عيوز مشتطه ------> اضغط هنـآ

[عيوز مشتطه]

رد: عيوز مشتطه ------> اضغط هنـآ

اليوم اول مره اتعبث بالفطوشوب ..



وسويت كرت طلع شرات كرت السيلانيات :shompe:

 

[عيوز مشتطه]

رد: عيوز مشتطه ------> اضغط هنـآ

ابدعت في امتحان اليوم اجاباتي كانت شي عجيب اول مره بيشوفون هالنوع من الاجاابااات ..



طلعت لهم منهج يديد ماشاء لله عليه :^^:



من امس معلقه على هالنشيده




http://www.youtube.com/watch?v=ER4KObjMEW8



ودردع نصكافيه

 

[عيوز مشتطه]

رد: عيوز مشتطه ------> اضغط هنـآ

امس الجمعه سرنا صوب الفجيـره من زمان ما سرنا نحوووووط ..



خطفنا الدكان وخذت لي عسجريم مال اول :3faree:







عباتي محلطه امبوني ميلسه مهاري جدامي واعطيها بابي سناك :eh_s(6):



مرينا على سوق الجمعه







يعيبني اشوف الزوالي



عقب وقفنا صوب هالمحطه نتريا السياره الثانيه







وصلنا الفوجيره







ما نعرف وين نبا نسير بالضبط بس جي طالعين بلا هدف :bad:



حدرنا برج الفجيره قالولنا فيه محلات







ما حصلنا الا كم من محل ههههه



عقب حصلنا دعايه لمعرض عندهم وخواتي عزمن يسيرن ~~~> ما اداني سيرة المعارض :a050:



من اول ما حدرنا نشبوووا فينا نشبه اسميني كرهت عمري يوم حدرت هناك ..



وين ماامشي يقولولي تعالي بس خذي فكره .. ياخي اشوف كل شي بعيني :shompe:



المهم حرمة اخويه حصلت تفته سودا كانت تبا تاخذها .. قالها بـ 120



قلت لها ايييه خلي عنج .. الخياط الطويل بيسويها لج ب 30 ربيه اقلعيه هذا ..



عصب عليه الزلمه قال بالله هاي بـ 30 ؟ فيني ارتكب جريمه اليوووووووم ؟~~~> كأني اهنته :h015:



قلت له هيه مافيها شي الا تفته ساده شحقه بـ 120 بعد ؟



قال طيب هاتيلي 1000 حبه وانا بشتريهم كلهم من عندج .. قلت له انا مب محتاجه ولا ابا استفيد



بس روح لأي خياط وبيسويها لك بـ 30 درهم ..



المهم اخر شي ماخذتها :eh_s(6):



حصلت حلاوه مال اول بعد ~~> الحين غناتي بتحتشر بتقولي لا تحطين من هالسوالف :cm:







عقب نشبت فيني راعيه المكياج .. قالت تعالي بفرجيج مجموعه مكياج روعه ~~> عراقيه



قلت لها بخبرج انتي تشوفين شي في ويهي عشان تراويني مكياااااااااج ؟؟



حرمة اخويه شردت قالت والله ما امشي وياج فضحتينا :Faces:



قلت لها صدق ليش اضيع وقتي وياها وانا ما اعرف الا الجحال والجلوووص :dkb:



الموهيـــم عقب سرنا البيتزا نتعشى



وطلبت لي باصطا :a040:







بس ما عيبني طعمها محطين فيها الجبنه الي ريحتها خايسه ما اعرف شو يسمونها :mf_tongue



عفدت في باصطا ختيه ~~~> كالعاده دوم تاكل من صحون خواتها:dkb:







خذت لي جطعه منها محلااااااااااااتها وهي حاره وادخن :mf_dribbl







ونحن رادين بعد مرينا ع سوق الجمعه ..











خذنا همبا وفندال وصنطر



وخذت من لحية الشيبه :yaw:

 

[عيوز مشتطه]

رد: عيوز مشتطه ------> اضغط هنـآ

يا سلام اليوم الصبغه زرقا ..



هيييهأ احيدني من زمان كنت زرقا ويا الأخ خالد بن سعدين الشحي الله يذكره بالخيـر :00100:



في برزة الحوار والمناقشات الجاده يوم كنت متبرضه من الخاطر للبرزه :bo_mher:



اليوم استلمت درجتي لاول امتحان .. يوم قلت لكم اني ابدعت واخترعت لهم منهج يديد :eh_s(6):



الصراحه الدرجه كانت توووووووووب



ما توقعت اييب جي



لكن الحمدلله المهم اني ناجحه



ومب اي نجاح



انه تفوووووق وتميوووووووووووووز



:gooddw:







اذكروا الله تونا بادين السنه ما فيني ابنجر في باقي الامتحاانات ~~~> ماخذه الامور بروح رياضيه :a040:



امتحنا في كل الي خذناه في رمضان



لو بوصل سابع سما ما بضوي شي من الي درسته احيدني اسير وايلس حالي حال الكرسي من التعب :eh_s(1):



نفسي اخربط اكثر لكني مشغولة نوعا ما ..







