•» بدايۃ الإبداع فڪْرة «•

[مهرة بلا فارس]

رد: •» بدايۃ الإبداع فڪْرة «•

أيام حلوه كانت أيام حبك
​

كنت في روحي تسري كنت بجنون أحبك
قاسي القـلب لكـن كــان قلــبي بقــلبك

ويــن مـوعــــد جمعـــنا وين ذاك المكان
وضــحكــنا الي ضـــحكنا والوله والحنان

تقـلـــب الكــون كله لو تأخرت خــــــطوه
ضعـت مني بثــواني والله دنـيا ما تسوى





أول شيء أشكر كل شخص قيمني


فخر الشحوح, الجارح2003 ، غزالة الجبال، ولهانة زايد :001:

من كم يوم رحنا القرية العالمية
بصراحة كانت طلعة حلوة بس مادري احس هالمرة مول مافيه شيء حلو عشان نشتريه
بس ستكرات الابتوب من صوب البوابة الـ 4 و فراولة بالجوكليت من الايرانية ونمكي من القرية الايرانية والعشا بعد :h_love:


الصور تراها مب شيء لانه الكام خربانة :g_haa:

هالصورة اول ماطلعنا



اول ماوصلنا القرية دخلنا من البوابة الـ 4





كان فيه رزيف صوب القرية الاماراتية شباب اماراتين
صورت كم صورة بس اخترت لكم وحدة ماروم اعدل وايد صور :h_em:



عقب سرنا القرية السورية عشان رهف تاخذ لها بليلة حشرتنا في البليلة
انا كنت باخذ بس للاسف اني كنت لابسة لبس باسناي يعني مااروم اكل الا اذا بطلته :g_chub:
يوم بطلته وكلت البليلة وايد تارسينها بزار بصراحة

هالاثنينة هم الي يبيعون البليلة ويغنون بعد خذت لهم صورة وطلبوا مني صورهم اذا رحت مرة ثانية بعطيهم الصور



وهذي صورة البليلة جنكم في باب الحارة





عقب دخلنا القرية الهندية عشان السمبوسة :h_love:







برا عند مخرج القرية الهندية مسوين مسرح وزحمة هنود حشا بقوة طلعنا :h_em3a9bah:



وهذا الريال لابس لبس مهرجين ويبيع العاب




عقب رحنا القرية الكويتية . . بصراحة وايد روعه جلابياتهم
دخلوا مزاجي بس للاسف ماخلتني اصورهم عطني الايميل وقالت لي بطرش لج على الايميل ان شاء الله اول مااطرشهم لي بحطهم لكم






عقب هالحواطة كلها يعنا بصراحة عاد انا من قبل مااطلع مخبرة رهف اني ابا اتعشى بنفس المطعم الي كنا نتعشى فيه العام ورحنا ندوره بس مول ماحصلناه :h_waa:
اخر شيء حصلنا ومالت عليه ماكان يبيع فلافل بصراحة فلافله غير شكل واسمه بيت جدي
يلسنا وقلنا بنشتري شيء ثاني المهم اتريينا ربع ساعة نص ساعة بس مول
زحمة عنده مايعبر حد اخر شيء واحد شيبه كان مع اهله عصب عليه لانه الشيبه من اكثر من ساعه يالس وهو ماعبره :h_em3a9bah: قلت لرهف قومي نشي خل نروح المطعم الي حذاله بصراحة اكله ماكان يشجع بس كان يبيع فلافل وانا من سنين ماكلت فلافل عشان جيه طلبنا من عنده فلافل وتبولة وعصاير لانه باجي الاكل مايشجع بصراحة بس فلافله روعه بصراحة تاكلون صوابعكم وراها :h_um7yat: بتلاقونه صوب مطعم جدي بس ماعرف شو اسمه نسيت بصراحة اما عصيره ماكان لين هناك وغالي مالت عليه حتى بيت جدي ارخص :g_haa:



وهذا صحني



عقب رحنا بدايتي عشان نزور ام رشودي الي ويانا في منتدى ثاني بس مب هيه الي تبيع يايبة وحدة ثانية تبيع :g_haha:



رهف اشترت عنها كم غرض
وصورت كم صورة وعقب ياه واحد لبناني وهزب الحرمة اونه ليش تخلينهم يصورون :h_em3a9bah: عقب قالت له هذيلا ربع ام رشودي وتم يتحرطم ماسويت له سالفه خليته يولي المهم صورت عشان اطرش الصور لام رشودي

