بقـَشةْ عِيَايـزْ ;`

[غنَاتْيـے]

​

 

[غنَاتْيـے]

أحَبْ دِهنْ العُودْ وأنواعْ الأطيَابْ . .
وأحب نَاسْ مَا تعرفْ القطيعه ;`

أحبْ كِلْ إنسَانْ راقي وجَذابْ . . ~
صدُوقْ في حبه ونَفسه رفيعه !*






غناتي . . أبصرتْ النُور في العاشرْ من شهر 9 . .
[ مولوده في البيت ] ~> محد يضحك ياويلكم . . :h015:



ييت بعدْ ولدين وبنتين . .
وماتهنيت بالدلع . . عقبي 3 . .
بس مازلت محافظة على مكانتي كـ اصغر بنت . .


دَارْ الظَبي . .
نشأت وكَبرتْ في ربٌوعها . .
فـ عشقتْ ترابها ♥ ,`



حَياتي ;`

عَائلتي + عيال اختيه واخويه + عدستي + ربيعتي مُنى . .



أحبْ ;`


احب القرائه ومشاهدة الأفلام . .

أحب الذهبي والوردي . .

أحب الشعرْ والتصميم . .

أحب الوَرد . .

احب البرْ والبحر والطبيعه . .

أحب القمر والمطر والشتاء . .

أحب أعرف كل شي عن التراثْ . .

أحب الكرك والمحلا . .

أحبْ اعراس الشحوح . . اجواء ممتعه . .




أكره ;`




دكتور الأسنان . .

المكياج . .

التسوق والمولات . .

الأماكن المغلقه . .

المرتفعات . .

الزحمه والحر . .

 

[غنَاتْيـے]

السَلامْ عَليكمْ ورحمة الله وبَركاتهْ . .
يِسعدْ لي مسَاكمْ وأيامكمْ :ax:


خربطيشنْ . . زَاويه متجددة في مُدونتي . .
أتمنَى أنْ تنَال على رضاكمْ . . [ :ah: ]



مَدخلْ ;


بعـَض الفـَرحْ يـَاصاحبـيْ بـَاطنـهْ هـَم . .
. . و بعـضْ الهَمـوم أفـراحْ لو هي حزيـنَه !



لكلْ متابعْ ترك لي بصمه في التقييمْ . .
ألفْ شُكر :bt:



Mode :


listen : . . نَشيدةْ لَولا الأملْ ;`




مممم . . اليُومْ بخبركمْ عن شي غيّر حياتي مِن شهرينْ . .
تخرجت من الكلية ويلست في البيتْ . . وبدتْ حياة الرباده والكسل والسهر . .


أرقد أي وقت وأنش أي وقتْ . . روتينْ قاتلْ . .
كان تفكيري [ يالسه ماعليه قصورْ مافي داعي للوظيفه ] ;

~> ليش كانت تدرس مادري !


بديتْ اتملل وعرفت اني احتاج لتغيير حياتي . . والإنسان لازم مايوقفْ عند نقطه وحده وخلاص . .
قدمت اوراقي كذا مكان . . وربي كتب لي نصيب


حَياكمْ الله في مكتبي المتواضعْ . . :ah:





ماحب ايلس في مكانْ الا لازم ارتبه ع ذوقي . .
وتكون فيه لمساتي الخاصه . .


حوض السمج فيه [ Princess و lazy ]





lazy : البرتقاليه . . وايد كسوله وتستهبل . . دوم تسوي عمرها ميته :bad:
Princess : رقيقه . . ولونها غريب سبحان الله . . حتى في حركتها رشيقه ~> عسى ماشر :h015:






باقة الورد الـ [ تويلب ] كانت أول باقة على مكتبي . .
هديه من ختيه ام بطي بمناسبة الوظيفه اليديده :==:



صح اللحينه أفتقد ايام الترغيد . .
ولازم أعود لـ امجادي قريباً خاصه في الـ weekend . .


بس احساس جميل يوم تكون موظف . .
وعندك مسؤولية :122:




للمُتابعينْ :eh_s(6):






مَخرجْ ;


صـوُعِة غرآمي من هوآكِ تقهويـِـِت . .
وُ فنجـان كـفك ويـن بلقـى مثيـَّله . . ؟

 

[غنَاتْيـے]

قَالتْ بصيفْ بينْ لنَدنْ ومَدريدْ . .
وانته حَبيبي وِينْ نَاوي تصيفْ . . ؟

. . قِلتْ : أتركيني للعَنا والتَناهيدْ ;`
الله يِخلي غِرفتي والمُكيفْ !*



:h_kekh:

مَساكمْ جُوري ~> فكينا ياخي كمْ مره مسيتي عليهمْ اليُومْ . . :g_haha:
ماعليكمْ متحمسه للمدونه لانه توّه يديده . . خلافْ بيبدى الكَسل . .



طويل العمر ابويه . . عنده هواية التعديل والتكسير في البيوت . .
اللي يبى استشاري ولا مقاول ولا مهندس ديكور . . ترى المواصفات تجتمع في ابويه :h_negab:



قال بعدل البيتْ . . وعاد تعالو شلو قشكم . .
وحالياً انا لاجئه في بيت اخويه . . من شهرين وشوي تقريباً . . :h_dam3ah:


وهاي حالتنا :




~> يعيبني هذا اللي فوق . . ينفع مهفّه في الحر :h_kaak:


من اسبوعين وانا ضرابه معاهم . .
الا مره ع ورق الجدران ولا مره ع الكبت ولا السراميك و و و و و إلخْ . .


