر مقروء

شو السالفة​
 
رد: شخصيتك من خلال ردك

الارقام الغريبه ما نرد عليها..واذا حد يعرفني اكيد بيخبروني ..ماله داعي اطرش مسج او اتصل..ما فينا عاد اذا واحد مغلط...مسكين كل يوم يتم معلق ع الرقم وكل يوم يغلط ومسجات توصل بالغلط..عشان جي ما نرد احسن
 
رد: شخصيتك من خلال ردك

انا ماعندي موبايل يوم بشتري موبايل بخبرك عن موقفي

و بسسسسسسس
 
رد: شخصيتك من خلال ردك

و عليكم السلامـ و الرحمه
.

اشحالك انت اعلومك
يا مرحبا و الله
اول شيء خل لي اشوي خبز و جبن
انزين و ثاني شيء بند التلفزون عن اخوك
حشره مسوي ولا خله يقصر
.

اتقول يعني انا الصراحه انسان مب متفيق
اذا شفت مكالمه اعرفها و لا لا طااف
.
.
اوت لو
 
رد: شخصيتك من خلال ردك

اهلين اهلين


حطيلي فور شباب بالاول.،.،.

>>خلاص عسى ما تاخرتي

انا من النوع الي يرسل مسج ب - .؟؟.- بس

غيره بلا قرقره زيادهـ

ويسلمووو
 
رد: شخصيتك من خلال ردك

وبه نستعين


نبدأ محور حديثنا >> الله يسلمكم انا عندي تلفون ابو ليزرين واعتقد تعرفوه هذا جدي اشتراه ب 3000 وشي وحروووم نرميه بالزبالة عيل 3000 حد يفرها حرام عند الله المهم بعد ما جدي شاف ان الموبايل خلاص انتهت صلاحيته عنده وحب يغير حولة لابوي وابوي استلمه واستنزفه لين ما وصل ليي انا وان شاء الله بحولها لاخواني واحد واحد عشان يطلعو قيمته ونستفيد منه بعد


انزين انا عندي قاعدة الي يباني يتصل فيني يعني من باب الاحترام اذا حد داق علي ادق عليه واسوي له رنه لا لا من قال رنه اتصل فيه اذا ما رد هو الخسران واذا يباني فبروحه راح يدق اما يجلس شخص يقول انا واحد ومعرف ايش هذا اعطيه اكبر طااااااااااااااف



x77x
 
رد: شخصيتك من خلال ردك





مرحبا الساع..~

شخصيتي صعب على العلماء تحديدها

فانسى الموضوع..~




 
رد: شخصيتك من خلال ردك

هل انت من النوع اللي يتصل عشان يعرف منو هذا الشخص
 
رد: شخصيتك من خلال ردك

لا


.
 
رد: شخصيتك من خلال ردك

بصراحة انا فيني فضول ولازم أعرف منو متصل
 
عودة
أعلى