-*-._.-*'^'~*-._.-* oـلـــكة جـــoـال البــرزهـ*-._.-*~'^'~*-._.-*

[جدايـــــل]

رد: -*-._.-*'^'~*-._.-* oـلـــكة جـــoـال البــرزهـ*-._.-*~'^'~*-._.-*

هلا وغلا..

اول شي:: مدونتي الحلوه شخبارج عساج مرتاحه..اجازتج السنويه انتهت ..الحين وقت الشغل..

اليوم: الخميس.. تاريخ: 25\3\2010

حدث في مثل هذا اليوم..موقف ما راح انساه طووول ما انا على قيد الحياه

تبون تعرفون..كم تدفعون عشان اخبركم خخخ


المهــــــم..بما اني حاليا متدربه في المكان الفلاني..ع الساعه 10 وشي تقريبا

كنت اشتغل حالي حال الموظفات..والامور كلها ماشيه تمام..شوي وايي واحد من المراجعين

ويقولي لو سمحتي وين المهندس فلان الفلاني..قلت له روح هناك وعقب مني وعقب لف مناك

وبتحصله اول مكتب ع اليمين..جان يقول لي يا اختي ماعرفت والله..لاحول ولا قوة الا بالله

جان اقوله خلاص الحقني انا بوديك..اوكي..طلعت اتمخطر وفرحانه بالنعال..اول مره البسه

توه يديد وفيه شوية كعب..> لزوم الكشخه لا خخ

امشي والريال وراي يمشي..والارض سيراميك.." شكيتوا باللي صار" خخ كملوا كملوا القصه

المهم

انا امشي والريال يمشي وراي..انزين

وبعدين شو صار خلوني اتذكر..

هيه تذكرت.. خخ.."خلوني اخبل فيكم شوي"

المهم

امشي والريال يمشي وراي..وانا امشي جان انزلق شوي بس ما طحت

بيني وبين نفسي قلت الحمدلله ما طحت ولا جان انفضحت..وياني فضول

قلت بصد اشوف الريال انتبه للزلقه ولا خخخخ

المهم شفته يتعبث بتلفونه..جان ارتاح عن القفطه..انزين

كملت مشي وجان ايي الدري..وتوني انزل من اول دريه..الا موبايلي يرن..

وجان اشوف منو يتصل..انزين

منو كان يتصل مب مهم منو..اللي صار هو الاهم

وانا اطالع الموبايل ماحس بعمري..الا والنعال زلق لكن هالمره شكلها طيحه يعني طيحه

لا مفر من الطيحات..وخلاص وكلت امري لله طيحي يا جدايل خلي النعال يرتاح شكله يبي يطيحج

وفجأه الا احس حد نشعني من عباتي خخخخخخخخ

وحليله المراجع انقذني في الدقائق الاخيره ولا جان انا منسدحه ع الدري ككككككك

وحسيت عمري بفلم هندي..والمشكله مب اهنا..من بعد النشعه سمعت ناس يضحكون ضحك مب طبيعي

وعاد انا تعالوا دوروني..وين اروح انا وين انخش حتى المراجع مسكين فيه الضحكه بس ميودنها بس اشوفه يهتز

حسباله ما شفته خخخخ

وخلاص توبه البس نعال فيه كعب لو نتفه..خلنا ع المسطح احسن كككككككك

ويخوفي من الايام اليايه خخ

وجي ختمت الاسبوع بطيحه محترمه

 

[جدايـــــل]

السلام عليكم ورحمة الله وبركاته

اول شي بنظف المدونه من الغبار و الشحي يايب شغاله يديده حق البرزه خخخ

.
.
.

كيفكم يا زولين و زولات..دايرين شنو ..؟ منو داير عصير ومنو داير ماي......؟

وانا اتصفح النت والاقسام الشعريه بالاخص عجبني هالشعر..وأثر فيني
.
.
.
ڪَل مآجيـٺ آسألڪَ عـن سـر دمعآٺـڪَ بڪَيـٺ
مآقـدرٺ أشــوف عيـنـڪ بآلمـدآمـع ٺخٺـنـق !