مايعيبني شي . . وطفرانين مني . .
من نحااااااااااااستي ركبو ورق الجدران وماطلع شرات اللون اللي اباه :h_eheehe:


والله صدق ماجذب . . جيه شكلي [ :h_eheehe: ]
ترى انا صيّاحه اعرف عمري محد يعيب . . اللحينه غيروه . .


امس ركبو الثريا . . اشوف ابويه ياي محتشر . .

ابويه : حشا مب ثريا الهندي يركبها من العصر لين المغرب :g_ouf:
ثرها كلها كرستالات ويركبها حبه حبه موول مادعى عليّه . .



سرت اليوم فوق . . ريحة الصبغ تصك الصدر . .
صورت الغرفه لـ عيون عيوز مشتطه :h_love:





بعدها ماخلصتْ ابى افتك . .
~> مافيها صبر هالبنت :h_9admah:


باقي لي اشيا بسيطه . . وأثاثي وصل أمس من إيكيا . .
ماخذت غرفه كامله . . حبيت أيمع كل شي بروحي






لأننا نتقن الصمت ; حمّلونا وزر النوايا . .

[ غَاده السمّان ]

 

[غنَاتْيـے]

السَلامْ عَليكمْ ورحمة الله وبَركاتهْ . . ;
مساكم طوق ياسمينْ :h_kashkha



في البِدايه . . شُكراً بحجمْ السمَاء لـ :

عيوز مشتطه . . M!ss_Maharee . .‏الـ ح ـاتمية . . رهف . . رعشة هدب . . شيخة البنات . .
‏»ǾùTlâw« . . جدايل . . ღالنشميღ . . القاضي . . القيصر . . الجارح 2003 . . bella adolescente . .






حَالفه ما أستقَبلكْ حِلمْ وخَيالْ . .
لِينْ أشُوفكْ شُوفْ عيني وألتقيكْ !*

وكَانْ تفهمْ شي في مَعنى الوِصالْ ;`
. . . ياتجي يا آخذ بوظبي وأجيكْ . . ~


♥ ,`



اليوم رديت من الدوام . . أشوف عيال اخويه كاشخين ومتيلسين عدال بعض . .
غمضوني . . هم متلبسين عشان حق الليله . . وهني مايسوون عندنا . .:g_chub:

ميره من أمس تصيح وتخمس في مكانها . .
والله شو ودوني راك هناك عندهم حق الليله . . وانا اغايضها زود اقول الها اسدحي ع الأرض ورافسي بريولج بنوديج وهي تشغل الونان زود وتصيح . . :h_um7yat:


اليوم مسوين لهم حق الليله وهمي . . ملبسينهم ويايبين لهم حلاوه قوم جلكسي وعاطنيهم ويالسين . .
صدق اليهال مقصه . . :h_kaak:







أبى آخذ موبايل يديد . . موبايلي الحالي هذا . .




يرفع الضغط . . فرق بينه وبين اللي قبله . . :g_ouf:
صدق الـ sony ماشي شراته . .


قبل هذا استخدمت هالـ 2 . .




الـ sony ericsson كان فنّان . . بس بدلته لانه هذا ياني هديه . .
وحتى القبلي الأسود كان هديه . .

~> ولا واحد من موبايلاتها هي ماخذتنه روحها . .
يقول لكم مال بلاش كثرّ منه . . :h_kekh:


أنا في خاطريه شرات هذا بس الذهبي . . راقي وفخم . .:h_love:




خلاف افكر . . مش حرام اعق 5 آلاف مادري 6 على موبايل . .
ومن ناحيه ثانيه احس sony ericsson افضل بوايد عن النوكيا . .






كل فتره أعلق ع شي . . اللحينه على هالأسوار . .
خاصه من هالنوع . . احبهن ع اللبس . .





اليوم شافني ابويه الصبح . . وكنت لابسه من اللي فيهن شرايط . .
قال منو ساير الروضه . . :g_haa:





U are my superman . . :ah:


وسويت من هذا مطلي بذهب عليه اسمي . .:g_mest7ya
وايد حلو ع اللبس . .ومايخترب . .





الموت يعشق فجأة مثلي ; والموت مثلي لايحب الإنتظار . . ;
[ محمود درويش ]

 

[غنَاتْيـے]

السلامْ عليكمْ ورحمة الله وبركاته . . ;
~> كل رد تسلم تاخذ من وراكم أجر :h015:


إخترت لكمْ . . كل مره بتنقى لكم شي ع ذوقي . .
عطر جربته . . مكان زرته . . كتاب قريته . . محل أحبه . . :00100:






cucci by cucci . . ;

حلوه ريحته . .
اول ماترشه تحسه عادي . . خلاف تظهر ريحته غاويه :122:





mango body lotion ;

يشبة العصير :eh_s(6):
هذا الكريمْ من [ missha ] . .


اخواني يستخدمونه بعد ماياكلون سمج . .
او يضربون مجابيس بالخمس :h015:


يتم في الإيد وايد . . وريحته صدق همبا من الخاطر . .
خاطرك تاكل ايديك . . `

 

[غنَاتْيـے]

رد: بقـَشةْ عِيَايـزْ ;`




المُصورْ :

إنسان نادر له أنامل نشال ; و عينا قط بري ; و ذاكرة جاسوس ; و طموح مؤرخ ;
رؤيا شاعر ; معدات فلكي ; و صبر باحثٌ في مختبر ; و جرأة فدائي . .