باجر عندي برزنطيشن .. الي عنده برنامج يحول فيديو



يتيمل فيني و يطرشه لي ع الخاص ..



والا انا بعطيه الفيديو ويكمل خيره ويحوله لي بصيغة avi والا mpg والا اي مصيبه المهم يتحول :mf_tongue

 

[عيوز مشتطه]

رد: عيوز مشتطه ------> اضغط هنـآ

عنبووووووووووه محد يعرف كيف يحولون الفيديو ؟



ماحيد




احيد رواعي الكنبيوتر شطار في هالسوالف

 

[عيوز مشتطه]

رد: عيوز مشتطه ------> اضغط هنـآ

اليوم عقب ما خلصت من الجليه .. ظهرت 1


سرت المنطقه التعليميه ~~~> مطرشيني :cry:


المهم حدرت عند المصري عشان اخلص .. اول ما شاف الاسامي في الاوراق


قالي انتي من الـ ........... ؟ قلت له هيه


قال: اسمك ايه ؟


فخاطري اقول هذا شو يبا اسمي .. !! قلت: له فلانه ..


قال: لأه اديني الاسم بالكااامل ..


قلت له ش س م خ الـ ....


قال: ايووووووووه انا فاكرك


قلت له: انا ؟ ليش ؟


قال: فاكره الـ .... المهم سالفه من 4 سنوات


قلت له: هيييييي انته الي كنت اكلمك عسب هالموضوع ؟


قال: ايووووووووووه


قلت له : وانته تذكر هالسالفه من 4 سنوات ؟ ~~> وفخاطري اقول خيبه مب ذاكره عليه شكلي صدق طفرت به هذيج الفتره :^^:


قال: وازاي مفتكرش وانتي كنتي آعده على دماغي ~~> يالسه على دماغه حليله هههه


قلت له : لان الموضوع كان وايد مهم وانتوا باردين الصراحه


قال:دنتي طلعتي عينيييييييييي .. انتي صوتك هادي بس فالتلفون كنتي شئييييييييييييييية ~~> شقيه :h015:


انا منخشه تحت الغشوه وعيوني ادمع .. ميته من الضحك


عقب قالي: انتي بتدرسي ايه ؟


قلت له : آي تي


قال: والآي تي ده يبأ اييييييه ؟


قلت له كمبيوتر ..


قال: وإمتى التخرووج ان شاء لله ؟


قلت له السنه اليايه ان شاء لله وبخلص عادي اتدرب عندكم ؟


قال: هنااااااااااااااااااااا ؟ ~~~> جنه ما يبا io:


قلت له: هي عندي احساس اني بشتغل فالمنطقه التعليميه :eh_s(6):


قال: واللهي بيحصل لينا الشرف يا ستـّي

 

[عيوز مشتطه]

رد: عيوز مشتطه ------> اضغط هنـآ

ما ياني رجاد :h_em3a9ba



اتجلبت واتجلبت يمين يسار يمين يسار غمظت بقو



قصيت على عمري حاولت اصدق اني راقده ~~~> عادي اصدق :mf_death:



لكن ماشي فايده



شو اسوي



قسم بالله اكره هالحاله :212:



ماشي شغله هبابي الا اصرط







فخاطري البرنجلز الحمر بس ما ريت الا الخضر بو البصل:a050:



يايه في بالي مس مهـّاري اعديبها من قبل رمضـان ..



جني تولهت عليها ..

 

[عيوز مشتطه]

رد: عيوز مشتطه ------> اضغط هنـآ

العصر سرت المزرعه



ويا الفروخ




مع اني مواصله :cry:




طبعا اول ما وصلنا عمران استلم لعبته الموووووووووووووفضله :eh_s(6):



اقصد الحيوان الي يحب يلعب وياه







حياته كلها تيوووسه



حتى شنطه الروضه عباره عن جبش صغير :00cool:



ما تفيجت أصور



آآآآآآآآآآآآآآآنس عروق عيوني بتناقع من الارهااغ



سلااام



:bt:

 

[عيوز مشتطه]

رد: عيوز مشتطه ------> اضغط هنـآ

اركب مطايا الصبر في كل الاوقات ..



واصبر لو ان الصبر ما فيـه راحـه ..

يييييييييييييييي :bo_mher:

 

[عيوز مشتطه]

رد: عيوز مشتطه ------> اضغط هنـآ

اصبحنا واصبح الملك لله







شو بلاه قوقل ؟



يعني منو بيستخدمه غير الانس !!



الينون مثلا ؟ :mf_tongue