لآٺجآملـنـي وٺضحـڪَ.. وآضـحـه لو مآحـڪَـيـٺ
لآٺصـور لـي حڪَـآيـه مــن فـــرآغ وٺخـٺـلـق



ڪَـل مآفيـڪَ يٺڪَلـم حٺـى فــي صمـٺـڪَ لقـيـٺ
أن سـهــم آلـبـعـد نـآفــذ وآبـٺـديـنـآ نـفـٺــرق



ويش أقول لدمع عينڪَ وآلقصور آللي بنيٺ
وڪَيف أصبر قلبي آللي بين أيديڪَ ويحٺـرق
.
.
.

للشعر بقيه .. مب لازم احطيه كامل يعني..تبون تقرون شعر سيروا دورا بروحكم انا مب نشاده عنكم ادور واحطي لكم

خخخ
.
.
.
الموووووووووووووهيم

اليوم الظهر وانا يالسه افتر فالبرزه..جان اتذكر اني اليوم ما اندحقت كاستر " محلبيه اونه كاستر..بس لازم نجاري الكلام الحصري..يقولك اذا ما طاعك الزمن طيعه ..>> شو يخصه الحين هذا ..خخخخخ"

المهم المهم

شليت عمري وسرت المطبخ عشان اسوي لي محلبيه.." يقولك عند البطون تعمى العيون..وانا انعمت عيني عن حررر الصيف...>> هذا بعد شو يخصه بالعين.." المهم افهموها انتو

يعني ناضلت وتحملت الحر عشان بطني..كككككك

انزين

سرت المطبخ وشليت موبايلي قلت خلني بصور لهم الطريقه " صعبه موول ما يعرفون يسوون كاستر خخخ " وقلت بعد بنزلها بالمدونه عشان ارفعها فوق " حملة ارفعي لي وارفع لج..عضوات سيدات بنغلاديش وينكم.." خخخ

انـــــــــــــــزين

وبديت اسوي الكاستر..ونخلي الصور تتكلم لحالها " الصور طلعت لها لسان وقامت ترمس"
.
.
.

:: الخطوة الأولى ::
انيب جويدور..>> تصغير جدر " عن تيبون جدر مال عيش ولحم " خخ اتخيل بس
انزين انصب فيه ماي..مب مبين فالصوره.." شفاف لا..لا لون له ولا طعم له ولا رائحه له" خخ

:: الخطوة الثانيه ::

نحط 3 خواشيق نيدو..او حسب الرغبه يعني

:: الخطوة الثالثه ::

هذا اهنا الحليب عندنا وذوبنا النيدو..انزين

:: الخطوة الرابعه ::

نحط شكر على الحليب ونذووقوووا اذا يباله شكر زياده او نو .." عيبتني الصوره يوم الشكر ينصب وحطيتها خلفيه حق الابتوب خخخخخخ >> عن تصدقون ادري فيكم مجانين تصدقون كل شي..محد صاحي فهالبرزه غيري انا جدووله "

:: الخطوة الخامسه ::

عرفتوووو هالقوطي " وهل يخفى القمر "

:: الخطوة السادسه ::

نحط خواشيق من هالبودره " لا تسالوني كم لاني ما حسبتهم خخ.."

:: الخطوة السابعه ::

لين يصير لونه اصفر غامممج وريحة الكاستر طالعه " عجيب "

:: الخطوة الثامنة ::

نحطه ع الغاز ونخليه ينطبخ بروحه لين يستوي غلييييظ

:: الخطوة التاسعه ::

نحطه بالبطن خخخخ

وانا رشيت عليه شوية جوز الهند وبالعافيه علي..كان لذيذ الصراحه..

.
.
.
في ناس ما يعرفون طريقة كيف نحطه بالبطن..

الطريقه

اول شي شلوا الخاشوقه ويكون فيها محلبيه

ثاني شي افتحوا المغاره ..قصدي الحلق خخ

ثالث شي هاتوا الخاشوقه وحطوها بالحلق

رابع شي الحسوا الخاشوقه واصرطوا المحلبيه

وبتطيح بروحها داخل البطن..

وبالهنا والعافيه..
.
.
.

جدايل العالم..كانت على برزة الشحوح مباشرة

خخ

و مطرح ما يسري يمري..


خدافــــــــــــس

.
.
.

ملكة جمال البرزه والكون..>> ياتني ترقيه وصرت ملكة جمال الكون بعد

خخ

 

[جدايـــــل]

هيهااااااااااااء يلست اقرا شو مخبصه بمدونتي

ونزلت دموع التماسيييييييح خخخ

 

[جدايـــــل]

the Life has become so boring