[ غَاده السمّانْ ]

 

[غنَاتْيـے]

يَامَرحبا ترحيبتنْ كِلها لشْ . . ;
تَكسيشْ من رَاسشْ لحدْ مَاطاشْ . . ~

. . مِنْ قَلبْ مَهيومْ بحبه صفَالشْ !*
يِلعبْ به الغَربي لا سِمعْ طَرياش . . `



Special thanks :ax:

الشحي . . رعشة هدب . . ِ~همـِسـِة الشـِـِووووقـِ~ . . بوحمده . . رهف . .
الجارح 2003 . . M!ss_Maharee . . الحاتمية . . الحورية . .



listen

: محمد بن فطيس المري [ خيمة بدو ] ;

يسعد لي أيامكمْ جَميعاً . .
اشحالكم عساكم بخير . . ؟


طبعاً اليوم جمعه . . ممنوع حد يكون راقد لين عقب الـ 10 . .
وانا راقده عقب صلاة الفير . . يعني شو اسوي بعمري :cm:


اللي مايسير يتريق ياويله من إمايه . .
اهم شي مسوين بان كيك مع الجرفه . . yummmy i love it :ah:






من امس مخبرتنهم اني ابى اسير IKEA اكمل اغراض حجرتيه . . :eh_s(1):
عقب الغدا سرت . . وزحمه لاعت جبدي . . بس في اشيا ماحصلتها . .





خذت ليت حق القرايه . . وبراويز ورفوف . .
وستيكرز حق اليدار يناسب طفوتيه الساده وايد حبيته . . ع شكل ورده ;



خلاف سرت طلعت صور من تصويري . .
ابويه قال يبى يحطهن عند مدخل البيت ويوزعهن ع أماكن مختلفه في البيت . . وايد وايد استانست :a040:


ماخذه برواويز ذهبيات حقهن . .
وطلعتهن بأحجام مختلفه . . يوم بيتعلقن براويكم ان شاءلله






عقب ماخلصت . . روحت The One ادور كفر . .
احب اسير هناك أحس اني انساسه راقيه :eh_s(6):


ادور لون يكسر لون الغرفه . . احترت ولا عرفت شو أختار . . :Afkr:






عند الكاشيير شفت جلادّ . .
احب ايمع من هالخربطان . . في 2 وايد عيبوني . . فـ خذت منهن . .





باقي لي كم شغله . . متعاايزه ماعرف متى بخلص . .
تعبت اليوم من المشي :a050:



:bt:


لا كِبرتْ وصِرتْ بينْ عيَالكْ شُوفْ . . ;
يِمكنْ بالوِراثه وَاحد [ ن ] مِنهمْ عَشَقني . . ~






mercedes OR BMW . . ?

 

[غنَاتْيـے]

السَلامْ عَليكمْ ورحمة الله وبركاته . . ;
مساكمْ خيرْ وسعاده :00100:


إشحالكمْ كلن بحاله . . ؟!
مممم اليوم بخبركم عن شي احبه . .مشاهدة الأفلامْ . .


هذا ونحن السينما عندنا منقود . .
لو يخلونا نسير انا شو بسوي :cm:


اصلاً ليش مايخلونا . . ؟
~> ناويه ع عمرها اليوم . . !



قبلْ ايام الفراغه والترغيد . . كنت مدمنه . .
ومن اشتغلت شوي بدا الإدمان يقلْ :ah:


بس مرات اتملل . . اشل الـ DVD Player معايه الشغل واطالع افالم . .
~> وتقول خف الإدمان :1577_1186768770:






أحب الأفلام الرومانسيه ~> رووووح :^^:
احب الدراما والكوميدي . . وآخر شي أفكر اطالعه افلام الرعب . . :cry:

مرات اشوف أكشن . . خاصه قوم المواتر والسرعه ~> امحق بنت . .
وأكثر شي احب الأفلام الجديمه اللي يكون فيها شرات هالفساتين . . اتخبل عليهن :a050:




- - - > هذا بوتسر فلم the duchess بطولة keira natalie . . الفلم حلو . .
بس نهايته تبط المراره ; قصته حقيقيه ;






ممثلي المفضل : will smith ;


شفت كِل افلامه تقريباً . .
بإستثناء 2 او 3 . . وهاذيلا هن أفلامه . .






فلمه اللي أثرّ فيه واعتبره من أنجح الأفلام لـ حد الآن . .
the pursuit of happiness :122:





مقتبس من قصه حقيقيه . . شاركه في البطوله ولده الصغير . .
مؤثر جداً . . :a050:





يعيبني ايضًا تمثيل :


julia roberts ; tom hanks ; sandra bullock ;Patrick Dempsey . .
keira natalie ; sandra bullock ; George Clooney ; nicole kidman . .




آخر الأفلامْ اللي شفتهنْ . .
كلهن جيه :122:







والسموحه ع القصور :bt:

 

[غنَاتْيـے]

شكراً من القَلبْ :bt:


Pure She7iya . . غزالة الجبال . . الجارح 2003 . . .+[ وهـج ]+.
مرفوعة الراس . . »ǾùTlâw« . . عيوز مشتطه . . شحشوحة صغيرونه . .
جلنار . . رعشة هدب . . سفاحة راك . . ولهانة زايد . . M!ss_Maharee . .

يجيب السفر طاريك ; ياحي ذا الطاري . .
وانا مابين تغميض العيون ومدامعها !*

. . غريب السفر والأغرب احساسه الناري . .
ياكم ناس فرقها وياكم ناس جمعها . .