شوفوا هالمصري يوم شافني ماسكة الكام قام يترقص والله حسسني اني يالسة في مصر
يالس يقول لنا تعالوا شوفوا العرض قصينا عليه قلنا له بنروح وبنرد لكم ان شاء الله عشان نتفتج منه :g_haha:



نصيحة محد يدخل القرية المصرية والله ريحتها ارف :g_chub:

اخر شيء رهوف راحت طلبت لها فراولة



اتصلوا فينا القروب الي كانوا ويانا اونه بدا التجمع ويلسنا نتريا اكثر من ساعة ونص صوب البوابة والله قصوا علينا :h_em3a9bah:
يلسنا في الارض والله فضيحة مر صوبنا مطوع اماراتي يلس يضحك :h_m7tarah: انا استحيت على ويهي ونشيت اما رهف شو يقومها عاد تمت يالسة الين تجمعوا كل القروب والله فضيحة :h_embagega:



وهذي كل الحكاية

همسة : ليتني عرفتك بأول العمر بــدري .. وشبعت عيني بالنظر من مـحياك . . نادم على الي راح من وقت عمـري .. الي قضيته دون صوتك ونجـواك :wrd:







​

​

 

[مهرة بلا فارس]

رد: •» بدايۃ الإبداع فڪْرة «•

بسم الله الرحمن الرحيم
{الم(1)ذَلِكَ الْكِتَابُ لا رَيْبَ فِيهِ هُدًى لِلْمُتَّقِينَ(2)الَّذِينَ يُؤْمِنُونَ بِالْغَيْبِ وَيُقِيمُونَ الصَّلاةَ وَمِمَّا رَزَقْنَاهُمْ يُنفِقُونَ(3)وَالَّذِينَ يُؤْمِنُونَ بِمَا أُنْزِلَ إِلَيْكَ وَمَا أُنْزِلَ مِنْ قَبْلِكَ وَبِالآخِرَةِ هُمْ يُوقِنُونَ(4)أُوْلَئِكَ عَلَى هُدًى مِنْ رَبِّهِمْ وَأُوْلَئِكَ هُمُ الْمُفْلِحُونَ(5)}.

صار لي شهرين يمكن ماحدرت المدونة
اشغال الدنيا وراي ومب متفيجة والله كل مااقو بدخل بكتب انشغل ومااحدر المدونة
ان شاء الله بحاول احدرها كل اسبوع مرة :g:

عندي شكثر اغراض ابا ارتبها في الغرفة
بس مول ماشيء وقت :h_9admah:



اوراق العمل و ملفات لازم تتسلم قريب
يالله الله يقدرني واقدر اخلصهم هالاسبوع :h_daleel:

احس انه بشرتي تعبانة
صار لي فترة طويلة ماهتميت فيها
حتى الماسكات كل مرة اشتري وماستخدمهم
متى تخلص المدارس ونفتك بس :g_haa:



أحب اشكر كل متابعين المدونة
واسمحوا لي لاني طولت الغيبة :h_love:

همسة : ألي يصد وهاقي اني الاقيه . . اقطع لساني لو لساني يحكي به . . والي يصد وشاف جرحي مسليه . . عندي حضوره يشبه غيابـه :ha:
​

 

[مهرة بلا فارس]

رد: •» بدايۃ الإبداع فڪْرة «•

ونيت ونه مفزعه
...........خافي الخوافي مفجعه
وجد وغرام اتوالفه
............والشوق يحدي دافعه
شوق الهوا لي من ضوا
..............ماله علاج ولا دوا
لاحلك الله يالهوا
.............قلبي وياك اتمزعه



يسعدلي صباحكم \ مسائكم بكل خير
اشتقت لكم وايد وخاصة لمدونتي الي الغبرة تطلع منها :dkb:

مشكلة والله شكلي بسوي لي بشكارة خاصة للمدونة
تنضفها كل صبح ومساء بدل هالغبرة :212:

شحوالكم \ شخباركم \ شعلومكم \ شومسوين
عساكم طيبين \ مرتاحين \ مستانسين \ فرحانين :Afkr:

اليوم وايد مزعج يمكن لأنه الصغارية باجر ماعليهم دوام
فـ ماشاء الله حشرة من الظهر الين الحين :1577_1186768770:

يالله ان شاء الله مايعطونهم اجازة مرة ثانية
كله ولا صحتي تروح بسبتهم :mf_brucel

الواحد يعيز قبل يومه
شكلي بحجز لي تذكرة لـ سكوتلند وبتم هناك عند ربيعتي كم شهر
يمكن ترتاح نفسيتي ويعتدل المود :mf_fart:

من كم يوم انا يالسة القايلة بريحاتي
والا تدخل علي بنت اختي فديتها وبايدها باقة ورد لي
وجان استحي . . طبعا الباقة بدون مناسبة
وهي كم صورة لها . . كان في الباقة ورد ابيض وبرتقالي
ماعرف اسمائهم عاد :050103nbh





طبعاً بما اني من محبين الورد
فلازم أصور لكم ورد مزرعتي :005:

اقصد مزرعة الوالد وانا رزيت بعمري
ورحت له المزرعة وحطيت وردي عنده :ah:

فديته دايما يسقيهم عني
الا ورد تباع الشمس توفى الله يرحمه :19:





احس اني وايد رغيت بالحجي
الحين بتقولون بنت ناس ماتنداس لغاية :weird:

لا تراني مب لغاية بالواقع
بس تعرفون مدونتي ولازم اكتب فيها :mf_type:

بعد مايصير تدخلون المدونة
وتقرون كلمة كلمتين وتظهرون ffended:

المهم من كم يوم صورت لكم العشا
طبعا مايصير احط رد في المدونة ومايكون فيه صور لأي طبق :^^:





من اليمين فوق الى اليسار اسفل
سلطة البيض . . صينية شاورما . . قرنبيط بالفرن
فتة . . فتوش . . سمبوسة جبنة وسمبوسة خضار :mf_dribbl

تفضلوا حياكم على العشاء
بس لاتكثرون وايد لاني كنت في كارفور قبل كم يوم
وترست الكبت من الشبسات والجوكليت :!WOW!:

بس ماتفيجت اصوره
سواف الله يهديه كل مايدخل الحجرة سبس وسبس
وياكل لقمة ويعقه :mf_argue:

المهم اشكر كل شخص يتابع مدونتي
وعسى ربي يحفظكم :wrd:


همسة : مْشِتًاقْ لٍكْ مُوتْ يَالًلي طَوَلْ غِيَاِبكْ . .ذْبَحْنِي الَشْوقْ وانْتَ عَنَيِ مُو دَارٍي . . أَتَذَكْرَكْ كِلْ يُومْ وَأَموُتْ وأَحْيَا ِبكْ . . وأَقُول ويٍنكْ تَجَي تْسأَلْ عَنْ أَخْبَاَرِيْ :a050:



​

 

[مهرة بلا فارس]

فوع ورود عنابه
............ على خده وجلــبابه
نجوم الليل في ثيابه
............. تحظي شخصه السامي
يفرق فرق في الخرد
............. لي بالطول يــفرد
فوع الجوري مورد
............. في وجنات ٍ انعامي


السلام عليكم ورحمة الله وبركاته
يسعدلي صباحكم \ مسائكم بكل خير

شكر خاص اول شيء لكل المتابعين
وأخص بالشكر
غناتي . . أنا وقلبي

:ax:

ماعرف شو اكتب بالمدونة
بس حسيت اني ضايجة فقلت بكتب اي شيء :frown:

احس هالايام كله ملل ودوم ضيج
الواحد لازم كل شهر يسافر
على الاقل يغير جو ويبعد الضيج والملل عنه :mf_jumpon

من كم يوم الصغارية اجتمعوا في بيتنا
وربشة وحشرة ماشاء الله
عاد من يت حزة المغرب ياعوا
وكل واحد يصرخ نبا كنتاكي
وقبله بيومين كنا طالبين مادري ليش كل الي في البيت
يحبون كنتاكي بس احس انه خلاص ملينا منه
خل يسوون لنا شيء غير :eh_s(6):

يبت لكم كم صورة لسواف
من كم يوم يانا العصر فاستلمته مع الكام
طبعاً هو يستانس على التصوير
بس مثل ماشفتون انه اظافره كانت وسخة
ونصكم علق عليه :1577_1186768770:

انا مانتبهت على ظفوره الين حملت الصور على الجهاز
بس على طول قرضناها له
والي علق على المناكير هو يحب المناكير
دوم يحب يلعب فيه
استخدمت عدسة الزوم بتصويره
ان شاء الله تعجبكم الصور :eh_s(1):

بس مااقدر اكتب اشياء زيادة
لاني اليوم وايد مضايجة
ومالي نفس لشيء وخاطري اروح البحر :a050:


همسة : حبه في الحشا لاظي . . وسيفه قاطع ماضي . . وانا راضي ولا براضي . . على تعذيب الأيامي . . بحر الشوق لطامي . . لجلج موجه الطامي . . لو بالدامن آخاير . . قطع شرع الاولامي :wrd:
​

 

[مهرة بلا فارس]

لو تبجي عمرك ما تحرك شعوري
ما التفت صوبك لو عينك تهل دم

بالأمس دورك تجرح واليوم دوري
باخذ بثاري منك والبادي أظلم

بفرض وجودي بكبريائي وغروري
لأني بشعورك صدق ما عدت أهتم

أصبح وجودك عندي ماهو بضروري
حرماني من عطفك ترى صار أرحم


يسعدلي صباحكم \ مسائكم بكل خير
شحوالكم \ شخباركم \ شعلومكم \ شومسوين
عساكم طيبين \ مرتاحين \ مستانسين \ فرحانين

أول شيء أحب أشكر كل شخص قيمني
واهديهم هالوردة ( :ax: )

غلا الروح
تسلمين فديتج وربي يخليج ويطول بعمرج :

شحي فوق الجبل
مشكور خويي على التقييم :==:

الجارح 2003
ربي يحفظ لك كل غالي وتسلم خويي io:

الصياد
مشكور والمشكلة توايرها خربانة
ولا بحركها كل يوم :eh_s(6):

العيوز
لاتصيحين مب زين الصياح بكل وقت
بس يقولون الدموع تغسل العيون :Afkr:

غيث
شكراً بومحمد
وانا لازم تقيمني عشان اتأكد انك متابع واحط اسمك :^^:


درع القبيلة
شكراً خويي :122:


هذا الاسبوع وايد ملل اصلا طول الايام ملل
مادري ليش انا قبل مول مااحس بالملل بس من دخلت 2010 وانا كل يوم امل
حتى احس اني كله ابا اطلع واغير جو بس للاسف مول ماشيء مرافق للطلعة :bad:

من كم يوم كان عندنا عزيمة وعاد اختي الكبيرة
كانت قايلة لي انش من 5 الفير عشان نخلص الشغل وانا طبعاً صليت الفير
وكملت رقادي الين الساعة 9 وعقب رحت أساعدها في المطبخ :1577_1186768770:

كانت بنت عمي موجودة و الشغالة والشغال
اختي دبستني ويا الشغال عشان نجهز ادوات السلطة والمواعين
وباجي الاشياء كلها من برا ماعدا السويتات بعضها مسوينها في البيت والبعض طالبينها من عند حرمة
كان يوم متعب وايد بصراحة حتى صلاة الظهر اخرتها وايد وماقريت سورة الكهف لانه ماكان عندي وقت مول
كل مااخلص من شغلة اختي تعطيني شغلة ثانية وكل مااقول لها بروح اتكشخ بيوصلون الناس ماتخليني :cry:



الشغال اول مادقت الساعة 11 ونص طلع وراح يسبح لصلاة اليمعة
وانا ازقره واشوفه مايرد اخر شيء ولد اختي قال انه شافه وهو يطلع
المهم حاولت اخلص الشغل بسرعة ولما خلصت دخلت عشان اسبح والا اشوف الناس يالسة
والله اني افتشلت لاني مب لابسة ولا شيء حتى ماسلمت عليهم
قلت لهم بسبح وعقب بسلم يالله المهم عدى اليوم خير :ha:



انا ماقدرت اصور كل الاكل
بس صورت الغوزي وعيش الدياي واللحم فشلة اصور حذال الناس لاه
المهم الصغارية ماخلوا لوز ولا فرصاد ولا تمر هندي
كله الاخضر قطعوه وخلوا البيت زبالة
وياليتهم كلوه يقطعونه ويعقونه والله غميضة بعده ماستوى :h035:

احس اني رمست وايد
حتى الابتوب صار حار وايد الله يغربل الطاولة انكسرت
يبالي اطلب طاولة يديدة لاني مااحب استخدم الابتوب بدون طاولة :212:

المهم شكراً مقدماً لكل متابعيني
من اعضاء وعضوات

همسة: إن تكلمت بغيبتي أو حضوري . . ما همني من هو عليّة تكلم . . أمشي برايك وأنا بمشي بشوري . . لكن يجيلك يوم تبجي وتندم :wrd:

​