[align=right]
:
:
يوم الخميس سرت ويى اختي الصالون
نعالج هالشعر المسكين
واي فديتني كل حد حد يعطيني اقل من عمري الحقيقي ب 10 او 8 سنين
وعاد انا ماتتخيلوا كيف انتفخ ويزيد وزني 10 او 8 كيلو من الفرحه
ويوم اقولهم بعمري الحقيقي بعد يزيدوني فرحه فوق فرحه
المهم ماعلينا من الصالون
من طلعنا قلت لاختي اني اتضور جوعا
وكنا معزومين ع العشا بيت خالتي
فقلت لها خلينا نصبر عمارنا بوجبه سريعه ع الماشي
خخخ
سرنا كوفي وطلبت اكل يشبع لين ثاني يوم
اقولها هذا تصبيره بس لين وقت العشا
من وصل الاكل نسيت الاتكيت وكل شي يدل ع الرقي وغسلت الصحون غسل
وانا مش مستوعبه اللي حاصل خخخخ
اختي تقول فضحتينا بقي شي لزوم الاتكيت وانا اقولها بحرم لهم عينهم لا ببقي عصير ولا نتفة خبزة
المهم
من خلصت
قلت لها : انا دايخه
ماقدر حتى اتنفس
اصلا ماقدر اوصل لسيارتي
كيف بسوق لبيت خالتي ؟
فسارت دورة المياه تغسل عباتها طاح فيها شي
عاد انا من وصلت عندها حصلت الحمام مترووووووووووووووووووووووووووس
وبدون ماحس
صرخت وقلت : حشااااااا من وين طلع هالجيش قلت لها بتجدمج السياره
من يات اختي قالت انتي ماتعرفي تتكلمي شوي شوي
خخخ المول كله سمع صراخج
طلعت انا اصرخ وانا مب داريه خخخخخ فديت صوتي الرقيق
قلت لها : لا اتخليني ارجع اللي ماكلتنه فوقج تراه واصل لخشمي
المهم مب هذا موضوعنا
سرنا العزيمه
من وصلت تسدحت ومب قادره اتنصخ
اقولهم بسرعه متى عشاكم ...غاصبينا ع هالعزيمه خلونا ناكل ونتوكل
خخخ
اختي تقول اعوذ بالله بعطيج دوا الدوود مال نوفاني اشربيه من نرد خخخ
من وصل العشا طبعا جدام
كلت وخلصت بسرعه وانسدحت ع طووووول
قلت لهم مب قادره خلاص....معدتي انصعقت بهالكمية المهوله ...مب متعوده
خلوا لي شويه باجر بحره وباكله خخخخخ
فسؤالي الحين :
اييكم هالشعور بالنهم ال over ساعات ؟
شوشو[/align]