خاص لـ : منى :cry:
تروحين وتردين بالسلامه فديتج

يسعد لي أيامكمْ جميعاً . . :ax:
كل وَاحد منّا يمر بـ أيام ماتنسى . . أشتاقْ لها واتمنى تعُود :eh_s(1):



شهَر 1 . . أيام المطر . . سرنا الشرق . . انا واخويه بس . .
احيد ظهرنا من بوظبي عقب صلاة المغرب . . والمطر كان صبيب طول الدرب . .

وهو يسرع . .

أنا : والله بتصل في ابويه بخبره انك تسرع . .
هو : جربي سويها بوقفج في نص الشارع وسيري مشي :1577_1186768770:


كنت اول مره اسير خور نيد وحوطني وايد . .
الجو كان يرد الروح . . والمكان خيالي

شهر 12 سرت قطر للمره الثانيه . .
اول مره اروح مكان في البر يعني اكثر عن حدود الشرق . .
ماتحمل الخطوط . . بس الحمدلله ماتعبت وماحسيت بالوقت . .

كان الجو توه بادي يبرد وع طول زجمت . .
ماتهنيت بالسيره :eh_s(6):

شهر 2 . . شرّف عندنا مولود يديد في العايله . .
[ فارس ] فديت روحه . .

شهر 3 طحت وكسرت ريولي . .
هالتجربه مابنساها طول حياتي ;

ساعات معدوده جربت اليلسه ع الكرسي المتحرك . .
هذا ومؤقت حسيت بالعجز . . كيف الإنسان الموقعد . . ؟!


الواحد يقول الحمدلله ع النعمه . . ودام عايش وهو بصحته يحمد ربه دوم . .
كنت اصلي ع كرسي ومازلت . . ماكنت اقدر اسير وانتو بكرامه الحمام بروحي . .

كل شي يخليك تيلس تتفكر وتتأمل

اللهمْ . . ;

إجعلني خَيراً مما يَظنونْ . .
ولا تؤاخذني بِما يقولون ; وإغفرْ لي مَا لا يعلمونْ . .

 

[غنَاتْيـے]

هَبتْ رِياحْ الصِيفْ وتغيّرْ الجَوْ . .
وأنا وِليفي مَايدَاني سهُومه ;`


هُو يَحسبْ إنْ شَمسْ الضِحى سَيدي ضَوْ !*
. . . ريّان عُوده زَايدٍ بالنعُومه . .



شكراً مع وردة جوري نقيّه :bt:




الكَمزاري ; بوحمده ; عيوز مشتطه ; قطوة سوده . . ~


شُكرْ خاص دايماً لـ : الشحي :wrd:
تسلم مديرنا الفني . . ماتقصر دوم . . والسموحه تعبناك . . ;

وحده مريضه نفسياً . . سجلت في منتدى ثاني وسوت حق مدونتي copy paste :Afkr:
الله يسامحها . . مالومها ماعندها شخصيه منفرده لدرجة انها تنسخ شخصيات الآخرينْ . .


قمة القهر . . يوم شغلك يسير لـ غيركْ بالراحات . .
مافي اليد حيله :eh_s(1):

وصلت منى أمريكا . . ويااااه كيف مظلمة بوظبي بدونج . .
واليومْ مايمر بدون مسجاتج وسوالفنا


أمس طرشت لي ورد المكتب قبل ماتسير المطار . .
يعلني ماخليت منج يا الذوق كله :a050:

أمسْ سرت بيتنا . . بتفقد شو آخر الأشيا اللي استوتْ . .
حدرت غرفة اخويه الكايد . . شوفو شو محطي :h015:




سرت حجرتيه الجديمه اطمن على ثروتي . . [ كتبي و دواويني ]
كنت من قبل محطتنهن في بكسات . . مادري شو ظهرهن خاري :1577_1186768770:

خذت لهن مكتبتين صغار . .
وايد متحمسه اني ارتبهن

سرت life style اوني باخذ وانتو بكرامه اكسسوارز حق الحمام . .
خذت هاذيلا . . يناسبن مع مالي . . ذهبي . .




بس طبعاً ماكون غناتي اذا ما اشتريت خرابيط . . احب اجمّع mugs . . :==:
امايه دوم تحشرني . . عاده استغليت الفرصه انه بيكونن في مطبخ اخويه . .
وخلاف يوم بنتقل بشلهن حجرتيه io:




الثلاث اللي فوق هن اليداد . .
وعندي غيرهن بس في بيتنا . . واحد عليه علم قطر وايد احبه :a050:

يوم تكون انت انسان شراتي . .
ترد من الدوام سيده ترقد . . وتنش جريب المغربْ وتبى تاكل . .
مالك الا حل واحد . . الوصفه السحريه :ay:





مايخصكم في السفن آب . . هذا تشربونه . . هب تخلطونه معاه :eh_s(6):
روب + بطاطس عمان . . واذا الدقوس مش ممنوع عليكم . . حطوه بعد فنّان . .


أو بإمكانك تستوي صحي شراتي احم احم . .
وتيلس ادلع عمرك وتاكل فواكه ;

باقة هذا الإسبوع





Try to learn something about everything and everything about something ;

 

[غنَاتْيـے]

فِي ميلةْ عقَالكْ عَداله أكيدهْ . .
رَبي عسى يَكفيكْ شر النَكايدْ !*

إنْ كَان للفخرْ سيدْ فـ أنتْ سِيده ;`
. . متسيّدْ يا سلطَانْ كِل سَايدْ . . . ~

model : my brother bu mayed <3


merci لـ :00100:

الجارح 2003 ; ولـ بوظبي ـد ; ٱڶظپے ; خيماوي صغيرون ; »ǾùTlâw« . .
جدايل ; بوحمده ; Bado Queen ; شوشو ; سفاحة راك . .
بنت ناس ماتنداس ; رهف ; عيوز مشتطه ; bella adolescente ; رعشة هدب . .


♥ ,`


يُوم كنت صغيره . . يقولون اني كنت وايد شيطانه :Afkr:
الصراحه ما صدّق . . آآآحــــــمْ . .

امايه علنيه افداها تقول ربيت اخوانج الأولاد قبلج . .
ماسووّ فيه شرات ما انتي سويتي :ah:


في 3 مواقف ما أنساهنْ ولا أهليه . .
لانه عواقبهم مازالت ظاهره علي :eh_s(6):


♥ ,`


كَان عمري تقريباً 3 سنواتْ . .
يبت السوبر جلو وجحلت به عيوني :h015: ~> بكل ثقه . .

عاده تخيلو سوبر جلو شو يفجّه . . ؟
والعنز استاهل تميت اباغم واصيح . . جفوني تلصقت ومارمت افجها :a050:


خلاف امايه يابت مقص . . وقصولي رموشي :h015:
~> تضحك ع سواد ويها . .


بس اللحينه ماشاءلله رمووشي كثيفه وطويله . .
اللي يبى رموشه يطولن لا يتردد . . خل يقصهن io:


♥ ,`

كنت في الروضه . . وسايرين بيت خالتيه . .
عاده انا ضاربه بهاذيج المخوره . . احيد ع ايام النيسان ويالسه في الدبه . .

~> شي مكان جدام . . بس الغجر مشكله :h015:

قوم خالتيه عدال بيتهم الأرضيه كلها كنكري . .
ويايه بحوّل من الدبه . . وشو ماتشير لكم المخوره في مكان القلص . . وطبااااخ ع ويهي :cm:


طريت حنجي كله من تحت والصياح ع صوت واحد . .
ودوني الدختر وامايه هب طايعه يخيطونه لي وانا اصييح . .
خلاف رضت . . اللحينه يوم ارفع ويهي طشونه ع طول يبين مكان الضربه :ah:


♥ ,`


هالموقف مادري كم كَان عمري . .
بس راكبه فوق [ الدروازه ] باب الحوي العود ~> سباله مادري شو تسوي . . :bad:


واطيح سيده ع قفل الباب . .
وشو استوى . . لااااااااا تشوه جمالي ~> انجلعي :h015:


لا صدق . . واشحف لكم حاجبي اليمين loooolz . .
لين اللحينه الضربه مبينه ع حاجبي ماشي مكانها شعر . . :ah:


♥ ,`



بسكمْ فضايحْ . .
اللي ضحكْ عليّه ياويله [ :h035: ] ;



بقَالكْ كِلمتينْ تَحتهنْ خطْ ومابينْ أقواسْ :
( فَمانْ الحبْ ) يا أطهرْ واصدقْ قلبْ حبيته ;

 

[غنَاتْيـے]

رد: بقـَشةْ عِيَايـزْ ;`






فِي ظَني وتَقديري ; مَحدْ يعشقكْ غيري . . . ~
لَو كِلهمْ يحبونكْ . . مب مثلي يحبونكْ !*

فكّر واسأل اظنونكْ . . بتخبركْ بالأسرَارْ ;`
إسكنْ حلّي يا طيري . . مَالكْ في الفلكْ دوّار . .




السلامْ عليكمْ ورحمة الله وبركاته . . ;
إخترتْ لكمْ اليُومْ :wrd:



أولْ شي لعبه للبناتْ فقطْ [ io: ] ;
اللي في خاطرها حرّه من عضُو تيلس تتخيله وتفلعه بالحصا . . :h015:


http://www.davidandgoliathtees.com/games/throwrocks.html


♥ ,`


كتابْ السر [ The Secret ]





هَالكتاب من تأليف [ Rhonda Byrne ]
أول جمله في غلاف الكتاب من الخلف . . [ إنكْ تمسك بين يَديك بسرْ عَظيمْ ] ;

وبالعفل هو كذلك
الكتاب جداً ممتع ومفيد . . يعلمك كيف تعيش السر في حياتك . .
بشتى تفاصيلها . . علاقاتك . . السعاده . . الصحه . .


يعلمك سر الجاذبيه للأشياء . .
في تجارب واقتباسات من و معلمين ومصممين وناشرين . .


في منه نسخه باللغه الانجليزيه . . وشي منه CD وفي له فلم أيضاً . .
اذا حابين تزورون موقع الكتاب www.thesecret.tv


انصحكم بقرايته :gooddw:


هذا كل مالدينا لليومْ . .
والسموحه ع القصور :bt:

 

[غنَاتْيـے]

الله جَابكْ وصِرنا سوَا . . ;
ضمنّي يالعنبُو حي العِتابْ !*

. . . ضمنّي واشرحْ لمنهوْ مانكوى . . ~
وشْ مَعنى الضمْ منْ بعد الغيابْ . .




مَساء \ صباح الوَرد :00100:
My top 2 and 4 favorites ;`




شُعارئي ;




أحب في الطَبيعه ;




خاطريه يكونْ عندي ~> كل ممنوع مَرغوبْ :eh_s(6):





مَشروباتي السَاخنه ;






أجملْ مَاقرأت ;







مَشروباتي البارده ;






فَاكهتي ;





مَطاعمي ;






Random things :ah:





مِشتَاقْ لكْ ; كِثرْ التَعبْ ما خنَقني . . ~
وأكثرْ شوي مِنْ الأمَانْ بـ وجودكْ ;`

 

[غنَاتْيـے]

أمَره غَريبْ وأنا أمري بَعدْ أغربْ . . ;
يصـرْ عَلى الهَجرْ وأنا أصرْ عَلى وصِاله . . ,

. . يقولْ حَاشاكْ مـ التقصِـيرْ ثُمْ يذهبْ !*
وأقولْ أنا أكرهكْ ثم أقبضْ حبَاله ;`

شُكراً نقيه من القلبْ لخواني وخواتي :g_mest7ya


جلنار ; عيوز مشتطه ; عميراوي ; راعي فزعه ; شيخة البنات ; الزبرجد ; بنت ناس ماتنداس . .
سفاحة راك ; الحوريه ; ِ~همـِسـِة الشـِـِووووقـِ~ ; Pure She7iya . .

وينها رعشة هدب :h_negab:
مطرشه لي رساله امسات . . تقول لي صدق فصتلي نظاره يديده . . ؟!


بخبركم ليش . . آخر كشمه خذتها كان لونها احمر ناقع . .
والكل مقهور منها . . ويعيب عليه . . انزين ياخي كيفي انا عايبتني :h_um7yat:


قمت اعق العدسات والبسها غياض بس :h_love:
وهاي الكشمه اليديده لعيونج . .

مبروكْ ع المُوتر اليديد علنيه أفداج ْ . .
يعطيج خيره ويكفيج شره :h_love:

اليُوم نشيت من الصبح وسيده سرت فوق . .
ابويه يروووغنا يبانا نخلص . . دهدييه دهدييييه . . هلكت من الغبره . .

قمت اعاطس . . الجيوب الآنفيه تعبانه :h_dam3ah:
اشوفهم يايبين قشي من غرفتيه الجديمه ومكودينه . .





تعبت صدق . . كل هالكتب لازم تنمث من الغبره كتاب كتاب . .
غير البكسات والترتيب . . ماخلصت الا جريب العصر . .


وانا ارتب الكتب . . شفت كتبي ايام الكليه . .
طرى عليه اقول حق البشكاره توري فيهن التنور :h_em:





وشو ريت بعد . . ؟
ههههههههه شهادتيه ايام الروضه . . بس أبى افهم ليش الصوره ابيض واسود :h_afaker:
مع اني لي صور اصغر عنها وكانت ملونّه . .

سقى الله ذيج الأيام . .
احيد كان معايه اخو Pure She7iya بس اصغر مني بسنه . . كنّا اصدقاء :h_kaak:






بعد الترتيب . . والشكل النهائي :g_mest7ya
هانت ان شاءلله كم يوم وبنتقل خلاص








أنا كلّـما ونيـّت ظنّيــت غيري وّن !
أثـرْه الونين يشق دربـه . .
ويرجـع لي :*~

 

[غنَاتْيـے]

سَلامينْ رضايفْ بَلغهنْ يَانديبْ . . ;`
. . عَلى سِمرْ العَكايفْ لِي مَابدَاهنْ شِيبْ !*


Special thanks :wrd:


Bado Queen ; الرحبي ; جلنار ; شيخة البنات ; ظبية الوحده . .
M!ss_Maharee ; شحشوحة صغيرونه ; الزبرجد ; سفاحة راك ; طير الشوق . .

listen : جابرْ جَاسمْ [ غزّيل فلّه ] ;



يسعد لي أيامكمْ ياربي
السبت \ 15 اغسطس . . ;


اليوم ناشه من وقت . . مادري شو أسوي . . مع اني امس رقدت متأخر . .
اشوف ختيه تقول لي تبين تسيرين معانا دراجن اللي هو السوق الصيني :Afkr:


عاد انا هالمكان خاطريه اسيره . . اسمع الكل يرمس عنه . .
دام ماعندي شي وخل اقزر وقتي . . فـسرت . . من زمان ماطلعت مع ابويه :212:





هم سايرين يشوفون الثريات وهالسوالف . .
وانا اطمش . . وابويه يعرفني ادور الخربطان هب طااايعني احدر مكان :1577_1186768770:









هالثريا اللي ع اليمين وايد عايبتني . .
اذا طاحت في المحل اليوم انا مايخصني :yaw:


خذت لي كم شي حق التصوير . . بالدس io:
ولا هم عندهم وااايد اشيا حلوه ; بس يبالنا سيره بدون ابويه . .


شوفو شو خذت . .
الكايد لابسنها يستهبل :eh_s(6):





اتخيل ألبسها يوم أظهر . . ؟
بيقولون تبى الجواز . .


المهم . . وايد حطنا وانا ريولي خلاص ماحس ابها . .
ياليتني ماسرت :cry:


رجعنا البيت ع جريب العصر . .
اشوف عيال اخويه مشترين لهم حمسه . .

So Cute . . :ah:




كلهم يخافون منها . . الا انا ايودها . .
اشلها حق ميره . . ماشوف الا غبرتها تربع بعيييد :h015:



وأنا يوم قلت حق امايه ابى آخذ لي همستر ماطاعت :bad:
~> ماشي وجه شبه بينه وبين الحمسه . .



سرت فوق المغرب وخليت الكايد يساعدني . .
تميت اركب اللي خذته من IKEA ع اليدار . . وجيه طلع شكله :eh_s(1):






بَاجر دوام >.<
اتمنى انش باجر الصبح يتصلون بي يقولون لي خلاص ترى اجازه لين عقب العيد :Afkr:


♥ ,`


بَعمل معاه رحله في البرْ وعمَاني . .
وأصبحْ حليلْ له وتمُوتْ عدوَاني ;


:yola:

 

[غنَاتْيـے]

كِيكْ وعَسلْ ولَكنْ مَاهو في صحُونْ . .
ودعاكْ منْ عينْ الحسودْ غَطاكْ له ;

. . الله لا يَعطيه نَاسْ ينضلون . . ~
ويَسترْ عَليه مِنْ النَحلْ لا يَاكله !*





سجّل يا تاريخْ وسجّل يا تاريخْ :yaw:
وقت الطبخ ~> لادخيلج . .


مساكم طيبْ وزهرْ :00100:
صدّق او لا تصدق . . الغَناه اليومْ بتعلمكمْ تسَونْ كيك [ :ah: ] ;


هي هي سويت كيك ليش جيه اطالعوني :1577_1186768770:
بيني وبينكمْ يعني آحم كنت اطالع اكثر من اني أسوي . .





بنسوي cheese cake بالـ snickers . .
وااااااااااااااااايد لذيذه . . :


هاتو ورق وقم واكتبو شو نحتاج . . :yaw:
بنحتاج لـ :



- بسكوت

- 2 دريم ويب . .

- 2 قيمر ~> مال أول تراج . .

- 2 ونص زبده . .

- نص كلاس حليب نيدو ; 3 خواشيق . .

- قالب . . ويفضل انه يفتح من تحت عسب مايتكسر البسكوت . .

- 8 حبات جبن كيري . .

- 6 سنكرز . .







أول شي بنطحن البسكوت . . او ترومون تكسرونه بيديكم . .
لين مايستوي جيه . .





خلاف نضيف عليه 2 زبده [ صغار ] . .
ونخلطهم لين مايتماسكون مع بعض . . ونفرده ع القالب شرات الصوره ونحطه في الثلاجه . .
كل ماطوّل كل ماكان افضل وتماسك . . لين نخلص شغلنا الباقي . . تقريباً نص ساعه . .





نزّهب الخليط اللي في النص ~> عجبتي الخليط :^^:
نحط 2 دريم ويب و2 قشطه ونخلطهم . .

نضيف حبات جبن الكيري [ 8 ] . . وخلاف نحط حليب النيدو تدريجياً . .
نظّهر البسكوت من الثلاجه ونفرد عليه الخليط . .






ندخله وديه ثانيه في الثلاجه لين نزهب الطبقه الأخيره . .
بنحتاج حمام مائي . . نحط جدر فيه ماء وثاني اصغر منه ونسيّح في نص قطعة زبده . .
نكسر السنكرز . . ونضيفها ع الزبده + ربع كوب حليب نيدو . .





نحوثه لين يختلط السنكرز مع الحليب ويذوب كله . .
ومانصبه وهو حار ع الكريما والبسكوت . . نهيّد عليه طشونه . . ونرد نحطه في الثلاجه . .







شرات ماقلت لكم قبل . . كل ماتم في الثلاجه اكثر افضل عسب يتامسك . .
يباله ساعتين لين يجمد . . ونظهر الكيكه ونسرطها . . آ آ آ قصد بالعافيه :ah:

 

[غنَاتْيـے]

هَذا إنتْ كِل ماضَاقتْ بي الدِنيا تغيبْ . . . ;`
وكِل ْ مَاضاقتْ بكْ الدِنيا تِجيني !*

شكراً أكثر شي في الدنيا لـ :yaw:

Bado Queen ; عيوز مشتطه ; Bdaaaw ; رهف ; »ǾùTlâw« ; سفاحة راك ; القاضي . .
بوحمده ; الزبرجد ; رعشة هدب ; ღالنشميღ ; شيخة البنات ; M!ss_Maharee ; bella adolescente . .

مساكمْ ورد :wrd:
على طاري الورد والحلا والذوق ~> بتعد قصيد . .


قولو منو مطرش لي باقه اليوم المكتب [ :cry: ]
منى فديت روحها . . حتى وهي في أمريكا . . تفاجئني . .

بذمتكم شفتو حد ذوق شراتها . . ؟
لا آسفه ماسلفها حق حد :h015:


شليتها البيت . . لانه المكتب مافيه مكان . .
شي ورود غيرها . .

خاطريه أشارك في هالمسابقه :a050:
من 3 أسابيع ابى اسير ليوا وتتأجل السيره . . واللحينه رمضان ياي . .

أحس ماشي أفكار في مخّي . .
مادري شو أصوّر . . :Afkr:

اليُومْ مديري من أصبح يقول لي بييني [ عبدالله رشيد ] . .
وانا تم الإسم في خاطري اردده وأقول مش غريب عليّه . . ~> زهايمر مؤقت . . :h015:


خلاف يوم حدر المكتب تذكرته . .
كاتب عمود دبابيس في جريدة الإتحاد سابقاً . .




كنت أحب أقرا له اسلوبه وايد حلو . .
اكتبو في google [ مخاوي شمّا و راعي الرنج ] هاي مقاله من مقالاته :122:


وسلّم عليه وانا جيه [ :eh_s(6): ]

متولهه ع شي من الخاطر . . [ الرسمْ ] ;
كملت سنه مارسمت . . ومن قبلها كنت موقفه فتره طويله . .
ماشي وقت . . واحس اني بديت انسى كل شي يخص الرسم . .

 

[غنَاتْيـے]

يِرتَاحْ سَربْ الهمُومْ إن صوّتو بالأذَانْ ;`
وترقْ نَفسْ الرَجل لَو كَانْ قَلبه حجرْ !*

. . الله يِباركْ لِكلْ المسِلمينْ رمضَانْ . . . ~
وتطيحْ منّا الخَطايا ويتبقى الأجرْ ;

يسعد لي مساكمْ وأيامكمْ يارب . .
اشحالكم كلن بحاله . . ؟


مَبروك عليكم الشهرْ
الله يعيده علينا وعلى المسلمين جميعاً باليمُنْ والبركات . .



في البدايه شكراً بحجم السماء :wrd:


جلنار ; دمعة حزن ; الجارح 2003 ; القاضي ; أبو البراء ; عيوز مشتطه . .
شيخة البنات ; Pure She7iya ; »ǾùTlâw« ; رعشة هدب . .
الزبرجد ; الكاشخ ; ReaL DaY . .

يالسه أفكر اني كيف استويت مدمنة قهوه ونسكافيه ومشتقاته . .
قبل كنت أشرب بس مب بهاي الطريقه . .

اللحينه من أوصل الدوام لازم قهوه . .
أمس ماشربت تميت مصدعه . . لازم شي يقند راسي [ :ha: ]

لازم انتهز الفرصه في رمضان وابطّل من هالخرابيط . .

باقة هالإسبوع [ :ax: ]




سويت عليها تجربة تصوير سريعه . .

شوفو الزبرجد فديتها شو مطرشه ; أهم شي الصحراء . . [ :h015: ]
لاخليت يا قمر الرياض ~> احس اني بتصفع . .

سرنا ناخذ زوالي . . اللي يبيعون هناك بكستانييين . .
يضحكووون . . يرمسوون حضري عدلْ . .


عاده يوم قلنا له نزّل . . قال [ انتو مواتن واجد فلوس ] . . الله واكبر عليك :eh_s(6):
خلاف نزلّنا الدريول اونه يسوي واسطه . . الهرم صدّق نزّل عسب خويّه . .

كنّا نسوي جلسة تصوير انا والكايد . .
ماطلعت بـ نتائج كنت أباها :Afkr:


لازم اضاءه خارجيه وتصوير برّع . .
مكان تراثي او شي من هالقبيل . .





لاتسئلوني ليش ميّت من الضحك :h015:
i <3 my camera and lenses ;

 

[غنَاتْيـے]

اَللّهُمَّ قَرِّبْني فيهِ اِلى مَرضاتِكَ ، وَ جَنِّبْني فيهِ مِن سَخَطِكَ وَ نَقِماتِكَ . .



شكراً نقيه من القلب :

عيوز مشتطه ; رعشة هدب ; الجارح 2003 ; الفارس ; ^^someone^^ . .
راعي فزعه ; 【 فارس 】 ; بنت ناس ماتنداس ; شحشوحه صغيرونه . .


يسعدْ لي أيامكم جميعاً . . :ax:
اشحالكم وشو الصُومْ معاكم . . ؟


كم اشتقتْ لمدونتي الحبيبه [ :ah: ] ;
أدري اني مقصره بتواجدي بشكل عام مش بس في المدونه . . ماشي وقت :eh_s(1):


♥ ,`


في نشيده . . مش نشيده . . شبه نشيده :eh_s(6):
يطلعونها من العام على قناة بوظبي بعد الأذان . . بصوت الوسمي . .
اللي يقول فيها [ يارب إقبل صيامي وصيام امة محمد ] انا وايد تعيبني . . فـ يبتها لكم




♥ ,`

انا مش من النوع اللي أحب اتابع مسلسلات . .
في خاطريه اشوف [ فنجان الدم ] بس يظهر متأخر الساعه 2 :1577_1186768770:
منو المتفيج اللي وراه دوام بيسهر هالكثر . .


الصراحه . . المسلسلات بدون جابر النغموش مش حلوه ابداً :122:
ولو الواحد فكّر يتابع شي . . كم بيوّبل . . عز الله انه بيخطف اليوم وهو مجابل التلفزيون . . لاصلاه ولادين . .


وكل المسلسلات تييب الهم . .
سواء من اسماء ولا دعايا . . كلها تنحدر تحت هالمسيات [ قهر ; ظلم ; فقر ; شقى ; حزن ]
الواحد مل من هالنكد . . ودّه بشي يونّس ع الأقل . .

♥ ,`


من قبل يوم أشوف الدعايا وأنا اتريا البرنامج . .
[ ادخلوها بسلام ] . . لفضيلة الشيخ الدكتور عائض القرني . .





يظهر الساعه 6 ونص على قناة دبي . .
بس تفاجئت انه مدة البرنامج تقريباً 3 دقايق وشوي بس :212:


ليييييييييييش !!
والمسلسلات والأشيا الثانيه بالساعات . . ؟!



♥ ,`


في برنامج ثاني اسمه [ إني صائم ] ;
يظهر على قناة قطر . . مش متأكده من وقته . . يمكن 6 . . مالحلق عليه من أول . .
لـ [ محمد العريفي ] . .




يتلقى اتصالات ويجاوب عليهن . . مش عن شي محدد . .
وايد استفيد منه


♥ ,`


اللهمّ اجعل وجوهنآ مسْفِره ضاحكةٌ مستبشره ;